Forum Replies Created
-
Replies
-
Er þetta ekki allt eðlilegt ??
kv. vals.
Jeppaþjónustan Breytir.
Hér er verið að ræða um 38" Trexus, ef þú vilt ræða um 39,5"Trexus þá startar þú bara þræði um þau elsku vinurinn.
kv. vals.
Félagi minn fékk sér svona dekk, eftir að hafa affelgað fjórum sinnum á leið upp Skjaldbreið, fórum við upp á Hellisheiði og við prófuðum þau við ýmsar aðstæður. Eftir þá athugun fékk hann þeim skipt út fyrir 38" Mudder.
Lúther var/er á svona dekkjum sem gætu útskýrt tímann sem tók að komast upp í Setur á þorrablótið um síðustu helgi. Hann gæti eflaust gefið betra comennt en ég.
kv. vals.
Ég vil fyrir hönd okkur hjónin þakka kærlega fyrir okkur, þessi ferð var vel heppnuð, flott veður, fyrsta skiptið á Hofsjökul, gamli maturinn frábær eins og alltaf og fínn félagasskapur.
En alveg er víst að lygasögur sem Benedikt og Ofsi koma með hér á spjallið um gengi Pajeroana eru ekki komnar frá Lúther. Ef ekki væri fyrir Pajeroana og Bjarna á Patrol, sem var með spil, væru Lúther og Óskar eflaust ennþá í mýrinni því allar hinar Pattróllurnar höfðu yfirgefið þá. Ég festi mig aldrei og Halli (Ditto) bara þegar hann var að draga Patta upp úr krapasvelg. Ég er viss um það að Lúther og Óskar staðfesti það sem sannara er.
Á laugardeginum silgdi Halli á fullri ferð á leið í brekku sem átti að taka með trukki en áttaði sig ekki á að fyrir framann brekkuna var tjörn og fleitti hann kerlingar næstum þvi yfir hana. Þennan dag átti hann metið í skipaskurðagerð og ég komst að því að ég verð að kaupa mér nýjan spotta.
Takk fyrir frábæra helgi vals og frú.
Ég og Halli munum fara Sóleyjarhöfðavaðið og gott að vita að aðrir koma á eftir ef mikið bras verður á okkur, við eru spillausir en björgum okkur samt. Ég vona spá um færið standist en hætta verður á að ísskarir hafi myndast á vögum eftir þá félaga en það kemur bara í ljós. Við munum alla vega reyna að nota dagsbyrtuna eins og hægt er.
Sjáumst uppfrá. kv. vals. og Ditto
Nú er það spurningin um hvora leið á að velja Kvíslarveita eða Kjölur ??. Ef það tekur þá um 20 tíma að fara Kvíslarveituv. væri fýsilegt að athuga með Kjöl en þá er spurningin um hvernig er Kjalvegur/Kerlingafjöll ??. Það er líka spurningin um hvort þeim séu búnir að að rýðja slóða sem auðveldar okkur hinum ferðalagið ??
Fullt af spurningum. Benni og Benni getið þið fengið viðbrögð við slíkum spurningum frá ferðalöngunum !
kv. vals.
Sælir strákar, ég var upptekinn í gærkveldi gat því ekki fylgstmeð. Ég og Halli (Ditto) ákváðun, þar sem engin viðbrögð voru við hópamyndun í gær, að flýta för og fara um 14:00 leitið en ég sé að hópur hefur myndast sem ætlar að fara um 17:00 og er það gott.
Eftir að hafa lesið benna-póstana um ferð Lúthers og félaga, sýnist mér full þörf á að fara sem fyrst af stað. Nú er bara spurning um hvort verður farið Kvíslarveita eða Kjölur ?
ferða kveðjur vals.
Sammála, flott rit til hamingju, náði að fletta því í morgun en leggst yfir það í kvöld.
kv. vals.
Í bæjarakstri er hann á milli 70-85°C, upp Kambana fer hann í ca. 110°C, síðast liði vor sprautaði ég upp Skálfellsjökul og náði honum í 157°C við þann hita kveiknaði ljósið ekki enda kominn með auka kæli. Áður en aukakælirinn var kominn í kveiknaði ljósið nokkrum sinnum hjá mér en ég veit ekki við hvaða hitastig það kveiknar.
