11 dagar

Upp með þennan þráð.

Ég er sekur, er ekkert að gera í þessu máli, því er nú andskotans verr. Get þó hent þessum þræði í 1. sæti í smástund…

Ferðafrelsisnefnd er að undirbúa mótmælapóstkort gegn lokunum í verndaráætlun um Vatnajökulsþjóðgarð á vefsvæðin old.f4x4.is sem verður vonandi tilbúið á næstu dögum. Það getur fólk skráð sig á persónulegt mótmælakort og sent til viðeigandi aðila. Þar verður einnig hægt að skrá sig á mótmælaskrá sem afhenda á líklega umhverfisráðherra. Einnig er Ferðafrelsinefnd að undirbúa kynningarblað sem kemur út með fréttablaðinu 22. júní. Þar verður fjallað um þær leiðir sem á að loka í verndaráætlun um Vatnajökulsþjóðgarð.

Við verðum að spyrna við fótum og stöðva þessa óþolandi afskiptasemi ferðaþjónustufyrirtækja af ferðamálum hins almenna íslenska ferðamanns. Sem dæmi verður ferðaþjónustufyrirtækjum heimilt að aka Heinabergsdal með vistir fyrir ferðahópa, sem íslenskum ferðahópum á eigin vegum verður ekki heimilt. Hinn almenni íslenski ferðamaður verður sem sagt að ganga um þetta umhverfi hungraður eða kaupa rándýra ferð af ferðaþjónustufyrirtæki. Hvernig geta íslensk stjórnvöld afsakað svona framferði, þau eru að ganga erinda einkafyrirtækja á kostnað hins almenna íslenska ferðmanns.

Guðmundur G. Kristinsson
Ferðafrelsisnefnd

Ég sendi Facebook síðuna Ferðafrelsi á alla mína vini og hvatti þá til að tengjast þessum baráttuhópi sem þar er á ferðinni. Margir eru nú þegar búnir að tengjast og fleiri eiga örugglega eftir að koma. Ef allir félagsmenn í F4x4 myndu senda sambærilega beini til allra sinna vina gætum við fljótt safnað þarna saman þúsunum aðila sem værú í beinni tengingu við allt sem færi inn á þennan frábæra baráttuvef. Þið getið fundið síðuna með því að setja "Ferðafrelsi" í leit og þegar síðan opnar, smella á texta fyrir neðan myndina "Bjóða fólki að gerast meðlimir" og velja síðan alla vini og senda þetta til þeirra.

Setjið síðan texta í persónuleg skilaboð "Í verndaráætlun um Vatnajökulsþjóðgarð á að loka fallegum ferðaleiðum. Skráðu þig í hópinn Ferðafrelsi og fylgstu með fréttum af málinu!"

Við getum gert kraftaverk ef allir okkar félagsmenn senda öllum sínum vinum. [b:2eng1adp]SÖFNUN ÞÚSUNDUM TIL AÐ STYÐJA FERÐAFRELSI. [/b:2eng1adp]
Guðmundur G. Kristinsson

Kannski er ég bara svona einfaldur….en ég skil ekki alveg hvernig Vatnajökulsþjóðgarður getur þvælst alla leið norður á Vikrafellsleið….þessi nafngift téðs þjóðgarðs er bara yfirskin eitt í því samhengi.

Enn og aftur: Ef það er virkjun, þá er allt í lagi að smella nokkrum hundruðum ferkílómetra undir jökulframburð og viðbjóð. En að leyfa einhverjum að ferðast um það sem eftir er á öðru en löppunum er stórglæpur.

Það fer að verða spurnig hvort hömlur verða settar á umferð gervifóta um herlegheitin. Það gæti verið túlkað sem tæknilegur ávinningur og því bannað.

Hugsum aðeins til öskufoksins sem lét á sér kræla nýlega á SV-horninu. Þegar jökullónin verða orðin full af drullu er akkúrat það í boði þegar hreyfir vind. Framkvæmdaaðilar virkjana hafa ekki verið krafðir um úrræði vegna þessa hingað til af einhvejum orsökum, þrátt fyrir skýrar hönnunarforsendur virkjanakostanna. Einhverjar málamyndaumræður um upphreinsun hafa komið fram en ekki nefnt að það er eitthvað sem myndi leggja arðsemi virkjananna á hliðina.

