Forum Replies Created
-
Replies
-
Ath. sjálfskiptivökvann, ef hann er svartur þá er skiptingin farin, þetta lýsir sér svipað og hjá mér þegar skiptingin fór í Pajero en það er sama skiptingin í þessum jeppum sem og 90 Cruser. Ég var ný búinn að taka úr- og setja allt véla og kassa dótið í jeppann og brenndi bent í ferð. Ég komst upp í Kaldadal þegar skiptingin hætti að grípa. Ég hallast á það að það hafi ekki verið nægur vökvi á skiptingunni þó að A/T ljósið kviknaði aldrei. Þegar ég tók svo upp skiptinguna kom í ljós að diskarnir fyrir fyrsta gírinn var steiktur. Ef þú treystir þér í upptekt talaðu þá við Ljónstaðabræður, þeir eiga allt í þetta.
En ég vona að þín vegna að ég hafi rangt fyrir mér.
kv. vals.
Nei Ólafur, ég var ekki í neinni nefnd eða stjórn þar með á ég ekki rétt á sæti þar. Ég minnist ekki að hafa séð fundargerð frá aðalfundinum þó gæti alveg verið að hún hafi legið einhverstaðar fyrir.
Ef þessi lög verða að veruleika á undan kostningu í nefndir, verða öll framboð ógild og aðilar verða að endurnýja framboð sitt og þeir nefndaraðilar sem ætluðu í nefndir sem ekki gegna meginhlutverki í störfum Klúbbsins en langar samt, verða að brosa breytt til stjórnar.
Ég er í Reykjavíkurdeildinni en hef samt ekki fengið aðalfundarboðið en ég ætla ekki að kenna neinum um og tel að ástæðan sé íslandspóstur, eða það vona ég. Ég ætla allavega ekki að gera veður út af því.
kv. vals.
Eftir að ég fann breytingatillögurnar að lögum Klúbbsins vildi ég helst heyra hvers vegna breyta þarf lögunum svo mikið.
Hvert er vandamálið, hvers vegna þarf að setja í gang nefnd til að breyta lögunum, hver er hvatinn að svona dramatískum breytingum.
Í staðinn fyrir 12 nefndir eiga þær að vera 4 og staðinn fyrir 60 kosna fulltrúa í þessar nefndir eiga að vera 12, rest á stjórn að handvelja. Þeir aðilar sem eru handvaldir mega vinna en ekki hafa áhrif eða ábyrgð. Hver verður tildæmis ábyrgð þeirra handvöldu aðila í vefnefnd, eiga þeir að halda uppi aga á vefnum, mega þeir loka á þursa eða eiga þeir að sitja undir súð og forrita fyrir stjórn. Ég nefni Vefnefnd þar sem í greinargerðinni er hún ekki talin gegna ‘meginhlutverki í Klúbbnum, þó að ástæða flestra sem ganga í Klúbbinn sé vegna heimasíðunnar. Á stjórn að ákveða það svona eftir hendinni ‘með sérstöku skipunarbréfi’ eða ætla menn setja hliðarlög, einhvers konar reglur eða bara einhvern vegin.
Ég skynja alveg hvert vandamálið er og hef einnig heyrt það undir súð. Ef nefndarmenn eða stjórnaraðilar ráða ekki við bastarða sem kosnir hafa verið í nefndir, sem standa svo í vegi fyrir framförum í nefndarstörfum má ekki hlaupa upp til handa og fóta og breyta lögum klúbbsins svoleiðis að hinn frjálsi félagsmaður nenni ekki að vera vinnudýr fárra stjórnarmanna.
Það má setja úrræði í lögin sem gerir stjórn og nefndarmönum kleift að leysa svona vandamál þegar í nefndir hafa valist menn sem standa nefndarstarfinu fyrir þrifum.
