Forum Replies Created
-
Replies
-
Félagar góðir, frábært framtak.
Vanti bíl á endasprettinum þá bið ég framkvæmdaraðila að hafa samband, gæti trúlega lagt til bíl í verkefnið.
Ingi 864 6489
ingi@boreal.is
Sælir félagar,
var bíllinn í utanvegakaskótryggingu, eða hefði það skipt máli?
Skiptir máli hvort þetta gerist á vegi eða utan vegar?
Skauti bíll út af vegi og velti síðan er hann er kominn út fyrir veg, gilda þá engar tryggingar?
Um hvað snýst málið, -að tryggingin gildi ekki ef hægt er að sanna stórkostlegt gáleysi eða ásetning?Ingi
Sæll Erlingur,
gefðu okkur sunnan-sauðheimskum smá lýsingu á Vikrafells- og Lákaleið!Ingi
Fór þarna un í haust. Ekki torleiði, en nokkuð seinfarin og tilbreytingasnauð, a.m.k. í þokurudda. Mikið ekið á ruddum hraunslóðum og öðrum rudda. Ekki á planinu hjá mér aftur á næstunni, en þessi leið er þá komin í safnið!
Ingi
Góðir félagar,
í bígerð er ferð á Vatnajökul eftir viku og mér þætti gott að hafa einhverjar upplýsingar um aðkomu að 2011 gígnum í Grímsvatnaöskjunni. Eins ef einhverjar þekktar sprungur eða annað sem vert er að vita um er á leiðinni frá jökulheimum á Grímsfjall og að skálanum.
Verði einhver þarna á ferðinni næstu helgi eða í næstu viku væri auðvitað frábært að vita af því. Mökksnjóað hefur á Skálpanesinu og eitthvað líka á Landmannalaugasvæðinu, gott væri að vita eitthvað um snjóa- og ísalög inn í Jökulheima.Ingi
8646489
ingi@boreal.is
Félagar,
fékk eftirfarandi komment frá Snævarri:Sæll Ingi,
Takk fyrir að láta mig vita, kíkti á síðuna, sé að engar athugasemdir eru komnar. Veit ekki hvort að ég sem er ekki félagsmaður geti gert athugasemdir en þú mættir kannski bæta við að það eru sprungusvæðakort af öllum stóru jöklunum. Á síðunni eiga að vera, ásamt Vatnajökli, Snæfellsjökli og Langjökli, sprungusvæðakort af Drangajökli, Mýrdalsjökli, Eyjafjallajökli og Hofsjökli. Einnig er í lagi að segja að þau kort verði endurskoðuð nú í vetur áður en fólk fer að ferðast af fullri alvöru um jöklana.
Bestu kveðjur,
SnævarrEftir situr að hlera hvernig gangi að koma kortunum og uppfærslum þeirra í "bátatækin", svo sem Garmin 178 – 190 – 192…
Frábært að heyra að kortin verði endurskoðuð fyrir aðal jöklaferðavertíðina.Ingi
Góðir félagar,
langar að frétta frá hlutaðeigaandi hvernig staðan er með uppfærslu á jöklakortunum (sprungukortum) og notkun þeirra í almennum „báta“ GPS tækjum. Er ekki að koma tími á nýrri upplýsingar á pistilinn hér að neðan sem fengið hefur að vera óáreittur á vef 4×4 allt of lengi:Jöklakort, sprungur á jöklum
Ferðaklúbburinn4x4 og aðrir hagsmunaaðilar hafa unnið að verkefni sem felst í að auka öryggi á ferðalögum á jöklum. Á heimasíðu Landsbjargar sem heitir Safetravel.is og þar undir útivist eru atriði sem nauðsynlegt er að huga að, fyrir ferðalög á jöklum. Einnig eru þar kort sem sýna sprungusvæði á jöklum. Markmiðið með þeim er að auka öryggi ferðalanga á jöklum.Nú þegar eru komin sprungukort af Snæfellsjökli og Langjökli, sprungukort af Vatnajökli væntanlegt síðar í febrúar 2011. Á kortunum eru línur sem sína flekaskil og eru til að átta sig á hvernig sprungur liggja, varast skal að rugla þessu við ferla eða ferðaleiðir á jöklum, þær koma væntanlega síðar.
Þessi vinna er rétt að hefjast og stefnt er að því að kortleggja sprungur á öllum helstu jöklum sem ferðast er um.
Kortin verða endurskoðuð reglulega og því nauðsynlegt að vera alltaf með nýjasta kortið hverju sinni.