Það má ekki misskilja mig þannig að ég sé alfarið á móti vatnsaflsvirkjunum, heldur vil ég benda á ókostina í tíma, og leggja áherslu á að það sem eru skammtímahagsmunir framkvæmdaaðila um hreint, vel út fallið vatn eru ekkert endilega hagsmunir barnanna okkar.
Skítugt jökulvatn á að fara út í sjó en ekki breiðast um verðandi foksvæði. Takk.

Núna er ég kominn í hring sem ferðafrelsis-stuðningsmaður en um leið gagnrýnandi á framkvæmdir á hálendinu. En fer það ekki bara ágætlega saman?

kkv

Grímur

Sælir félagar.

Það eru ekki allir á Facebook, Klúbburinn ætti að standa fyrir skráningu líkt og "Indefence Iceland" samtökin stóðu fyrir varðandi Icesave mótmælin.
Vefnefnd ætti að hrista sambærilegu fram úr erminni eins og ekkert sé.
Nú eru aðeins 8 dagar til stefnu til að mótmæla, (lokun Vonarskarðs, lokun Dyngjufjallaleiðar nyrðri o.s.frv.) Mæli með að sett verði upp einhverskonar skoðanakönnun sem hinn almenni félagi geti krossað við sína skoðun.

Kveðja,
Elli.

Gott mál Jón.

Síðasti fundur okkar var í kvöld. Nú á einungis eftir að prófarkalesa athugasemdirnar og senda ykkur (ferðafrelsisnefnd móðurfélagsins) vonandi fyrir helgi til athugasemda. Ég er fyllilega sáttur við okkar niðurstöður (skiptar skoðinar hafa verið á leiðum eins og vera ber), en að mínu viti höfum við tekið fyrir allar þær leiðir sem skipta máli.

Vona að aðrir hópar verði klárir með sín mál fyrir Jónsmessu (hátíðisdag bænda).

Kveðja
Elli.

Verndaráætlun um Vatnajökulsþjóðgarð er opin fyrir athugasemdum til 24. júní n.k. Í henni er gert ráð fyrir lokun á leið um Heinabergsdal. Ef þú villt mótmæla þessu, fylgstu þá með næstu daga hér á vefnum. Það er verið að undirbúa MÓTMÆLAPÓSTKORT OG MÓTMÆLASKRÁNINGU sem mun birtast hér á vefnum seinna í vikunni. Þar geta félagsmenn sent persónuleg mótmælakort og skráð sig á mótmælalista sem afhentur verður viðeigandi aðilum. Við munum á næstu dögum birta hér fréttir um þær leiðir sem lokað verður samkvæmt verndaráætlun um Vatnajökulsþjóðgarð. KYNNINGARBLAÐI um þessar leiðir mun síðan verða dreift með Fréttablaðinu þriðjudaginn 22. júní (næstu viku).
Í verndaráætlun um Vatnajökulsþjóðgarð segir:
“Heinabergsdalur á Mýrum liggur austan Heinabergsjökuls. Dalurinn er auðveldur yfirferðar og nokkuð gróinn. Vegur liggur inn miðjan dalinn og er hann notaður við smalamennsku og hreindýraveiðar. Innst í Heinabergsdal sést niður í Vatnsdal og er það stórbrotið útsýni. Vatnsdalur er hrjóstrugur og grófur og landmótun jökuls og vatns er áberandi. Vatnsdalur er hrjóstrugur og grófur og landmótun jökuls og vatns er áberandi. Mikil hlaup hafa orðið úr Vatnsdal en hlaupin hafa þó minnkað til mikilla muna í seinni tíð. Volg laug er innst í Vatnsdal. Í Heinabergsfjöllum eru margir áhugaverðir staðir fyrir göngufólk, svo sem tindurinn Humarkló.” [size=150:7jhxjyzy]Síðan kemur þetta:
“Umferð vélknúinna ökutækja um veg inn Heinabergsdal er aðeins heimil smalamönnum, hreindýraveiðimönnum og ferðaþjónustuaðilum sem þurfa að aðstoða gönguhópa í skipulögðum ferðum samkvæmt fyrir fram útgefinni ferðaáætlun”.

Það sem vekur athygli er að bílar á vegum ferðaþjónustufyrirtækja með vistir fyrir göngufólk, er leyft að keyra veginn inn Heinabergsdal. Samkvæmt þessu verður eina leiðin til að komast inn dalinn að kaupa ferð hjá þessum fyrirtækjum. Íslenskum sjálfstæðum gönguhópum verður ekki heimilt að fara inn á þessar leiðir með vistir. [/size:7jhxjyzy]

en við þessi fótalúnu hvað gerum við ?