Forum Replies Created
-
Replies
-
Lella, þakka þér fyrir tilraunina. Það var alveg rétt staðið að undirbúningi að þessu námskeiði en ég er samt sem áður sekur um að hafa skráð mig á síðasta degi, þannig voru bara aðstæður hjá mér að ég gat það ekki fyrr. Ég ætlaði ekki að leita í neina sjóði en borga þetta sjálfur því ég tel það hverra krónu virði. En Lella, skráðu mig bara núna á næsta námskeið sem ég er alveg viss um að verði haldið.
kv. vals.
Hlynur, ég vissi að Patrol væri þungur en ekki svona þungur, 5000kg. púðar og þá væntanlega tveir að aftan, VÁ.
kv. vals.
Hvernig vél er þetta, árgerð, er þetta 2,6 en ekki 2,8 4M40 vélin, ef þetta er síðarnefnda vélinn gæti ég alveg notað slátur úr henni.
kv. vals.
Ég lít svo á að þessi þráður sé skrifaur til að benda vefnefnd á að gera þennan vef notandavænni þ.e. að aðrir en þeir sem þekkja ´´url´´, img´´, ´´ burr´´, ´´ping´´, ´´bull´´, ´´krass´´ og annað í þeim dúr, geti notað þennan vef að einhverju viti. Ég reyndi fyrir all nokkru að setja inn mynd en það tókst ekki í fyrstu tilraun og þá nennti ég ekki að standa í því, það getur vel verið að það sé mjög auðvelt en ég hef ekki reynt aftur. Það getur verið að það sé bara eins og hvert annað röfl en þegar það kemur í ljós að eina embættisverk vefnefndar til þessa var að láta skipa sig í nefnd þá áttar maður sig á hvers vegna þessi staða er á vefmálum.
kv. vals.
Ég er samála Einar og Kalla og vil nota sömu aðferðafræði og í veiðistjórnunarkerfinu, ´´allt er bannað nema það sem er leifilegt´´ það á séstaklega við um Hofsjökul. Í texta gæti staðið ´´ef þið ætlið á Höfsjökul farið þá þekkta leið og farið ekki út af henni´´ öll þekkjum við söguna um Rauðhettu. Það er eflaust of djúpt í árina tekið að nota orðið bannað en það má gera það á leiðbeinandi hátt. Einnig þarf að vera ígrundaður texti sem lýsir aðstæðum, hvaða hættur geta verið á staðnum og á hvaða tíma ársins og svo framvegis.
Þetta eru að sjálfsögðu tillögur en þetta þarf að ræða í vinnuhóp eða nefnd sem tekur að sér að koma með tillögur í þessa veru öllum ferðalöngum til öryggis og yndisauka á ferðum á jöklum.kv. vals.
E.s. Að sjálfsögðu á Klúbburinn að taka þetta verkefni að sé, þar er reynslan og við vitum hvar aðrar upplýsingar liggja.
Ég tek heilshugar undir þetta með Benna. Ég hef talað fyrir því að settir verði upp linkar fyrir hin ýmsu málefni t.d. tæknisíður fyrir mismunandi bílategundir og annað sem er sérstakt í þessu sporti. Atburðir helgarinnar og vandræði Gísla Þórs vekja þessa umræðu aftur þar sem sýnt þykkir að nauðsynlegt er að koma upp link eða einhvers konar svæði á vefnum, þar sem safnað verði upplýsingum um svæði sem þykja varasöm og/eða beinlínis hættuleg. Ég vil að félagsmenn geri þá kröfu til stjórnar og vefnefndar að setja upp þennan möguleika en hann verður að vera aðgengilegur fyrir menn/konur með lágmarks kunnáttu á tölvum en ekki hugsað út frá tölvunördum. Til að sýna viljann í verki skal ég bjóða mig fram til setu í vefnefnd þar sem ég tel að þetta tæki sem vefurinn er sé mjög mikilvægur til að miðla upplýsingum til félagsmanna.
kv. vals.
Ég og fjölskylda mín sendum samúðarkveðju til aðstandenda og meigi trú vera styrkur ykkar nú.
Einnig sendum batakveðjur til ferðafélaga.Valur Sveinbjörmsson og fjölskylda.
Það er hæðarmælir í mínu tæki og held ég í flest öllum GPS-tækjum. Ég er ekki klár á hvort tekið er tillit til hæðabreytinga en lenging á vegalengdinni milli Selfoss og Reykjavíkur vegna Hellisheiðarinnar er óveruleg. Þykktinn á vísirnum í hraðamælinum gefur örugglega meiri skekkju. Ef menn vilja vera alveg öruggir þá fara menn bara á suðurlandið, það er marflatt og engar hæðir sem trufla mælitölur.
kv. vals.
Þegar ég mæli nákvæmni hraðamælisins eða vegalengdina sem hann mælir nota ég GPS-tækið mitt, það er valla hægt að fá það nákvæmara,
kv. vals.
Gott að þið feðgarnir sluppuð með skrekkinn, nú fer ég að athuga með teikningarnar af veltibúrinu. Vona að þetta framlag komi sér vel.
kv. vals. og frú.
Alveg ótrúlegt.
vals.
