Forum Replies Created
-
Replies
-
Flottir strákar en alveg ótrúlegt hvað litlar fréttir eru af þessum atburði. Er einhver síða sem hægt er að lesa- og fylgjast með þessum gaurum. Það eru fullt af spurningum sem vakna og ef einhver veit hvar maður nær í upplýsingar um þennan leiðangur vinsamlegast látið vita þannig að við getum svalað forvitni okkar.
kv. vals.
Ha, ha, ha, ha, ha, við erum búinn að vera. Af öllum þeim sem klúbburinn valdi til að yfirfara skánna þá komst einn af þeim inn. Er þetta þjóðarsálin eða voru félagsmenn 4×4 svona lélegir í að mæta á kjörstað.
kv. vals.
Ég held að þakkir til stjórnar og þeirra sem að þessu verkefni hafa staðið verði seint þakkað nægjanlega, flott framtak. Ég var eiginlega alveg ákveðinn í að nenna ekki á kjörstað en þegar ég sé hvað þessir gæjar/gæjur hafa fært okkur þá er ég ákveðinn að fara yfir listann og mæta á morgun og sulla nokkrum tölum á blað. Takk Sveinbjörn, Ofsi, Benni og þeir sem lagt hafa hönd á plóginn, nú verður kosið.
kv. vals.
Er ekki réttast að splæsa WORD-námskeiði á þetta lið sem er að leggja fram svona frumvörp til að maður geti ratað í gegnum þetta torf.
kv. vals.
Mér datt það í hug að þú ættir allan heiðurinn af þessum skrifum en stóðst ekki mátið.
kv. vals
Atli, leyfðu nú stelpunum að skipuleggja þessa ferð, eða fá karlmenn að fara með ! 😉
kv.
Ground hawk, Mudder, DC-44 eru þau dekk sem þolað hafa úrhleypingar best, AT-dekkin frá Artic þekki ég ekki nóg til að tjá mig um þau. Flest önnur dekk þola illa akstur úrhleypt, hliðar og kantar eru rifnir löngu áður en slit nær að granda þeim. Ég á IROC-39,5 með 15mm munstur dýpt en á þeim verður ekki ekið aftur því hliðarnar eru í drasli. Ef einhver hefur áhuga á að kaupa þau fást þau fyrir lítið, þau eru á felgum og ef einhver vill taka þau af felgunum og skila mér svo aftur felgunum má sá hinn sami eiga dekkin.
kv. vals.
Greiðsluseðla ?. ég er búinn að fá þetta í heimabankanum og þarf engan greiðsluseðil, bara 2011 miðann.
kv. vals.
Ég er með jeppa að svipaðri þyngd og þú kannski 300 kg. Ég valdi DC-44" vegna þess að þau taka minnstu orkuna, ég var á 39,5" IROC en þau voru þyngri úrhleypt en DC. Drifhlutfallið er 49/10 eða 4,9:1 eins og það er skrifað. Þetta er allt of hátt hlutfall miðað við þessa stærð af dekkjum en lo-gírinn reddar alveg sjálfskiptingunni. Það eru klafa að framan á honum en hásing væri eflaust betri fyrir drifgetuna og viðhaldið en klafar eru betri í venjulegum akstri og samkvæmt fyrstu athugun þá þarf að fara með jeppann það hátt í loftið að hann verður bara fáranlegur á að sjá. þess vegna hef ég dregið að röra hann að framan.
Vandamálið við jeppann minn er vélaraflið, 128 hestar eru ekki nóg fyrir dekk af þessari stærð og í erfiðu færi þarf oftast að fara í för, sem jeppi af þessari þyngd og á 44" á ekki að þurfa.
Ég veit ekki hvaða hestafjöldi er í Musso en þá þarf að hafa það í huga þegar dekkja stærð og tegund er valin.
kv. vals
Ég veit ekki hvaða fjas þetta er með svart stál og disel. Ég bætti við 10cm reim í aðaltankinn hjá mér og stækkaði hann um 60L. Þessi reim var 1mm á þykkt og úr ódýru svötu stáli. Það eru 6. ár síðan og tankurinn hvorki lak eftir að ég sauð hann saman né eftir það.
Ég hef verið að undirbúa að smíða aukatank og hann verður smíðaður úr 1mm svörtu stáli alveg sama hvaða snillar koma hérna fram með sínar bölbænir. Tankur sem smíðaður er út 1mm svörtu stáli er örlítið léttari en úr 3mm áli.
