Forum Replies Created
-
Replies
-
Sælir félagar,
kannske einhver geti aðstoðað mig. Ég er í brasi með mína gömlu fartölvu, kæliviftan að klikka og ekki hægt að afrita upplýsingar (kort og ferla) nema að taka harða diskinn úr og nota „flakkara“. Ég á nýlega fartölvu með biluðum skjá, er raunhæft að nota hana með snertiskjá? Hef notað Garmin 128 með tölvunni, hver er skynsamlegasta leiðin í þessum frumskógi.
Vantar tölvugúrú í vinnu til að koma þessu heim og saman.Ingi
Sæll Þorvarður.
Varðandi myndina þína góðu á heimasíðu 4×4 þá hafði ég að gamni mínu samband við stórfrænda minn og ferðafrömuð; Pál Arason. Hann er 91 árs en man allan andsk… , sérstaklega staðhætti, nöfn og að ég tali nú ekki um hæð fjalla í metrum þó aldraður sé. Ég prentaði myndina út og sendi honum, en hann býr á Akureyri. Hann vill meina að myndin sé af Öxnadalsheiði og það sem sést er Kinnafjall á vinstri hönd en Reiðgilshnúkur á hægri hönd. Það er kannski að bera í bakkafullan lækinn að ræða þessa mynd meira en mig langaði að koma þessu á framfæri við þig enda sannfærður um að kallinn hefur rétt fyrir sér. Þér er velkomið að hringja í hann og leita meiri fróðleiks enda fáir sem vita meira um hálendið en hann. Síminn hjá honum er 462-6749 og ég veit að hann bíður spenntur við símann eftir að einhver hringi til að ræða þetta.
Kveðja, Ari Karlsson, R-44
Sæll Ari, og þakka þér póstinn.
Ég setti hann inn á 4×4 vefinn, en ef þú ferð í gegnum þráðinn aftur þá þykir fullsannað að myndin hafi verið tekin á Möðrudalsöræfum. Sé sá gamli hins vegar ennþá viss í sinni sök, þá ættuð þið að renna í sunnudagsbíltúr og taka mynd á Öxnadalsheiðinni. Hann hefði örugglega gaman af því í öllu falli.
‘Eg hef aðeins hitt þann gamla í gegnum tíðina, er sjálfur fjallabílstjóri. Eins þá soninn og sonarsoninn, þetta virðist vera í blóðinu.
Vonandi fær sá gamli einhver símtöl, ég þykist vita að hann sé viðræðugóður, eflaust eru ýmsir sem vilja pumpa úr honum sögur úr gamallri tíð, -sönnum eða lognum.
Bestu kveðjur,
Ingi
Skriplar þér á skötunni
skrattakollur linur,
tók ég Jöldu á trukkinu
tilkynnist þér, -Hlynur.
.
Þinn vinur, Bullingi
Grun ég illan hef um Hlyn
hann tekið hafi Jöldu,
-takist honum ei að temja sinn vin
hann trúlega reynir við Skjöldu.
Þinn Vatna-sullingi
Jæja,
myndin verður víst að játast sigruð.
Ingvar, ertu ekki annars enn að vafra um 4×4 vefinn (eiginlega skömm að því að svona glöggur maður skuli ekki vera félagi í 4×4, velkominn í félagsskapinn, -bara borga!). Verður þú ekki á ferðinni í bænum á mánudagskvöldinu hið fyrsta í nóvember, verðlaunin þú mannst. En ferlega gott líka hjá Rúnari að koma með staðsetninguna á korti, og hvað þá Jakobi að koma með endanlega staðfestingu (eða er það ekki alveg pottþétt???).
Ingvar, endilega hafðu samband.Ingi
Já, skv. kortinu rís Geitafell um 100m yfir sléttuna umhverfis, en á myndinni virðist þetta vera talsvert fjall.
Ég verð ekki sannfærður fyrr en við fáum mynd tekna á svipuðum stað.Ingi
Þögn sló á mannskapinn, myrkur færðist yfir. Fann einhver (Ingvar ?) út úr myndinni, -á undan mér!
Ég sendi erindi á fjalladyrd@fjalladyrd.is að ráði Ingvars, og bað þau um að kíkja á spjallið okkar. Veit ekki meir.
En þekkir ekki einhver einhvern,
sem er á ferðinni?Við verðum að fá mynd tekna á sama stað og orginalinn.
Öðruvísi fæst ekki endanlega úr þessu skorið.Ingi
Það skemmtir skrattanum að fleiri en ég skuli vera komnir með myndina á heilann, ég settist fyrir framan hana á Skógasafni og glápti úr mér glyrnunar í hvert skipti sem ég kom þar síðustu tvö sumrin.
Það hef ég heyrt að menn séu farnir að læðupúkast í aukaheimsóknir á elliheimilin til að leita álits. -hið besta mál auðvitað.
Ég tók líka myndir af vegakorti frá 1929, trúi því að það taki mig nokkra daga enn að koma því inn á vefinn.Ingi
Sæll
Ég er ekki innskráður á vef 4×4 en er þar tíður gestur og finnst umræðan oftast skemmtileg.
Þessi myndagetraun er fjandanum snúnari en miðað við tímann og kringumstæður allar þá finnst mér að Meðalfellsvatn sé eiginlega eini staðurinn sem kemur til greina. Þessi Kaldadalskenning gengur engan veginn upp.
Prófaðu að stilla upp á skjánum hlið við hlið myndinni og korti sem sýnir Meðalfellsvatn austanvert, Möðruvallaháls og Vindáshlíð fjær.Ég er samt ekki alveg viss.
kveðja
Páll Ásgeir Ásgeirsson
Menn telja að myndin sé tekin kringum 1930, og meta það eftir bílunum. Þetta er semsé ágiskun með ártalið.
