Forum Replies Created
-
Replies
-
Það hefur hvarflað að mér hvort einhver læti, s.s. sprengingar inn í soggrein hafi orðið þegar bíllinn var að hökta á síðustu dropunum. Ein slík sprenging gæti vafalaust gert einhvern óskunda, kálað pakkningum eða hugsanlega beygt öxulinn á inngjafarspjaldinu.
Ég var að hugsa um að taka stóru loftslönguna af inngjafarhúsinu og setja eitthvað þétt lok fyrir þ.a. ekkert loft komist þá leiðina inn í soggrein. Ef hann heldur áfram að ganga þannig þá er hann að fá inn loft um einhverja leið sem ekki á að vera opin. Þá væri reynandi að blinda slönguna inn á bremsukútinn og allar hinar litlu slöngurnar, eina af annarri.
Ef kvikindið heldur áfram að ganga með alla stúta lokaða þá er fátt eftir nema pakkningarnar, greinarpakkningin inn á heddið og væntanlega eru líka pakkningar á innspítingarspíssunum – er einhver sem þekkir þetta ?Er annars nokkuð að því að prófa að loka fyrir inntak á inngjafarhúsinu og væntanlega kæfa þannig á bílnum ? Nokkuð sem er líklegt til að skemmast við það ?
Kv.Ágúst
Ég er búinn að tékka vakúumslönguna sem liggur í vélartölvna, taka hana frá og blása í hana svo hún er allavega ekki lengur stífluð.
Hefur einhver reynslu af því að sé leki inn á soggreinina, sem gefur falskt loft. Myndi slíkur leki ekki einmitt virka eins og hóflega opið inngjafarspeldi og vélartölvan væntanlega bæta aðins í bensínflæðið til spíssanna til að halda eðlilegu lambda gildi ?
Hefur nokkur reynslu eða skoðun á þessari tilgátu ?
Ágúst
Hægagangsventillinn er nýr. Ítalirnir skiptu um hann með tilheyrandi reikningi.. Ég prófaði að aftengja slönguna og setja puttann fyrir inntakið á honum. Það skilaði sömu niðurstöðu og þegar rafleiðslan var aftengd.
Ágúst
Þekkir einhver þessi sjúkdómseinkenni í VW transporter með 2 lítra bensínvélinni:
Hægagangurinn er allt of hár og sveiflast í sífellu, líkt og verið sé að botgefa vélinni á einnar til tveggja sekúndna fresti eða svo. Undir álagi er hins vegar allt eðlilegt, jöfn og góð vinnsla og bensíneyðslan viðunandi.
Þegar ég aftengdi rafleiðsluna í hægagangsventilinn (hann hleypir inn lofti fram hjá inngjafarspeldinu til að stilla/hækka hægaganginn) þá hættu sveiflurnar, en tómagangur var alllt of hár, sennilega langt yfir 2000 snúningum. Með því að slaka á endastoppskrúfunni fyrir inngjafarspeldið tókst mér að fá tómaganginn niður á eðlilegar nótur og stöðugan svo lengi sem rafleiðslan í hægagangsventilinn var ótengd. Ef ég tengdi ventilinn á ný byrjaði tómagangshraðinn aftur að sveiflast svo ég hef hann nú ótengdan.
Ég hef ekki hugmynd um hvort CO gildin eru innan marka, né bensíneyðslu eftir að ég gerði þessar breytingar. Ekki hefur heldur reynt á það hvernig vélin hagar sér í vetrarkulda.
Þess vegna óttast ég að sjálf orsökin sé ekki fundin og vil gjarna fá öll sérfræðiálit, ábendingar og reynslusögur af svipuðum tilfellum, sem hugsanlega geta hjálpað mér að finna og gera við bilunina.