Svo á ég græjurnar í stálið en ekki álið.
kv. vals.
Sammála Inga í Kistufelli, ef það kemur loft í kælivatnið þá er gat frá sylindar yfir í vatnið og óþarfi að kíkja á það, bara að byrja að rífa. Dælan eykur ekki þrýsting aðeins þegar vélinn hitnar. Ef olían verður gráleit eða gulleit þá er komið vatn í hana og þá er best að leggja bílnum strax.
En fyrir alla muni leitaðu ekki ráða hjá þeim sem skipti um pakkninguna !.
kv. vals.
Lalli flottur, mikið and… er þetta flott hjá ykkur, tilhamingju.
Það verður mjög fróðlegt að sjá afurðina af þessari vinnu. En fluttar myndir hjá þér Lalli.
kv. vals.
Hitler kom aðeins einu sinni í húsið vegna lofthræðslu. Rétt er að reynt hefur verið að gera það eins og það var þegar það var byggt en bandamenn rændu öll sem hægt var að ræna í lok síðari heimsstyrjaldar, öllum húsbúnaði, ljósum,teppum, hurðum og ég veit ekki hvað. Þegar ég fór á Zetuna þarna 1975 var hún leðurklædd með einhverskonar fyllti, mjög mjúk og þægileg en 1992 var þarna bara venjulegt IFO klósett. Ég fór sérstaklega inn á settið til að rifja upp gamlar minningar en varð fyrir miklum vonbrigðum.
Þetta er með flottustu stöðum sem maður kemur á, bæði vegna útsýnissins og sögunnar.
kv. vals.
E.s. vinsamlegast takið út þennan "Vista" hnapp, það tapast allur texti við að íta á hann.
Þakka þér fyrir þetta innlegg Kristján, þetta er ein leið til að fá einhverja umræðu í gang hérna á vefnum en hefur svo sem ekkert með Pajero að gera. þú tekur hann fyrir bara vegna þess að þú átt ekki svona jeppa eða kannski vegna þess að lengsti og besti tækniþráður sem þessi síða hefur vistað er tækniþráðurinn sem Halli/Ditto setti í gang um Pajero hérna fyrir nokkrum árum.
En það er alveg rétt að spjallið er óttalega dautt um þessar mundir enda allir sammála um það, spurning hvort það sé búið að segja allt sem segja þarf um þetta sport okkar eða eftir að kreppan lagðist yfir okkur þá hafa menn lagt ferðaáform á hilluna um sinn. Þegar ég var i vefnefnd þá var það nú þannig að um 60-70% af skrifum manna/kvenna var eingöngu að hrauna yfir náungann og/eða Klúbbinn. Það tóku nokkrir aðilar að sér verkefni að reyna að eyðileggja umræðuna um hin ýmsu mál og jafnvel að reyna að ganga af Klúbbnum dauðum eða kannski að ná völdum í honum eða eitthvað svoleiðis.
Ef menn vilja þessa umræðu aftur þá er svosem ekkert mál að koma því kring en ég tel að minni umræða og betri sé vænlegri fyrir svona Klúbb. Ég var að hlusta á morgunútvarpið (í morgun) þar sem talað var um upplýsingaskildu stjórnsýslunar, það er spurning hvort við eigum að taka svoleiðis reglur upp hjá Klúbbnum !. Ég veit ekki í hvaða formi en það er umræðunnar virði.
Kv. Vals., Pajero eigandi til 11 ára og engin áform um að skipta.
Hér er mitt framlag
24. júní 2010
Til Þeirra er málið varðar
Efni: Mótmæli vegna fyrirhugaðra lokana á slóðum innan Vatnajökulsþjóðgarðs.
Vatnajökuls Þjóðgarður, fyrir hvað stendur þjóðgarður. Í mínum huga stendur þjóðgarður fyrir garð þar sem þjóðin getur átt góðar stundir í. En nú stendur til að breyta þessari skilgreiningu og nafnorðið þjóð verði brytjuð niður í þjóðfélagshópa, þar sem nokkrum þjóðfélagshópum verður afhentur þessi sameiginlegi garður, þar má nefna bændur, fyrirtækjum sem hafa þénustu af túristum og öðrum sem ráðamönnum hugnast.
