Forum Replies Created
-
Replies
-
Sælir félagar. Ég kemst ekki í stikuferðina núna þar sem hún lendir á Veiðivatnahelginni hjá okkur en það var gaman að vera með 2013 á Heklubrautinni eystri. Svo hittumst við í Dalakofanum í fyrra en þá var ég í öðrum erindum en ég óska ykkur góðrar helgar. Með kveðju Olgeir.
Sælt veri fólkið. Ég get því miður ekki tekið þátt í verkefninu núna þar sem ég er að trússa og snúast í kringum hóp sem er að skoða og finna góða gönguleið milli Landmannahellis og Dalakofa.Búinn að lofa því fyrir nokkru. Vonast til að hitta ykkur á morgun og svo gistum við í Dalakofanum á laugardagskvöld og sjáumst allavega þá . Með kveðju Olgeir
Ég gleymdi að nefna að á Picasa er mjög þægilegt að skrifa við myndirnar og breyta ef maður gerir mistök.
Sæll Sigurður og þakka þér fyrir að lagfæra aðganginn hjá mér. Ég er sammála með merkingar á myndum. Það gerir myndirnar mun áhugaverðari að merkja þær. Ég var að setja inn myndir úr stikuferðinni 2013 og skrifaði við í reit hægra megin en sé engan texta þegar myndirnar birtast. Setti í ógáti 2 myndir eins og get ekki eytt annari . Með kveðju Olgeir
Sæl öll. Samkvæmt norsku veðurstofunni lítur bara nokkuð vel út með veðrið. Ég fann meira að segja Mundafell sem er hæsti punkturinn ásamt Breiðaskarði og þar er spáð 11 metrum af vestri og sól um miðjan daginn. Kann ekki að setja inn mynd hér. Kv. Olgeir
Sælt veri fólkið. Mér sýnist veðurspáin vera heldur að lagast en á þessu svæði er mesta hættan af sandfoki og vikurs. Mér sýnist vegurinn sleikja 800 metra línuna á tveimur stöðum, í Breiðaskarði og við Mundafellsháls. Ég get haft heftara með og á slatta af heftum sem allavega passa í hann 10 mm breið og duga í marga tugi stika. Hlakka til að hitta ykkur á laugardagsmorgun ef út verður sigandi hundi. Með kveðju Olgeir sem notar L 381 hvað sem hver segir.
Góða kvöldið. Ég stefni að mætingu í Áfangagil eða Sölvahraun að morgni laugardags. Er á Súkku og get hvort sem er keyrt einhverja eða farið með öðrum bíl. Er ekki til stórræða í sleggjuhöggum ekki neinn unglingur lengur,en á afar góða staurasleggju ef á þarf að halda. Líka er á toppgrindinni lipur járnkall og oddmjór tindur úg gamalli heygreip sem oft er góður ef fara þarf í gegnum hörð öskulög eða smjúga milli steina. Hlakka til að hitta góða félaga sem ég þekki því miður fæsta. Með kveðju Olgeir
Ég sé ekki betur en þetta sé Maninn hans Þórðar Sigurjónssonar sem var með í leiðangrinum yfir Hófsvað 2004 og afskaplega góður í vatnasull
Sæll Björgvin. Þú minnist á Skyndidalsá. 1993 fór ég yfir Skyndidalsá á Lödu Sport í fylgd með afar kunnugum manni ,Steina í Bjarnanesi, og gekk það mjög vel enda gott veður og frekar lítið í ánni svona nokkurn vegin yfir hjólin Skyndidalsá er afar fljót að vaxa og getur verið alófær nema og kannski öllum bílum þó að það hugtak ófært sé afstætt. Það er skemmtilegt að keyra yfir Kjarrdalsheiðina inn á Illakamb eftir mjög krókóttum vegi og er þá um hálftíma gangur að Múlaskála. Mér fannst aurar Jökulsár í Lóni með ólíkindum líkir aurum Jökulgilskvíslarinnar við Landmannalaugar. Litirnir og straumlagið en á Lónsöræfum eru tré en jarðvegur grjót og möl í Jökulgilinu. Mér gengur illa að setja inn myndir hérna á nýju síðunni og bendi á ýmsar myndir á picasaweb.google.com/olgeire . Með ferðakveðju Olgeir í Nefsholtiþ
Sælir góðir félagar og gleðilegt sumar. Ef farin er Dyngjuleiðin er farið framhjá Valagjá ,en Áfangagil er ekki beint í leiðinni nema farið sé norðan við Valafell og þá er ekki farið framhjá Valagjá. Þetta er greinilega hin besta ferð og ég segi góða ferð heim. Kveðja Olgeir Geimstöðvarstjóri.