–
Tillaga:
Ef meirihluti nefndar getur ekki unnið með nefnd eða telja að nefndaraðilar standi nefndarstörfum fyrir þrifum geta þeir lagt fyrir stjórn kvörtun og tillögu að brotvikningu viðkomandi úr nefndinni. Stjórnin skal kynna viðkomandi aðila hvert umkvörtunarefnið er og gefa honum/henni möguleika á andsvörum. Kalla skal saman stjórn og formenn annarra nefnda, þessum aðilum skal kynna málsatvik og að því loknu fer fram atkvæðagreiðsla og mun 2/3 atkvæða ráða úrslitum um hvort viðkomandi verði vikið frá störfum eða ekki.
–
Svo má útvíkka þetta þannig að stjórn getur lagt fyrir tillögu að brotvikningu heillar nefndar en hefur þá ekki atkvæðarétt.
Þessi tillaga er úræði sem gæti komið í staðin fyrir að kollvarpa lögunum og gera klúbbinn að sósíalískri samkunda þar sem fáir stjórna og að hinn venjulegi félagi í ferðaklúbbnum verði ekki að bíða í eitt ár til að hafa áhrif.
Nú veit ég ekki hvort að almenn lög um frjáls félagasamtök leifi svona gjörning þar sem nefndarmenn eru kjörnir í almennri kosningu á aðalfundi en tel að á það skuli láta reyna.
Kv. vals.
Þar sem ég og kannski fleiri hafa ekki fengið fundarboðið og þar með tillögu að breytingu á lögum er þá hægt að byrta þetta á vefnum, eða senda í tölvupósti.
kv. vals.
Es. búinn að finna tillögurnar og annað sem fylgir.
Þessi ventill er á milli pústgreinar og soggreinar, ventillinn sjálfur er skrúfaður á soggreinina og rör frá pústgrein í ventilinn. Ég er búinn að henda honum og setti flangsa í staðinn til að loka götunum. Hann reykir minna eftir að ég lokaði þessu en ég fann engan mun á krafti. Ef hann fer að gefa sig þá pústar inná soggreinina og það er ekki gott.
kv. vals.
Ég er ekki en búinn að sjá fundarboð önnur en þessi sem fer fram í umræðum hérna á vefnum, á ekki að senda þau í pósti eða auglýsa þau einhvern vegin. Það er ekki langt síðan aðalfundur var slegin af vegna mistaka í fundarboði, svo ég bara spyr ???.
kv. vals.
Á einhverjum tíma var samkomulag milli Ferðaklúbbsins og Vegagerðarinnar að kaflinn frá Húsafelli og upp í Jaka við Langjökul væri opinn jeppamönnum gegn því að Klúbburinn hvetti félagsmenn og aðra jeepaumráðamenn að láta af akstri á öðrum leiðum þegar aurbleyta væri þar ráðandi.
Nú í fréttum rétt áðan var verið að tala um lokun hálendisvega og sérstaklega var þessi kafli tekin fram Húsafell/Langjökull.
Er ekkert svona samkomulag í gangi ennþá um þennan kafla eða verða jökulþyrstir jeppakarlar að stelast yfir aur og drulla í von um að engin sjái ???????.
kv. vals.
Það er þegjandi samkomulag að vegurinn upp frá Húsafelli að Jaka verði aldrei lokaður, það er betra að jeppar spóli á honum einum í staðin fyrir að fara Kaldadalinn eða aðra vegi sem verður mun erfiðarar að viðhalda. Hjá Vegagerðinni sögðu þeir að það væri betra að við héldum okkur á einum vegi og þá þessum til að hlífa öðrum.
kv. vals.
Bjarni, svipuð kista kostar 32.000kr. í Landvélum en þessi sem þú bentir á kostar ca. 18.000kr. í Amerikuhreppi + að koma þessu á klakann en hún er snyrtilegir þessi sem þú bentir á.
kv. vals.
