Forum Replies Created
-
Replies
-
Þetta uppkast að mótmælabréfi mun ég aldrei skrifa undir.
Bensínverðið hér er nægilega hátt þótt ráðherra fái ekki hvatningarbréf sem hann getur útlagt sem tilmæli um að hækka það enn meir.Ég er meira en fús til að mótmæla, en það má ekki vera svona auðvelt að "misskilja" það.
Wolf
Eldsneytisverð á Íslandi er með því hæsta sem þekkist í heiminum og samt eru stjórnvöld enn að hækka skattlagningu, bæði á bensín og díselolíuna.
Ég er alveg til í smá rúntkeyrslu við Alþingi og stjórnarráð með tilheyrandi aðvörunarflauti ef einhver er til í að skipuleggja aðgerðir þannig að erindið komist vel til skila.
Ég vil enn og aftur endurtaka að skattpíningin á bæði við dísel og bensín þannig að við eigum allir sama erindið við Herra Skattmann hvort sem við brennum gasi eða grúti.Wolf
Hvernig er þetta með smáauglýsingasíðuna, er hún að virka hjá mönnum? Ég fæ ekkert nema villuboð þegar ég reyni að opna hana.
Annars var erindið að láta alla vita að Pajeróinn minn er falur. Hann er 2,5 dísel, háþekja, 33 tommu dekk og myndir eru í albúmi (Wolf). Skoðun til maí 2006.
Ásett verð 380 þús, engin skipti.
Upplýsingar fást í símum 567-0078, 6910078 og 5900533.Kveðjur Ágúst
Gamanið heldur áfram:
System.ArgumentOutOfRangeException: Count must be positive and count must refer to a location within the string/array/collection.
Parameter name: count
at System.String.IndexOf(Char valueInt32 startIndex, Int32 count)
at CastorMedia.Webs.f4x4.Web.Contents.Ads.GetAdList(AdCollection Ads, Int32 Limit, Int32 Offset, AdCategory Category, Boolean SimpleList, Page Page)
at CastorMedia.Webs.f4x4.Web.Contents.Ads.ToString(String Space)
at CastorMedia.Webs.f4x4.Web.UI.Page.WriteContent(String Space)
Það fór sem mig grunaði. Dálkastillingar riðluðust í verðtöflunni sem ég sendi inn áðan.
Fyrir þá sem vilja pæla í henni þá eru 4 tölur í hverri línu; Fyrstu tvær tölurnar eru verð á blýlausu bensíni og díselolíu í pensum en seinni tvær í íslenskum krónum, bensínið fyrst og dísel síðust. Gjaldmiðilsheitin skipta ekki máli, þau eiga við dálka úrupprunalegu töflunni, en ég nota þá ekki.
Vona að þetta skiljist.Ágúst
Takk fyrir tengil við verðsíðu, Dagaffi.
Ég skellti tölunum inn í Excel og umreiknaði yfir í ísl. krónur.
Þegar ég lími það svo inn á vefsíðuritilinn hér fer öll dálkastilling í rugl, en ég ætla samt að reyna og sjá til hvort það skilar sér.Blýlaust Dísel 1,15 Blýlaust Dísel
Pence Pence Krónur Krónur
Austria (Euro) 66,16 61,18 76,08 70,36
Belgium (Euro) 81,81 64,74 94,08 74,45
Czech Rep (Koruna) 59,68 59,92 68,63 68,91
Denmark (Krone) 81,46 72,53 93,68 83,41
Finland (Euro) 78,96 64,74 90,80 74,45
France (Euro) 76,83 66,16 88,35 76,08
Germany (Euro) 78,25 67,58 89,99 77,72
Greece (Euro) 57,62 56,20 66,26 64,63
Netherlands (Euro) 89,64 65,45 103,09 75,27
Hungary (Forint) 74,27 71,02 85,41 81,67
Ireland (Euro) 67,58 67,58 77,72 77,72
Italy (Euro) 80,39 72,56 92,45 83,44
Luxembourg (Euro) 65,45 51,93 75,27 59,72
Estonia (Kroons) 50,90 50,90 58,54 58,54
Norway (Norwegian Krone) 83,02 74,49 95,47 85,66
Latvia 50,35 48,29 57,90 55,53
Lithuania 52,53 51,29 60,41 58,98
Poland (Zloty) 70,31 67,03 80,86 77,08
Slovakia 64,12 63,37 73,74 72,88
Slovenia 62,14 60,12 71,46 69,14
Portugal (Euro) 71,14 59,05 81,81 67,91
Spain (Euro) 62,60 58,33 71,99 67,08
Sweden (Swedish Krona) 80,09 72,97 92,10 83,92
Switzerland (Swiss Francs) 63,62 69,11 73,16 79,48
USA (US Dollars) 27,05 29,62 31,11 34,06
UK (Average) 80,50 84,90 92,58 97,64
Mér sýnist að nú stefni í að Ísland setji heimsmet í verði á bílaeldsneyti, a.m.k. á díselolíunni. Til þess að geta betur metið stöðuna væri fróðlegt að fá verðtölur frá öðrum löndum til samanburðar. Ég hvet félaga f4x4 sem ferðast í öðrum löndum á næstunni að skrá niður verð og taka gjarna myndir af verðtöflum á bensínstöðvum erlendis og senda þær á vefinn okkar.
