Forum Replies Created
-
Replies
-
Á til nokkra 1000ltr plasttanka, þessa teningslaga með álgrind utan um eins og t.d þessi:
http://www.graf-water.com/industry-program/tankscontainers/1000-liter-container.htmlFást fyrir 5000 kr. stykkið eða besta boð.
Sendið mér línu á thorstb@simnet.is ef þið hafið áhuga. Er í Reykjavík.
Fórum frá Jaka að Þursaborg og Fjallkirkju á þriðjudaginn og komum svo niður við Skálpanes. Flott færi alla leið, jökullinn sléttur og góður yfirferðar allstaðar þar sem við fórum um, keyrðum í 8 pundum á 80 km/h alla leið. Nægur snjór beggja vegna jökuls og að kjalvegi sem var auður, þurr og fínn yfirferðar, örlítill krapi síðustu metrana að kjalvegi við Bláfellsháls, en ekkert sem er til stórra vandræða. Á jöklinum var snjókoma og -7 gráðu hiti og ekkert benti til annars en að sumarið verði óvenju snjóþungt og fínt.
Jamm og já. Það er skemmtilegt að rifja upp svona þráð.
Hef að vísu lítinn áhuga á bílum per se, meira á öðru, en ég hef sagt áður og segi enn að þetta er svolítið eins með bílana og samband kynjanna. Það þarf hver og einn að máta sig við sitt eintak og misjafnt hvað passar mönnum, þetta er flest eitthvað kenjótt, mismikið þó.
Dettur ekki í hug að tala illa um neina bíltegund, flestar góðar fyrir sitt brúk og passa einhverjum markhóp, en mér hefur alltaf þótt t.d með blessaða toyotuna svo maður nefni nú einhverja tegund, að eins og þetta eru miklir afbragðsbílar að gæðum sýnist manni, virka yfirleitt heilu ferðirnar, bila lítið, eyða litlu og allt þetta sem menn eru að nefna, þá er bara eitthvað ekki mikið spennandi við þá, of lítið bras sennilega. Hljómar svipað í mín eyru eins og kynlíf með múffu (svona eins og oft er auglýst í smáauglýsingum í fréttablaðinu undir fyrirsögninni "gefðu konunni frí", þið getið bara googlað það), gerist ábyggilega allt sem á að gerast, kvartar örugglega aldrei, aldrei með hausverk…, en já, bara ekki spennandi einhvervegin
kv.
Þorsteinn
sem vill alltaf smá tilbreytingu í daginn og hefur líka voða gaman af því að kássast í annara manna bílum
(þarf sko oft að hjálpa til við fordviðgerðir)
Mér láðist reyndar í fyrri pistli að skella inn því sem hraut af vörum Ingva eftir Hengjuflugið, en hann hafði mjög tekið nærri sér þá umræðu sem í gangi var, enda gestur í Ford og því vanari að ferðast á blæjuboxi einhverskonar. Þóttist hann ekki eiga skilið þessar aðdróttanir um stærri bíla minna…, enda hafði hann með flugi sínu bjargað okkur frá bráðum háska.
[quote:69lmbgvs]
[i:69lmbgvs]Illar tungur geta sært
gjarnan þeirra siður
Stundum gæfu geta fært
Ferlegt að detta niður[/i:69lmbgvs][/quote:69lmbgvs]Varð þetta til þess að brá af mönnum og sáttir náðust eins og áður sagði og Ingvi fékkst til að sitja í bílnum eftir þetta.
Þetta var í alla staði frábær ferð.
Ferðasaga, já. Myndir segja meira en mörg orð, en þó var nú margt sagt í þessari ferð sem bætti alveg upp frekar dapurt skyggni lengst af. Benni var nú komin með leiðarlýsingu túttugengis í grófum dráttum hér í fyrra innleggi og óþarft að bæta miklu við það nema helst því sem á daga okkar dró og Benni af landskunnri hógværð var ekkert að nefna.Dagur 0.