Hér tala menn um að svera loftslöngur til að vera fljótur að að blása upp dekkin en hvað með lokanan. Ég fór í Landvélar og Barka og þeir loka sem notaðir eru í þessar úrhleypingar eru með ca. 1,5-2,0mm gat sem loftið þarf að þrengja sér út um. Ég sagði að þetta væri bull að nota svona loka við þessa vinnu en þeir voru á sama máli að “allir“ sem væri með úthleypibúnað í jeppunum sínum væru með þessa loka. Ég tók einn loka og prúfaði, það tók um 2,5mín að hleypa úr einu 44“DC úr 3psi. í 2psi, eins og lokakerfið er uppstillt í Barka þá þarf all loftið að fara í gegnum einn svona loka, sem segir að það tekur um 10,0mín. að fara niður um eitt psi. Þarna er eitthvað sem ekki stemmir.
Spurningin er: hvaða loftloka (12V) eru men að nota við þessa vinnu og þá er ég að leita að lokum sem maður þarf ekki að leggja konuna og börninn í pant fyrir. Svona smálokakerfi kostar um 20þús. og þá er allt loftslöngu- og nipplaefni eftir.
kv. vals.
Við hvaða þrýsting dælir hún 60l/min.
kv. vals.
Frændi minn er með ’95 Patrol, grindin í honum er orðin lúinn og þarfnast einhvern sem kann og getur soðið svona grind þannig að hún verði traust og stenst skoðun. Einnig að menn taki sangjarnt fyrir svona vinnu.
Nöfn og símar væru vel þegnir
kv. vals.
Úr hvaða sófa datt þessi gæi.
–
kv. vals.
Jú konan mín var í þessari ferð en ég setti hana í jeppa hjá aðila sem ég treysti fullkomlega en ég ætla nú samt að ræða við hann.
kv. vals.
Es. þetta er á hraðri leið í vandræði.
Nei, nei strákar, ég er löngu ónýtur í þeim efnum enda kominn vel yfir miðjan aldur. En aftur á móti er vel hægt að nota mjúkleika Pajeroa til að búa til börn, alveg sama á hvaða ferð það er gert en í þessari ferð var ekkert um svoleiðis að ræða því ég var með karlkyns gest með mér allar leið, fram og til bara á miðjuna.
Ég hef bara verið að fylgjast með félögunum en vegna virðingar við viðkomandi verður ekki farið nánar út í það.
kv. vals.
Það er verið að bíða eftir niðurstöðu út þvagprufunni.
kv. vals.
Þeir eru komnir heim og héldu þessa líka flottu myndasýningu með frásögnum af ævintýrinu á síðasta mánudagsfundi. Það var virkilega gaman að hlusta og horfa. En hvort þeir gera eitthvað meira úr þessu veit ég svo sem ekki.
kv. vals.
Þakka þér fyrir þessar upplýsingar Ásgeir, þetta er eina sem þarf. Nú vita félagsmenn hvernig málin standa, efnahagshrunið, vefurinn ekki klár frá SKYRR, myndaalbúmið ekki gott, mörg handtök eftir, óljós lokadagsetning. Bara flott, ég fæ það allavega á tilfinninguna að það er verið að vinna í málunum og meira þarf ég ekki.
Mér finnst það þung spor að kvarta yfir sjálfboðavinnu sem félagsmenn leggja í þennan félagsskap og á í raun ekki að eiga sér stað. En svona smá komment, “við erum hér“ eða “við erum að vinna í málunum“ svo ég tali nú ekki um fínar útskýringar eins og Ásgeir kemur með, gerir mig rólegan og sáttan.
kv. vals.
Es. ekki það að ég hafi verið eitthvað æstur 😉
Hefur einhver heyrt í stelpunum til að athuga hvort þær urðu vara við skjálftann ?.
kv. vals.
Ég tek heilshugar undir fram komna pósta, “upplýsið líðinn“. Látið vita hvað er í gangi og hvers vegna nýr vefur hefur ekki séð dagsins ljós.
Ég var í vefnefnd og þekki því þetta röfl félagsmanna, en það versta er að láta ekki í sér heyra.
kv. vals.
Es. skelfilegt að geta ekki leiðrétt titillinn
