Forum Replies Created
-
Replies
-
Það er mjög líklegt að Illviðrahnjúkar séu í Akrahreppi þar sem þeir eru milli kvísla úr Jökulsá Austari. Þar að auki kemur ein kvíslin sunnan frá Klakk held ég og þar eru trúlega sýslumörkin því að Eyjafjarðarsýsla nær að Hofsjökli á kafla.Að sunnan væntanlega um efstu kvísl Þjórsár. Í gamla daga smöluðu 5 menn Hnúkasvæðið á mánudegi í 22. viku sumars.Þeir gistu í Orravatnsrústakofa og voru hluti þeirra sem smöluðu milli Jökulsánna. Nýjabæjarafrétt er austan Jökulsár og þar smöluðu bændur sem bjuggu austan ár í Austurdal en mörkin eru óljós. Þeir smöluðu að Fossá á móti Eyfirðingum. Þessar frásagnir af smölun eru í Göngum og réttum 2. bindi .Gott væri að fá komment á þetta að norðan ef rangt er með farið. Kv. Olgeir
Skemmtilega vangaveltur.Fyr í þessu spjalli er rætt um að Illviðrahnjúkar séu í umdæmi sýslumanns í Eyjafirði en í bókinni Landið þitt eru þeir merktir Skagafirði . Á bls. 207 í árbók FÍ um Skagafjörð frá 1946 er Hallgrímur Jónasson að lýsa þessu svæði og upptökum Jökulsár Austari. Ég held að þetta svæði tilheyri Hofsafrétt .Hvað segja heimamenn fyrir norðan um þetta ? Í árbók FÍ 1950 er stutt lýsing á fyrstu bílferð frá Hveravöllum norðan Hofsjökuls 1949 og í árbókinni 1951 er stutt lýsing á fyrstu bílferð af Sprengisandi yfir Þjórsá og suðvestur með Hofsjökli en þegar menn komu á svæðið nálægt Setrinu fóru þeir að sjá för eftir bíla .Kv. Olgeir
Við komumst helst að því að annaðhvort Tungufell eða Brattholt væru lengst frá sjó um 62 km .Þó að Haukadalur sé lengra frá suðurströndinni er orðið styttra í Hvalfjörð. Svona er margs að gæta . Alltaf gaman að þrautum. Kveðja Olgeir.
Mér líst vel á tillöguna með pappann. Einu sinni lenti ég í að deila um hvaða bær á Suðurlandi væri lengst frá sjó. Hvað haldið þið ? kv. Olgeir
Góða kvöldið. Hefur mönnum aldrei dottið í hug að útbúa tölustafi með lími til að hafa í afturglugga eða annarsstaðar með félagsmerkinu líkt og FR var með hér á árunum ? Þetta kostar náttúrulega eitthvað en þetta er bara svona hugmynd. Kveðja Olgeir
Sæll Stebbi. Ég finn ekki reikninginn yfir demparana en á pakka sem ég held að sé örugglega utan af dempurunum stendur Gabriel og stjarna17066.síðan neðar með minni stöfum P0021 . Þessir demparar pössuðu beint undir bílinn en hann er með hækkun upp á 3 til 4 cm. Kveðja Olgeir
Ég á Sidekick 1995 sem er á 30 tommu dekkjum og búið að keyra um 111 þúsund .Það eina sem hefur bilað eru þurrkublöðin og svo er búið að skipta um tímareimina en það er nú ekki flokkað undir bilanir. Ég fékk bílinn ekinn 25 þúsund km. og var ráðlagt af kunningja mínum sem var búinn að eiga Súkku að setja tvívirka dempara að aftan og gerði ég það strax .Munar miklu á ójöfnum vegum svo sem hraðahindrunum. Ég hef hvergi getað séð hvaða drifhlutföll eru í þessum bílum en kannski getur einhver frætt mig á því. Mér likar afar vel við bílinn og er hann ekki eyðslufrekur , var að eyða í sumar í ferð um Vestfirði frá 9,3 til 9,5 lítrum á hundraðið . Kveðja Olgeir
Sælir. Þið ráðið alveg hvort þið trúið því en ég og margir fleiri töluðu við ítali og fleiri í útlöndum en það var við viss skilyrði í lofthjúpnum . Algengt var að menn skiptust á staðfestingakortum . Einu sinni heyrðu íslendingar sem voru við höfnina í New York með handstöð í okkur félögum hér og gátu staðfest það með því að segja frá umræðuefninu seinna. Nokkrir færeyingar voru með íslensk FR númer en það voru held é mest sjómenn . Einn hafði kallmerkið Siera Foxtrot . Þetta er rétt mynd af Micro 66 6 rása stöð .Þetta eru afar einfaldar stöðvar og hafa reynst vel .Mína fékk ég 1976 og er hún núna búin að vera stöðugt í Víboninum í rúm 20 ár og alltaf í lagi. Það gæti verið gaman að taka einhverntíma saman ýmsan fróðleik um notkun þessara stöðva á FR tímanum því að oft komu þær að gagni í sambandi við slys og annað en það er nú önnur saga . Kveðja Olgeir
