Forum Replies Created
-
Replies
-
6 hp Johnson utanborðsmótor til sölu. Tveggja strokka tvígengis með lausum bensíntanki og bakkgír. Hann er gamall, en lítið notaður og svínvirkar. Selst ódýrt, 65.000 eða tilboð. Ágúst, sími 6910078
Viðhengi:
Hvaða efnum mæla menn með til að verjast því að hurðagúmmíin frjósi föst ?
Frásögn af viðskiptum mínum við Benna og Kaupfélagið hans.
1. Í janúar 2010 hringdi ég í Benna og pantaði hjá honum H4-HID framljósasett. Uppsett söluverð millifærði ég á bankareikning hans eins og um var samið. Dagarnir liðu einn af öðrum en engin ljósin komu. Þegar ég rak eftir málinu fann hann ekki greiðsluna og vildi ekkert kannast við að hafa fengið hana fyrr en ég hafði gefið honum upp allar upplýsingar um millifærsluna.
2. Þegar ljósin loks komu setti ég þau í Subaru bíl sem ég á. Fljótlega kom í ljós að ljósin virkuðu illa því að endrum og eins kviknaði alls ekki á þeim. Þegar þetta gerðist varð að rjúfa alla spennu til þeirra og bíða smá stund áður en hleypt var á aftur. Ég hringdi í Benna og kvartaði en fékk ekkert út úr því annað en fyrirlestur um það hver þessi ljós hefðu reynst frábærlega vel og að þetta væri eitthvað sértilfelli. Ég nennti ekki að halda málinu til streitu og þegar í ljós kom að ég fékk ekki skoðun á bílinn með þessum ljósum þá tók ég þau úr og setti gömlu halógen perurnar í aftur.
3. Leið nú nokkur tími en svo fékk ég þá flugu að prófa ljósin aðeins betur og setti þau nú í Galloper jeppann minn. Eins og fyrr lýstu ljósin ágætlega þegar þeim þóknaðist, en dyntirnir voru alveg þeir sömu og fyrr.
4. Hófst nú röð af símtölum sem loks leiddi til þess að ég fékk senda nýja Hi/Low einingu, sem Benni taldi vera sökudólginn. Að vísu þurfti ég að greiða sjálfur fyrir flutninginn að norðan, en taldi mig samt vera kominn í góð mál.
5. Þegar á reyndi kom svo í ljós að einingin var af rangri gerð því að tengistykki fyrir perurnar pössuðu ekki. Hófust nú símhringingar enn á ný en hafa til þessa ekki leitt til neins. Að vísu er viðhorfið eitthvað að breytast því að í stað fyrirlestra um gæði vörunnar og hina frábæru reynslu af henni hefur hann síðustu skiptin hreinlega ekki viljað tala út um málið. Hann hefur á kurteisan hátt borið við annríki og lofað að hringja til baka innan tiltekins tíma – en ekki staðið við það.
Nú er ég hreinlega búinn að fá mig fullsaddan af þessu dæmi. Það er ekki nóg að bjóða lágt vöruverð ef bæði gæðin og þjónustan eru í molum. Ef ég reikna mér eðlilegt tímakaup fyrir allan þann tíma sem pex og vesen út af þessum ljósum hefur tekið þá eru þau alls ekki ódýr lengur.
Ég set þetta á vef f4x4 vegna þess að ég komst í kynni við Benna og vörur hans á þeim vef og ég er viss um að ég er ekki sá eini. Þetta er því sett inn sem aðvörunarorð fyrir aðra félagsmenn sem eru í leit að vörum á hagstæðu verði.
Áður hef ég skrifað um atvik og viðskipti sem ég hef verið ánægður með og það þarf enginn að fara í fýlu þótt ég segi líka frá viðskiptum sem ég er ekki ánægður með og nafngreini málsaðila.
Ágúst Úlfar Sigurðsson
Ýmislegt notað og nothæft bílagrams til sölu.
Úr Pajero árgerð 1990, dísel 2,5 l):
Hedd (sennil.í lagi). Kambás, ventlar, spíssar og glóðarkerti geta fylgt
Túrbína ásamt eldgrein. Keyrð ca 20.000 km.
