1000 Bíla ferð.

Sælir heyrði í félaga mínum áðan þeir fóru á skjaldbreið og mér var sagt að færi og veður hafi verið eins gott og gæti verið en ein velta varð á skjaldbreið

kv: Davíð R-2856

Ég var að setja nokkrar myndir inn frá ferðinni í dag, þ.á.m. af Toyotunni sem valt. Mér þykir ólíklegt að hún hafi verið á ferð með 4×4, enginn virtist kannast við bílinn. Og bílstjórinn var horfinn þegar við komum þarna að.

Frábært veður í dag, færi fyrir Subaru Forester langleiðina upp að Skjaldbreið. Svolítið þungt færi á leiðinni upp, enda einhverjar Toyotur og Patrolar að festa sig og Pajeroar að affelga….

Fjallakveðja,
Beggi

..það var nú meiri ferðin á þér góurinn þegar þú og Gummi Hæ hentust þarna fram úr hópnum. Er þetta mottóið í túristakeyrslunni? Að skila aumingja útlendingunum í bæinn aftur "shaken but not stirred"?

Annars skil ég af hverju þessir Datsunar eru notaðir í þessa túristakeyrslu, það er svo gott að keyra þá á malbikinu…

Annars skaltu ekkert vera að ibba þig, þú áttir að vera þarna með okkur í dag en tókst þessa túrista fram yfir okkur. Ég sem ætlaði að láta frúnna spyrna við þig….

Jæja, farinn á Kringlukránna…

Beggi :o)

p.s. Öl er böl. Patrol líka.

Davíð, ég veit ekki hvað þér var mikil alvara í að veltuvagninn væri til sölu en ég er að leita af svona bíl í slátur, hafðu samband í 897-2461, Stefán

Þið félagar Davíð og Davíð ættuð að ferðast í sama bílnum, þannig eyðileggið þið bara einn bíl í hverjum túr.
Davíð dekkjakall, nú er þitt tækifæri komið að fá þér Toyotu úr því að sá blái er orðinn sibbinn…………..
kveðja úr sveitinni sígrænu MOSO.
Palli P.

Já það er spurning að fá sér eina alvöru toyotu svona fullvaxta (lengda eins og þú ert með pallip)

en gæti farið svo að maður geri bara leiktæki sem maður getur þjösnast á úr cherokee????

Davið Veltikall…..
mosó..

Jamm ég set markið á að kaupa mér fullbreytt að þessu sinni, maður er búinn að hamast nóg í gamla rauð. Það eru nokkrir góðir á höfðanum.

Er annars ekki málið að stofna stuðningshóp fyrir menn sem velta bílunum sínum, ég (Davíð bensín) og Davíð dekk getum verið formenn!!

En það er alveg ótrúlegt að við skulum báðir velta á svipuðum slóðum, sama dag, vinnum á sama bílaplani og heitum báðir Davíð! Það hlítur að vera rétt sem fram kom áður að þetta ver ekki Davíðs dagur, að minnsta kosti ekki okkar.

Kv. Davíð

Voru það þúsund bílar sem fóru í 1000 bíla ferðina?

Sælir félagar.

Jæja nú er kominn mánudagur og loksins er maður að fá máttinn aftur, eftir stuttar svefnnætur síðustu viku. Ég held að ég tali fyrir hönd okkar allra og segi að þessi dagur hafi heppnast eins vel og hægt var að hugsa sér. Við náðum þó ekki 1000 bílum en get þó staðfest það að um og yfir 600 bílar voru í þessari ferð með okkur. Þá er ég búinn að telja alla frá 4×4, það fólk sem kom á brottfarastaðina (og fór í bíltúr) og einnig þá sem höfðu samband við mig á laugardeginum og voru á eigin vegum td upp á Langjökli og víðar. Þar voru nokkrir hópar sem ætluðu að koma í Kringluna, en það var svo gaman upp á jökli að þeir hættu við að koma tímanlega í bæjinn.

Mig langar að nota þetta tækifæri og þakka öllum þeim sem lögðu hönd á plóginn til að þessi ferð gæti orðið að veruleika. Sérstaklega Benna Eyjólfs, Heiðari, Helgu og Gumma hjá B & L, Jóni Trausta og félögum í Heklu, Sigþóri og hinum hjá IH og skálanefnd 4×4 (og vinum þeirra) sem voru flottir í Kringlunni með kranan hans Gulla 40 metra upp í loft. Bræðurnir Friðrik og Sveinbjörn voru öflugir að vanda og þeirra hópur einnig. Aðrir staðarstjórnendur (Jói Jó MMC, Jói blikk Nizzan, Maggi Sturlu Land Rover …) og hópstjórar sanna það, að það sem klúbburinn tekur að sér, er gert með stæl.

Sérstaklega skal þó minnst á þá sem lögðu til aur í púkkið (beint til 4×4), svo ferðin gæti orðið að veruleika. Skeljungur lagði til góða upphæð sem átti að standa straum af auglýsingum á Bylgjunni og skaffaði okkur límmiðan góða og lagði til kerru undir loftpressur. Kringlan greiddi okkur upphæð sem stóð undir öðrum kostnaði. Takk kærlega fyrir.

Hekla lagði til sendibíl allan föstudaginn til að sækja búnað og Flytjandi lagði til sendibíl á laugardeginum undir súkkulaðið og snúðana. Reynir og Kjartan á Hótel Loftleiðum útbjuggu súkkulaðið sem Nói Síríus gaf okkur og var þessi drykkur alveg ótrúlega góður (og var heitur allan daginn). Mjólkursamsalan lagði sitt af mörkum, lét okkur hafa mjólk á mjög góðu verði og lánaði tanka undir herlegheitin. Kexsmiðjan seldi okkur snúða á góðu verði og Borgarhella lét okkur hafa pappaglös. Síðan skiluðum við öllu því sem var í heilum pakkningum.

Stelpurnar sem sáu um allt í Kringlunni, voru frá Vesturlandsdeild og eins og þeim er von og vísa stóðu sig flott og ætluðu meira að segja að sjá um að laga Súkkulaðið, ef enginn annar hefði fundist. Alvöru stelpur !

Setrið okkar var enn stærra og vandaðra en venjulega og þar komu margir að með styrktarlínur og auglýsingar, þannig að sá kostnaður við að gefa það út í stærra upplagi stendur undir sér. Ritnefndin og Litla Prent stóðu sig með prýði, eins og búast mátti við. Einnig útbjó Biggi fyrir okkur miða í alla undanfara bíla.

Vífilfell gaf okkur gos til að láta starfsmenn ferðarinnar hafa og Ásbjörn Ólafsson gaf íste og fl í alla bíla sem ræstu frá Kringlunni.

Ég er örugglega að gleyma að nefna einhverja og man td nú eftir Bylgjumönnum, sem stóðu sig vel í þessu samstarfi.

Einnig er hægt allmennt að tala um þessa fínu heimasíðu okkar, sem gegnir stóru hlutverki í uppákomu sem þessari. Vefstjóri á heiður skilið að þessi síða er sem hún er.

Bestu kveðjur,

Palli.

ps. Nú er bara að klára 4ra ferðahelgina…..

P