Svo vil ég benda bensínköllunum á að vera ekki of fljótir að fagna "réttlátri" skattlagningu á díselbílana. Við erum í raun allir á sama báti því það er aldrei að vita nema skattmann finni þá þægilegu lausn að lækna öfugan verðmun á bensíni og díselolíu með því að hækka skattinn á bensínið.
Mótmælakveðjur
Ágúst
Hef áhuga
Ágúst
Það vill svo til að ég á nú bæði 15 ára gamlan Pajeró og 4 ára Hyundai Galloper. Báðir eru með "sömu" 2,5 lítra Pajeróvélinni, turbo og intercooler og báðir bílarnir sjálfskiptir. Eini munurinn fyrir utan aldur og slit á vélunum er dekkjastærðin, 31 tomma á Gallopernum, en 33 á Pajeró. Ég finn alveg ótrúlega mikinn mun á kraftinum í þeim, Gallinn er svo miklu sprækari.
Pajeróinn hefur verið að eyða svona 13-14 lítrum á hundraðið í langkeyrslu og 16-17 í snatti. Ég hef ekki náð mælingum á Galloperinn ennþá, en býst við svipuðum tölum. Beinskiptir bílar ættu að vera 1-2 lítrum lægri.
Ég held að þú ættir að splæsa í ferð á díselverkstæði með Starexinn til að sjá hvort allt sé að virka rétt hjá þér. Mér finnst ótrúlegt að það muni verulega mikið um intercoolerinn einan og sér og síst í eyðslu.Kv.
Ágúst
Sælir.
Mér hefur lengi fundist undarlegt hversu margir nýlegir díseljeppar eru með nýupptekin hedd, jafn vel þótt þeir séu tiltölulega nýlegir. Gaman væri að vita algengustu ástæður þess að hreyfa þarf eða endurnýja hedd. Einn orsakavaldur sem mig grunar að sé nokkuð oft á ferðinni er rifnar kælivatnsslöngur og yfirhitnun vélarinnar. Ástæðurnar geta vafalaust verið margar aðrar, en það gæti verið áhugavert að þeir sem hafa lent í heddvandræðum segðu frá þeim í þessum þræði.
Vinsamlegast gefið upp orsakir vandans, hvað þurfti að gera og hvað það kostaði. Einnig grunnupplýsingar um tegund bílsins og hversu mikið vélin var keyrð þegar þetta gerðist.Kveðjur
Ágúst
Þakka þér fyrir tölurnar, Mási.
Varðandi máttleysið þá get ég fallist á að hann þyldi alveg nokkur hross í viðbót, en ég finn samt heilmikinn mun á þessum bíl og gamla Pajerónum sem ég er búinn að skælast á síðustu 4 árin. Miðað við að það er "sama" vélin í báðum er munurinn furðu mikill.Kv.
Wolf
Ég var að skoða Galloper sem kunningi minn er að setja á sölu. Ég hef áhuga á að kaupa bílinn, en langar til að fá ráð um reynslu af þessum bílum og hvað gæti talist vera eðlilegt verð fyrir hann.
Kom á götuna 02/2001, sjálfskiptur TDI og ekinn 75.500 km. Hann lítur út nánast eins og nýr, hvergi ryð eða beyglu að sjá. Smur- og viðhaldsbók í fínu lagi, einn eigandi og allt virðist virka 100%
BGS.is stingur upp á 1350 þúsundum. Vitið þið hvort þetta sé raunhæft verð ?Ágúst
Vér mótmælum allir.
Það sem er til hagræðis fyrir skattmann er til óhagræðis fyrir okkur hina.
Wolf
Sælir.
Eftir lestur á greininni um „Nýju díselvélina“ í bílakálfi Moggans hefur hvarflað að mér hvort það sé raunhæfur kostur að breyta eldri díselvélum í Common Rail útfærslu til að gera þær umhverfisvænni og sparneytnari. Hefur nokkur séð breytingasett fyrir eldri gerðir díselvéla til að gera þær að Common Rail eða þarf e.t.v. miklu meira til en nýtt díselverk og spíssa?