Ég ætla að bið ykkur, að hvorki drekka- né maka sjálfskiptivökvanum á ykkur, þetta var bara fíflaskrif enda Þorrablótið að nálgast. Það er liturinn sem er aðal atriði
kv. vals.
Ég er með mælinn þar sem vökvinn kemur út af skiptingunni. Ég tel mig græða tvennt á því:
1. Sjálfskiptivökvinn þolir visst hitastig og samkvæmt mínum upplýsingum þá brotnar vökvinn niður ef hann fer yfir þetta hitastig og getur mynda salla sem gæti í slæmum tilfellum virkað eins og massi (eða sandpappír). Ég hef ekki neinar vísindaleg gögn undir höndum sem staðfesta þetta en bara að hugsa um þennan möguleika fær mig til að skipta oftar um vökva. Með mælinn staðsettan þarna get ég séð nákvæmlega hvaða hitastig vökvinn fer í. Ég var að tala við sérfræðing hjá Skeljungi (í miðjum skrifum) og tjáði hann mér að ef hitinn á sjálfskiptivökvanum fyrir upp í eða yfir þolmörk brennur hann og verður grár og ljótur. Einnig að beint samband á milli hita sem vökvinn verður fyrir og endingu hans. Þetta hafði maður svo sem í huga en staðfestir að best sé að fá upplýsingar hæsta hitastig sem vökvinn fer í.
2. Annað sem ég spáði ekkert í þegar ég setti mælinn í bílinn var að með honum get ég fylgst með því álagi sem ég er að bjóða öllu kraminu í bílnum, því það er beint samband á milli hitamyndunar og aflsins sem fer í gegnum sjálfskiptinguna. Ég veit svosem ekki hvort það skipti máli þar sem kramið í Pajero þolir nú ýmislegt, en mér finnst bæði gaman og fróðlegt að fylgjast með þessu.Hinir staðirnir, pannan eða eftir kæli eru eflaust ágætir en vegna hitatakmarka sjálfskiptivökvans tel ég best að staðsetja hitaskynjarann á heitasta staðnum.
En eins og Bjarki segir þá á samkvæmt viðhaldsbók Pajero að skipta á 45.000km. fresti og er þá miðað við venjulegan akstur, hvernig svo sem hann er. Í okkar tilfelli þar sem við erum að bjóða bílunum miklu meira en framleiðandinn gerir ráð fyrir þarf að meta vökvann með t.d. að lykta af honum smakka hann og svo er gott að setja hann á milli tánna ganga með hann þar í einn dag og ef maður roðnar á milli tánna, þá þarf að skipta vökvanum út fyrir nýjan.
JHG, ég vona fyrir þína hönd að rörin séu ekki beintengd milli sjálfskiptingar og vatnskassa, því venjulega er vatnskassinn festur í boddy-ið en skiptingin á púðum. Titringur mundi því slátra vatnskassanum mjög fljótlega. Ég keypti hitaþolnar slöngur hjá þeim sem þær selja og koma þær mjög vel út.
kv. vals.
Samkvæmt langtímaspá gæti orðið frábært veður um helgina og þá gætum við sunnanmenn náð í norðanmenn upp á Hofsjökul á laugardaginn og hjálpað þeim á blótið !
Eru fleiri búnir að gera ferðaplan þ.e. héðan af höfuðborgasvæðinu og ætla menn og/eða konur að mæta í setrið eða á að hópa sig saman ??. Við erum á tveimur bílum, ég og Ditto sem ráðgerum að leggja í hann um kl. fjögur á föstudag og gerum ráð fyrir að vera komnir í Setrið fyrir grill um kvöldið, enda verður Lúther búinn að stika og malbika nýjan veg frá Hrauneyjum upp í setur.
Gaman væri að heyra fleiri ferðaplön ef áhugi verður á að slá saman í hóp eða hópa.
kv. vals.
Birkir segðu okkur sögu !
kv. vals.
