This topic contains 6 replies, has 1 voice, and was last updated by 
-
Topic
-
Þó gömlu herforingjaráðskortin (1:50.000) séu góð þá duga þau skammt austast og vestast þar sem þau eru ekki til fyrir Nobeltec svo ég viti!
Hefur einhver:
a. skannað inn kort, t.d. 1:100.000, á þessum svæðum og komið þeim inn í Nobeltec?
b. Komið kortum LMÍ af diskinum þeirra inn í Nobeltec, með eða án þeirra vitundar?
c. Rætt við LMÍ að kaupa af þeim þessi kort á formati sem hentar Nobeltec?Ég myndi glaður borga LMÍ (eða öðrum) fyrir nothæf kort af þessum svæðum sem uppá vantar – er orðinn frekar leiður á að keyra eftir, í sumum tilfellum gömlum, misgóðum útgáfum af 1:250.000
kkv,
B.Rich
-
Replies
-
Sælir
Eftir minni bestu vitund þá standa þessi mál þannig, – að landmælingar og R.Sigmundsson eitthvað verið með þessi mál umræðu, – Best er ábyggilega að fá uppl. hjá R.sig um málið. – Annars held ég að Landmælingar eru með málið í einhverri biðstöðu því þeir óttast ólöglega dreyfingu á kortunum eins og gerðist með fyrri útgáfu þegar nobeltec kom fyrst með kort landmælinga. – Einn og einn keyptu kortin/forritið, – en svo á skömmum tíma voru annar hver jeppamaður kominn með kortin.
Annað varðandi stafræna útgáfu korta frá landmælinum, þá hef ég rætt það við Gunnar sölustjóra hjá LMÍ, og þeirra afstaða er almenn sú að gefa ekki út kort á stafrænu formi öðruvísi en með þeirra eigin dreifingarformi s.s eins og LMÍ diskunum. – Það er gert til að hefta útbreiðslu kortana.
Það sem ég hef t.d gert varðandi það, (með fullu samráði við Landmælingar og með þeirra samþykki), er að fyrir sjálfan mig hef ég tekið upp kortin úr landmælinga diskunum, s.s ný 500.000,250.000 kort, og 100.000 kortin og keyrt með ákveðnum aðferðum inn í OziExplorer – Ég hef einnig útbúið kortin þannig að ekki er hægt að nota þau nema að vera með keypta útgáfu af Ozi (kortin eru ekki til dreifingar).
Ég hef s.s fyrir sjálfan mig fært kortin af diskunum í nothæft form fyrir Ozi. – Það er s.s hægt með töluverðri vinnu í photoshop og fleiri hjálparforritum…
kv.
Marteinn.
Kortin eru dýr eftir því sem maður heyrir…. svo dýr að flestir veigra sér við að kaupa þau.
Ég heyrði um daginn af kortum í Kanada sem yfirvöld þar gáfu út og var dreift og allir máttu nota á þann hátt sem þeir óskuðu sér án þess að borga fyrir. Af hverju er þetta ekki hægt hér?
Smá pæling:
Landmælingar eru reknar af ríkinu og eru væntanlega á fjárlögum með sambærilegum hætti og ríkisútvarpið. Ég væri til í að kaupa eina og eina útgáfu af stafrænu korti af öllu landinu á sama verði og eitt afnotagjald af ríkisútvarpinu, ef ekki er hægt að hafa þetta ókeypis.
Það má líka orða þetta þannig að nú er þörf fyrir stafræn kort á lægra verði eins og þörfin fyrir Rás 2 myndaðist á sínum tíma.
Ég ætlaði þó ekki að tjá mig neitt meira um ríkisútvarpið ég bara skil ekki af hverju þessi kort mega ekki vera ókeypis.Kveðja
Elvar
Sammála Elvar , þessi kort sem landmælingar eru að vinna með, ættu að vera frí og aðgengileg landsmönnum, – við erum nú einu sinni búin að borga okkar skatta(flestir borga skatta allavega), sem standa undir kostnaði við LMÍ. – Frekar súrt að borga 2 sinnum fyrir sama hlutinn.
Þakka upplýsingarnar Marteinn. Mig langar að útfæra hugmynd Elvars aðeins öðruvísi.
Ég geri ráð fyrir að margir væru til í að komast yfir nothæfa útgáfu af 1:100.000 kortunum til notkunar í Nobeltec. Það ég þekki til eru langflestir að nota það forrit þó önnur séu í gangi líka (kannski hugmynd að tékka á því í könnun á aðalsíðu!). En eins og bent er á, um leið og LMÍ gæfu út disk og einn keypti, væri þetta komið á fjölda tölva innan fárra stunda.
Aukningin sem orðið hefur á notkun þessara forrita í ferðamennsku er svipuð aukningu í almennri tölvueign og -notkun landsmanna þó hún sé aðeins á eftir þeirri bylgju og ekkert sem bendir til annars en að þetta ferli haldi áfram. Innan fárra ára verður tölvuborð staðalbúnaður í flestum jeppum og menn fara umvörpum að keyra eftir kortunum, kaupa leiðir eða kópera frá öðrum, kannski án þess að hafa alltaf til þess fulla yfirsýn.
Ég lít því á það að hafa aðgang að bestu kortunum til þess arna sem öryggisatriði fyrir framtíðina og bestu kortin í dag sem ná yfir allt landið eru jú þau gömlu 1:100.000.
Ég geri ekki ráð fyrir að LMÍ séu tilbúnar að gefa þetta, eða ríkissjóður eða aðrir að koma að því, en þar sem LMÍ hafa á seinni árum breyst úr staðri ríkisstofnun í talsvert liprara þjónustufyrirtæki er kannski hægt að finna leið til að ýta við málum.
Ég myndi stinga uppá því að stjórn 4×4 ásamt öðrum félagasamtökum sem þetta myndi nýtast (Slysó, ferðafélögin etc.) að ógleymdum ríkisstofnununum (Landvirkjun, RARIK, OS etc.) settust á rökstóla og fyndu leið til að koma þessu á. Það mætti t.d. gera með fyrirfram pöntun samtaka eða einstaklinga þannig að tryggð væru kaup á ákveðnum fjölda eintaka eða að menn gæfu upp kortnúmer sem mætti taka af þegar afurðin er tilbúin og menn svo fengið disk í pósti. Þannig væri LMÍ búnar að tryggja ákveðna greiðslu fyrir kostnaði áður en ráðist væri í verkið. Áframhaldandi tekjur mætti síðan tryggja með því að bjóða áskriftarþjónustu að uppfærðum kortum og læsa þeim þannig að orginal diskur þurfi að vera til staðar svo þau nýtist. Nú og ef enginn vill kaupa er málið dautt.
Auðvitað verða alltaf einhverjir til að brjóta af sér og stela, en á að stoppa alla framþróun og fórna öryggi út af því?
kkv,
B.Rich
Ég hef það frá sölumanni að haftækni er í viðræðum við LMÍ um að fá að selja kortin með Nobeltec forritinu.
Hef samt ekkert heirt um það í svona 2 vikur.
Ekki ólíklegt, Haftækni og R.Sig eru oft í samstarfi með svona hluti…
You must be logged in to reply to this topic.