Ég vara við að raka gróflega yfir för í mosa því að mosinn er viðkvæmur en djúpu förin í bleytunni þarf að fylla með efni svipuðu og er í kring , sandi eða vikri . Svo er þetta oft það sem gerist ef vegurinn er illfær. Fyrir nokkrum áratugum var Fjallabaksvegurinn með Kirkjufellinu afar slæmur vegna djúpra polla og drullu. Þarna keyrðu margir framhjá hvörfunum og stórskemmdu mýrina. Þá var reyndar varla farið að tala um utanvegaakstur. Vegagerðin gerði þá átak í að lagfæra Fjallabaksveginn í sambandi við hættu af Kötlu og vegrofi sunnan jökla. Þá var borið vel ofan í veginn og pollarnir fylltir og sett voru ræsi í suma lækina. Eftir þetta steinhættu allir að keyra út fyrir veg. Svona er þetta víðar og besta forvörnin er að vegurinn sé sæmilega fær og gæti ég sett inn myndir þessu tengt ef ég kynni það. Í þessu ákveðna tilfelli er ekki að sjá að vegurinn hafi verið ófær. Kv. Olgeir
Sælir félagar. Ég held að aðal ástæðan fyrir því að menn hleyptu ekki úr dekkjunum hér áður hafi verið að dekkin voru með slöngu og eldri gerðir af dekkjum voru þannig að þau lögðust illa við úrhleypingu og mynduðu djúp för á jöðrunum og miðjan snerti varla veginn. Þessi gömlu dekk voru fljót að eyðileggjast ef keyrt var á þeim loftlitlum. Svo var þetta náttúrulega ekki vani fyrir tíma radialdekkjanna og vaninn telur alltaf mikið. Mér finnst skrítin kenning í nýlegri ábendingu frá Umferðarstofu að bæði of mikill loftþrýstingur og minni en gefið er upp valdi minna veggripi . Ég hef góða reynslu af að minnka um þó ekki sé nema örfá pund í dekkjunum í hálku jafnvel á fólksbílum. Það er brött brekka á leiðinni heim til mín og góð til tilrauna í snjó og hálku. KV.Olgeir
ÓB hefur lækkað um sömu 13 krónurnar að minnsta kosti á Landvegamótum. Bara gott mál.
Er ekki bara málið að fara þetta á góðum traktor með drif á öllum og sakar ekki að hafa ámoksturstæki . Fín torfærutæki eins og sást í Tungnaánni forðum. Með kveðju Olgeir
Sælir. Ekki veit ég um færð á Línuveginum en ég fór inn að Landmannahelli í gær. Vegurinn er þurr nema 10 metra bletturinn á sandinum austan við Sauðleysurnar. Svo er pollurinn góði austanundir Sauðleysunum ,sem óvanir ruglarar þora ekki að keyra og spóla og tæta allt í sundur fyrir utan veg og festa sig yfirleitt. Einn Range Rover sótti Björgunarsveit þangað´17.júní og var sá með bilaða skiptingu. Vegurinn í pollinum er harður eins og malbik. Milli Hellisins og Landmannalauga er aftur á móti mikil bleyta,skaflar og stórt stöðuvatn í Dómadal og verður sá vegur ekki opnaður alveg á næstunni held ég. Kv. Olgeir
Sæll Jökull. Ég var ekki að væna ykkur um spjöll en þetta útheimtir mikil snjóalög . Til gamans segi ég frá því sem vanur maður sem var að þjónusta einhverja rannsóknamenn um miðja síðustu öld sagði. Hann fór með hesta ofan úr Reykjadölum niður í Laugar og sagði að það hefði verið erfitt . " Ekki ráðlegg ég neinum að leika það eftir" skrifaði hann. Þetta var að sjálfsögðu að sumarlagi og ekki snjór til að slétta yfir gil ig sprungur. Ég man að á fyrstu árum mínum í smalamennskum í Jökulgilinu uppúr 1964 var gjarnan harður snjór í gilskorningum sem létti manni gönguna. Nú síðari ár eru nánast öll gil snjólaus á haustin og mun erfiðara gangfæri. Það er alltaf gaman að láta sig dreyma. Kv. Olgeir
Sælir. Ég stórefast um að það sé nægur snjór á svæðinu til að þetta sé raunhæft. Leiðina frá Álftavatni í Hrafntinnusker þekki ég afar lítið, en örugglega bratt og giljótt upp Ljósártungurnar. Það þarf líka mikinn snjó til að fylla uppí Laugahraunið og fleira gæti orðið strembið og stutt í landskemmdir. En annars góða ferð. Kv. Olgeir
Sælir. Þetta er nefnilega málið að æfa sig í að nota stöðvarnar. Ég er búinn að fara í gegnum allan pakkann nema Tetra og þó að margir geri nú lítið úr CB inu þá var um tíma svo mikil dekkun á því að nánast alltaf náðist í einhvern ef eitthvað var að . Ég til dæmis svaraði einu sinni kalli frá slysstað við Kjósarskarð og hringdi í sjúkralið á Selfossi . Það var gott samband innan úr Veiðivötnum til Vestmannaeyja og Keflavíkur og víðar. Margir sem nánast aldrei nota talstöðvarnar kunna svo ekki á þær þegar á reynir. Með Kveðju Olgeir
Sælir. Hverjir sjá um að uppfæra þessi kort? Eru skipulagsyfirvöld sein að skila upplýsingum. Bara hér í kring vantar vegi að æði mörgum nýlega byggðum heimilum . Sumir þessara staða eru búnir að vera í byggð í 5 ár eða meira .Þetta getur verið bagalegt fyrir þá sem ætla á þessa staði og eru ekki alveg vissir um afleggjarann. Bara svona fyrirspurn að gefnu tilefni. Kveðja Olgeir
Sæll Valur. Mér finnst ekkert undarlegt þó að einhverjar breytingar verði á toppnum í eldgosum og þetta er ekki mikill munur. Er tækið hjá þé alveg nákvæmt eins og landmælingatækin ? Mitt sýnir alltaf nokkrum metrum of háa tölu til dæmis við sjávarmál en kannski er meiri nákvæmni á fjallatoppum þar sem fleiri tungl ná kannski sambandi. Með kveðju Olgeir