Intercooler
Kælir fyrir sjálfskiptiolíu
Luktir og gler, bæði framan og aftan
Miðstöðvarblásari framan
Miðstöðvarblásari í afturgólf
Mælar í mælaborð
Ýmislegt rafmagns- og smádótAnnað bílagrams:
Framstólar úr Galloper árg. 2000 (svartyrjóttir á lit)
Kastarar, Marshall, 18 cm í þvermál
Hliðarspeglar á Subaru station 1800
Bremsudiskar þvermál 236 mm, 4 boltagöt
12 Volta loftdæla (lítil – dugar ekki f. jeppadekk)
Vatnskassi og miðstöðvarunit, sennilega úr Ford CortinaEnn annað:
Soda Sream vél, eldri gerð
Hljómborð Kawai Wk40
Hátalarar Acoustic Research (þarfnast aðhlynningar)
Johnson utanborðsmótor 6 hp.Allt þetta er til sölu og verðin bæði hófleg og umsemjanleg..
Ágúst, síma 6910078
Upp
Hef til sölu gamlan en sáralítið notaðan 6 hp Johnson utanborðsmótor. Þetta er tveggja strokka tvígengisvél og hefur legið ónotuð síðastliðin 30 ár. Laus bensíntankur, bakkgír og ýmsar stillingar.
Hef aðstöðu til að prufukeyra.Verð 135.000 eða tilboð.
Ágúst s. 5670078 og 6910078
Rétt er það, verðið á þessum hlutum er ekki hátt, enda var ekki ætlunin að kvarta yfir háu verði. Það var bara mynstrið í verðunum að þau skyldu öll enda á …995 krónum sem mér fannst athyglivert.
Tölfræðin segir mér að líkurnar á að tvær óskyldar vörur skuli eftir innkaupsverð, flutning, opinber gjöld og álagningu kosta sömu krónutöluna í 3 síðustu stöfum ( t.d.995) séu einn á móti þúsund.
Ef vörurnar eru þrjár þá eru líkurnar einn á móti milljón, fyrir fjórar vörur einn á móti milljarði o.s.frv.
Ályktun: Verðið á ýmsum vörum hjá Stillingu er ekki "hreint" útreiknað innkaupsverð plús álagningarprósenta heldur "rúnnað til" á einhvern hátt.Það sem mér datt ekki hug var sá fræðilegi möguleiki að velviljaður verslunarstjóri hefði þá vinnureglu að þegar búið væri að reikna útsöluverð á vöru þá væri verðið alltaf lækkað niður í næsta heila þúsund og reyndar fimm krónum betur.
Sennilega verð ég bara að hringja í Stillilngu til að fá þetta staðfest.Hvað um það, bremsurnar á frúarbílnum eru komnar í lag og ég fæ jeppann minn aftur. Meira að segja er afgangur í buddunni til að kaupa olíu á tankinn.
Ágúst
Subaru Legacy 1993 árgerð
Ég þurfti nýlega að kaupa nokkra bremsuhluti og vegna góðrar reynslu af viðskiptum við Stillingu hringdi ég þangað og spurði um verðin. Flestir þeirra voru til, en mér fannst verðlagningin verulega undarleg og farin að minna á tískuverslanir:
Bremsudiskur kostaði 6.995 kr stykkið
Bremsuklossar að aftan 5.995 kr settið
Bremsuklossar að framan 5.995 kr. settið
Handbremsuskór 8.995 kr parið
Gormasett í handbremsu kostaði 2.743 kr. en var aðeins til á Selfossi. Ég væri ekki hissa á því ef það hefði farið í X.995 krónur eftir flutning til Reykjavíkur.Ég get skilið að verslanir sem selja tískuvörur og annan óþarfa séu að spila svona á verðskyn kaupandanna, en að farið sé að beita sömu trikkum við sölu á bílavarahlutum er alveg nýtt fyrir mér.
Ágúst
Stútaplatan er komin, 8 dögum eftir að ég pantaði hana. Nú er bara að skella henni í og skrúfa lok í gáttina sem ég gerði á afturgólfið.