Allar varúðaráðstafanir skal viðhafa þegar ferðast er á jöklum. Þessi kort eru fyrsta útgáfa og eru aðeins til viðmiðunar og sprungur geta leynst á svæðum sem talin eru sprungulaus.
Ef þið sjáið eða þekkið sprungur eða aðrar hættur sem ekki eru inná kortunum, þá endilega komið ábendingum um það á Snævarr Guðmundsson snaevarr@mmedia.isÞetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. sem sér um kortlagninguna og Jónas Guðmundsson jonas@landsbjorg.isÞetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. . verkefnisstjóra hjá Landsbjörgu.
Athugið að ennþá virka kortin ekki á nokkrar tegundir tækja, stundum kölluð bátatæki t.d. Garmin 162,172,182, 525. Unnið er að lausn.
Vonum að þetta verið til auka ánægju og öryggi ykkar á jöklaferðum.
Sjá meira hér á vef Savetravel http://www.safetravel.is/is/Vetur/Utivist/Joklaferdir/Joklakort/
Baráttukveðjur,
Ingi
-Strekkjari á viftureim hjá IH, dempari og hjól er á 57.100,-
Reimin er á 7.314,-Ingi
Heill og sæll Olgeir,
mér virðist hver sem er geti sett upp hvaða skilti sem er hvar sem er. Fór einmitt Fljótið um daginn og kom að þessu skilti aftan frá og vissi ekki í hvorn fótinn ég átti að stíga eða míga.
Mér hefur reynst heilladrýgst að fara eftir mínu hyggjuviti og fara leiðina telji ég það forsvaranlegt, -án tilliti til hvort viðkomandi leið hefur verið merkt lokuð eða ófær. Það eina sem eftir stendur væri þá slagur við tryggingafélagið vildi svo ólíklega til að skaði verði á fólki eða tæki, og vera menn til að borga sekt teljumst við vera lögbrjótar fyrir að vita betur um ástand vega en löggjafinn.
Eigi þetta að fæla bílaleigutúristana frá, þyrfti þetta skilti að vera uppi allt árið um kring. Og ég held reyndar að merkja ætti hæpnari hálendisvegina með "Super Jeep only" til þess að reyna að sortera þá út sem ekki eiga erindi inn á þær leiðir sem ekki eru vel færar venjulegum bílum, hvort sem er til flóa eða fjalla.Ingi
Veistu Freyr,
keypti um daginn nýjan komplett strekkjara og reim hjá IH, það var gelt í fóðringunum þegar í pakkanum og reimin byrjaði að slúðra nánast í fyrsta þokusudda. Má vera að varan hafi verið gölluð?
Hefur einhver smíðað handstrekkjara í stað þessara handónýtu?
Ingi
Var þarna á ferð fyrir kannski mánuði, -aðkoma að jökli og á jökul er góð, djúpar vatnsrásir niður jökulinn og sprungu- og svelgjasvæði virtust vera á svipuðu róli og áður. Eflaust er þunn snjóhula yfir öllu og því ástæða til að fara enn varlegar en ella.
Ingi
ÞUNGAVIKTARMAÐUR Í FERÐAÞJÓNUSTU OG STOLTUR 4X4 FÉLAGI SVARA ÁRNA ALFREÐS:
Undirritaður vill hvetja Árna til að koma að uppbyggingu og vegbótum í stað þess að rífa niður og rakka það sem gert hefur verið í góðri meiningu á hverjum tíma. Legga kannski fram traktor og vagn til vegabóta upp Hamragarðaheiði þannig að bílstjórar á litlum jeppum sem stórum freistist ekki til að aka út fyrir forarvilpur. Það er jú komið að okkur Árni að leiða sauðina, með framkvæmdum og leiðbeiningum en ekki offorsi.
Oft þarf ekki mikið til, undirritaður hefur á ferðum sínum oftlega staldrað við og kastað steini úr götu, reist við fallna stiku eða lagt steina í fornar vörður. Hvet ég þig Árni svo og aðra góða félaga hvort sem þeir eru sáttir eða ósáttir við vefmál 4×4, til að leggja hönd á plóginn.Hér að neðan er pistill sem ég sendi inn 20. júli sem innlegg í umræðu um aðgengi bíla að Fimmvörðuhálsi:
Re: Slóðinn frá Skógum og upp á Fimmvörðuháls?
af tingit » 20 Júl 2012, 09:08Félagar góðir
staðan er þannig í dag að gerður var samningur við landeigendur þess eðlis að aðeins ferðaþjónustuaðilar á merktum bílum fá lykil að hliðinu við Skóga, og með kvöðum um umferð á ákveðnum tíma dags og umgengni við bæinn.