Strax í undirbúningi ferðar lá við upplausn í genginu sem kom fyrst of fremst til af ónærgætni í garð þeirra manna sem helst hafa talað fyrir stækkun á dekkja og bílaflota gengisins. Þannig var, að til tals hafði komið að gista á grímsfjalli á heimleið frá egilstöðum enda ekki nema kell… sem færu að berja malbikið þaðan. Strax var ljóst að ásókn var mikil í þessi plön og röðuðust pantanir þannig að einungis einn bíll var á minni dekkjum en 44". Mest var þetta 46" og yfir, samtals yfir 40 manns á Grímsfjalli og meðal dekkjastærð 46,7"
Höfðu þá einhverjir áhyggjur af þessum eina, en hann eyddi þeim áhyggjum snarlega með þessari vísu:
[quote:1b6geb06][i:1b6geb06]Sögur segja minni bíl
mikið auka líkur
Litli fótur minni á fíl
Kalli er einn slíkur[/i:1b6geb06][/quote:1b6geb06]Spunnust af þessu miklar ritdeilur, svo miklar að eiginkonur sáu sig til neyddar til að styðja sína menn og bera til baka allar sögusagnir áður en til upplausnar kom. Varð þó fastmælum bundið að úr þessu yrði skorið á Grímsfjalli í gufu.
Dagur 1.
Dagurinn hófst pínulítið brosulega á Select þar sem Kalli rétt slapp við að aka yfir jaris, en aðspurður sagðist hann hafa verið að færa djásnið yfir í hina skálmina og því aðeins litið af veginum. Slapp þetta þó betur en á horfðist og gekk ferðin að öðru leiti svo vandræðalaust í Nýjadal, að við náðum ekki að stoppa þar, enda engin maður mættur. Á pattanum var ferðin slík að ekki tókst að stoppa fyrr en langt var liðið á brekkuna upp Tungnafellsjökul.
í Nýjadal grilluðum við kalkún, en gengum við svo búið til náða, öll nema Sigrún sem var svo endurnærð eftir góðan blund um daginn að hún lét ekki staðar numið fyrr en hún hafði komið einum 2 köllum í rúmið.Dagur 2.
Smelltum okkur eftir trakki gærdagsins norður fyrir Tungjafellsjökul og eftir ráðleggingum Sunnlendinga keyrðum eftir 900 metra hæðarlínunni í Trölladyngju, en hún var að þeirra sögn sem fínasti þjóðvegur. Eftir þann akstur held ég að megi fullyrða að sunnlensk vegagerð er ekki upp á marga fiska, og nafn gengisins, Allt í Skralli er sennilega ekki tilviljun.Áframhaldandi deilur voru á öldum ljósvakans um ágæti tóla og túttna (dekkja), svo miklar raunar að hluti hópsins kaus að ganga, og varð það okkur til happs þegar komið var í Trölldingjuskarð, því þar tók við Hegnjuflug hjá Ingva sem hvarf fram af hengju sem aftur varð til þess að náðist að stoppa bílaflotan áður en hann fór sömu leið. Eftir þessar mannraunir var ákveðið að semja frið og haldin var sérstök athöfn í víti þar sem undirrituð var sáttmálsörk um að verkefnið sem fyrir liggi hverju sinni réði til um hvort væri betra til síns brúks. Sáttmálin hljóðaði c.a svona:
[quote:1b6geb06][i:1b6geb06]Til að sefa tryllta sprund
Til þess eru tólin
En þegar snjórinn þekur grund
Þá er betra að hafa hjólin[/i:1b6geb06][/quote:1b6geb06]Dagurinn endaði svo í Dreka með því að öllum að óvörum birtist þar formaðurinn með einhverjum loðnum skýringum um hrakningar eins og fram hefur komið i innleggjum hér að ofan.
Varð þá til eftirfarandi:
[quote:1b6geb06][i:1b6geb06]Stjórnin villist,hafði svör
hugsa milli fóta
hljóta bara að elta för
hjólfar aldamóta[/i:1b6geb06][/quote:1b6geb06]Dagur 3
Dagurinn hófst um miðja nótt við það að kapphlaup hófst um að koma sér úr skála áður en skúringar hæfust. Túttur töpuðu þessu kapphlaupi með glans og lögðu af stað síðastar. Stefnan var tekin á leið neðan jökla uppfyrir hálsalón. Duttum beint í för fyrstu kílómetrana sem fróðir menn gátu strax fundið sóðalega lykt af. Þetta voru með eindæmum hlykkjótt og óslétt för sem ekki fóru vel í túttur svona snemma dags sem aftur varð til þess að það hrundu vanhugsaðar níðvísur á öldur ljósvakans.
