2.4 efi í 4runner 87

Þeir sem hafa vit á bílvélum eru nánast á einu máli um þessa vél, þetta er afbragðsgóður mótor. Hann er búinn að vera á boðstólum í ýmsum útfærslum í bæði fólksbílum og pickup bílum á þriðja áratug a.m.k. og hefur reynst vel, bæði hérlendis og erlendis. Það fást allskonar aftermarket hlutir til að auka afl og virkni, en algengast er að setja við þá K&N filtera og flækjur og boosta þeir talsvert við það. Einn sem ég þekki er með Hi-Lux árg. 1992 á 33" og original drifum og sá bíll eyðir svona 12 lítrum pr. 100 km í langkeyrslu á þjóðvegi. En ég tek undir með síðasta ræðumanni að ætlir þú að aka á 35" þyrftir þú að vera með drif 1:4,90 eða helst 1:5,29 til að fá sem mest úr út honum. Annars er hætt við að þú "týnir 5. gírnum".
kv

ég þakka kærlega fyrir, þetta er einmitt það sem ég þurfti.
kveðja Arnþór

Já Háfeti gamli er seldur og mun nú hverfa af götunum (eiginlega útaf götunum, þ.e. ryðgötunum). Palli félagi minn í Kára keypti hann ásamt öðrum og ætla þeir að nota hásingarnar undan honum og eitthvað fleira, en selja annað. Palli er á Hilux klafabíl sem hann hyggst breyta í fullgildan jeppa með því að nota framhásinguna og gormasystemið undan gamla.

Arftakinn er diesel og það Land Rover. Eins og ég segi saknaði ég stundum torksins í bensínvélinni en það fæ ég þarna. Auk þess er svo auðvelt að blekkja sig til að halda að dieselinn sé hagkvæmari þegar tankfyllingin kostar ekki nema helming af bensínfyllingunni og ekki nema þrisvar á ári sem maður er minntur á hvernig dæmið er í raun og veru. Dieslinn ferðahvetjandi og það er allavega gott.
Kv – Skúli

Þetta er langur Defender með 4 cyl vélinni (2,5 l), árg. ’97. Verð á þeim er talsvert hagstæðara en á þeim skáeygðu, hægt að fá ágæt eintök af árg ’97-’99 á ca. 1700 þús til 2 millj. Sá reyndar einn ’99 bíl auglýstan á 2,9 millj en það var hjálparsveitarbíll, nánast ókeyrður en með öllum hugsanlegum búnaði (þ.m. NMT og VHF). Þeir eru auðvitað svolítið hráir og pedalarnir eru enn á sínum stað þó flestir aðrir gallar hafi verið lagfærðir. Núna með mjög góða fjöðrun, þessi vél er að koma mjög vel út, henta vel til breytinga, frekar léttir miðað við stærð og lengd og svo það sem ég var ekki síst að sækjast eftir, nóg pláss. Mér sýndist að ef ég hefði keypt sambærilegan japana (sambærilegan hvað varðar aldur, akstur, búnað og pláss) hefði það ekki verið undir 2,5 millj. og sennilega nærri 3. millj.
Svolítið sárt að vera ekki lengur "Toyota maður" en Breska heimsveldið stendur fyrir sínu.

Kv – Skúli

Þetta með öxlana er veikleiki sem hægt er að komast fyrir. Öxlarnir ganga inn í flans út við hjól og einhver gúmmíhlíf þar yfir. Þetta þarf að smyrja vel og reglulega og vill koma slag þarna (öxullinn étur sig lausan í flansinum). BSA flytur hins vegar inn öxla frá Ástralíu sem eru lausir við þessi vandræði og hafa allt annan og betri frágang.

Vélarnar eru svipaðar að rúmtaki, en sú 4 cyl talsvert slaglengri og gefur því meira tork. Hún hentar því okkur sem notum jeppa sem jeppa betur en 5 cyl vélin er sjálfsagt þíðgengari og skemmtilegri í malbiksakstri. Annars lítur togkúrfa hennar svosem ekkert illa út heldur. Báðar eru orginal með túrbínu og millikæli og hægt að bæta við talsvert af hestöflum með því að skrúfa upp olíuverkið (tölvukubbur á fimmunni) og opnu pústi og þá eru þetta orðnar nokkuð sprækar vélar.

Ég held að þeir séu bara nokkuð sniðugur kostur, einmitt ef menn hafa smekk fyrir þessu "tough military look" eins og þú kallar það (réttilega!) og eru ekki að sækjast sérstaklega eftir "smekklegum innréttingum" eins og sagt er í sumum bíladómum og flestir eru farnir að gera mikið útá. Eigum við ekki bara að segja "bílar fyrir karlmenn" >o)

Kv – Skúli