15ára að keira.

-SKO-

ÞETTA ER RUGL

vinur minn og félagi hans fengu lánaðann bíl foreldra félagans þegar þeir voru í sumarbústað og voru að aka þar sem engin umferð var svo fór vinur minn og opnaði hlið og gleymdi að setja á sig belti svo misstu þeir stjórn á bílnum og vinur minn kastaðist útúr bílnum og lést svo að það ætti að svifta foreldra sem leyfa börnum að aka ökuréttindum og hananú………………………………

einn reiður Siggi R-3133

Það á held ég að fara varlega í að alhæfa svona. Einhver gerði eitthvað og eitthvað gerðist. Á þá ekki að fordæma allt sem úrskeiðis hefur farið í mannkynssögunni? Afhverju haldið þið að æfingaakstur hafi verið innleiddur? Af því að í mörgum tilfellum eru foreldrar mjög vel hæfir í að kenna sínum afkvæmum hlutina. Ég held að minn tiltölulega óhappalausi ökumannsferill sé ekki síst pabba sáluga að þakka. Hann var atvinnubílstjóri, og var byrjaður að kenna mér að keyra 5 ára (meðan ég hafði ennþá smá ábyrgðartilfinningu og hlustaði enn á eldri menn) Þetta var náttúrulega alveg jafn ólöglegt og það er nú, en verður samt ekki almenn skynsemi að ráða, eða eigum við að láta ES slétta okkur alveg út með forsjárhyggu reglugerðum. Ef svo, þá þurfum við allavega ekki að hafa áhyggjur af því eftir það að einhver yfir höfuð aki um upp á Skjaldbreið fimmtán eða fimmtugur, það verður allt jafn bannað.
Stráka látum common sense ráða og höfum gaman af lífinu.
Fjallakveðja
Pétur Gíslason

ps
Minn strákur fékk að keyra sleða og bíl og fjórhjól og traktor löngu fyrir aldur, og ég skammast mín ekkert fyrir það. Tel örugglega að það eigi eftir að koma honum bara vel.

Þið félagar gerið ykkur vonandi ljóst hver verður dreginn til ábyrgðar ef krakkinn veldur slysum? ÞIÐ!
Allar bætur vegna slíks verðið ÞIÐ SJÁLFIR að greiða, en hafið í huga að reyndar ekki er hægt að bæta sum tjón.

Mórallinn í pistli frjálshyggjumannsins PBG er heldur ekki til fyrirmyndar, ef honum finnst að lög séu ekki að hans skapi er sjálfsagt að brjóta þau. Hvernig færi ef allir hugsuðu eins?
Er t.d. ekki líka "forsjárhyggja" að menn aki ekki undir áhrifum áfengis eða lyfja og því sjálfsagt að gera það, það hefur margur ekið drukkinn án þess að valda slysum.

Það að LÁNA 14-15 ára gutta bíl til að fara út að leika sér finnst mér vera fullkomið ábyrgðarleysi, ég held að krakkar á þessum aldri hafi ekki þá dómgreind sem þarf til að axla þá ábyrgð. Að 15 ára strákur sé að keyra jeppa á fjallvegi eða á snjó undir leiðsögn og eftirliti foreldra er allt annað mál. Ég byrjaði reyndar að "taka í" hjá foreldrum mínum 13-14 ára á fáförnum sveitavegum og hafði bara mjög gott af því. Ég hugsa að margir sem eru á fyrsta ári eftir prófið séu hættulegri en ég var þá því þeir aka án eftirlits og tilsagnar en eru kannski ekki búnir að ná fullum tökum á akstrinum.

Hitt er auðvitað alveg rétt að þetta er ólöglegt og ekki til fyrirmyndar að brjóta lög. Það hljóta þó allir að viðurkenna að þeir hafa einhvern tíman farið yfir á appelsínugulu ljósi af því þeir sáu engan bíl í nágrenninu (eða jafnvel í fullri traffík) eða að hafa framið álíka lögbrot.
Kv – Skúli

Ég held að menn verði að átta sig á því að það er ekkert svart eða hvítt til í þessu, nema kannski þegar kemur að ölvunarakstri úr því að menn eru að tala um það. En ég held að margir fái sína fyrstu leiðsögn hjá foreldrum eða öðrum sem þekkja mann vel og TREYSTA viðkomandi barni eða ungling fyrir því að aka í lága drifinu á túni eða fjarri mannabyggðum. Sem betur fer. Þetta hefur tíðkast alla tíð og held ég að margt í þessu lífi væri ömurlegt ef allir færu eftir lagabókstafnum í öllu í stað þess að taka eigin dómgreind með í spilið. Náið ykkur í Lögreglusamþykkt Reykjavíkur, lesið hana og þið sjáið hvað ég á við…

Ég byrjaði minn akstursferil löngu áður en ég varð 17 ára, fyrst traktor svo bílgarmur á túni osfrv og er ég þess fullviss að spenningurinn til að gera einhverjar tilraunir með reykspól á götu í Reykjavík sem var hjá mér var mun minni heldur en hjá þeim sem voru loksins að fá ökutæki í hendurnar og höfðu ekkert gert á bíl annað en það sem bókstafstúar-ökukennari hafði leyft, báðar hendur á stýri, ekki gefa í, beinn í baki og með rembihnút í maganum dauskelkaður hugsandi um fallexina umtöluðu sem tæki mann í gegn í prófinu.