Til frekari glöggvunar má geta þess að þetta er húsbíll, sem gekk vandræðalaust þangað til dóttir min varð bensínlaus á honum í Róm á síðasta hausti. Í millitíðinni eru færustu VW-sérfræðingar á Ítalíu búnir að liggja í honum, en árangurinn lítill fyrir utan reikninga fyrir vinnu og varahluti. Nú er bíllinn aftur kominn heim til Íslands og bíður endanlegrar viðgerðar fyrir utan bílskúrinn minn.
Vinsamlegast skjótið á mig öllum reynslusögum af viðgerð á svipuðum bilunum og öðrum upplýsingum sem kunna að hjálpa eða vísa veginn að lausn málsins.Ágúst
Eru engin takmörk fyrir forsjárhyggjunni ??
Ég vil benda á að það eru allmargir félagsmenn í þessum klúbb með tilskilin réttindi og kunnáttu til að eiga og nota amatörstöðvar, t.d. undirritaður.Ef einhverjum dytti í hug að auglýsa flugvél eða bát seem þarf próf til að stjórna – ætlar stóri bróðir þá að grípa aftur inn og eyða auglýsingunni ? Hvar eru mörkin ???
Ágúst Ú Sigurðsson
Ég er búinn að eiga einn svona í nokkur ár og hef hreint ekkert slæmt um hann að segja.
Að vísu er þetta ekki bíll sem menn horfa eftir með lafandi tunguna, hann er hvorki nýmóðins, sparneytinn né kraftmikill. Hann er byggður upp úr gamla Pajerónum og sumir hlutir passa á milli, helst stóru hlutirnir svo sem hurðirnar og vafalaust vélin í heild, en flestir smærri hlutir eru aðeins breyttir.
Það er lítið mál að setja hann á 33 tommu dekk og með einfaldri boddýhækkun á 35 tommur.
Ég hef ekki gert mikið af því að skælast á honum á vegleysum (enda bannað), en hingað til hefur hann alltaf skilað mér vandræðalaust á leiðarenda.
Vona að þetta hjálpi þér að meta hvort þetta sé rétti bíllinn fyrir þig.
Þú mátt líka hringja og spjalla.Ágúst s. 6910078
Bensínverð í Austurríki = 1,334 * 116,40 = 155,28 kr lítrinn.
Lægsta bensínverð skv. GSMBENSIN.IS er nú 155,20.
Tilviljun – eða hvað ????????
Wolf
Bensínverð í Austurríki = 1,334 * 116,40 = 155,28 kr lítrinn.
Lægsta bensínverð skv. GSMBENSIN.IS er nú 155,20.
Tilviljun – eða hvað ????????
Wolf
Ég hef lesið eitthvað í Diesel Power um gasgjöf á díselvélar og það var að þrælvirka hjá þeim. Þó verður að tryggja að það fari ekki á vökvaformi inn á vélina því þar með er heddpakkningin farin og e.t.v eitthvað fleira í leiðinni.
Ég prófaði eitt sinn að láta gas leka í litlum mæli inn á loftinntakið í pæjunni minni. Hún þáði það með þökkum og herti hægaganginn verulega þegar það var hæfilega mikið.
Annars er verðið á grillgasi yfir 3000 kall fyrir 9 kílógrömm og ca. tvöfalt hærra en díselolían, sem má hækka mikið áður en það fer að verða hagkvæmt.Ágúst
Ég fékk fyrir nokkru viðskiptakort hjá Skeljungi í von um að lækka eldsneytiskostnað fjölskyldunnar.
Afsláttarreglurnar hjá Skeljungi eru dálítið flóknar og miðast við fullt þjónustuverð og var ég því dálítið efins um að hér væri raunverulegur afsláttur í boði.
Til að fá 100% samanburð þá skráði ég hjá mér útsöluverð (dæluverð) á nálægri EGO stöð á sama tíma og ég fyllti tankinn hjá Skeljungi og bar svo saman við mánaðaruppgjörið frá Skeljungi, sem mér barst í dag.
Ýmist keypti ég bensín eða Díselolíu og var verðmunurinn alltaf sá sami, rétt um 6 prósentum lægra verð með viðskiptakorti Skeljungs en dæluverðið hjá EGO.