Ágúst
Ég gæti trúað að suðið sem er að stríða þér verði til vegna þess að bylgjuformið sem áriðillinn framleiðir er kassabylgja. Því kröftugri sem áriðillinn er, þeim mun "betur" nær hann að framleiða fullkomna kassabylgju, en það eykur enn hættu á svona truflunum. Ég kann engar pottþéttar einfaldar aðferðir til að losna við svona suð og legg til að þú dustir rykið af gamla áriðlinum fyrst hann truflaði ekki. Svo fást reyndar áriðlar sem framleiða sínusbylgju, en þeir eru margfalt dýrari en kassabylgjuáriðlarnir.
Svo er einn möguleiki í stöðunni: Ef voltafjöldinn á rafhlöðu tölvunnar er 12 Volt eins og á gömlu fartölvunni minni þá ættu 14 volt frá rafkerfi bílsins að duga líka. Ég útbjó snúru með sígarettukveikjatengi í annan endann og passandi fyrir tölvuna í hinn – og þetta svínvirkaði. Að vísu fær batteríið í tölvunni enga hleðslu, en í þessari vél er það löngu orðið ónýtt og virkar hvort eð er ekki. Þeir sem vilja prófa svona kúnstir verða bara að vera 100% vissir á að tengja plús og mínus rétt og gera þetta alfarið á eigin ábyrgð.
Wolf
Sjáið þið ekki plottið ?
Fyrst hækkar hann Haarde olíuna í rúmar 100 krónur því að 45 kallinn er fyrir utan vsk. Svo sjá allir að það er náttúrulega ófært að hafa grútinn dýrari en bensínið og því verður reddað snarlega með hækkun á bensínskatti.
Allt í spaugstofustíl, en ég verð ekkert mikið hissa þótt þetta gangi eftir.
Wolf
Reynslusögur óskast.
Hefur einhver af lesendum f4x4 safnað saman reynslusögum af helstu gerðum jeppa sem eru á markaðinum hér á landi, t.d. hvernig hinar ýmsu gerðir og árgangar af boddíi, vélum og drifbúnaði hafa reynst ? Ef svo er þá myndi ég gjarna þiggja eintak, annað hvort beint í tölvupósti til agustus@isl.is eða hér á spjallrásinni ef höfundur treystir sér til að birta slíka einkunnagjöf opinberlega á vef f4x4. Einnig væri æskilegt að fá að vita af þekktum veikleikum einstakra tegunda, sem ástæða er til að kanna sérstaklega áður en fest eru kaup á bílnum.
Kveðjur
Ágúst og Wolf
Þetta minnir mig á skondinn "bíl" sem mér var sagt frá. Einhver fékk þá frábæru hugmynd að skera tvo Trabanta sundur og skeyta frampörtunum saman bak í bak. Það þurfti að vísu tvo ökumenn til, en var víst býsna gaman að sprella á honum (þeim ?).
Kv.
Wolf
Öllum þeim sérfæðingum í sjálfskiptingum sem ég hef talað við ber saman um að hiti sé óvinur sjálfskiptinga nr. 1, 2 og 3. Þéttingar eyðileggjast, eiginleikar olíunnar breytast ofl. ofl.
Þess vegna er strútasjónarmiðið – að hafa engan mæli – mjög skondið. Ég er nýlega búinn að kosta 250.000 krónum í upptekt á skiptingu og einn af kostnaðarliðunum var auka olíukælir sem bætt var í bílinn að kröfu þess sem framkvæmdi verkið. Reyndar var þessi skipting búin að skila rúmlega 250.000 kílómetrum og sennilega telst það bara nokkuð gott.Ég sting upp á að þeir sem keyra sjálfskipta bíla og ekki vilja fylgjast með ástandi skiptinganna velji sínar akstursleiðir helst í vatni, svo djúpu að skiptingarhúsið sé helst alveg á kafi. Ennfremur ber að forðast að aka í heitum hverum og laugum.
Skiptikveðjur
Wolf
Smá innlegg.
Ég myndi forðast að gera gat í pönnuna fyrir hitanemann. Sama gildir um olíurörin. Betri kostur er að mínu mati að festa hitanemann utanvert á pönnuna með silikoni eða öðru límefni, en þó þannig að hann sé sem allra næst pönnunni.
Með þessu er maður 100% laus við áhættuna á að neminn losni og olían leki út og allt fari í bullandi vesen.
Mæliskekkjan þarf ekki að vera veruleg því að varmaleiðnin gegn um málpönnuna er tiltölulega góð og ef þokkalegt lag af silíkoni er sett sem hlíf yfir nemann þá verður ætti mæliskekkjan að vera óveruleg.Wolf
