This topic contains 3 replies, has 1 voice, and was last updated by 
-
Topic
-
Jæja þá er komið að því að velta þessu fyrir sér! Hvernig er að mixa saman 2 kassa? Þá er ég að spá í hvernig er þetta sett saman, öxlar soðnir saman, drifskaft eða hvað er það sem menn gera þegar þetta er gert. Veit að það eru mjög misjafnar skoðanir á þessu og hinir og þessir sjálfsagt sem segja að þetta sé alger rugl eða að þetta gangi ekki en ég veit að þetta virkar og og er alveg örugglega ekki það vitlausasta sem er gert í þessum jeppabransa. Og líka, hvort eru menn að nota fremri eða aftari sem skiftikassa, ætla sjálfur að nota aftari sem skifti kassa.
Með von um líflega umræðu og svör, Stefán
-
Replies
-
Það er nú annar þráður hérna um þetta, þar sem þetta var rætt fram og til baka.
En það sem skiptir væntanlega mestu máli varðandi leiðbeiningar er hvernig bíl þú ætlar að mixa þetta í.
Ég gerði þetta við V6 Hiluxinn minn, ég er með 2 gírkassa úr V6 bíl, og var nokkuð auðveld framkvæmd, bara handavinna. Ég tók millistykki fyrir millikassa úr V6 bíl og millistykki fyrir millikassa úr 4cyl bensínbíl og mixaði þau saman, renndi innan úr öðru og utan af hinu og sauð þau saman og setti svo styrktarhólk utanum samskeytin og sauð hann saman, ég fjarlægði pakkdósina að aftan á fremri kassanum til að koma styrkingunni á millistykkinu fyrir, millihúsið sem ég smíðaði er þessvegna alltaf fullt af olíu.
Til að skýra þetta betur þá eru sömu rillur aftan á 4cyl kassanum og framan á V6 kassanum.
Það þarf að skera legustautinn framan af aftari kassanum til að stytta öxulinnTengihúsið smíðaði ég þannig að ég byrjaði á að smíða tvær 10mm stál plötur, önnur passaði framan á kassan og hin aftan á.
Ég fékk lánaðan auka kassa svo ég þyrfti ekki að rífa kassan úr bílnum meðan að ég smíðaði tengihúsið. Þegar plöturnar og tengið voru klár setti ég kassana saman og merkti fyrir flatjárnunum sem ég notaði til að tengja plöturnar saman. Síðan beygði ég járnin til og sauð föst uppá rönd á aðra plötuna, svo planaði ég þá plötu bæði þeim megin sem snýr að kassanum og af flatjárnunum. Plöturnar skrúfaði ég svo á kassana (önnur með flatjárnin soðin á og nýplönuð) og setti þá saman og stillti af eins og ég vildi hafa afstöðuna á milli þeirra. og sauð hina plötuna við flatjárnin, tók þetta svo af og fullsauð allt, að hlutatil að innanverðu líka.
Að lokum planaði ég plötuna sem var nýsoðin við, heildarþykktin á tengihúsinu var í kring um 60mm +/-1mm. ég boltaði kassana svo saman með tengihúsinu og 1mm þykkri pakkningu beggja vegna við það svo olían sem óhjákvæmilega fer aftur úr kassanum leki ekki úr tengihúsinuÞað þarf náttúrulega að færa millikassabitann og lengja og stytta drifsköft, gera auka gat fyrir gírstöng og svoleiðis. Fyrir mig var þægilegast að rétta úr hliðarhlykknum sem er á gírstönginni og snúa henni öfugt á kassanum, þá er gírstöngin ákkurat passleg fyrir mig á milli sætanna. ég skar svo stöngina af aftari kassanum og setti millikassa st0ng þar svo það færi ekki milli mála hvor kassinn væri aksturskassinn (þ.e. aftari). Syncroið er aðeins lengur að virka en ég er með 75W/90 olíu á öllu hjá mér. Ef maður ætlar að nota aftari kassann sem aksturskassa þá tek ég nauðsynlegt að vera með 75W/90 olíu á þeim fremri, annars verður ómögulegt að skipta um gír þegar fremri kassinn er kaldur.
Ég tók mjög lítið af myndum af gírkassadæminu, en ef menn hafa einhvern áhuga á að sjá hvernig þetta lítúr út þá er ekki mikið mál að fara út í skúr og taka nokkrar myndir af þessu í bílnum.
ég er heldur betur búinn að álagsprófa þetta, en rétt eftir að ég setti þetta saman fór ég til Eskifjarðar og dró gamlan 38" breyttan GAZ til Reykjavíkur. Ég keyrði upp gamla Hólmahálsinn (áður en veginum var breytt) í háadrifinu og gírkassana í 2-2 og bara í afturdrifinu með GAZ aftan í og þeim varð ekki meint af því, en við settum Gaz í gang upp hálsinn við Vík í Mýrdal og upp Kambana til að leggja ekki svona mikið á Hiluxinn.
Myndir hérna:
[url:2n3z8td7]http://www.facebook.com/album.php?aid=18211&id=1635848940&l=1e75b21884[/url:2n3z8td7]Ég er búinn að keyra bílinn 5-10 þús km með gírkassana og er bara sáttur. Ég setti 4,56 hlutföll í á sama tíma því ég setti 70-cruiser hásingu undir á sama tíma og ég setti kassann í, hlutfallið virðist vera svipað í 4-4 háa eins og það var í 5 háa með 5,71
Kv
Addi
Sæll og takk fyrir þetta, mjög fróðleg lesning. Ég er sjálfur að hugsa um að setja í jeppann hjá mér aukakassa aftan á þann sem fyrir er, er með Suburban á 44 sem er með 3 gíra + extra lágan, verslaði mér 5 gíra kassa með extra lágum líka og það stóð til að setja hann í stað þess sem er í, en gömul hugmynd kom upp aftur að setja hann sem auka kassa. Margir reynt að telja mér hughvarf, eykur bara ákveðni mína í setja þetta í, hehe, þarf að vera öðruvísi! Hef ekki skoðað þetta að ráði, hvernig þetta er hagkvæmast né hvursu mikið mál þetta er, pláss er ekki vandamál hjá mér. Nei líklega er þetta ekki stór vandi, bara að fá réttu hugmyndina og vinna svo í þessu. En ef menn hafa lausnir á reyðum höndum þá er óþarfi að finna upp hjólið eina ferðin enn. Getur þú sett inn tengil á þessa umræðu, fæ ekkert upp í leit hjá mér.
Kv Stefán
[url:mahw2pco]http://www.f4x4.is/index.php?option=com_jfusion&Itemid=228&jfile=viewtopic.php&t=12752[/url:mahw2pco]
Láttu engan segja þér að þetta sé ekki hægt eða að þetta borgi sig ekki, þetta er fyrst og fremst challenge og bráðskemmtilegt þegar þetta virkar vel. En það er höfuðatriði að þetta sé vel smíðað saman, bæði smíðin á tengihólkunum og tengihúsinu. Ég held að Heiðmar sé búinn að fjarlægja þetta úr sínum bíl en hann setti dísel vél í stað V6 háksins, ég hef grun um að það hafi vantað uppá smíðina á tengjunum, en þetta átti það til að hrista boltana lausa í tengihúsinu hjá honum
You must be logged in to reply to this topic.