Er sjálfur fæddur og uppalinn í sveit en hef aldrei prófað þetta. Flutti kannski of fljótt á mölina en það spurning að prófa þetta í vetur í sveitinni 
Eitt verður þó að taka inni í reikninginn og það er verðið á svona tækjum, en það getur hlaupið á tugum milljóna fyrir nýja vél. Sá eina 2007 Case á 6,5 m.kr notaða.
Þá er líklegra ódýrara að breyta jeppa í alvöru fjallabíl fyrir ca. helminginn af verði svona dráttarvélar (sem dæmi var 54" notaður RAM á ca.15 m.kr. á bílasölu og hann kemst næstum allt).
Annað er farþegafjöldi en í stærri vélunum væri hægt að koma 1 farþega með en það er enginn lúxus þar á ferð.
Einangrun er þriðja en yfirleitt eru húsin aðallega glerhús og því erfitt að halda þeim heitum í miklum kulda, sérstaklega þar sem miðstöðvarnar eru ekki þær öflugustu.
Því þyrfti að breyta þeim og bæta nokkuð, bara til þess að halda hita í húsinu.
Vissulega myndu svona vélar henta í sérhæfðari verkefni, s.s. björgunar- og rannsóknarstörf. Eins myndu þær örugglega nýtast vel sem undanfari í ferðum í þungu færi (aftur björgun eða rannsóknir).
Skemmtileg pæling engu að síður.