Forum Replies Created
-
Replies
-
Það er sorglegt að upplifa öll þessi stórslys á vegunum . Það er enn mín skoðun að þar sem bara er ein akrein í hvora átt eigi að vera sami hraði fyrir alla . Annað gengur einfaldlega ekki upp á fjölförnum vegum vegna þess að framúrakstur verður alltaf hættulegur við þær aðstæður . Þar sem umferð er lítil er frekar hægt að taka framúr án þess að taka vafasama sjensa. Mér líst ekkert á þessa 2+1 útfærslu við þær aðstæður sem eru á leiðinni yfir Hellisheiðina . Tvöfalda þarf vegina út frá Reykjavík að minnsta kosti að Selfossi og upp í Borgarnes til að byrja með . Kv. Olgeir
Sælir. Ég sá í vor hjá Steypustöðinni Mest á Selfossi snyrtilegan steyptan stein með kúlutengi og búnaði til að læsa kerru við steininn. Steinninn er nokkur hundruð kíló og einmitt hugsaður fyrir þá sem ekki geta geymt kerrur,hjólhýsi eða annað slíkt inni. Steinninn er svona hnéhár svo að kerrur standa nokkuð vel á festingunni. Man ekki hvað þetta kostaði en þeir eru að framleiða þetta Kv Olgeir
Sælir. Best að hafa samband við Bryndísi eða Rúnar á Hellu í heimasíma 4875130 eða 8624669 .Kveðja Olgeir
Einu sinni hringdi Ólafur Ketilsson á Vegamálaskrifstofuna og spurði um færðina yfir Hellisheiðina . Honum var sagt að þeir þyrftu að skoða snjóinn . Hann fer svo yfir Heiðina og tekur snjó í poka og fer með hann og sturtar á gólfið á Vegamálaskrifstofunni og segir að svona líti út snjórinn á Hellisheiði. Bara smá djók en er ekki að snúa útúr fyrir fyrirspyrjanda. Kveðja Olgeir
Ég hef litið á þessa lausn í Svínahrauni sem algert rugl .Svo eru einföldu akreinarnar svo þröngar og mjóar vegaxlir að ég veit ekki hvað er til ráða ef springur á bíl ég tala nú ekki um vinstra megin .Eini kosturinn er að snjór safnast síður að svona víravirki en ef einhver snjór væri að ráði myndi safnast milli akreina þar sem ruðningstækin ná ekki að hreinsa undan vírnum og frá staurunum .Ég fæ innilokunarkennd þegar ég fer þarna um en það er nú venjan að hér á landi að taka í gagnið lausnir þegar þær eru oðnar úreltar í Svíþjóð og víðar á Norðurlöndunum. Alvöru veg milli Reykjavíkur og Selfoss í fyrstu lotu . Alveg er óskiljanlegt að búa til þetta einbreiða og þrönga hringtorg við Rauðavatn á 21. öldinni.Kv. Olgeir
Ég held að ekki séu komnir slíkir hemlar í alla flutningabíla.Að minnsta kosti keyra vikurbílarnir nánast alltaf á 90 eða nálægt því þegar ég lendi nálægt þeim og finnst mér það í góðu lagi því að þetta eru góðir bílar yfirleitt. Verra er að sjá allavega bíla að draga stórar hestakerrur á ofsahraða. Í sumar sá ég að einhver sem var á leið norður í land var að kvarta yfur að flutningabíll með tengivagn var á 110 km. hraða og gaf illa kantinn til að hleypa framúr. Spurt var .Hvað áttu að gera framúr bíl sem er á 110 km. hraða ? Ég held að þeir sem stunda ofsaakstur séu að kalla yfir sig og aðra að hraðahemlar verði settir í alla bíla og það hefur ekki eingöngu kosti eins og bebt hefur verið á . Ekki sá ég eina einustu hraðahindrun í Hamborg og gengur þó umferðin þar liprara en í stressinu hér á landi . Kv. Olgeir
Ég er sammála Tryggva með það að mestur hluti vegakerfisins býður ekki uppá að hafa mismunandi hraða . Þeir sem mest tala um að vörubílar og aðrir sem meiga ekki aka hraðar en 80km/klst. ættu bara að fylgjast með umferðinni á venjulegum tveggja akreina vegi . Þá myndast lestir af "hægfara" bílum sem illmögulegt er að komast framúr fyrir hina .Þá eru að sjálfsögðu svipaðar lestir á akreininni á móti .Þetta ástand skapar gífurlegan pirring hjá þeim sem meiga aka á 90 km.og leiðir til hættulegs framúraksturs með mikilli slysahættu . Þetta er mín skoðun og ég hef ekki séð samfærandi rök á móti . Þetta fer árversnandi með aukinni umferð með hestakerrur,hjólhýsi,tjaldvagna og fellihýsi í viðbót við alla flutningabílana . Með von um bætta umferðarmenningu .Kv.Olgeir
