 |
FERÐAKLÚBBURINN 4X4 |
|||
| Menu | ||||
Hið heimsfræga Bílabingó verður haldið með hefðbundnu sniði í Setrinu helgina 20-22 febrúar.
Skráning í ferðina er hér http://goo.gl/forms/Yqj8mzdQQK. Athugið að svefnpláss eru takmörkuð þannig að fyrstur kemur, fyrstur fær.
Dagskrá er í grófum dráttum að bingo hefst kl. 14 á laugardeginum, um kvöldið er svo fjallalamb og kvöldvaka til kl 23. Á sunnudag er ræs kl 9 og lagt af stað heim eigi síðar en kl 11
Nánari upplýsingar um ferðina: Bingóferð í Setrið 2015
Hið árlega jólakakó verður útbúið af jeppastúfi og verður gefið þeim sem mæta á opið hús upp á Eyrhöfða á föstudagskvöldinu kl. 20:00, einnig mun skemmtinefndin gera eitthvað uppbyggilegt og einnig verður eitthvað góðgæti til sölu.
Jólaföndur verður á sínum stað, allanvega ekki upp á Höfðanum……..
Sjá: https://old.f4x4.is/events/jolafagnadur/
Kveðja
Skemmtinefndin
Í tilefni 31 árs afmælis Ferðaklúbbsins 4×4 býður klúbburinn félagsmönnum að koma upp á Höfða á föstudagskvöldinu frá kl. 19:00 – 24:00. Boðið verður upp á Búlluborgara meðan þeir endast og gos frá Vífilfelli. Þeir sem vilja eitthvað sterkara geta nýtt sér það að um leið og afmælisveislan verður mun skemmtinefndin verða með bjórkvöld með hefðbundnu sniði.
Hvet alla sem þátt tóku í stórferðinni að kíkja við og fara yfir ferðina og segja öðrum frægðasögur af sér og bíl sínum í ferðinni. Hver dreyf best, hver fékk besta dráttinn og oftast, hverjir voru óheppnastir og hverjir voru skemmtilegastir. Það er af nógu að taka eftir frábæra ferð nú er að setja saman góðar ferðasögur og muna að það er hægt að eyðileggja góða sögu með sannleikanum…
Kveðja
Stjórn og Skemmtinefnd.
Árshátíð Ferðaklúbbsins 4×4 verður haldin í Ölveri í Glæsibæ laugardagskvöldið 3. Nóvember næstkomandi.
Sjá nánar í þessum þræði hér á spjallinu.
Næsta föstudag verður haldið bjórkvöld í húsakynnum félagsins að Eirhöfða 11. Bjórinn verður seldur á vægu verði eins og vant er.
Húsið opnar kl. 20:30 og mun hófið standa allt til því lýkur :-/
Um að gera að láta sjá sig á þetta síðasta bjórkvöld á yfirstandandi starfsári.
Skemmtinefndin.
Skemmtinefndin.
Fyrsta bjórkvöld vetrarins verður haldið næsta föstudag eða þann 16. september í húsakynnum félagsins., þetta verður með svipuðu sniði og undanfarin ár og ROSALEGT stuð.
Thule og Viking á vægu verði eins og vanalega, húsið opnar kl. 20:00 og stendur þangað til því líkur.
Skemmtinefnd
Sumarhátíð klúbbsins verður helgina 15-17 júlí að Hólaskóg (Þjórsárdal).
Hólaskóg þekkja flestir hjá klubbnum vel, en kanski færri komið þarna að sumarlagi og kynnst sumarhliðinni á staðnum. Á staðnum er boðið upp á svefnpokaaðstöðu og eins er tjaldsvæði á staðnum.
Nánari dagskrá verður gefin út þegar nær dregur, en gert er ráð fyrir að fólk sé að tínast á staðinn á föstudagskvöldi og heimferð sé á sunnudag.
Nánari upplýsingar um Hólaskóg: http://www.obyggdaferdir.is/Holaskogur/Forsida.aspx
Skemmtinefnd klúbbsins, sem skipuð var af síðustu stjórn félagsins (og sammþykkt af nýrri stjórn eftir mikin þrýsting fyrri stjórnar), hefur komið saman tvisvar sinnum og farið yfir stöðu mála.
Á fyrsta fundi nefndarinnar sem haldinn var í Ölveri í Glæsibæ var skipað í nefndina. Formaður var valinn Einar Sólonson, aðrir fengu engin störf að svo stöddu þar, sem formaðurinn var fjarverandi. Annað var ekki ákveðið að sinni.
Annar fundur nefndarinnar var haldinn miðvikudagskvöldið 1. maí 2011. Þar mætti formaðurinn færandi hendi með veigar sem dugðu vel í mannskapinn. Var nú skiða ístörf fyrir nefndina.
Eins og áður var getið var Einar sjálfskipaður formaður. Ágúst Birgisson var gerður að ritar (mjög hefðbundið jobb fyrir Gústa þar sem hann er blýantsnagari af guðs náð), Logi Ragnars var gerður siðgæðisverði (þarf þegar farið verður að skoða hljómsveitir) , Guðmundur Sigurðsson var gerður að skjalaverði (þarf að geyma fullt af pappírum frá Gústa), Kristján Gunnarsson var gerður að Butleri (grillar ofaní nefndina þegar fundir eru) og Sveinbjörn var gerður að birgðarverði (þarf að passa upp á að nægar birgðir séu þegar fundir eru haldnir).
Þessi annar fundur skemmtinefndar var mjög strembinn og var mikið rætt og skoðað það helsta var að fyrsta bjórkvöld var ákveðið föstudagskvöldi eftir fyrsta fund félagsins í september. Árshátíðn verður á sínum stað á réttum tíma á góðum stað. Hljómsveitina á eftir að finna og mun skemmtinefndin fórnasér í að fara niðurí bæ einhvert kvöldið og þræða skemmtistaðina í leit að góðri hljómsveit. Þetta starf getur tekið smá tíma en upplýsingar verða settar inn þegar þar að kemur.
Fundurinn sem hófst kl 19:00 var slitið kl 1:30 við mikin fögnuð fundarmanna.