Þau á Skógum töldu að myndin væri tekin "á Kaldadal".
Verðlaunin bíða í mínum góðu höndum þar til það verður staðfest verður með mynd hvaðan orginalinn er.Ingi
Þetta kom á tölvupóstinn minn:
IngiSæll
Ingvar heiti ég á Egilsstöðum, ég var að vafra á 4×4 síðunni og rakst á
myndina.
Það er spurning hvort þetta sé tekið þegar var komið niður af
Möðrudalsfjallgarði eystri, ég mundi allavega giska á það. Ef svo er er
dalurinn í baksýn Heljardalur og fellið þar í bakgrunni Geitafell, eins
og vegurinn liggur núna þarna um, ef þetta er þar, sem mig grunar, þá
er farið í gegnum Heljardalinn og til vinstri, fyrir Geitafellið og
þvert yfir
Geitasand og yfir vestari Möðrudalsfjallgarð og þá blasir Möðrudalur
við. Það væri gaman ef þú mundir senda myndina á
fjalladyrd@fjalladyrd.is og athuga hvort þeir möðrudælingar kannist við
landslagið.Einnig væri gaman að frétta hvort þetta er rétt hjá mér eður ei.
Ingvar
Á orginal myndinni er að sjá að það sé gróðurvana dalbotn fyrir neðan bílana. Og myndin er rétt (ekki spegilmynd) því bílnúmerið var rétt. Og ég er engu nær!
Komi einhver með lausnina, -þá eru verðlaun í boði.
En mynd verður þá að fylgja, tekin á sama stað.Ingi
Takk Einar, jú þetta er myndin!
Ingi
Ég tók mynd af mynd á Samgöngusafninu á Skógum, en átta mig ekki á hvaðan hún er. Glöggir vinsamlegast tjái sig, og geti þess þá um leið hvað fjallið í bakgrunni heitir. Tekið væntanlega um 1930.
Mér tekst ekki að koma myndinni hérna inn eða link á hana, en endilega farið inn á myndasafnið, -Landslagsmyndir.
Ingi
Myndi Kokkurinn vera svo vænn að upplýsa mig hvernig farið er að því að setja myndir inn á spjallsvæðið???
(lið fyrir lið)
Ingi
Ef þú meinar myndina hans (H)lyns, þá er kannski best að kopiera vefslóðina með því að yfirdekkja hana og peista hana svo þarna uppi þar sem vefslóðin er venjulega slegin inn. -Annars hef ég varla hundsvit á tölvum og eflaust ert þú að meina eitthvað allt annað?
Ingi
Jæja Björnod,
þykir þér textinn keimlíkur. Þegar ég "þrýsti hér" í þræði þínum kom m.a. teikning af Hófavaði ásamt texta, "úr bókinni Hálendið heillar…1975.
Í "ferðir" , blaði Ferðafélags Akureyrar 1975 birtir Sigurjón Rist teikningu þessa ásamt greinargóðri lýsingu á Hófsvaði, ásamt fleiri hálendisleiðum. Holl og góð lesning hverjum fjallamanni.Ingi
Æi,
hvernig set ég mynd inn á spjallsvæðið. Ég bara kann ekki rassgat á þetta…Ingi
Ég er með þessi dekk undir 2001 Patrol. Þau eru mjög rásföst nánast út líftímann, frekar hávær, slitna frekar hratt, stíf til að byrja með, fanta gripgóð og sterk.
Þau verða fljótlega til sölu (á kantsoðnum felgum, -ef vill) og myndu henta vel þeim sem ætla að keyra mikið á úrhleyptu í vetur. Það er mest búið að keyra þau á malbiki og möl hingað til, og þarf að fara að slíta þeim út til kantanna.
Ingi
Ég get ekki annað en fagnað þessari umræðu um meintan utanvegaakstur. Þarna eru áraurar, Jarlhettukvíslin flæmist þarna niður og nagar úr slóðinni upp að Hagavatni. Því verður slóðin ógreinileg á kafla sem skiptir bara ekki máli ef menn vita hvert þeir eru að fara, varanlegar skemmdir verða engar á landinu. Ég er ekki að hvetja til utanvegaaksturs heldur að vísa til heilbrigðrar skynsemi!!!
Ég opinbera það hér og nú og vonast til að fá á mig ákæru,- því ég hef ekið frá skálanum og upp að Hagavatni (og yfir það líka), og einnig frá skálanum slóðina niður með Einifelli og yfir Farið, og þaðan um hlið á landgræðslugirðingu(?) og inn á línuveginn undir Mosaskarði. Og það m.a.s. á 10 tonna rútutrukk (Reo Studebaker 6×6). ENGAR skemmdir hafa orðið á landi við þetta brölt mitt.
Þetta bendir enn og aftur á nauðsyn þess að til séu rétt og metnaðarfull hálendisvegakort sem ég enn og aftur tel að 4×4 eigi að gefa út, etv. bara á diski. Kominn er tími til að við komum upp úr skotgröfunum og göngum frammi fyrir skjöld, við höfum þekkinguna og reynsluna og eigum að móta og ryðja brautina. Kalla umhverfis- og vegamálaráðherra á okkar fund og kynna okkur og okkar störf gegnum tíðina. Kynna stefnu okkar og óskir og þarfir varðandi alla vegi/slóða. Við sem viljum njóta landsins eigum að eiga valið, -ekki bara að hirða auðmjúk (en grautfúl) molana sem hrynja af borðum þeirra sem ákveða hvað má og má ekki, etv. þeirra sem aldrei fara út úr bænum.
Baráttukveðjur,
Ingi