Ég er ekki skráður viðskiptavinur hjá EGO og fæ því ekki afslátt þar, en ef einhver veit hvort þeir bjóða afslátt – og hversu mikinn, þá væri áhugavert að fá fréttir af því.Ágúst
Það er fleira en eldsneytið sem hækkar.
Ég upplifði það hjá bílaumboðinu Ingvari Helgasyni í gær. Stýrishosa í Subaruinn minn hafði hækkað um ca 15 prósent á tveim dögum.Það er ferlega ósvífið að strauja svona hækkun inn á varahlutaverð hvert sinn sem gengið lækkar. Skyldu þeir muna eftir að lækka verðin aftur ef krónan skyldi hækka – eða yenið lækka?
Ágúst.
Þetta virðist vera flott framtak hjá Vodafone, en getur einhver frætt mig á því hvort þetta langdræga og landsdekkandi kerfi sé með bæði 900 og 1800 MHz sendum? Ég nota nefnilega oftast gamlan Nokia 5110 og hann er bara með 900 MHz tíðninni. Stúlkukind sem svaraði í 1414 vissi ekki svarið og þótt hún hafi lofað að afla upplýsinga og hringja til baka hef ég ekkert heyrt ennþá.
Ágúst
Lada Sport bílarnir hétu víst Lada Niva í öllum öðrum löndum en Íslandi.
Ég átti einn slíkan með original vél. Hún var 1600 ccm, alveg grútmáttlaus, torkaði ekkert fyrr en hún var komin á fleiri þúsund snúninga og eyddi hellings bensíni. Ég myndi setja hvað sem er annað í bíl, en aldrei þessa rússnesku.
Lada Sport/Niva var upphaflega hannaður hjá Fiat og þá sennilega með einhverri skárri vél, en rússarnir keyptu framleiðsluréttinn og hafa sennilega átt umframbirgðir af 1600 ccm vélum sem þeir tróðu í hann í staðinn. Þetta skýrir það að festingar og kúplingshús passa á milli.
Ég hugleiddi að setja Fíat twincam vél í Sportinn, en hann lenti í altjóni áður en af því varð. Blessuð sé minning hans.Ágúst
Þar sem tengin á relayinu eru 4 þá ætti málið að vera sáraeinfalt.
Tveir pólanna fara í spóluna og hinir tveir eru snerturnar sem hleypa straumi milli sín þegar straumur (12 volta spenna) er á spólunni.
Líklegast er að pólar 1 og 2 séu spólan (eða stýristraumur) og hinir séu snerturnar, sem opna og loka aðalrásinni.
Prófaðu að tengja 12 volt frá geymi inn á pinna 1 og jörð á 2 inn á relayið (sem heitir rafliði á betri íslensku). Ef þú finnur eða heyrir smá högg koma við þetta þá ertu í góðum málum. Ef ekkert kemur skaltu prófa að setja spennu milli pinna 1 og 3 og síðan 1 og 5, þá 2 og 3, 2 og 5 og loks 3 og 5. Einhver þessara samsetninga á að gefa smell, sem merkir að rafliðinn er að draga af því að spólan fékk 12 volt yfir sig. Hinir tveir pinnarnir eru þá snertupinnarnir, sem stýra kraftinum inn á kastarana.
Ekki skiptir máli hvor spólupinninnn það er sem fær plús, né heldur hvor snertupinninn er hafður plúsmegin í rásinni.
Gættu þess bara að ef þetta er einhver voða lítill rafliði að hann þoli tryggilega þann straumstyrk sem kastararnir eru að nota.
Hver 50 vatta kastari notar rúm 4 amper oog hlutfallslega meira eftir vattafjölda.Kv.
Ágúst
1+2 vegur hefur ótvíræða kosti vegna þess að vinstriakreinarjálkarnir færast sjálfkrafa á hægri akrein.
