Forum Replies Created
-
Replies
-
Hvað er bæjarfélag ?. Ég myndi segja að hvorki Hella né Hvolsvöllur sé bæjarfélag .Það eru þéttbýliskjarnar í stærri sveitarfélögum. Farið er um Kópavog,Ölfus , Hveragerði, Selfoss sem er hluti af Árborg ,Flóahrepp,Ásahrepp, Rangárþing Ytra, Rangárþing Eystra og Mýrdalshrepp. Í Kömbum er vegurinn ýmist í Ölfusi eða Hveragerði.
Þetta er það sem ég held en alltaf er gaman af svona pælingum. Margir gleyma að á leiðinni norður yfir Holtavörðuheiði er farið aðeins inn í Strandasýslu. Kv. Olgeir
Ég vil benda fyrirspyrjanda og reyndar fleirum á að skoða heimasíðu na veiðivötn.is . Þar er afar mikill fróðleikur um svæðið samantekinn af Erni Óskarssyni kennara á Selfossi. Frá skálasvæðinu eru um 12 km. suður að Snjóölduós og hringleið framhjá Nýjavatni og fleiri vötnum. Síðan er gaman að fara austur að Tröllinu austur undir Tungnaá en þá verður að fara yfir smákvísl. Svo má ekki sleppa því að fara innmeð Litlasjó og þaðan að Hraunvötnum sem eru ásamt mörgu öðru á svæðinu mynduð í Veiðivatnagosinu 1477. Til baka er sléttur sandur að Fossvatnakvíslinni. Frá Hraunvötnunum er eitthvað milli 20 og 30 km. inn í Jökulheima. Góða ferð . Olgeir
Frá Vatnsfellsvirkjun eru 21 km. inn í Vötn. Vegurinn er yfirleitt grófur og víða rifflaður inn fyrir Þóristind en þaðan er oftast mjúkur og fínn vegur. Tvær kvíslar eru á leiðinni eins og flestir fara, Vatnakvíslin og Fossvatnakvískin . Þangað til fyrir fáum árum var hægt að sleppa við Vatnakvíslina með því að fara Jökulheimaleiðina og þá var krækt uppfyrir upptök hennar. Þá kom mikill vöxtur í Vatnakvíslina einn veturinn og bar hún fram milljónir rúmmetra af sandi og var ófær djúpur farvegur inn undir Drekavatn lengi á eftir. Vaðið er ekki slæmt og mundi ég líkja því við Laugalækinn við Landmannalaugar. Fossvatnakvíslin er aðeins dýpri en það er hægt að losna við hana með því að fara inn að Hraunvötnum og niður með Litlasjó. Kv. Olgeir
Ég er nú enginn sérfræðingur í þessum leiðum en ég tel að styttst og best sé fyrir þig að fara upp úr Eyjafirðinum um Laugafell. Þessar leiðir eru örugglega allar færar óbreyttum jeppum í því tíðarfari sem nú er. Ég fór í lok júní upp úr Skagafirðinum og vegurinn var mjög góður og Hnjúkakvíslin ekki í hné. Vona að einhverjir leiðrétti mig ef þeir eru ekki sqammála Kveðja Olgeir
Ég er sammála Agnari Ben með að best er að hafa vegi greinilega og merkja þá. Á fyrstu árum mínum sem trússari á Landmannaafrétti varð að keyra út að Sauðleysum til að komast yfir Helliskvíslina. Komin voru för út um allt í verinu þar sem Helliskvíslin kemur úr Löðmundarvatni. Þar voru menn að festa sig og ekki var reynandi að stytta sér þarna leið með þungan bíl og flutning á vagni.Oft hafði ég orð á að þarna þyrfti að laga einn ákveðinn slóða og gera þetta fært. Þetta var svo að lokum lagfært líklega milli 1970 og 1980 og síðan er þessi vegur alltaf farinn og hætt að keyra út um allt og verið grær upp. Þessi leið milli Hellis og Lauga styttist við þetta um ca 7-8 kílómetra. Þetta er gott dæmi um hvernig má draga úr utanvegaakstri. Hefur kannski ekkert með fjöruakstur að gera en skilt er skeggið hökunni. Kv. Olgeir
Það er alveg ótrúlegt hvernig er hugsað um þessa fjallvegi suma.Það er heflað í byrjun sumars inn í Veiðivötn og á svæðinu og Veiðifélagið látið borga fyrir það . Síðan eru veiðiverðirnir að reyna að halda í horfinu með tönn aftan á traktor yfir sumarið og gebgur illa þar sem umferðin er mikil og þar með tekjur ríkisins miklar af eldsneytisgjaldi. Það væri fróðlegt að hafa teljara á þessum fjallvegum eins og Fjallabaksleið. Þar væri þörf á að bera almennilegt efni ofan á grjótið sem alltaf er að koma uppúr veginum þegar fína efnið fíkur burt við hvern bíl sem um veginn fer. Sum hraunhöftin á Dómadalsleiðinni eru búin að vera í yfir 40 ár og alltaf að hækka. Ég fór uppúr Skagafirði síðast í júní og var þá nýbúið að opna veginn. Það var afskaplega vel gert ,steinar teknir úr veginum og möl sett í staðinn og vel straujað með nettri gröfu. Mér varð starsýnt á hauga af unnu efni uppi í 550 metra hæð og búið að nota það í veginn! Með þessu áframhaldi fer að verða tímabært að nota litaða olíu á þessum vegum sem varla teljast með vegakerfinu. Kveðja Olgeir