Þannig háttar til að ég á heima efst á brekkubrún og mesti brattinn er 19 % . Þegar mikill var snjór varð stundum að fara upp tún eftir krókaleiðum . Þegar ég átti Lödu sport á radial dekkjum gat ég keyrt þetta á úrhleyptu út og suður en Weaponinn á sínum fullpumpuðu diagonaldekkjum fylgdi bara jörðinni og komst ekki nema á keðjum . Svo snýst dæmið við í djúpu vatni þar á Ladan ekki sjens . Ladan var annars ótrúlega seig að klóra sig áfram í bratta þar sem þyngdardreyfingin er svo góð og fjöðrunin teygjanleg. Kv. Olgeir
Ég er nú búinn að vera mjög lengi með SSB stöð og sakna þess að heyra varla þar í nokkrum manni . Þangað til endurvarparnir komu á Torfajökulssvæðinu var SSB eina leiðin til að ná sambandi innan úr Jökulgili og einu sinni datt þar hestur með konu og varð að fá þyrlu . Þá var gott að geta kallað í Gufunes en þar var yfirleitt alltaf lipur og góð þjónusta . Einu sinni lenti skálavörður í Laugunum í því að biðja vaktmann í Gufunesi að bera á milli ástarkveðjur fyrir útlenda ferðamenn sem hittust í Laugunum en voru ekki í sama hóp. Svona hljóðaði samtalið í stórum dráttum : Gufunesradíó _Landmannalaugar I love yoy . og svarið kom :Landmannalaugar _Gufunes I love you too . Þeir gátu þetta varla vegna hláturs. Þó að oft væru truflanir sérstaklega á kvöldin var kerfið langdrægt og ekki mjög næmt fyrir fjalllendi .Ég kallaði einu sinni í Landmannalaugar frá Seyðisfirði og fékk gott samband og eins var um Nýjadal og eru þó há fjöll á milli . Ég heyrði einhverntíma að í Gufunesi væri hlustun á björgunarsveitarásum en veit ekki hvort það er rétt.Með von um að vel rætist úr með fjarskipti á hálendinu þegar NMT dettur út .Olgeir
Það snjóaði víst aðfaranótt mánudagsins og vörubíll frá Orkuveitunni með efni í lagfæringu á hitakerfinu komst í 12 km. fjarlægð frá Laugunum og varð að fá sendar keðjur en komst á leiðarenda um þrjú leytið um nóttina . Snjórinn var háll og brautir meira og minna fullar niður undir Sölvahraun . Nágranni minn var að vinna við þetta og var á tveggja drifa vörubíl og hann kom heim í gærkvöldi en ég veit ekki hvernig gekk hjá honum yfir Frostastaðahálsinn . Kv. Olgeir
Ég hef lesið að Tindfjöllin dragi nafn sitt af Tindinum sem stendur um 50 m. yfir umhverfið . Tindaskagi er austur af Þingvöllum og mig minnir að einhversstaðar séu Tindafjöll á landinu. Enn langar mig að heyra frá Hvolhreppingum um Hattafellsnafnið. Ég kann ekki enn að setja hér inn myndir en mynd af Tindinum tekin gegnum stjörnusjónauka að heiman er á síðunni minni undir Ýmsar myndir .Kveðja Olgeir.http://www.nefsholt.com/default.cfm?pag … %20&brid=0
Nafnið Emstrur er talið dregið af amstri og erfiði . Á kortinu sem Einar setti inn eru tvö nöfn sem ekki eru alltaf eins stafsett . Í Göngum og réttum er talað um Hattafell en í nýja Íslandsatlasnum er það skrifað Hattfell . Eins er með Lifrarfjöll sem líka eru til á Landmannaafrétti . Mér finnst Lifrafjöll réttara eins og sést stundum ,en ekki veit ég hvað telst rétt en mig minnir að heimamenn hafi frekar talað um Hattafell. Kv.Olgeir