Vona ég að það verði friður um þó þessa sátt, þar til nýtt vegstæði verður græjað eða leyst úr þessum Skógahnút á annan máta. Þetta mál allt er hið leiðinlegasta, en þó er hægt t.d. að trússa gönguhópa og þar fram eftir götunum. Virðist vera nokkur uppsveifla í ferðaþjónustunni þarna eftir gos og þarf svæðið allt á stuðningi okkar og samstöðu að halda til að rétta úr kútnum eftir allt sem yfir gekk.
Hálfur sigur betri en enginn.Ingi
Fróðlegt!
Veit einhver hvernig "einvera" er skilgreind skv. lögum?
Er einhvens staðar gerð grein fyrir hvernig tekið er á hinum ýmsu athugasemdum við Hvítbók,hvort heldur mínum eða 4×4, til hverra tillit er tekið og af hverju/ af hverju ekki?
Fær 4×4 ekki fjárveitingu til að verja rétt félagsmanna til jafns við fjárveitingar sem veittar eru til að koma lögum yfir okkur?Ingi
Sæll félagi,
á húsnæði í Mosó í Flugumýri, 90m2 gólf og 20 + 20m2 milliloft yfir að hluta, lofthæð nánast óendanleg…Ingi
864 6489
Félagar góðir
staðan er þannig í dag að gerður var samningur við landeigendur þess eðlis að aðeins ferðaþjónustuaðilar á merktum bílum fá lykil að hliðinu við Skóga, og með kvöðum um umferð á ákveðnum tíma dags og umgengni við bæinn.
Vona ég að það verði friður um þó þessa sátt, þar til nýtt vegstæði verður græjað eða leyst úr þessum Skógahnút á annan máta. Þetta mál allt er hið leiðinlegasta, en þó er hægt t.d. að trússa gönguhópa og þar fram eftir götunum. Virðist vera nokkur uppsveifla í ferðaþjónustunni þarna eftir gos og þarf svæðið allt á stuðningi okkar og samstöðu að halda til að rétta úr kútnum eftir allt sem yfir gekk.
Hálfur sigur betri en enginn.Ingi
Sæl öll sömul,
búinn að koma þessu á framfæri við félaga mína "Jeppavini".
Hvaða möguleikar eru á því Árni, að færa eða laga vegslóðann þar sem mestar líkur eru á landskemmdum þannig að hægt sé að nota þessa frábæru leið lengra inn á sumarið?Ingi
Jú Stefán,
vissulega tók ég myndir þótt ég sé ekki farinn að skoða gæði þeirra.
Áður en ég myndi e.t.v. senda þér myndirnar þarf ég að vita hvað þú hyggst "gera eithvað meira í svona málum en bara að tala um þetta"!Ingi
Það er alveg sárgrætilegt á þessum tímum upplýstrar og þroskaðrar (?) ferðamennsku að menn skuli leyfa sér að spóla og spæna melana neðan Sigöldunnar þar sem síðustu skaflarnir eru að bráðna, að menn séu svo æstir í að þrusa í skaflana í brekkunum að það má engu eira! Þykist vita að viðkomandi muni ekki laga eftir sig sóðaskapinn, þannig að ég hvet ykkur félagar góðir að fara að dusta rykið af hrífunum og gera þær klárar í að lagfæra það sem úrskeiðis hefur farið og mun fara nú á vormánuðum. Þetta er ekki hægt að skrifa á reikning fávísra útlendinga á bílaleigubílum,þetta eru spor páskaferðamennskunnar, sem skemir orðspor varkárra og góðra ferðamanna.
Ingi
Félagar,
eins og Árni bendir á eru sömu sprungukerfin og áður að vestanverðu upp jökulinn, en mönnum væri hollt að skoða myndir áður en þeir halda austur yfir. Hef farið þarna upp eftir gosið og gengið niður að gíg eftir að hafa stúderað leiðina nokkrum sinnum. Auðvitað hefur fennt í allar sprungur og í gígskálarnar sumar hverjar, en undir kraumar hiti innan öskjunnar. Aðgát skal höfð í nærveru eldfjalla!Ingi
Sælir drengir,
held ykkur væri hollt að skoða sprungukortið inni á Safetravel, svo og http://ja.is/kort/#x=467559&y=347188&z=8&type=aerial
Farið varlega,
Ingi
