Forum Replies Created
-
Replies
-
Sæll Agnar. Þetta er fróðlegur listi og líkt og með framboðslista umdeilanlegt hverjir þar eru. Mætti bæta við Háskerðingi 1281,Rauðufossafjöll 1207,Löðmundur 1074,Reykjafjöll 1163 o.s.frv. Við ritun árbókar FÍ um Heklu 1995 var Hekla mæld nákvæmlega með tækjum Norrænu eldfjallastöðvarinnar og mældist 1487,96 m . Síðan hefur hún gosið einu sinni og spurning um núverandi hæð. Þetta er nú svona til gamans. Annars eru svona leikir bæði skemmtilegir og fróðlegir. Kv. Olgeir.
Sælir. Myndavélin er í húsi sem heitir Hvammur og er næst gamla Vatnaveri en Arnnarsetur er næsta hús í kverkinni við hraunnefið. Ótrúlega lítill snjór . Stundum er hrím á rúðunni og sést bara grá mynd. Ég kann ekki að setja slóðina með eða mynd en slóðin er afar einföld helgi.dk . Þessa myndavél á líklega maður sem er með Hvamm í vetrarleigu. Snjólínan í Heklu er núna nánast um Litlu Heklu og Höskuldsbjalla 850 til 950 m.y.sjó.
Sendi öllum góðar jólakveðjur og vonandi verður ferðafrelsi ekki eyðilagt á næsta ári. Olgeir.
Góða kvöldið. Það er komin upp vefmyndavél í einu húsinu við Veiðivötn og sendir eina mynd á dag. Þær myndir geta gefið vísbendingar en þó er oft munur á veðri í Laugunum og inn í Veiðivötnum þó að ekki sé langt á milli um 20 km. Slóðin er helgi.dk Með kveðju Olgeir
Þetta er að verða hin merkilegasta pæling . Hvenær breytist stúlka í konu og er kona ekki kona ef hún er klædd í föt þó að höfuðið standi uppúr ! Kveðja Olgeir.
Það er rétt hjá Agnari að jöklar eru auðvitað fjöll þó að fast berg nái ekki alstaðar uppúr ísnum. Ég sé að heiman frá mér bæði Heklu og Eyjafjallajökul og oftast er aðal munurinn að minni snjór er í Heklu en Goðasteinn og fleiri hátindar Eyjafjallajökuls ná uppúr snjónum og eru tæpleg 200 metrum hærri en Hekla. Samt er yfirleitt gaman að fást við þrautir. Með kveðju Olgeir
Sælir . Ég tel þessa spurningu ómarktæka þar sem ekki er tekið fram að jöklar teljist ekki með. Eyjafjallajökull er 1666 m og Herðubreið er mun hærri en Kerling . Snæfellsjökull kemur sterkur inn þannig að Kaldbakur er öruggur. Svo er eitt hvar eru nákvæmlega mörkin milli fjórðunga. Fyrirgefið útúrsnúningana en það skeður alltof oft í spurningakeppnum að spurningar orka tvímælis og jafnvel gefið rétt fyrir rangt svar. Með kveðju. Olgeir.
Sælt veri fólkið. Ég á vídeó sem er frá ferð okkar nokkurra á gömlum bílum og nýrri yfir Tungnaá á Hófsvaði 2004. Þetta er náttúrulega ekki gamalt en sýnir vaðið nokkuð vel. Ef þið viljið búta úr þessu er það velkomið. Mér líst annars vel á framtakið. Með kveðju Olgeir
Sælt veri fólkið. Ég var að taka mynd af Heklu og Vatnafjöllunum héðan að heiman og myndi setja hana hér með ef það væri svona ótrúlega flókið. Set mynd á Facebook í hópinn Vinir Landmannaafréttar,Veiðivatna og fl. Í gærkvöldi var snjór í Landmannalaugum um 1 cm . Góða ferð á morgun á skemmtilegar slóðir. Kv. olgeir
Ég vil þakka fyrir þetta framtak sem var orðið verulega aðkallandi. Ég fór um helgina upp að Hrafntinnuskeri og sá hvað þetta var flott hjá ykkur. Til dæmis stikur báðum megin á brúninni á Snjógilinu. Stikun getur aldrei verið nema til bóta sérstaklega fyrir ókunnuga í dimmviðri. Ég held að ekki yrði grátið þó að gamla Dyngjuleiðin væri stikuð einhverntíma,ef ekki fást leyfi á heilögum stöðum. Svo vil ég þakka honum Degi fyrir að gefa sér tíma til að koma og spila bíl kunningja okkar sem lenti í árekstri í Lambafitarhrauninu. Með kveðju. Olgeir
Það er eitt djúpt úrrennsli alveg í vegkantinum þar sem Pokahryggurinn er mjóstur. Þar þyrfti að koma stika sem er 2 metrar lágmark og reyndar vantar efni í þessa grottu sem er stórhættuleg ef laus snjór leggst yfir. Kv. Olgeir
Sælir félagar. Þetta líst mér vel á. Ég fór í dag uppí Hrafntinnusker í ógleymanlega fallegu veðri og sá að töluvert er af stikum á leiðinni, en þörf á að þétta þær og bæta í skörð þar sem stikur hafa brotnað. Af hverju er ekki vilji fyrir að stika alla leið fram að Laufafelli eða var það ekki nefnt. Ég kemst því miður ekki í þetta núna. Svo frétti ég að búið er að skila steininum á sinn stað í Dómadalshrauninu. Vonandi eiga þátttakendur skemmtilegan dag.Með kveðju Olgeir
Það er trakk af Laugaveginum á síðunni wikiloc.com Þar eru gönguleiðir og fleira úr öllum heiminum held ég og það er hægt að downloada ferlunum í GPS tækið sitt . Laugavegurinn er settur inn af Leifi Hákonarsyni. Ég hef ekki leitað að gönguleið kringum Langasjó