Heyrðu Grímur, varðandi trissuhjólið; hvernig segir svoleiðis krankleiki til sín – bankhljóð eða e-ð annað ?
Og manstu við hvaða kílómetrafjölda hann fór að segja til sín ?Ágúst
Endurnýjun eða viðgerð á gegntaki eldsneytisröra í Gallopernum:
Ég gerði smá könnun á þeim kostum sem mér sýndist vænlegastir og birti hér þeim til fróðleiks sem kunna að vera í svipuðum málum.
Þeir hjá Vökvatengjum voru fúsir til að endurnýja rörin í gömlu plötunni. Verð 17.741 kr miðað við að ég komi með nothæfa plötu til þeirra. Gamla platan lítur ekki vel út og gæti verið ónothæf vegna ryðs og þá ….
Hekla getur pantað nýja röraplötu, complet með rörum og stútum. Áætlað verð ca 38.000 kr
B&L/Ingvar Helgason getur líka pantað röraplötu complet frá Hyundai International. Með félagsafslættinum kostar hún rúmar 11.000 krónur og er þá ný pakkning undir plötuna innifalin. Með því að greiða fyrirfram er verðið fast. Afgreiðslutími gefinn upp ca 10 dagar.
Þarna komu þeir mér þægilega á óvart og verðskulda hrós.
Ágúst
Það er a.m.k. ár liðið síðan ég setti plaströr fyrir eldsneytið fram í. Þessir stubbar í og við tankinn eru síðustu sentimetrarnir af upphaflega stöffinu.
Bremsurörin í afturhjólin eru búin að fara í endurnýjun og fyrir skömmu fór rúðupisskúturinn að leka (sprunga í botni kútsins). Ég bíð bara eftir að olíur og kælivövki fari líka að leka.Ath. Hjá mér er stóra vatnskassaslangan að ofanverðu komin með áberandi nuddfar eftir eina af litlu loftslöngunum sem þvera hana. Það veitir ekki af að fylgjast með þessu drasli og binda það upp.
Ágúst
Flott verklýsing, Grímur.
Þetta gekk allt saman eftir, drulla í síunni o.s.frv.
Kærar þakkir.Hins vegar er ánægjan ekki alveg 100% ennþá vegna þess að hann dregur inn loft í eldsneytislögnina.
Ég lét verða af því að gera gat í gólfið fyrir ofan tankinn og þegar ég potaði í eldsneytisrörin sem koma upp úr honum þá hreinlega brotnuðu þau af – bæði voru gersamlega gegnryðguð við suðuna. Engin furða þótt svolítið loft kæmist inn á lögnina.Til enn frekari fróðleiks má geta þess að ég fann annan lekastað á olíulögninni, sem ég hugsa að teljist vera frekar óvenjulegur, en það er bogni nippillinn sem kemur úr hráolíusíunni. Inngjafarbarkinn sem fer úr díselverkinu niður í sjálfskiptinguna hafði legið upp að miðri beygjunni á nipplinum og nuddað á hann gat ! Frekar ótrúlegt, en dagsatt.
Nú (prufu)keyri ég á olíu úr plastbrúsa í skottinu og allt er í fína þannig. Eftir páskana fer ég að athuga hvort ekki sé hægt að kaupa eða smíða nýja stútaplötu eða þá góðan tank úr Pajero.
Kv.
Ágúst
Enn er galloperinn að stríða mér.
Upphaflega kom í ljós að hann dró loft með eldsneytinu og var að sjálfsögðu ekki sérlega sprækur þannig.
Lagfæringar á lögninni dugðu ekki og grunur féll á hráolíusíuna og sitthvað fleira, en ekkert hefur dugað.