Talandi um Ítalíu þá talaði ég einu sinni úr bílnum til Ítalíu í óbreyttri cb stöð Micro 66 og ég talaði við Sigfús á Brekku í Mjóafirði og fleiri þvert yfir landið en þetta var stundum hægt og var við sérstök skilyrði í loftinu og kallað "skipp". En á sólblettatímabilinu sem var yfirleitt á 10 eða 11 ára fresti voru nú ítalirnir til afar mikilla leiðinda og ásamt fleirum yfirgnæfðu allt á rásunum svo að illa gekk að ná langt. Það gat samt stundum verið gaman að þessu og sumir áttu mörg staðfestingakort frá útlöndum en algengt var að skiptast á kortum til að staðfesta samtölin .Með kveðju Olgeir
Mig langar að segja frá góðri reynslu okkar á Landmannaafrétti af Uhf stöðvunum. Fyrir 2 árum keyptum við 12 stöðvar til að nota við smalamennskuna . Þetta eru Alan stöðvar frá RSH .Þær nota 3 rafhlöður AAA og þarf yfirleitt tvo ganga í 5 daga smalamennsku .þessar stöðvar eru með mjög góða mótun og nýtast vel þar sem er ekki alltof langt á milli manna en draga að sjálfsögðu ekki í gegnum há fjöll. Menn fengust helst ekki til að bera gömlu labb rabb stöðvarnar í erfiðu landslagi og vildu loftnetin brotna . Ég talaði ótrúlega langt með minni gömlu handstöð ,Sharp 0,2 vatta , þar á meðal ofan af Löðmundi að Hellu og heyrði í mönnum í Borgarfirði og víðar langt að. Bara svona smá innlegg Kveðja Olgeir
Í 2. hefti ritsafnsins fósturjörð eftir Pálma Hannesson rektor er þátturinn um villu Kristins á Tjörnum og margar frásagnir í svipuðum dúr. Þar á meðal um dirfskuför Sturlu í Fljótshólum sem gekk úr Bárðardal suður yfir Sprengisand að Skriðufelli á þrem sólarhringum seinni hluta vetrar 1916. Þessar bækur gætu verið til í fornbókabúðum og örugglega á bókasöfnum. Meðferðakveðjum Olgeir
Ég hvet alla sem hafa áhuga fyrir ferðalögum að lesa bækurnar Hrakningar og heiðavegir . Þær komu út fyrir nokkuð löngu og eru að ég held eftir Pálma Hannesson rektor og Jón Eyþórsson veðurfræðing og eru í 4 bindum .Það er fróðlegt fyrir menn með nútímatækni að lesa allar þær frásagnir sem eru í bókunum af ferðum um alla mögulega fjallvegi og fleira í gamla daga . Svo er þarna líka svo mikil landafræði og saga . Góða skemmtun .Kveðja Olgeir
Til fróðleiks ætla ég að segja frá að við feðgarnir fórum fyrir nokkrum árum suður yfir Höfða og mældum hallann í brekkunum sunnaní Höfðanum og var hallinn í efri brekkunni 28 -30 % og í neðri brekkunni 34-35 % .Við fórum upp að Íshellum og síðan fram yfir Markarfljót og um Dalakofa og Krakatindsleiðina til baka inn að Landmannahelli .Þetta gekk allt vel einbíla á Suzuki jeppa á 30 tommum. Kv. Olgeir
Frábært að þú skyldir endurheimta kerruna . það fer að styttast í fjallferðina. Svona geta auglýsingar virkað og nógu margir hafa augun hjá sér. Kv. Olgeir
Ég kann ekki ennþá að setja myndir á síðuna , en ef einhvern langar að skoða gamlar myndir aðallega af Landmannaafrétti frá 1970 og síðar eru þær á slóðinni http://photos.heremy.com/nefsholt/ .Éger oft að skoða myndir hér á síðunni og hef gaman af .Kveðjur Olgeir
Ég held að ekki sé gott að fara með óbreytt fellihýsi Krakatindsleiðina sérstaklega hraunið næst Tindinum . Betra er að fara upp úr Skjólkvíum ( Trölla ) og austan Heklu um Mundafellsháls og austan Vatnafjalla niður á Syðri Fjallabaksleið . Þessi leið er hefluð og á að vera fær en bratt er upp úr Sljólkvíunum . Svo er spurning hvort menn leggja fellihýsin í Langvíuhraunið sem er gróft . Kv. Olgeir
Mér er sagt að nýi Línuvegurinn liggi aðeins upp með Fossánni að austan og yfir ána á nýju og betra vaði á klapparbotni . Þetta sagði mér maður sem vinnur hjá Ræktunarsambandi Flóa og Skeiða en þeir vinna að slóðagerðinni vegna nýju línunnar. Kveðja. Olgeir
Í gærkvöldi var verið að hefla Dómadalsleiðina og skálavörður kominn við Landmannahelli.
Í gærkvöldi var verið að hefla Dómadalsleiðina og skálavörður kominn við Landmannahelli.