Stærstum hluta landsins verður svo eingöngu fyrir gangandi fólk, sem segir að þeir sem hafa getu til langrar göngu eru þeir einu sem fá að njóta. Hinir sem hafa ekki þrek, búa við skerta göngugetu eða eru fatlaðir fá ekki að njóta þess sem í garðinum býr. Þetta er tekið frá þeim vegna áeggja undarlegrar tilhneigingar á að banna allt nema það sem hentar fyrir fáa útvalda.
Hver eru rökin fyrir því að banna ferðalöngum sem eru á faratækjum að tjalda þar sem hentar en ef ferðalangurinn er á gönguferð má viðkomandi tjalda þar sem hentar.
Hver eru rökin fyrir því að útvalinn ferðafélög megi aka slóða en hinn venjulegi ferðalangur ekki. Ef ég ætlað að ferja fjölskyldu mína fyrir gönguferð, t.d. Heinabergsdal, má ég það ekki heldur verð ég að borga útvöldu ferðafélagi fyrir það.
Hver eru rökin fyrir því að göngumenn, íslenskir eða erlendir, megi ganga um fjöll og firnindi að vori sem sumri stigandi niður viðkvæman mosa og annan gróður en veiðimaður sem fer um þegar jörð er frosin og gróðurskemmdir í lagmarki er bannaður aðgangur.
Hver eru rökin fyrir því að loka Vonarskarði, undirritaður sér engin rök önnur en að Ferðafélag Íslands og jafnvel önnur álíka félög, fái landið til einkanota. Þar fái engin að fara um nema að setja aur í þeirra bauk. Einu rökin sem ég hef heyrt er að göngufólk þykir vélahljóð leiðinlegt, nema þegar verið er að flytja það á staðinn. Hvar er réttlætið gagnvart þeim hópum sem ekki eru fráir á fæti, fá þeir aldrei að njóta þeirra fallegu náttúru sem var einu sinni sameign þjóðarinnar.
Það sem ég vil mótmæla sérstaklega er að í staðin fyrir að vinna með þeim ÞJÓÐfélagshópum sem hafa nýtt og notið landsins hingað til, til að skipuleggja hvernig landið er best varið með merkingum, stikun og t.d. tilkynningarskiltum, þá er það bara bannað. Sem Verkfræðingur sé ég að ráðamenn með Ráðherra í farabroddi, treystir sér ekki, hvað þá þjóð sinni, til samstarfs um góða umgengni um landið.
Félagsskapur, sem undirritaður er meðlimur í, hefur farið ótal ferðir á eigin vegum til sáningar, stikunar á slóðum, ferlun á slóðum ofl.. Félagskapurinn hefur boðið fram aðstoð sína í frekari vinnu án endurgjalds en yfirvöld hafa slegið á hendur okkar. Er einhver heil brú í svona hugsunargangi.
Ef þeir sem þetta bréf lesa hafa komið upp á hálendi íslands síðastliðin ár þá hafa þeir hinir sömu tekið eftir skiltum þar sem ferðaklúbburinn 4X4 hefur sett upp við flestar leiðir inn á hálendið og er örugglega til í frekari samvinnu í þeim efnum.
Ég ætla að gera skilgreiningu, á hvað ekki er þjóð að áliti umhverfisráðuneytisins sem félagi minn skrifaði, að mínum.
Þjóð stendur ekki fyrir hestamenn.
Þjóð stendur ekki fyrir stangveiðimenn.
Þjóð stendur ekki fyrir göngufólk á eigin vegum.
Þjóð stendur ekki fyrir hreyfihamlaða.
Þjóð stendur ekki fyrir jeppa menn.
Þjóð stendur ekki fyrir fuglaskoðara.
Þjóð stendur ekki fyrir þá sem ferðast á mótorhjólum.
Þjóð stendur ekki fyrir fjallahjólamenn.
Þjóð stendur ekki fyrir vélsleðamenn.
Þjóð stendur ekki fyrir veiðimenn.
Þjóð stendur ekki fyrir fjölskyldufólk.Fyrir hvað stendur þjóð þá?
Þjóð stendur allavega ekki fyrir íslenskan almenning, íslenska ferðamenn sem vilja ferðast í eigin landi.