Búið að ganga frá anddyrinum og salerni þar innaf. Salerni er að vísu óvirkt að vetrinum þar sem vatnið er ekki á .Það verður þá að hella vatni í og frostlegi áður en húsin eru yfirgefin . Svo er búið að smíða pall milli húsanna um 150 fermetra og tröppur upp við hvort hús . Þokkalegt GSM sam band er á pallinum sérstaklega við eystra húsið ,Höfðann . Kv. Olgeir
Mér dettur bara í hug Jöldusteinn vestur af Húsadal Kveðja Olgeir
Sælir. Það getur verið að þetta gangi allt upp .Steini á Heiði fylgdist vel með á Rangárvallaafrétti áratugum saman og smalaði þar meðan heilsan leyfði en býr nú á Hellu . Hann segir að kofi hafi verið byggður og rifinn seinna en getur ekki verið að t.d. Dick hafi byggt upp tóftina seinna og sá kofi standi enn í Laugarhálsinum . Þá er þetta eins og hjá Sameinuðu þjóðunum Kofi annar .Kv. Olgeir
Sæll Hlynur.Ég held að það sé ekki alveg rétt hjá þér að Guðmundur Jónasson hafi fyrstur manna keyrt upp að Stórahver því að 1942 var tengdafaðir minn og fleiri í fjallferð í Laugunum og sáu bíl bera við himinn á hnúknum suður af Brennisteinsöldu (1004 m ) líklega. Seinna fréttist að þar var á ferð Sigurður frá Laug . Þetta er fyrsta ferð bíls á þessum slóðum sem ég veit um. Ég á blaðaúrklippu með frásögn af ferð Guðmundar yfir Skalla og niður í Brandsgil en því miður vantar ártalið.Ég rakti einu sinni förin niður en þau voru víðast horfin vegna veðrunar en þetta fara menn ekki einu sinni með hesta. Kv. Olgeir
Sæll Óskar. Ég er ókunnugur á þessu svæði en ég talaði við Þorstein frá Heiði og hann sagði mér að þarna hefði verið byggður kofi í óleyfi fyrir allmörgum árum. Ekki vissi hann hverjir byggðu kofann en hann var rifinn eftir örfá ár . Í gamla daga hittust skaftártungumenn og rangvellingar nálægt Strútnum og skiptust á kindum milli afrétta .Stundum gistu tungumenn hjá rangvellingum ef þeir urðu seinir fyrir en þa voru bara tjöld. Einu sinni þegar austanmenn komu hittu þeir enga rangvellinga og biðu fram í myrkur án árangurs .Veður var vont,rok og slydduveður og héldu mennirnir á sér hita við Strútslaugina um nóttina .Um þetta má lesa í Göngum og réttum 1. bindi bls.96.Kv Olgeir
Ekki hef ég komið að Hrútslaug en hún er einhversstaðar suðvestantil í Hólmsárbotnum og þar drukknaði hrútur fyrir löngu. Strútslaug sem nú er kölluð er aftur á móti norðvestantil í Hólmsárbotnum og var aldrei kölluð annað en laugin í Hólmsárbotnum áður fyr segir mér Þorsteinn frá Heiði sem fór áratugi á fjall á Rangárvallaafrétt . Meira af svona fræðandi umræðum .Nóg er nú búið að breyta góðum þráðum í leiðinda rugl en það er nú vonandi á betri veg. Kv.Olgeir
Þar sem nú er komin lausn á síðust spennandi getraun datt mér í hug að prófa að koma með nýja þraut . Sem sagt hvar er Hrútslaug og þetta er ekki prentvilla .Góða skemmtun Kv. Olgeir
Síðastliðinn vetur var nefnd á vegum sveitarfélagsins hér að beiðni Landmælinga Íslands að vinna við að yfirfara kort og merkja við þá vegi og slóða sem ástæða þætti til að hafa opna fyrir umferð. Nefndin lagði til að hafa nokkurnveginn alla vegi og slóða opna sem notaðir hafa verið á seinni árum . Nefndinni var uppálagt að merkja sérstaklega einhverja veiðimannaslóða og eins nokkra smalaslóða sem ekki eru á almennum kortum . Nokkrir slíkir voru merktir en öðrum sleppt sem ekki þótti ástæða til að hafa inni . Mér skildist að Rangárvallasýsla hefði verið valin sem byrjun á þessu verki á landsvísu .Það getur varla verið að þessu sé lokið um allt land nema tekin hafi verið upp hraðari vinnubrögð hjá hinu opinbera . Með von um að þessi mál leysist farsællega .Kv. Olgeir
