10.000 manns á hlaupum í borginni í morgun…..??

Við fórum með guttann í latabæjarhlaupið. Þar voru á bilinu 4 til 5 þúsund börn (innan við 11 ára) skráð og held ég að það sé óhætt að margfalda það með 2-3 þar sem foreldrar voru með og í sumum tilfellum væntanlega fleiri eins og systkini og jafnvel ömmur og afar. Langt áður en þeir síðustu lögðu af stað voru þeir fyrstu komnir í mark (þetta var 1,5km).

Þá myndaðist mjög löng biðröð við markið þar sem keppendur ætluðu að taka út verðlaunapening. Eftir einhverja bið, þá sá starfsfólk hlaupsins í hvað stefndi og brunaði af stað með heilu kassana af verðlaunapeningum og voru hlaupararnir í löngu biðröðinni sem voru orðinir misþreyttir og órólegir leystir út með þeim.

Þáttakan í þessu var mögnuð, og kom væntanlega skipuleggjendum á óvart (hefði kannski ekki átt að gera það). Þetta fólk sem að þessu stóð á þó hrós skilið fyrir vinnuna, og hvernig þau leystu þessi mál fljótt og örugglega.

Magnús Scheving á heiður skilið fyrir "Íþróttarálfinn" og skil ég ekki því hann hefur ekki hlotið fálkaorðu fyrir. Þetta ‘concept’ hans er ekki bara að fá okkur íslendinga til að hugsa betur um mataræði, hreifingu og heilsu, heldur er þetta ‘concept-ið’ orðið ‘worldwide’.

Nú er bara að hvetja bóndann á Bessastöðum til dáða, en samkvæmt heimasíðu forsetaembættisins þurfa að koma inn tilnefningar. Þær þurfa að vera með skriflegum hætti og undirritaðar. Ekki er tekið við tilnefningum með rafrænum hætti (og það er árið 2006!).

Nú er bara að setjast niður, rifja upp hvernig maður skrifaði bréf í ‘gamla daga’ og rita nefndinni bréf.

Eftir að hafa skoðað tilnefningar á heimasíðu embættisins þá á Magnús skilið stórkross.

Splæsið í eitt eða tvö blöð og svo umslag, æfið ykkur í skrift og toppið þetta með að láta út fyrir frímerki.

Senda þarf póstinn á Orðunefnd, Sóleyjargata 1, 101 Reykjavík.

Nánari upplýsingar á heimasíðu [url=http://www.forseti.is/Forsida/Falkaordan/:oh1vsisx][b:oh1vsisx]Bessastaðarbónda [/b:oh1vsisx][/url:oh1vsisx]

kv,
Bjarni