Sælir og takk fyrir góðar pælingar. Ég held að við höfum allir nokkuð til okkar máls. Hagakvíslarnar koma hvor undan sínum jöklinum en á veginum fór ég yfir þær í einu lagi og hefði getað keyrt hjólbörur þar yfir. Nýjadalsáin og Hagakvíslarnar sameinast svo nokkru vestar Fjórðungakvísl en nokkrar lænur hennar koma af sandinum suðvestur af Fjórðungsöldu og Fjórðungsvatni. Gætu reyndar haft einhver sérnöfn án þess að það sjáist á kortum. Bergvatnskvísl sem er efsta upptakakvísl Þjórsár á svo samkvæmt kortum upptök vestan undir öldu sem er merkt 846m og er nánast á 65. gráðu norður. Hinum megin við ölduna eru Kiðagilsdrög og Bleiksmýrardrög sem skila vatni norður. Og Hlynur og Ingi takk fyrir samveruna við Tungnaána í haust. Kv. Olgeir
Sæll Ingi. Ég hef nú líklega ratað á sannleikann þegar ég nefndi Hagakvísl. Ég fór að skoða þetta í Árbók FÍ 1967 eftir Hallgrím Jónasson. Hann segir að undan skriðjöklunum sem eru norðan og sunnan Fagrafells og nefndir eru Hagajöklar komi kvíslar . " Eru þessi vötn nefnd Hagakvíslar ". Þessi nöfn eru tengd Tómasarhaga sem er á þessum slóðum. Mér sýnist á korti að ein upptakakvísl Fjórðungakvíslar verði á vegi manns nokkru norðar, en hún er afar lítil yfirleitt. Alltaf gaman af svona pælingum. Með kveðju Olgeir
Ég kom í dag upp úr Skagafirði um Laugafell og Sprengisandsleið og það var lokunarskilti við veginn norðan Vatnajökuls við Hagakvíslina og mér var sagt í Nýjadal að það væri snjór ennþá á þeirri leið. Vegurinn upp úr Skagafirðinum er nýopnaður og mjög góður og lítið í ánum. Kv. Olgeir
Ég fór í gær inn að Landmannahelli og snjórinn í fjöllum er miklu meiri en nokkur undanfarin ár. Núna var Dómadalsleiðin opnuð 7. eða 8. júní en 2005 var sami vegur heflaður 8. maí og 2004 22.maí og þótti smemmt. Mikill snjór er á gönguleiðinni kringum Hrafntinnusker, en búið er að opna skálana á Laugaveginum nema veit ekki um Hvanngil. Nokkrar myndir af snjóalögum í gær eru á síðu minni .www.nefsholt .com undir Afréttur. Kv. Olgeir
Sælir. Ég átti Rússajeppa í kringum 9 ár. Fyrst gamlan bíl með hönkslitinni og máttlausri dísilvél frá Bens. Síðan fékk ég 8 ára Gaz 69 með Egilshúsi og dísilvél BNC með stimpilolíuverki .Þetta var vél eins og í Gypsy nema olíuverkið og gangþýðari. Var nýbúið að gera upp olíuverkið þegar það óhapp skeði að olíusían brotnaði af í vondri holu og vélin bræddi úr sér. Ég á ennþá olíuverkið vel geymt ef einhvern skyldi vanta svoleiðis.Fjöðrunarkerfið í Rússunum var gott fyrir vegakerfið okkar og þó að þeir væru ekki hraðskreiðir þá seigluðust þeir áfram og voru góðir í snjó þar sem fjaðrirnar voru ofaná hásingunum. Ég fékk líka reynslu af frambyggðu Rússunum þar sem ég var í skólakeyrslu á þeim í 5 ár. Guðmundi Jónassyni fjallabílstjóra leist vel á fjaðrakerfið á þeim þar sem allar fjaðrirnar eru eins og því einfalt vegna viðhalds. Síðan átti ég Lödu Sport í mörg ár og það eru hreint ótrúlegir bílar, mjúkir og duglegir í misjafnri færð. Ómar Ragnarsson líkti þeim einu sinni við góðan kvenskó, stórir að innan en litlir að sjá að utan. Ég setti Löduna á radíaldekk .i ófærðinni 1990 og það var mikil breyting til bóta og ótrúlegt hvað hægt var að komast með því að hleypa úr. Setti inn nokkrar myndir af Rússum en átti fáar í tölvunni. Kveðja Olgeir.