Blessaður Bjarki, án aukakælis eru um 8,5 lítrar af vökva á sjálfskipingunni. Sú aðferð sem ég notaði var svona, fyrst tappaði ég undan pönnunni, ca. 2,5 lítra og svo ég tók slönguna sem kemur frá skiptingunni að kælir úr sambandi og leiddi í brúsa, setti í gang og hafði í lausagangi og þá komu ca. 2 lítrar í brúsann. Þegar hætti að koma drap ég á, bætti við jafn mikið og koma af honum og endurtók leikinn þar til ég var ánægður með litin á vökvanum. það fóru um 10,5 lítrar í verkefnið. Ég get ekki séð að önnur aðferð dugi þar sem vökvinn er um alla skiptinguna eins og sést á að aðeins 2,5 lítir kom úr pönnunni.
Það eru til nokkrar tegundir af sjálfskiptivökva sem þola mis vel hita og sem dæmi eru frá Mobil, sem ESSO verslar með, tvær tegundir:
Mobil ATF D 3 sem þolir 177°C
og
Mobil ATF SHC sem þolir 210°C
Eflaust eru allir hinir söluaðilarnir með svipað en ég ath. bara hjá ESSO
Ég skipti um vökva síðast liði vor og setti D 3 vökvann á en ætla núna um helgina að skipta yfir í SHC vegna þess að ég er viss um að í þessum átökum í komandi ferðum fer sá nýi betur með skiptinguna.
Kv. vals.
Es. Gundur, þráðurinn um loftpúðana getur þú fundið í þessum þræði, ég gleymdi e-mail-inu þínu.
https://old.f4x4.is/vefspjall/tradur.asp?t=3683
Þegar framleiðandi setur vöru á markaðinn undir öðru nafni en þá vöru sem þeir selja er það vegna þess að þá er um nýja vöru frá þeim að ræða sem er í þróun. Hugmyndafræðin er sú að ef nýja varan eru mistök þá leggja þeir ekki nafnið á vörunni sem hefur fengið viðurkenningu við þá misheppnuðu. Ef nýja vara kemur vel út fær hún nafn viðurkenndrar vöru. Það er hægt að sjá þetta mjög víða t.d. Elu vs. Black og Deker, Richo v.s Sony og fleira. Þeir sem eru að kaupa vörur frá viðurkenndum framleiðanda undir oþekktu nafni eru því tilraunakaupendur, sem þarf ekkert endilega að vera slæmmt.
kv. vals.
Þakka þér fyrir Einar, þetta er akurat það sem ég ætlaði að svara.
kv. vals.
Til að svara fyrirspurn ehardar þá er ég með sveinsbréf í pípulögnum og vélvirkjun, er vélaverkfræðingur og með MSc gráðu í rekstrarverkfræði.
Þetta er hárrétt pæling fastur: hærri boost-þrýstingur, meira loft. meiri kæling, lægri afgashiti sem einnig gefur meiri orku frá vélinni. Á soggreininni á Pajero er öryggisventill sem blæs út við um 17psi, Ditto jók þrýstingin aðeins meira en ég hef gert. Við það opnaðist ventillinn og tók það hann smá tíma að lokast. Ég hef ekki þorað að loka honum og er þá að hugsa um endingu vélarinnar, ég held að KN-sýja og sverara púst sé betri lausn.
Það sem þeir klikka á sem vilja gera mælingar í langan tíma er að breyturnar eru of margar til að það verði martækt, t.d. hversu margir km. voru eknir í borginni og hversu margir utan hennar, á hvaða árstíma, hverjir keyrðu bílinn, sýjuskipti, þrýstingur í dekkjum og það sem skiptir kannski einna mestu máli eru gæði ólíjunar sem sett er á bílinn. það eru einnig margir smáhlutir sem geta skipt máli.
Þessi tilraunin sem ég gerði, miðaðist við sömu aðstæður á með á mælingunni stóð þ.e. sama vindátt og vindstyrkur, sami loftraki, sama hitastig, sama áfylling af olíu, þ.e. sömu aðstæður fyrir allar mælingarnar enda gerða á innan við þremur korterum. Einnig var mikilvægt að ég steig pedalann í botn og beið svo eftir að endamarki var ná og hafði þar af leiðandi engin áhrif á útkomuna.