Mótmæli:
Ég, undirritaður, mótmæli hér með þessari ferðafrelsissviptingu og mismunun á skiptingu gæða landsins á milli þjóðfélagshópa þar sem fámennur hópur fær afnot af landinu sem fellur innan Vatnajökulsþjóðgarðs en stærsti hluti íslenskrar þjóðar fær ekki notið.
Ég mótmæli því einnig að íslendingar fæddir og uppaldir í þessu landi verði sviptir nýtingu lands og gæða í formi veiða og náttúruskoðunar.
Ég mótmæli því einnig að náttúruskoðun og upplifunin sem því fylgir er tekin af íslendingum sem hafa skerta hreyfigetu.Ég mótmæli því einnig að Umhverfisráðuneytið grípi til lokana á slóðum sem eknir hafa verið um langa hríð, eingöngu er virðist vegna vöntunar á getu til að skipuleggja akstur um hálendi Íslands.
Ég fer fram á að fyrirhugaðar lokanir á slóðum verði frestað eða hætt við og að “þjóðin“ fái að koma frekar að þessu verkefni. Þar með gæti fundist sátt um nýtingu landsins.
Ef ekki verður tekið tillit til þessara athugasemda þá fer ég fram á að “Stjórnunar- og verndaráætlun Vatnajökulsþjóðgarðs” fari í þjóðaratkvæðagreiðslu þar sem hin Íslenski almenningur fær lokaorðið í þessum gjörningi.
Með vinsemd og virðingu ,
Valur Sveinbjörnsson
Kt: xxxxxx-xxxx
Rekstrarverkfræðingur
Brekkuhlíð 14
221 Hafnarfirði
Það voru ekki skynjarar í dekkjunum heldur loftþrýstimælar fyrir úrhleypibúnað, þ.e. mælir inni í jeppanum.
kv. vals.
Ég segi eins og Benni að ef maður opnar munninn þá gæti maður lent í vandræðum.
Ég setti fram hérna á vefnum hugmynd, sem konan mín þröngvaði upp á okkur félagana í Hvergili, fyrir þremur formönnum síðan en sú hugmynd fékk svo starfsheitið "Þingmannaferð". Ég tók þátt í nokkrum af þeim en þessar ferðir voru eflaust besta kynningin sem ráðamenn þjóðarinnar og aðrir embættismenn hafa fengið.
Síðasta ferð var vígslan á miðjunni en engin svona ferð var farinn á síðasta vetri.
kv. vals.
Þurfa menn þá ekki að spyrja sig af hverju aðsóknin hafi minnkað, hvað með skoðanakönnun.
kv. vals.
Við fórum nokkrir yfir jökulinn á mánudagskvöldið, það er ekkert mál að fara upp Hamragraðaheiðina og upp á jökul en ómögulegt að fara sömuleið niður. Þegar þið komið upp hjá Goðastein þarf að sveigja í suður og fara með suðurhlíðum öskjunar, þegar komið er ca. fyrir miðju er ekki hægt að komast lengra og þarf þá að taka 90° beygju í norður og fara niður Gígjökul. Eftir að komið er niður þann jökul er stutt í Þorsmörk þar sem hægt er að eta restina af ykkur þ.e. það sem ekki hefur brunnið til ösku.
kv. vals.
Óli, það var nú tilgangur ferðarinnar þar sem við höfðum heyrt að gosið væri að verða lokið, ég ætlaði að espa það upp eða búa til nýja gossprungu eins og síðast, þannig að við fengjum lengri tíma til að virða fyrir okkur þessi náttúruspjöll, til öryggis hafði ég með mér tvo 46" Forda ef þörf væri á að draga mig upp úr nýrri gossprungu. Ég varð bara fyrir því óláni að gott og gamalt púst gaf sig sem er ekki til frásögu færandi nema fyrir þær sakir að beint fyrir aftan gatið var loftpúðinn. Þegar ég var kominn upp að snjó kom smá Hvellur og þegar ég leit undir jeppann sá ég að loftpúðinn, sem áður var í fullkonu lagi, var steiktur það var komið brunagat á honum. Þannig að við sem vorum í Pajero hoppuðum uppí Fordana og renndum inn að gosstöðvunum. En þér að segja þá treysti ég ekki þeim til að stuðla að áframhaldi á gosinu, það er eingöngu Pajeroum treystandi til svona stórverka en ég treysti því að þú segir þeim ekki frá þessu þar sem þeir verða örugglega ekki sammála mér.
kv. vals.