Þetta er tímabær umræða. Ég veit að við Landmannahelli er afar erfitt og stopult símasamband og lengi vel var notast við NMT síma vegna ferðaþjónustunnar. Síðar var farið að nota GSM síma ,Nokia 6210 sem var með tengil fyrir aukaloftnet. Notað var stefnuvirkt loftnet frá Sigga Harðar og virkaði þetta í nokkur ár en loftnetstengið vildi slappast . Síðan var í fyrra fenginn sími sem tengdist svokallaðri vöggu sem bæði hleðslan og útiloftnetið tengdist í . Þetta er einhver Nokia sími og veit ég ekki hvort hann styður 3 G kerfið og ekki veit ég hvort svona símar fást ennþá. Því miður er eins og aðal áherslan á símamarkaðnum sé á flottheitum en minna hugsað um hvernig símarnir nýtist við erfiðar aðstæður eins og víða á hálendinu. Sendarnir á Snjóöldu hafa gjörbreytt ástandinu víða að fjallabaki, en þeir breyta engu við Hellinn þar sem Löðmundur,Lifrafjöllin og fleira er að skyggja á. Vitiði hvort við sem erum með NMT síma getum flutt númerin á einhverja nýja /aðra síma? Kv. Olgeir
Nú hef ég aldrei komið í Vonarskarð og þekki ekki aðstæður nema af afspurn. Á kynningarfundi um Vatnajökulsþjóðgarð á Laugalandi í vetur var mikið rætt um vegamál þar og á Jökulheimasvæðinu og víðar. Þar talaði Gísli Ólafur Pétursson af þekkingu um þetta mál en hann vel kunnugur svæðinu sonur Péturs Sumarliðasonar sem var veðurathugunarmaður í Jökulheimum í mörg sumur. Gísli vildi ákveðið halda ákveðnum vegum á svæðinu opnum og sömu skoðun hafði Freyr Jónsson sem gjörþekkir allt svæðið. Heimamenn í Ásahreppi töldu alveg út úr korti að loka Vonarskarði fyrir hestaumferð. Fleiri tóku til máls og tónnin í fundinum var að ganga ekki hart fram í að loka fyrir bílaumferð . Soffía Sigurðardóttir ræddi um reynslu sína og upplifun ferðamanna,en hún hefur verið starfsmaður í Nýjadal nokkur nýliðin ár. Hún telur að sárlega vanti þjónustu í Vonarskarði fyrir göngufólk ,svo sem kammra eða einhverskonar þjónustuhús. Þar er ekkert fjarskiftasamband nema með gerfihnattasíma .Það fer að verða spurning hvort einhver gamall eins og ég eða hreyfihamlaður fer í mál og lætur reyna á hvort svona hindranir á aðgengi standist jafnræðisreglu. Ég vil bara koma þessum punktum á framfæri og vona að málið fái farsælan endi. Með kveðju Olgeir
Sælir. Ég er með albúm á Picasa með myndum af gömlum bílum og traktorum ,nokkrir tugir mynda. Ég er búinn að merkja myndirnar en kann ekki á þann fídus að setja albúmið beint hér inn. Væri gaman að fá nánari leiðbeiningar um það. Kv. Olgeir
Ég er sammála því að þetta var afar ruglingslega sett upp allt saman. Hann sagðist hafa verið einn á ferð en var nánast alltaf sjálfur í mynd og hvar eru ljósmyndirnar? Þær koma kannski í seinni þættinum. Ég væri ekki ánægður með mig ef ég hefði gert þessa mynd. Staðfræðin hefur mikið að segja ekki síst fyrir útlendinga sem ætla hugsanlega að skoða hálendið. Kv. Olgeir
Helst að hann Broddi viti um færðina. Hann er að sjá um Landmannalaugar nú um stundir og sagði að eftir síðustu helgi hafi verið kominn meters snjór við Frostastaðavatn en þar fyrir helgina var ekki skíðasnjór í Laugunum .Síminn hjá honum er 894 9977. Með kveðju Olgeir
Sælir. Ég myndi reyna að hafa samband við hann Brodda Hilmarsson. Hann er byrjaður að sjá um Landmannalaugar í vetur og er með síma 894 9977 eða í Laugunum 894 1192. Svo er tilraun að kalla í Laugarnar á rás 42. Kv. Olgeir
Sælir. Einu sinni áður en vegurinn kom í Námnum í Laugarnar voru menn á ferð á tveimur Weaponum með eldra fólk. Til vonar og vara settu þeir band á milli bílanna og þegar sá fyrri komst ekki uppá bakkann var hinn kominn útí og sátu báðir fastir. Þetta fór víst allt vel en þessi aðferð er ekki einhlít. Ps. Hvaðan kemur sérhæfð straumvatnabjörgunarsveit sem þekkir þórsmerkursvæðið betur en heimamenn sem eru stöðugt að bjarga þar fólki? Þarna fór sem betur fór vel Kv.Olgeir
Sælir. Þetta var þannig hjá Félagi farstöðvaeigenda ,sem þeir eldri í bransanum muna að við fengum félagsmerkið sem var límt innaná rúðu og svo voru númerin afhent hjá deildunum sem stakir stafir. Of mikið vesen að vera að prenta heil númer. Þetta var einfalt í framkvæmd en ekki veit ég hver kostnaðurinn var. Ég þarf að taka mynd af þessu í afturglugganum á þeim gamla og setja í myndasafnið þeim yngri til sýnis.Með kveðju Olgeir
