Forum Replies Created
-
Replies
-
Enn og aftur takk fyrir vatnasullið .Það var gaman að hitta ykkur og taka þátt í ferðinni .Billi hafði líka mjög gaman af ferðinni og til að halda okkur í gamla tímanum fórum við Dyngjuleiðina heim enda styttsta leiðin og bara nokkuð góð .Náði að setja inn nokkrar myndir en vídeóið bíður úrvinnslu .Kv.Olgeir
Sælir. Ég verð að taka áskorun um þessa dularfullu mynd. Ekki finnst mér líklegt að hún sé tekin á Landmannaafrétti ,sérstaklega ekki ef hún er frá 1930 . Enginn bílvegur var þar fyr en eftir1933 .Lítið er um skugga eða aðrar vísbendingar til að ákvarða í hvaða átt myndin er tekin svo að ég segi pass. Kv. Olgeir
Íferðinni í gær fór Árni Alfreðsson þarna beint yfir á traktornum og líka einn jeppi. Þarna fóru líka FBS menn á Hellu á Unimog sveitarinnar í Hófsvaðsleiangrinum haustið 2004 .Þetta er ekki djúpt en kannski aðeins grýttara en "rétta" vaðið . Uppúr 1960 voru 3 gamlir bílar geymdir innan við ána og menn fóru á bátum yfir ána svolítið ofar og fóru svo á bílunum til Vatna. Til dæmis fór ég og fleiri þarna með nýjan bát sem var svo geymdur við Vötnin í nokkur ár. Næ því miður ekki að setja inn myndir frá gærdeginum Kv. Olgeir
width=500px/>
Sælir. Ég var svo heppinn að fá að slást í hóp 44+ félaganna í dag við Bjallavað og Hófsvað . Ég fékk með mér Brynjólf Jónsson frá Lækjarbotnum sem er ef til vill eini núlifandi maður sem hefur riðið Bjallavað fyrir um 60 árum. Hann var með gamlar myndir af lest manna á hestum í ánni. Allar gamlar vörður eru fallnar en menn óðu ána til og frá og keyrðu bæði rétta vaðið og víðar .Gekk það vel á þessum öflugu bílum en stundum var nokkuð djúpt .Síðan var farið eins að við Hófsvaðið og vaðið víða og keyrt, Besta leiðin yfir miðálinn er þó líklega gamla hefðbundna brotið .Frá Hófsvaði fórum við Billi heim en leiðangurinn hélt áfram inn í Veiðivötn og svo fram yfir austur af Ljótapolli og gista í nótt í Laugunum. Bestu þakkir fyrir daginn.Kveðja Olgeir
Það lítur frekar vel út með laugardaginn ,spáð góðu veðri og núna er rennslið um 75 rúmmetrar á sek. Kannski get ég skroppið og spáð aðeins í Bjallavaðið fyrri hluta dagsins . Kveðja Olgeir
Bjallanafnið er nokkuð algengt á Suðurlandi en líklega ekki eins annarsstaðar .Bjallavaðið er vestan undir Vesturbjöllunum og á korti Máls og menningar er sýnd reiðleið þar yfir og um Dyngjuskarð og Landmannahelli. Syðst á Veiðivatnasvæðinu eru Austurbjallar á móti Kýlingum . Ég skil ekki alveg innslagið hjá Marteini og ekki hvað Maríufossar hafa með Bjallavað að gera nema þá að sjá vatnsmagnið í ánni. Gaman væri að frétta nánar af þessum ökuferðum Jóns sem hann talar um . Bergur á Lyngási fór 2. sept. yfir Hófsvað og þá var rennslið 88 rúmmetrar og sagði hann að mikið af grjóti hafi borist í vaðið í vatnavöxtum .Hann þekkir Hófsvað afar vel síðan hann var að keyra hjá Jarðborunum á sínum tíma. Kv. Olgeir