Ég tók þátt í tilraunaverkefni í straumfræði sem stóð yfir í hálft ár og til fróðleiks þá er beint samband á milli hraða lofts og túrbúlens þ.e. þegar hraði loftsins eykst eykst túrbúlensin margfalt og við aukin túrbúlens eykst þrystifallið í pípunni. Prinsipið í Hiclone er að fá snúning á loftflæðið sem þýðir að loftmólikúlið þarf að ferðast lengri vegalengd, í hringi í stað beinnt. Til að ná á sama tíma frá loftsýju að sprengihólfi þarf loftið að fara hraðar, miðað við aukna vegalengd, sem þýðir aukin túrbúlens. Túrbúlens er iðustaumur á íslenku, en mér finnst bara túrbúlens skemmtilegra orð. Einnig að halda því fram að túrbínan komi fyrri inn ef búið er að fá snúning á loftið !!. Sú orka sem spara við að fá loftið á snúningi inn í túrbínu tapaðist í Hicloninu sjálfu þegar loftið var sett á snúning. þeir sem hafa áttað sig á því að ekki er hægt að eyða orku aðeins umbreyta henni skilja þetta. Eina ljósið sem ég hélt að væri við Hiclone var að ef loftið kemur á snúningi inn í brennsluhólfið mundið það blandast betur restinni af afgasinu og ná betri brennslu. Eftir að hafa skoðað uppbygginguna á brennsluholfinu í Pajero og vitandi að þjöppuhlutfallið 21:1 eru engar líkur á að snúningur loftsins hafa nokkur áhrif.
En eins og ég sagði í fyrri þræði þá gerði ég þessa rannsókn fyrir sjálfan mig og engan annan en ef aðrir geta nýtt sér þessa vinnu þá er það bara gott. Allar efansemdaraddir er mér slétt sama um. Ég sagði einnig að þessi rannsókn á við minn bíl, Pajero 2,8tdi. en er samt viss um á þetta á við fleiri tegundir. Síðastliði sumar var, hér á vefnum, bennt á óháða ! rannsókn sem gerð var í Ástralíu á hinum ýmsu fyrirbærum þ.a.m. Hiclone. Það er skemst frá því að segja að niðurstaðan var svipuð og hjá mér, mig skortir bara nennu til að finna hvenær þetta var.
Í öllu þessu brölti eru menn að reyna að tosa fáeina hesta aukalega út úr vélunum en gleyma stundum mikilvægum þáttum eins og á hversu löngum tíma á fjáfestinginn að skila sér. Einnig að öll aukning á þeirri orku sem krist er út úr rokknum styttir endingartíma hans. Þeir fjármunir sem settir voru í hiclone og anna álíkabúnað plús þann kostnað sem stytting á endingu vélarinnar hefur í för með sér, hefði kannski betur verið varinn í að fá sér öflugri vél eða annan bíl, léttari eða með stærri vél ?? ég bara spyr.
kv. vals.
Töflurnar eru í myndaalbúminu mínu.
kv. vals.
Svona til gamans stillti ég kostnaðar forsendum upp í töflur. Þar er hægt að sjá hvað mann græða og hvað þeir tapa á nýju kerfi miðað við forsendur eins og þær eru í dag, 22.01.05.
Í mínu tilfelli kem ég til með að hafa kostnaðarauka upp á 47.242 kr. á ársgrundvelli eftir breytingar. Ég er að keyra ca. 23.000knm/ár og bíllinn er að eyða um 16L/100km.
kv. vals.
Mikið hefur verið rætt um ágæti á Hiclone og miklar sparnaðar tölur nefndar í því sambandi. Til að skera úr um hvort eitthvað væri hæft í þessu þá ákvað ég að gera prófun á tækinu eins hlutlaust og ég gæti þannig að álit mitt á því hefði engin áhrif á niðurstöður.