Ég var á því að gott væri að hafa svona skjal í bílnum en eftir að hafa farið á Þorrablótið þar sem mikið var um drætti, ég fékk spottann marg oft og dró bíla marg oft einnig eftir að hafa lesið rökin hérna að ofan er ég á því að ábyrgð þess sem dregur er mikil. Það er á hans ábyrgð að tryggja að festingar eru í lagi sem bundið er í, því það er hann sem leggur aflið í dráttinn, hann á að skoða festingar hjá viðkomandi, setja öryggisspotta, fergja kaðalinn eða spilvírinn eða að tryggja að ekki verði tjón ef spottinn eða festingar gefi sig. Ef sá sem ætlar að draga treystir ekki festingum eða spotta á hann ekki að draga fyrr en hann er öruggur með aðstæður eins og að láta þann sem er fastur, moka frá bílnum, tryggja festingu og svo framvegis. Ef ekki er hægt að tryggja öryggið 100% einhverra hluta vegna er hægt að gera munlegt samkomulag með vitnum en svona samkomulag, hvort sem það er munlegt eða skriflegt er hundleiðinlegt og tekur allt gamanið af því að aðstoða menn.
Með þessu er ég ekki að segja að ábyrgð þess sem er fastur sé engin að hann eigi að setja á afturendanum og láta aðstoðaraðilann um alla vinnuna, langt því frá, hann á vissulega að leggja nánast alla vinnuna í það að losa bílinn, vaða krapann, moka og annað slíkt en sá sem dregur á að skoða aðstæður því hann er “skipstjórinn“ á þessari skútu þar sem sá fasti hefur lítið sem ekkert með það að gera hversu fast er dregið.
Það sem felst í þessum skrifum er: komið í veg fyrir slys frekar en að rífast um hver olli þeim þegar þau verðakv. vals.
Ég útbjó mér öryggislínu en hún er þannig: Þetta er blár spotti keyptur í BYKO ca. 8mm á þykkt og þolir um 400 kg. ég tók ca 4m og splæsti auga á báða enda. Ég nota hann þannig að ég snara annarri lykkjunni á spottann ca 3m frá bílnum og kræki hinni lykkjunni í aðra festu á bílnum. Ég er sannfærður um það að ef krókurinn, splæsið eða hnúturinn gefur sig stoppar þessi ráðstöfun spottann og þó að öryggislínan slitni þá gerist það ekki með þeim krafti að skaði hljótist af.
Ég ásamt mörgum vorum á Þorrablótinu um helgina þar sem menn (konur) óðu krapann upp á axlir, flestir þurftu að þiggja spottann þar á meðal ég og er engin skömm af. En það sem kom mér á óvart var hvað festimöguleikar í marga af þessum jeppum eru daprar ef það er þá einhverjar. Á mínum bíl eru fjórar mjög traustar festingar að aftan og þrjár að framann, aðal krókurinn að aftan smíðaði ég sjálfur og er hann festur með fjórum boltum sem þola 26. tonna átak samkvæmt staðli og suðurnar sem festa plötuna sem halda herleg heitunum hef ég farið yfir og ber því fullt traust til. Það sem jeppamenn eiga að gera í fyrsta kasti er að skríða undir jeppann og athuga festimöguleikana, setja þá á ef engin er eða jafnvel fjölga þeim ef þurfa þykkir og útbúa þá þannig að auðvelt er að festa í þá.
Á leiðinni af Þorrablótinu fengum við eitt svona skot þar slitnaði sérútbúinn krókur/lykkja, þetta var 8-10mm teinn, báðir leggirnir fóru en sem betur fer sveif hann yfir og framhjá dráttarbílnum og hafnaði langt fyrir framann hann, ég held skaðinn á dráttarbílnum hafi verið minniháttar ef þá einhver. Ég vil bara ítreka það að menn athugi búnaðinum á bílnum áður en farið er í næstu ferð.kv. vals.
Styð stjórnina heilshugar og einnig Klakann.
kv .vals.
Það kom söguskýring á þessum nöfnum hérna á vefinn fyrir 1-2 árum og síðan þá hef ég kallað nyrðri klettinn Goðasteinn, En Árni endilega skella þessari söguskýringu hérna inn, það er alltaf áhugavert og fróðlegt.
kv. vals.
Við hjónin þökkum kærlega fyrir okkur, alveg frábær helgi. Hlakka til að sjá myndir og set sjálfur inn ef ég kemst í gengnum leiðbeiningarnar í myndaalbúminu.
Fínar myndir á Trúðasíðunni Lella.
kv. vals.
Hvernig er það hafa einhverjir dottið úr skaptinu, ef svo er hefur listinn þá eitthvað breyst eða fer samkomugestum fækkandi ???
kv. vals.
Eru þetta algjörir aumingjar og amlóðar og eingönu pylsu- og pizzuætur sem eru á leið á Þorrablót nú um helgina, aðaláhyggja manna og KVENNA er að hafa eitthvað annað að borða en Þorramat. Veit þetta fólk ekki að Hákarl og kæstir pungar fara mjög vel með magann, maður er aldrei eins góður í vömbinni en eftir að hafa tekið vel á þessu lostæti. En það er ljós í myrkrinu, það verður bara meira til fyrir alvöru Íslendinga.
Krapaþorra kveðja, vals.
Það stendur á dollunni: Áður en efnið er borið á skal fjarlægja allt laust ryð og flöturinn skal vera hrein og þurr.
Ég get alveg lofað ykkur því að það er ekki gert á þessum ryðvarnastöðum, því ég hef bæði séð það og þurft að vinna svoleiðis upp.
Ég ryðvarði minn bíl sjálfur, hann er kominn á áttunda ár og það er leitun að ryði í þeim bíl.kv. vals.
Alveg rétt hjá þér Grímur, ég ætla að reyna að kenna ásláttarvillur um mistökin.
Ég er reyndar með 3-2 loka fyrir loftpúðana í bílnum mínum þ.e. fjögur stykki. Ég tók “Pressóstatið“ og hengdi lokana utan á það og myndaði svona eitt “júnit“ aldrei klikkað og fer lítið fyrir því. Það eru vissulega margir möguleikar á útfærslu á svona kerfi en ég gerði þetta svona og mun örugglega gera það öðruvísi í næsta bíl.kv. vals.