Sælir.Það verður gaman hjá ykkur að fara Hófsvaðið en varðandi Bjallavaðið þá veit ég ekki til að það hafi verið farið á bíl en fyrir fund Hófsvaðs var Villysjeppi ferjaður á fleka yfir ána á ferjustaðnum við bátaskýlin. Það vantaði fáar bíllengdir á að komast upp brekkuna ármegin sem var kannski jafngott því að ófært klettabelti er hinumegin . Örugglega er hægt að keyra Bjallavað á öflugum jeppum en allur akstur norðan árinnar er utanvegaakstur . Bjallavað fannst á síðasta tug 19. aldar og var notað af bændum og öðrum í Veiðivatnaferðum og smalamennskum þangað til Hófsvað fannst 1950. Oft þurfti að reiða lömb sem snéru til sama lands og gátu þeir flutningar verið kaldsamir .Tvisvar var vaðið ófært vegna vatnavaxta og var þá féð rekið niður á Þóristungur og ferjað yfir með fénu af Holtamannaafrétti . Ég hef verið að skoða þetta svæði á síðunni Nytjaland og þá sést eins og brot í ánni ef súmmað er vel inn .Þetta brot er í sveig og getur það passað við það sem elstu menn segja að fyrst var riðið útí ákveðna stefnu og svo beigt og stefnt á ákveðið mið.Mér mælist á Nytjalandi að áin sé um 240 metra breið þarna. Kveð að sinni Olgeir.http://eldur.lbhi.is/website/nytjaland/viewer.htm
Ég man eftir að Ólafur Ketilsson var mjög ósáttur við beigjurnar á nýja veginum í Kömbum þegar hann var tekinn í notkun. Sagði hann að þær hölluðu ekki nóg inn og því hættulegar. Ég er honum sammála en hraðinn var þó minni á þeim tíma. Mér hafa sagt bílstjórar á þungum bílum að það verði að passa sig á að missa þá ekki á of mikinn hraða sérstaklega í neðstu beigjunni því að þá sé erfitt að halda þeim á veginum. Nú var í sumar lagt nýtt og slétt malbik á Kambana en ég held að hallinn í beigjunum hafi ekki aukist. Bara svona smá útúrdúr af því að minnst var á Ólaf . Kv. Olgeir
Alveg er með ólíkindum að ekki skuli vera hægt að halda niðri hraða nema með öllum þessum hraðahindrunum á Íslandi. Sonur minn bjó í Hamborg nokkur ár og við fórum þangað í heimsókn . Þar sá ég ekki eina einustu hraðahindrun .Þar fara menn bara eftir reglunum ogumferðin gengur eðlilega . Á aðalgötunni út í hverfið sem hann bjó var hámarkshraði 50 km. en ekkert gert nema farið væri yfir 60 km. og þá var heldur ekkert elsku mamma og beitt sektum. Þarna gekk umferðin mjög vel og stefnuljósin notuð svo að umferðin var miklu afslappaðri en hér. Við fórum einu sinni út í strandbæ við Eystra saltið og þar voru 2 krappar hraðahindranir við bæjarmörkin . Menn fá illt augnatillit ef ekki er farið að reglunum , en líka bros fyrir að liðka til. Í sambandi við þennan þjófnað rifjast upp að fyrir nokkrum árum var stolið hellum af heilli götu í París. Íbúarnir héldu að borgin væri að gera endurbætur á götunni og gerðu ekkert í málinu en svo kom í ljós að hellunum var stolið .Kv. Olgeir
Ég gleymdi að taka fram að þessi eldsneytisnotkun er bara aðra leiðina til Köben. Kv. Olgeir
Sælir. Fyrir nokkrum árum flaug ég frá Hamborg til Spánar og í bæklingi í vélinni var tafla yfir eyðslu ýmissa flugvéla .Þar kom fram að þær eru að eyða frá 38 til 42 lítra pr.farþega á hverja 1000 km misjafnt eftir tegundum. Ég hélt satt að segja að eyðslan væri meiri . Sem sagt hjón sem skreppa til Köben eru að sólunda 160 til 170 lítrum af eldsneyti . Hvað fer mikið í jeppaferð í Grímsvötn t.d. í þungu færi ? . Ég fór nýlega inn að Laka og sá hvergi för utanvega og hér inn á Landmannaafrétti sér maður helst för eftir mótorhjól utan vega .Með kveðju Olgeir