Það skal tekið fram að mín tilraun var gerð á mínum bíl sem er 1998 Pajero 2,8 tdi á 38? dekkjum og eiga niðurstöðurnar við þennan bíl og engan annan. Það getur vel verið að þetta tæki bæti eitthvað við aðrar tegundir véla, ég skal ekkert um það segja.
Tilraunin var þannig framkvæmd að valinn var beinn malbikaður kafli, sonur minn 19 ára notaður sem álestrarmaður af mælum. Fjórar mælingar voru lesnar þ.e. endahraði, afgashiti, vatnshiti og tími sem tók að aka vegalengdina. Bæði afgashiti og vatnshiti er mældur með digital mælum sem eru mjög nákvæmir, hraði af hraðamæli og tími með skeiðklukku. Bílnum var stylt upp við rásmark, hvílt í eina mínutu, olíugjöfinn stýginn í botn og beðið þar til endamarki var náð. Við endamark voru niðurstöður skráðar en þar sem oft eru smá frávik í slíkum mælingum voru þær framkvæmdar þrjár í einu, þær lagðar saman og deilt í með þremur. Þannig var að mínu mati fengin viðunandi nákvæmni.
Gerðar voru þrjár mismunandi mælingar, ein með vélina óbreytta, turbínu þrystingur aukin úr 11,0 psi í 12,5 psi og svo með Hiclone í, einn spaði fyrir framann turbínu og annar sem næst soggrein. Alls voru farnar nýju ferðir, þrjár fyrir hverja tilraun. Vegalengdi sem valin var var 1.080 metra löng og hækkun um 28 metrar. Afgashitinn fór hæst í 858°C, vatnshitinn í 101,0°C, tíminn 45,8sek. og hraðinn aðeins yfir sektarmörk því verður hann ekki nefndur hér. Þar sem langt er á milli mæligilda og margininn lítill þ.e. sekundur breytust um 1,4sek. á móti 858°C. afgashita, lækkaði ég gildin þannig að hægt væri að lesa þau úr einu grafi.
Ég setti graf í myndaalbúmið mitt sem sýnir niðurstöður rannsókna minna. Fyrsta mælingin er passíf seinni mælingin með hækkuðum túrbínuþrýstingi, sýnir áhugaverðan árangur en síðasta mælingin, með Hiclone, sýnir að endahraðinn hefur minnkað, tíminn hefur lengst, afgashiti hækkað en vatnshitinn stendur í stað.
Ef ég ætlaði að fá fjárfestinguna til baka á einu ári þyrfit Hiclone að spara í mínu tilfelli um 8% í olíukostnaði og þar sem samkvæmt lýstum rannsóknum eykst olíueyðsla í mínum bíl, eru engar væntingar eftir heldur bara staðreyndir. Einnig sést að þessar breytingar breyta littlu fyrir vinnslu vélarinnar og allur sá kostnaður sem lagður er í að tosa út væntanlega hesta úr vélinni, getur verið betur varið í annað, eins og að fara út að borða með konunni eða safna fyrir spili ??
Það skal einnig tekið fram að þessar tilraunir voru framkvæmdar á áðurlýstann máta, annarskonar tilraunir gætu gefið aðrar niðurstöður svo ég tali nú ekki um tilraunir á öðrum tegundum bíla. Það getur vel verið að þessi tæki veiti öðrum mikin hagað og ánægju en ég endurtek það sem ég hef áður sagt að þessar yfirlýsingar söluaðila ofbyði eðlifræðikunnáttu minni og tel ég mig hafa fært sönnur á að sú tilfinning var rétt.
Ég legg drengskap minn við það að rannsóknin var gerð eins hlutlaust af minni hálfu og hægt var þannig að niðurstöður urðu eins réttar og hægt var. Þetta var gert í mínna þágu þannig að ég vissi eitthvað haldfast um þetta undra tæki og er mér slétt sama um hvað öðrum finnst en ég vona að lesendur hafi orðið eitthvað upplýstari um þetta tæki, allavega hvað Pajero varðar. Ég keypti klarions fótanuddtæki á sínum tíma eins og flestir landsmenn en ég hef ávalt reynt að forðast slíka sölumennsku eftir það.
Lifið vel og eigið áægjulegann vetur framundan.
kv. vals.