[quote:1b6geb06][i:1b6geb06]förin eftir ford’anna
ferlegustu slóðar
hjólfar aldamót’anna
hljóta að leggja Sóðar[/i:1b6geb06][/quote:1b6geb06]Eftir því sem leið á daginn sáum við þó eftir öllu saman, enda ljóst að okkur er í raun vel við Sóðanna þótt þeir séu ekki mikið fyrir hálendisferðir. Þessu var því snarlega bjargað áður en komið var til byggða:
[quote:1b6geb06][i:1b6geb06]förin eftir ford’anna
fantafínir slóðar
hjólfar aldamót’anna
hljóta að leggja Sóðar[/i:1b6geb06][/quote:1b6geb06]Eftir að við losnuðum úr þessum förum, þá gekk nú ferðin heldur betur og gekk vandræðalítið fyrir jökul að Snæfelli utan þess að við fundum Íshelli þann sem Benni nefndi áður og var svo stórkostleg náttúrusmíð að Benni steig niður til jarðar úr Fordinum og gekk alla leið að og inn í helli, en það telst til sögulegra atburða í genginu. Með þessu setti hann nýtt met, og var fyrir utan Ford í rúman klukkutíma samfellt (og það án þess að tala í svo mikið sem einn síma).
Í Snæfelli fundum við engan, enda engin komin þangað og máttum við bíða í 7,4 sec sléttar eftir því að næstu menn birtust.
Segir nú ekki af ferðum okkar meir þann daginn.Dagur 4.
Nú fór heldur að draga til tíðinda. Stefnan skyldi sett yfir jökul til baka, en þá brá svo við að menn þeir sem með okkur höfðu meldað sig á Grímsfjall urðu heldur tvístígandi, enda væntanlega minnugir mælinganna sem fyrir lágu á grímsfjalli. Helst voru menn á að fara malbik norðurfyrir, en einhverjum langaði suðurfyrir. Aðrir þjófstörtuðu og sprautuðu svo hratt yfir jökul að þeim tókst ekki að stoppa á Grímsfjalli og enduðu eftir því sem fregnir herma ofan í krapapolli við jökulheima þar sem þeim tókst loks að stöðva för. Okkar menn héldu þó ótrauðir áfram, síðastir að venju. Þegar að jökulrönd kom færðist þó sami órói yfir menn með stærri dekk, og tóku þeir að heyra undanleg hljóð sem aðrir heyrðu ekki. Þá brá svo við að högg fóru að finnast í stýri og einhverjir furðulegir atburðir sem hvorki var hægt að staðfesta né véfengja, og var það látið eftir þeim að draga þá niður á veg.
Afgangurinn smellti sér svo síðdegis yfir jökul í glimrandi færi og kom að Grímsfjalli mannlausu á 3 bílum. Ekki fór þar mikið fyrir stærri bílunum, né þessum 40 sem þar áttu að vera því hvernig sem á því stóð höfðu allir fundið sér gilda afsökun. Merkilegt nokk, þá hópuðust þangað fljótlega þónokkrir 38" bílar úr bænum sem vildu ólmir fara í gufu.Dagur 5.
Sváfum út á Grímsfjalli, en lögðum af stað í 20ms og litlu skyggni. Ekki voru 38" bilarnir eins viljugir af fjalli eins og þeir voru á fjall daginn áður og var niðurleiðin tafsöm og tíðindarík. Ekkert af því þó prenthæft.
Endaði þó allt á svo skikkanlegum tíma í Hauneyjum, að hluti hópsins sá sig tilneyddan til að taka rúnt í fljótshlíðina og upp Tindfjallaslóða til að freista þess að sjá gosið. Urðum frá að hverfa án þess að sjá gos vegna 30-40ms og lélegs skyggnis .Myndir úr ferðinni eru á:
[url:1b6geb06]http://picasaweb.google.com/TutturFerdaklubbur/IHljolforAldamotanna#[/url:1b6geb06]Takk fyrir gott hljóð
Þorsteinn
Svona búnaður er orðin býsna algengur um borð í skipum og gengur þar undir nafninu AIS (sjá [url:y9jxsrqm]http://www.shipais.com/doc/[/url:y9jxsrqm]) þetta er alþjóðlegur staðall sem er í dag skilda fyrir skip stærri en 300 tonn. Staðsetning er send út á VHF sem stöðvar í kring geta móttekið og birt á plotter skjám.