Sælir. Ekki veit ég hvernig Cb sá hefur átt sem heldur því fram að Uhf dragi svipað. Það er svo mikið endemis rugl að engu tali tekur. Mótunin í uhf stöðvunum er að vísu góð en þær draga aldrei nema nokkra kílómetra hvernig sem aðstæður eru og maður talar ekki með þeim austan úr Rangárvallasýslu til Keflavíkur eða upp í Borgarfjörð svo dæmi sé tekið . Þessi ótrú á Cb held ég að byggist mest á því að menn hafa lítið sinnt um að stilla standbylgju og fleira og svo eru loftnetin sem menn eru mest með eru almennt ekki nógu góð . Þar fyrir utan eru skilyrðin alveg afleit þegar sólblettatímabilin ganga yfir sem er á um10-11 ára fresti .Ég vonast til að Klakinn og fleiri félagar geti staðfest það sem ég er að segja. Kv. Olgeir
Ég þarf því miður að leiðrétta það sem ég skrifaði um burðargetu íss og vitnaði í Sigurjón Rist. Mig misminnti en er nú búinn að finna þessa þumalputtareglu í bókinni Vadd útí sem er æfiminningar hans. Þar segir að heill og ósprunginn ís beri . 10 sentimetra ís 10×10 =100×15=1500kg. 20 sentimetra 20×20=400×15=6000 kg. Þess ber að geta segir Sigurjón að ís á ám og vötnum er yfirleitt eitthvað sprunginn svo að vissara er að deila með tveimur. Öðru máli gegnir ef hratt er farið yfir þá nýtist burðargetan næstum eins og um ósprunginn ís . Vil koma þessu á framfæri því að ég var með vitlausa formúlu ú daginn. Kv.Olgeir
Ágúst talar um að hafa misst bíla í krap nálægt Sandá að manni skylst nálægt Veiðivötnum . Ég hef ekki heyrt hana nefnda áður . Þessi krapavötn eru stórvarasöm eins og var fyrir mörgum árum þegar sleðar fóru á kaf í svona stöðuvatn við Hnausapollinn (Bláhyl). Á fyrsta Friðlandskortinu var þar með smáu letri Vosbúðir . Vonandi hafa menn ekki slasast eða orðið meint af volkinu . Ég set hér reikniformúlu sem ég sá eftir Sigurjón Rist um burðarþol íss.Ekki alveg viss um að ég muni þetta rétt . Þykkt íssins í sentimetrum í öðru veldi x100 deilt með 2. Sem sagt 8×8=64×100=6400-2=3200 kg. Þetta á við um góðan ís og hlut á ferð en minna burðarþol fyrir kyrstæðan hlut t.d. bíl. Ef ísinn er 10 cm. er þetta 10×10=100 x100 =10000-2=5 tonn. Ef þið hafið réttari tölur endilega koma með þær. Ég held að þetta sé í bókinni Vaddútí eftir Sigurjón Rist. Gleðilegt ferðaár. Olgeir
Gleðileg jól félagar . Ég þakka fyrir margt skemmtilegt spjall hérna á árinu .Því miður þekki ég ekki mjög marga félagana en ég þakka þeim sem voru í Vatnasull ferðinni í Tungnaá 30. september í haust kærlega fyrir samveruna .Það var bæði gaman og fróðlegt að taka þátt í því . Ég óska svo öllum gleðilegs árs og megi það verða gott til ferðalaga og slysalítið . Olgeir
Sælir. Ekki veit ég hvað varð um Pálínu en Petrína L 57 sem Halldór Eyjólfsson á Rauðalæk átti lengi var jörðuð með viðhöfn við Sigöldu norðan árinnar og er minnismerki yfir henni .Börn Halldórs settu í september 2004 áletraða plötu til minningar um Halldór á stóran stein við Hófsvað norðan megin þar sem komið er uppúr breiða álnum . Halldór var mikill áhugamaður um hálendið og ferjaði jeppa á Reo Studebaker trukk yfir Tangavað nokkrar helgar sumurin áður en kláfurinn kom á Tungnaá 1964. Síðustu árin vann hann hjá Landsvirkjun við ýmis störf á hálendinu meðal annars að fylgjast með ísmyndun við Ísakot í Musteri óttans sem varðturninn var kallaður. Tíðarfarið á þessum fyrstu árum Búrfellsvirkjunar var svo gjörólíkt því sem nú er seinni ár og oft stöðug vandræði vegna íss í ánni sem reynt var að fleyta framhjá. Þá þurfti yfirleitt ekki að kvarta um snjóleysi á hálendinu yfir verurinn. Kv Olgeir
