Sæl veriði !

Minnum á félagsfund 5. febrúar kl: 20:00 í Karlakórsheimilinu, Eyravegi 67 á Selfossi. Á fundinum verður kynning á nýju Good Year dekki frá Heklu og skrúfnöglum.

Þá verður tekið við skráningum í Þorrablótsferðina í Setrið helgina 9-10. febrúar. Gott að menn grípi með sér pening og greiði. Áætlað þátttökugjald sem er kr 3,500 pr félagsmann með greitt félagsgjald. Ekki verður rukkað fyrir börn. Klúbburinn útvegar þorramatinn en engin drykkjarföng. Ekki verður boðið upp á pylsur á sunnudagsmorgun. Séð verður til þess að kaffi verði á könnunni.

Svo vantar auðvitað þorrablótsnefnd og einhver gamanmál og ýku-og þvælusögur. Kannski að slá saman í sönghefti, „Nú er frost á fróni“ o.s.frv. Ferðatilhögun og blótið nánar rædd á félagsfundinum.

Fylgist nánar með þróun mála spjallrásunum á fésinu og f4x4.is. Þar er einnig hægt að skrá sig.

Staðfesta þarf pöntun á Þorrablótsmat á fimmtudagsmorgun, þannig að skráningu lýkur á miðvikudagskvöld.

Sælir félagar og gleðileg jól.

Var að heyra í Binna. Reynt var að fara í Sultarfitina í vinnuferð 9. desember s.l. Er skemmst frá því að segja að þeir urðu frá að hverfa þegar um 10 km voru eftir inn í hús. Aðstæður voru þannig að þunn skel var á snjónum og púður undir. Á ferð voru Binni, Gústi, Veigar og einhver einn enn. Þeir fóru upp hjá Klett og nægur snjór var kominn á brúninni og jörð vel frosin.