Það er mikill munur á því hvar svona er gert, þar kemur að svörtu og hvítu og held ég að hálffastur jeppi í snjó (ég hef allvega aldrei séð jeppa á einhverri ferð í nágrenni Skjaldbreiðar og geri ráð fyrir að þessi hafi verið fastur eða á gönguhraða eins og allir hinir) sé ágæt byrjun eða gott stig í þjálfuninni. Annars er ég sammála PBG og mín börn munu fá sína fyrstu þjálfun hjá mér á stað sem ég veit að öryggi okkar er tryggt.

Ég veit að lög eru lög og allt það, en þau eru sveigð beygð og bogin um allt, og að beygja þetta aðeins er lítið mál. Fyrir utan það að forsjárhyggja stjórnvalda er oft ruglið eitt og þetta mun ekki skána þegar EB sópurinn kemur hingað og bannar ALLT. Það væri rosalegt að mínu mati ef lög væru sem segðu að aðeins þeir sem væru með 10 í stafsetningu á grunnskólaprófi mættu skrifa opinberlega, þá væri lítið um skrif hér, eða hvað ?

Ég verð nú að fá að segja eilítið um þetta mál þar sem stutt er síðan ég fékk bílprófið, eða 2 og hálft ár. Ég byrjaði á því að keyra jeppann hans pabba þegar ég var fjórtán ára. En það var aðeins á fjöllum og beinum malarvegum eða á túni fullu af snjó þar sem ég gat ekki gert flugu mein. En þetta kenndi mér svo mikið sem átti eftir að hjálpa mér þegar ég var kominn á það stig að fara að keyra í kringum börn og fullorðna. Ég hef ekki lenti í einum árekstri síðan ég fékk teinið og ég er ekki að reykspóla eins og hinir vitleysingarnir sem fengu engar leiðbeiningar í æsku.
Svo lengi sem þetta er gert langt frá mannabyggð og í fylgd með fullorðnum finnst mér þetta gera ekkert nema gott. Þannig að þið skulið ekki vera að rakka niður menntun fyrir þá ólífsreyndu heldur hvetja þá áfram en ekki hrekja þá frá þessi gefandi sporti sem fjallamennskan er. Þetta sport er ekki bara fyrir gráhærða!

Kv. Geiri Gúrka

Góðan daginn

Sæll Pétur

Þú misskilur það sem ég skrifaði, ég sagði ekki að ÞÚ værir hlyntur ölvunarakstri, það sem ég var að reyna að benda á er það að ef það á að vera hverjum og einum í sjálfsvald sett að ákveða hvenær á að fylgja lögum og reglum erum við í vondum málum, líka þið frjálshyggjumennirnir þú og Björn Þorri. Ef þú hugsar málið smá stund í rólegheitum hlýtur þú að verða mér sammála.
PS ég hef mætt fjölda löggubíla, án þess að breyta mínum ferðahraða, og aldrei fengið sekt fyrir hraðakstur.

Kv. Grétar

það má ekki þetta og það má ekki hitt…. það eru einhverir 3-4 sem eru alltaf að tuða yfir einhverju sem engu máli skiftir og eitthvað sem þeim kemur alls ekkert við, eins og þessi GGR.. eða hvað sem hann kallar sig.

Mér finnst TÖFF að brjóta lög…. Allavega einhver aukalög sem engu máli skifta.

Menn geta brotið reglur vegna þess að þeir þekkja þær ekki, þeir neyðast til þess vegna aðstæðna o.sv.frv.
Grundvöllur siðaðs samfélags byggir hins vegar á því að almenningur fylgi þeim reglum sem þar gilda. Ef hver og einn á að hafa sjálfdæmi um hvaða reglum hann fylgir er það ávísun á glundroða og upplausn.
Sá sem er þeirrar skoðunar að hann geti valið þær reglur sem á að fylgja er tæplega í aðstöðu til að gagnrýna aðra sem haga sér eins, þegar þeir brjóta á hans rétti.

Afstaða Atla er svo sér á parti. Hann segir "Mér finnst TÖFF að brjóta lög…. ". Nú skil ég ekki alveg orðið TÖFF, en held að þetta þýði að hann telji sig mann að meiri ef hann brýtur lögin.
Ég verð að segja að ef hann á marga sálufélaga hér í klúbbnum er 4×4 ekki sá félagskapur sem ég hélt að hann væri.