Yfirleitt er um að ræða sérstakt tæki með innbyggðum VHF sendi og móttakara, en það eru líka til talstöðvar með þessu innbyggðu. Einnig þekkjast dæmi um að tengja þetta inn á sama loftnet, þekki þó ekki hvort það truflar eitthvað hefbundna notkun á stöðinni.Í framtíðinni stendur til að taka þennan staðal upp í stað STK staðsetningarkerfis sem er séríslenskur staðall sem notaður hefur verið hingað til fyrir tilkynningaskildu skipa á íslandi. (sjá:[url:y9jxsrqm]http://www.sigling.is/pages/114?NewsID=1223[/url:y9jxsrqm])
Siglingamálastofnun hefur sett upp stöðvar í kringum landið sem taka við staðsetningu og setja inn í tilkynningaskildu, bæði íslenska og alþjóðlega.Flestir framleiðendur siglingatækja bjóða upp á einhvern búnað fyrir AIS, t.d er hér búnaður í sölu hjá R.Sigmundssyni [url:y9jxsrqm]http://www.velasalan.is/Voruflokkur/846/[/url:y9jxsrqm]
Nokkrar síður bjóða upp á möguleika á að fylgjast með staðsetningu skipa sem skráð er í alþjóðlega ferilvöktun, t.d [url:y9jxsrqm]http://www.digital-seas.com/[/url:y9jxsrqm]og l]http://www.marinetraffic.com/ais/[/url]
..að tengja tvær stöðvar við eitt loftnet að því gefnu að önnur sé bara notuð til hlustunar, en langt í frá æskilegt samt. Þetta er stundum notað, t.d í litlum bátum sem eru með VHF stöð og AIS móttarara á einu loftneti.
Til þess að koma í veg fyrir að þú grillir móttarann í stöðinni sem er á hlustun þarf splitter eins og t.d [url=http://www.milltechmarine.com/VHF_splitter.htm:y9i8n9wt][b:y9i8n9wt]þennan[/b:y9i8n9wt][/url:y9i8n9wt]
Veit ekki hvað svona splitter myndi bjarga ef báðar stöðvar væru lyklaðar samtímis.
Verð því miður bundin í báða skó um helgina og kemst ekki með.
Helgi (nr 71) er skólaus með öllu og kemst því ekki með heldur.
Hópur 8x er því þunnskipaður, en eins og áður hefur komið fram, meira en 2 manna makar og því full ferðafær.kv
Þorsteinn (nr 70)
Ágætur þráður, en svarar ekki spurningunni varðandi reynslu af T-Max spilum. Er einhver hér sem hefur prófað þessi spil og getur miðlað af þeirri reynslu sinni.
kv
þorsteinn
Hópur 10x er tvítalning á hóp 8! Það er að vísu rétt skráning þar sem allir hópmeðlimir eru a.m.k á við tvo, en kannski óþarfi að skrá það sérstaklega í þessu samhengi ;-).
Sú breyting hefur orðið á högum hópmeðlima að Helgi (nr 71 og 88) borðaði skemmdan mat í félagi við Benna (Fordmanni) og fékk í sig svo heiftarlega sýkingu að hann ekur nú um á 46" ford vörubíl í stað 38" cruser.
Halli dittó (nr 50) sver og sárt við leggur að hafa náð samningum við nefndarmenn með feitum millifærslum á dularfulla reikninga (sjá innlegg ofar í þræði) að vera í hóp 1-2 með Benna fordmanni.
Nefndin heldur samt áfram að senda honum óbein skilaboð um ónægar innistæður með því að skrá hann þráfaldlega utan hópa, þess vegna hefur hópur 8 samþykkt að taka hann undir sinn vendarvæng, enda hópmeðlimum ljós hættan af frekari útbreyðslu fordveikinnar.
Nefndin kannski kannar stöðu reikninga og skráir hann í hóp eftir því sem við á.kv.
Þorsteinn (nr 70 og 87)
Við erum með, hópurinn er í vinnslu, en þessir hafa fengið brottfararleyfi:
Þorsteinn, Patrol 44"
Helgi, Cruser 38"
Þeir voru innkallaðir vegna hönnunargalla sem fólst í því að það var ekki nægjanlega mikið magn af olíu á vélinni til þess að ná að kæla hana nóg. Mig mynnir endilega að minn hafi verið innkallaður haustið 2001 þannig að væntanlega hefur hluti af 2001 árgerðinni verið gallaður líka.