Nú er ég búinn að tengja plastbrúsa með díselolíu beint inn á díselverkið og enginn bati kom við það.Sjúkdómslýsingin er í meginatriðum sú að hann fer eðlilega í gang og gengur fínan tómagang í dálitla stund (1 mínúta eða svo), en þá fer smám saman að draga niður í honum og stöðvast að lokum ef ég gef ekki inn. Við inngjöf kemur smá hik fyrst, en svo fer hann upp á snúning, en heldur honum ekki því það fer fljótlega að draga niður í honum, missa út púst, skjóta og reykja ljósbláu eins og hann væri að brenna smurolíu eða nái ekki að kveikja eðlilega í díselolíunni. Vélin er gjörsamlega kraftlaus og ég varð að setja í lága drifið til að geta hreyft bílinn til á stæðinu.
Hvað er til ráða ?
Ágúst
Þetta læsingarmál á vinstri afturhurð hefur líka komið upp hjá mér.
Mig minnir að ég hafi náð að opna inn fyrir hurðarspjaldið m.þ.a. skrúfa stóra handfangið af og loklið við opnarann innanvert. Síðan teygði ég mig inn og potaði í eitthvað í opnaradraslinu og allt í einu hrökk í liðinn. Eftirá sprautaði ég smurfeiti yfir allt saman (ekki WD40 sem þornar fljótt) og allt hefur verið til friðs.Ágúst
Hvenær hætti Pajeróinn að hafa grind ?
Ágúst
Sæll Grímur og takk fyrir svarið.
Ég lifi enn í voninni að tankurinn sjálfur þurfi ekki endurnýjunar við – ennþá, en samkvæmt þinni reynslu þá er það einungis tímaspursmál.
Ég er ekki svo mikill málmsmiður að mér lítist á að leggja í smíði á nýjum tanki, en datt í hug hvort tankurinn úr gamla Pajeró gæti hugsanlega passað. Ég held að þeir hafi verið úr efni sem ryðgaði lítið sem ekki neitt. Kannaðir þú þetta nokkuð ?Ágúst
Sælir reynsluboltar.
Upp eru komin vandræði með Gallhopperinn minn því allt bendir til að hann sé farinn að draga loft í eldsneytislögninni. Hann missir kraft við lægri snúning og plattinn þar sem rörin koma upp úr eldsneytistankinum er allur löðrandi í olíu.
Gamli Pajeróinn var með opnanlegri lúgu í gólfinu fyrir ofan tankinn og algjör draumur að komast að því sem þurfti að dytta að á þessu svæði, en nískupúkarnir í Kóreu hafa ekki séð ástæðu til að splæsa í svoleiðis lúxus.
Ég sé þessa kosti í stöðunni:
a) Skrúfa niður tankinn með viðeigandi tæmingu og aftengingum á slöngum og vírum – eða
b) Klippa gat í gólfið til að komast að þessu ofanfrá eins og í Pæjunni – eða
c) Reyna viðgerð neðanfrá með fullum skammti af sinadrætti, grjót í augunum og öðru ógeði.Hefur einhver ykkar reynslu af þessu og hvern kostinn teljið þið skástan ?
Einnig væri gott að fá fréttir af reyndum Gallopereigendum hvort þeir hafi lent í svipuðum verkum og hvernig menn hafa leyst þau. Voru rörin sem liggja niður í tankinn ryðguð og farin að leka eða voru það bara slöngurnar?
Loks er ein spurning um það hvort einhver sérstök ástæða sé til að gruna díselverkið um græsku. Þessi er keyrður um 140.000 km. Eiga verkin ekki að endast miklu meira en það ?
Kv.
Ágúst
Ég sé strax tvær leiðir fram hjá þessu rugli:
1. Labba með tjaldið spölkorn frá bílnum áður en maður tjaldar. Er maður þá ekki orðinn fótgangandi ?
2. Fjárfesta í húsbíl, camper eða sambærilegu farartæki. Landvörður getur varla með nokkrum rétti skikkað dauðþreyttan og syfjaðan bílstjóra til að halda áfram akstri. Ég tala nú ekki um ef maður hefur verið svo forsjáll að fá sér aðeins í tána fyrir svefninn.
Ágúst
Stundum má bjarga sér ef maður finnur hentugan topplykil í settinu eða bolta og rörstubba af hentugum sverleika, en best er að eiga öxul af réttri stærð með rillunum og öllu.
Kv.
Ágúst