… En auðvitað munu hinir stórhuga Íslendingar velja 2+2 hið minnsta og tvöfalda hraðlestarteina samsíða, enda verður mannvirkið ekki tilbúið fyrr en eftir 20 ár þegar umferðarþunginn verður fjórfaldur á við það sem nú er.Wolf
Hvernig fer CDMA að því að drífa miklu lengra en GSM þar sem bæði kerfin vinna á tíðnum þar sem drægni er alfarið takmörkuð við sjónlínu ?
Sömu rök – hver sem þau eru – hljóta að gilda um samanburð á drægni GSM og Tetra.Þetta er ofaukið mínum skilningi og skýring óskast.
Ágúst
Þetta er nokkuð áhugaverður þráður, en ég hef á tilfinningunni að ég hafi misst af einhverju.
Samkvæmt mínum skilningi eru menn að ræða um 3 meginflokka samskipta.
1. HF-stöðvar, sem geta notað jarðbylgju ef tíðnin er t.d. 2790 kHz eða um 3500 kHz (amatörtíðnir).
2. VHF og UHF fjarskipti við gerfihnetti. T.d. Iridium. Nálægt 100% dekkun á landinu og oftast stutt leið til að komast úr skuggasvæðum.
3. Öll hin fjarskiptakerfin byggjast á samskiptum við jarðstöðvar með bylgjum sem einungis berast í sjónlínu. Þau eiga það sameiginlegt að til að ná góðri dekkun þarf að koma upp dýrum mannvirkjum á mörgum stöðum, fjallatoppum og slíkum stöðum þar sem dýrt er að byggja og reka fjarskiptamannvirki. Því er augljóst að dekkun hvers kerfis fyrir sig ræðst af fjölda og staðsetningu fjarskiptastöðvanna.Á sérhverjum stað þar sem rekin verður fjarskiptastöð t.d. fyrir Tetra eða CDMA myndi tiltölulega lítill viðbótarkostnaður fylgja því að hafa þar einnig GSM samskiptamastur. Setja mætti kvöð á að hverri slíkri fjarskiptastöð fylgi GSM eining, en þá yrði staðan sú að hvenær sem þú ert á stað sem á annað borð næst samband á CDMA eða Tetra tækjum o.s.frv. þá næst það líka á GSM símann þinn.
Er ekki málið dautt eða er ég að misskilja eitthvað ?
Ágúst
Meðan félagsgjöld klúbbsins eru notuð til að greiða kostnað vegna reksturs á endurvörpum og leyfisgjöld til P&S vegna rásanna finnst mér algjör krafa að rásir klúbbsins séu fyrir meðlimi klúbbsins og enga aðra.
Eðlilegt er þó að gera undantekningu með björgunarsveitir og sambærilega starfsemi.Þetta er min einkaskoðun, en eins og ég hef sagt og skrifað hér áður tel ég að með gjaldi okkar til P&S séum við að kaupa okkur sérleyfi til að nýta umræddar rásir í friði fyrir öðrum. Með því að taka við greiðslunum frá okkur hlýtur P&S að verða skyldugt til að stöðva eða hindra notkun annarra á rásunum ef við förum þess á leit.
Ágúst
Hér er einn bjartur uppfinningamaður í USA.
Mér finnst reyndar að ég hafi lesið áþekkar sögur fyrr, en einhverra hluta vegna voru þær ekki að virka…
BílamessíasÁgúst vantrúaði
Veit einhver hvort vefsíða þar sem einhverjir framtakssamir menn eða konur ætluðu að birta alltaf nýjustu eldsneytisverð er í gangi ?
Einnig væri fróðlegt að vita hvar menn eru að fá bestu verðin hvort sem er út á 4×4-skírteini, með dælulykli eða hvað öll sölutrikkin nú heita.
Er e.t.v. ein stöð lægst í dag og önnur á morgun ? eða eins og með verðkönnunarkjötið að maður þurfi að gramsa niður á botn ?
Ágúst