Þorsteinn
Er engin að nota [url=http://maxsea.com/uk/intro.php3:2er26dqh]MaxSea[/url:2er26dqh] lengur?, það forrit var mest notaða plotterforrit í íslenskum skipum og er það enn í dag að því ég best veit. Náði held ég aldrei mikilli útbreyðslu á landi þar sem mac fartölvur voru ekki ókeypis og ekki mjög útbreyddar, auk þess sem forritið sjálft var dýrt. Þó var þetta eitthvað notað af Hjálparsveit skáta í Hafnarfyrði og einhvernir jeppar voru með þetta. Hafði algera yfirburði yfir önnur forrit á sínum tíma og ég sé ekki eftir að hafa skoðað navtrek eða OziExplorer að það hafi neitt breytst í dag. MaxSea forritið keyrði alltaf á Mac og var eingöngu til fyrir það platform fram undir árið 2000, held að það sé orðið algengara á PC í dag, en er væntanlega líka til fyrir Mac. [url=http://www.radiomidun.is:2er26dqh]Radiomiðun[/url:2er26dqh] gaf út í samstarfi við LMÍ kortadisk með öllum Íslenskum landkortum einhverntíma í kringum 96 – 97, held að 50.000 kortin séu þar inni og kortin eru öll felld saman í eina heild. Veit ekki hvort þessi diskur gengur í önnur forrit eða hvað hann kostar.
þb
Er engin að nota [url=http://maxsea.com/uk/intro.php3:2er26dqh]MaxSea[/url:2er26dqh] lengur?, það forrit var mest notaða plotterforrit í íslenskum skipum og er það enn í dag að því ég best veit. Náði held ég aldrei mikilli útbreyðslu á landi þar sem mac fartölvur voru ekki ókeypis og ekki mjög útbreyddar, auk þess sem forritið sjálft var dýrt. Þó var þetta eitthvað notað af Hjálparsveit skáta í Hafnarfyrði og einhvernir jeppar voru með þetta. Hafði algera yfirburði yfir önnur forrit á sínum tíma og ég sé ekki eftir að hafa skoðað navtrek eða OziExplorer að það hafi neitt breytst í dag. MaxSea forritið keyrði alltaf á Mac og var eingöngu til fyrir það platform fram undir árið 2000, held að það sé orðið algengara á PC í dag, en er væntanlega líka til fyrir Mac. [url=http://www.radiomidun.is:2er26dqh]Radiomiðun[/url:2er26dqh] gaf út í samstarfi við LMÍ kortadisk með öllum Íslenskum landkortum einhverntíma í kringum 96 – 97, held að 50.000 kortin séu þar inni og kortin eru öll felld saman í eina heild. Veit ekki hvort þessi diskur gengur í önnur forrit eða hvað hann kostar.
þb
Sæll Benni, getur verið að þú sért bara ósáttur við síðustu myndina sem fór inn í albúmið 😉
Tek annars undir það að síðan þarf að vera í lagi. Þessi síða er orðin talsvert stærri vettvangur en opin hús í mörkinni þannig að það er alveg þess virði að við eyðum í hana einhverju púðri, það skilar sér allt til baka.kveðja
þorsteinn
Var að lesa það á vef vegagerðarinnar að það er búið að loka öllum háledisvegum og þar með talið leiðinni inn í jökulheima. Er einhver önnur fær leið að jöklinum sem væri e.t.v hægt að fara til þess að komast í jökulheima eftir jökli? Sjá annars [url=http://www.vegagerdin.is/vefur2.nsf/pages/vg1_fret101.html:1rado5q6]Tilkynningu[/url:1rado5q6] frá vegagerðinni
Kannski ég fái að fljóta með líka, þetta tókst svo vel hjá okkur síðast.
Sjáumst í fyrramálið.
þorsteinn B
Kannski ég fái að fljóta með líka, þetta tókst svo vel hjá okkur síðast.
Sjáumst í fyrramálið.
þorsteinn B
Ég verð að segja það fyrir mig að þessi óvæntu ævintýri eftir að við komumst á "auðan" veg í gær gerðu ferðina bara skemmtilegri, alltaf gott að fá auka dag á fjöllum, hef bara ekki sofið svona lengi í einu í marga mánuði. Setti brot af þeim 208 myndum sem ég tók í ferðinni í myndaalbúmið mitt.
Takk annars fyrir frábæra ferð.
Þorsteinn & Ásgeir
Ég verð að segja það fyrir mig að þessi óvæntu ævintýri eftir að við komumst á "auðan" veg í gær gerðu ferðina bara skemmtilegri, alltaf gott að fá auka dag á fjöllum, hef bara ekki sofið svona lengi í einu í marga mánuði. Setti brot af þeim 208 myndum sem ég tók í ferðinni í myndaalbúmið mitt.
Takk annars fyrir frábæra ferð.
Þorsteinn & Ásgeir