Sælir. Mig minnir að Soffíumenn hafi smíðað frambyggðan Weapon. Ef það er rétt hvað skyldi hafa orðið um þann bíl .Kv. Olgeir
Sælir. Mér sýnist að fjölgi þeim sem eru sammála mér í því að það gangi ekki að hafa mismunandi hraða á vegum landsins .Það er ekki nema á fjölakreinavegum.Þegar tillaga kom fram fyrir nokkrum árum að hækka hámarkshraða í 110 km. á klst.sagði Sæmundur í Borgarnesi að ef vegurinn fyrir Hvalfjörð væri í Svíþjóð væri þar hámarkshraði 70 km. Það hringtorg sem ég ek oftast um er ´a Selfossi og það gefa örfáir stefnuljós út af torgunum .Þeir sem ekki gefa stefnuljós tefja umferðina af því að þú veist ekki hvort þeir ætla út úr torginu fyr en þú sérð það. Það sem gerir framúrakstur svo oft erfiðan og hættulegan hér á landi er það mishæðótta landslag sem hér er víða og blindar beigjur. Margir nýta sér þegar maður gefur stefnuljós sem merki um að í lagi sé at fara framúr en líka kemur fyrir að þurfi að gefa stefnuljós til vinstri og hindra framúrakstur ef blint eða að öðru leyti er ekki öruggt framundan. Ég hef verið í Hamborg og þar gengur umferðin vel smurð , gefin stefnuljós og hliðrað til . Menn komast heldur ekki upp með neitt múður. Sama virtist vera á þjóðvegunum og ekki verið að spara rafmagnið í stefnuljósin . Ég er að velta fyrir mér hvað yrði gert við 17 ára ungling í Þýskalandi sem keyrði á 140 km. hraða á götu hliðstæðri Gullinbrú .Sá fengi nú að finna til tevatnsins. Með von um að slysaöldunni linni .Kv. Olgeir
Ég hef nokkrum sinnum lent í að opna læsta bíla. Nú þekki ég ekki hvernig þetta er í Hilux en í sumum bílum er takkinn alveg sléttur svo að erfitt er að ná taki með vír .Ég lenti einu sinni í að komast inní amerískan bíl sem var nýkominn í eigu konu . Aðeins var til einn lykill og hann læstur inni. Enginn takki innaná til að húkka í. Ég talaði við verkstæðisformann sem sagði mér að langódýrast væri að bora sylindirinn úr . Að brjóta rúðu í þeim bíl væri mun dýrara . Ég fór að hans ráðum og gekk vel. Náði svo í band til að halda hurðinni lokaðri á leiðinni heim . Kv. Olgeir
Það er ekki nóg að vegirnir séu í lagi ef vegfarendur haga sér eins og heilalausir væru. Víða á leiðinni hér austur eru vegaxlir með slitlagi og tiltölulega gott pláss á veginum. Þó er alltof algengt að menn haldi sig alveg við miðlínu og hliðri ekki til fyrir umferð .Þó eru margir sem eru á traktorum sem nýta sér að vera vel útá vegöxlinni . Því miður eru vegirnir víða út um land ekki svona rúmir eins og í Flóanum . Mér sýnist að nýjustu vegirnir séu almennt mjög þröngir og vegaxlir í lágmarki og fer þetta heldur versnandi í seinni tíð .Fyrir nokkrum árum var ofanverður Landvegurinn endurnýjaður og lagður slitlagi, en hann er víða svo mjór að stikurnar lentu sumar niður í fláanum .Ég öfunda ekki vikurbílstjórana af að mætast á Landveginum enda er víða farið að kvarnast utanaf slitlaginu. Hvaða skoðun hafa menn á þessu? Kv Olgeir