Sælir. Ég vildi feginn geta frætt ykkur um Hreysið við Tungnaá en þar eru litlar vísbendingar . Gólfskánin í kofunum er um 10 sentimetrar og þar er öskulagið úr Veiðivatnagosinu 1477 og mikil gjóska úr Skaftáreldum . Erfitt er að gera sér í hugarlund hvernig landslag hefur verið á svæðinu fyrir gosið 1477 . Til dæmis fundust ummerki um ferskvatnsþörunga við boranir í Tungnaá austan við Snjóöldu fyrir mörgum árum og sumir telja að þar hafi verið Stórisjór sem óljósar sagnir eru um. Ég las einhverntíma grein um rannsókn á öskulögum og fleiru í Hreysinu en finn hana ekki núna . Með von um meiri skemmtilegar pælingar .Kv. Olgeir
Sælt veri fólkið. Nú er Sveinn á Galtalæk búinn að finna heimildina um vörðurnar sem afar hans og fleiri hlóðu fyrir tæplega öld. þær voru 786 talsins og sumar eru enn óhrundar en aðrar eru farnar að láta á sjá . Nú vantar bara nýja spurningu .Kv. Olgeir
Um síðustu helgi fór ég ásamt fleirum að stika nýja gönguleið sem verið er að undirbúa úr Landmannalaugum um Landmannahelli, Áfangagil að Rjúpnavöllum . Þetta verður skemmtileg þriggja áfanga leið sem hver er milli 15 og 18 km. Við fórum um helgina úr Dómadal upp með gömlu bílförunum og þar hefur einhver keyrt í vor meðan aurbleyta var og skaflar því að förin hurfu á bletti en ristu niður báðummegin .Þessi jeppi hefur verið á Mudderum og bilið milli hjóla tæp 6 fet. Þegar við komum út að Helli um kvöldið var verið að svipast um eftir 2 fjórhjólum sem voru búin að spæna allt upp við Eskihlíðarvatn en það svæði sést ekki af veginum .Svona er stöðugur bardagi við einhverja vitleysinga sem ekki virða neinar reglur .Ég hefði vel getað keyrt stikurnar þarna upp á léttum bílnum og ekki markað för í jarðveginn á þessum tíma en mér datt það einfaldlega ekki í hug . Kv. Olgeir
Það virðist því miður vera einhver bilun þannig að síðan opnast ekki . Slóðin er http://www.landmannalaugar.info/ . Kv. Olgeir
Fjallabakssvæðið er mjög fjölbreytt svæði og einn laugardagur dugar ekki til að skoða það allt .Ég vil benda þeim sem vilja fræðast um t.d. Landmannalaugasvæðið að skoða síðu Smára og Nínu sem er landmannalaugar.info. Einnig er mikill fróðleikur á síðu Gísla Ólafs Péturssonar um þetta og allt milli himins og jarðar http://www.isholf.is/gop/http://www.isholf.is/gop/ Góða skemmtun .Kv Olgeir
Ég fór í dag inn að Landmannahelli og vegurinn er bara óvenju góður en maður sem fór nýlega Sigölduleiðina sagði að hún væri gróf og þvottabretti eins og vant er . Olgeir
Dómadalsleiðin er góð núna og afar lítið í Helliskvíslinni .Sigölduleiðin er víst riffluð eins og vant er . Leiðin frá Landmannalaugum austur um ætti að vera mjög auðveld á þeim bílum sem um er spurt ef ekki eru stórrigningar .Góða ferð með kveðju Olgeir.
Það er góð regla að bera fulla virðingu fyrir sérstaklega jökulám . Það kemur skrítinn svipur á töffara sem keyra eins og vitleysingar yfir Námskvíslina ,……….Laugalækinn eða álíka smákvísl og taka inná vélina vatn og rústa henni og svo kemur fólksbíll og fer rétt yfir við hliðina . Þetta hef ég séð .Er ekki vandamál með hvað loftinntakið er neðarlega á sumum bílum. Fyrir nokkrum árum heyrði ég af manni sem fékk nýjan Econoline og tók ekki strax eftir að loftinntakið var neðar en á eldri samskonar bíl. Kveðjur. Olgeir
