Forum Replies Created
-
Replies
-
Þökk fyrir svarið Agnar, en þeir hjá IH segja mér að það verði að rífa drifið úr til að ná pungnum, því hann sé boltaður innan frá. Hinsvegar megi ná rofanum af og reyna að liðka þetta í gegnum rofagatið. Ætla að skoða það.
Kv.
Sverrir Kr.
Getið þið fróðir menn bent mér á einhvern vandvirkan og sanngjarnan til að laga læsinguna í afturdrifinu (þessa upprunalegu). Hún er trúlega ekki brotin heldur stirð, því hún virkaði alltaf þegar hún fékkst til að koma á, en hætti því smám saman.
Vacuumið er í lagi að hásingunni.
Sverrir Kr.
sverrirkr@hotmail.com
5653133 / 8952212
Þið Litludeildarnefndarmenn (eða hvað sem má kalla ykkur í dag) hafið unnið vel fyrir klúbbinn okkar og haldið því vonandi áfram.
Ég hef fullan hug á að koma með í Árbúðaferðina ásamt einum farþega.
Sverrir Kr.
Sæl verið þið öll.
Heldur hefur áætlunin raskast. Eins og þið hafið líklega séð á vefnum urðu göngugarparnir okkar fyrir verulegum töfum á Snæfelli, lentu í ófærum í 1500 m hæð, urðu að fara niður, fyrir fjallið og aftur upp. Um kl. 1200 komu þeir niður aftur, áttu þá eftir um 90 mín. gang að bílnum og leggja af stað um kl. 1330-1400. Frá Snæfelli að Landvegamótum eru 620 km. um Öxi og þótt Fordinn verði þaninn að mörkum, verða þeir varla komnir fyrr en ca. kl. 2130. Því virðist ljóst að nægilegt sé að við hittumst þar um kl. 2100 í kvöld.
Frá Vegamótum að Heklu eru um 50 km., gangan tekur ekki minna en 3-4 klst. og heim á höfuðborgarsvæðið verður því varla komið fyrr en um kl. 3-4 í nótt. Ekki er víst að þið getið öll verið svo seint á ferð og því bið ég þau ykkar sem kynnuð að sjá ykkur tilneydd að hætta við ferðina, að láta mig vita. Æskilegt væri að ekki yrðu færri en 3-4 vel búnir bílar í ferðinni.
Nú er veðurspáin á þá leið, að um miðnætti er gert er ráð fyrir austan golu, 10 stiga hita og léttskýjuðu á svæðinu og því útlit fyrir að þetta geti orðið hin fínasta ferð undir miðnætursól.
Bestu kveðjur.
Sverrir Kr.
Ps. Þetta var sent öllum þátttakendum kl. 1308.
5tindafararnir sjö voru að ljúka við morgunverð í Staðarskála og stefna nú ótrauðir að því að taka Kerlinguna næst. Tvö forfölluðust úr hópnum áður en farið var frá Reykjavík. Tímaáætlun er óbreytt um að verða í Landsveitinni um kl. 17 á sunnudag.
Sverrir Kr.
Sæl verið þið öll sem ætlið að vera með í að ferja 5 tinda farana að Heklu, vonandi eitthvað lengra en þeirra Ford Transit kemst. Þau gera ráð fyrir að verða komin í Landsveitina um kl. 17 á sunnudaginn, en þá eru þau að koma frá Snæfelli, sem er 4. tindurinn á áætluninni.
Ýmislegt getur að sjálfsögðu raskað tímasetningunni, en það skýrist þegar nær dregur. Til þess að hafa vaðið aðeins fyrir neðan okkur, þá er hugmyndin að við hittumst við verslunina á Landvegamótum kl. 1600. Ellefu bílar eru komnir á skrá og öllum er velkomið að bætast í hópinn og senda þá póst til undirritaðs. Ef færð skyldi hamla, þá fara menn bara svo langt sem þeir vilja eða komast.
Barbara ætlar að mæta með félagsfána 4X4, sem við getum hengt á bílana til að gera "showið" soldið myndrænt, en þeir 5tindafarar ætla að gera kvikmynd um þessa helgarrispu sína.
Samkv. uppl. Vegagerðarinnar var Landmannaleiðin opnuð í gær, svo ekki hamlar það för okkar inn Sölvahraunið. Ætlunin er að koma þessum 9 manna gönguhóp sem næst Heklu, fara upp fyrir Skjólkvíahraunið og eitthvað upp í NA-öxl fjallsins. Ef færðin skyldi verða erfið ofan Skjólkvía, þá sendum við duglegustu bílana með hópinn svo langt sem komist verður, eða þau vilja fara. Þokkaleg slóð liggur þarna upp í a.m.k. 950 m hæð.
Meðan við bíðum eftir að göngugarparnir skili sér aftur frá Heklutindi, þá gætum við, ef færð leyfir, t.d. kíkt upp á Rauðkembinga, sem er frábær útsýnisstaður og skotist að Rauðuskál.
Á sunnudaginn er spáð SA-golu, 15 stiga hita og skýjuðu á svæðinu, en gert ráð fyrir að létti til þegar líður á daginn og hvað viljið þið hafa það betra?
Til að gera þetta dálítið spennandi má geta þess að gömul kona á bænum Selsundi sagði nýlega, þegar Selsundslækurinn þornaði upp, að nú ráðleggði hún engum að fara á Heklutind, því búast mætti við næsta gosi hvenær sem væri. Svo þetta staðfræðilega álit sé stutt vísindalegum rökum, þá er er það víst staðreynd, að landris við Heklu er nú orðið meira en var fyrir gosið árið 2000.Bestu kveðjur
Sverrir Kr. Bjarnason
sverrirkr@hotmail.com
S. 5653133 – GSM 8952212 – NMT 8552212
4X4 R-155
Áhugafólk um jöklaferðir ætti kannski að bregða sér í Bæjarbíó við Strandgötu í Hafnarfirði kl. 8 í kvöld, þriðjudagskvöld. Þar verða sýndar þrjár myndir frá jöklaferðum á árunum 1930-1951. M.a. má þar sjá forvera nútíma vélsleða á fullri ferð og svo þarfasta þjóninn með sitt eina hestafl töltandi á jökulbreiðum. Ef menn skyldu ekki komast í kvöld, þá má geta þess, að þessar myndir verða sýndar aftur á laugardaginn kemur kl. 4. Þessar sýningar eru á vegum Kvikmyndasafns Íslands og miðinn kostar bara 500 kall.
Sverrir Kr.
Áhugafólk um jöklaferðir ætti kannski að bregða sér í Bæjarbíó við Strandgötu í Hafnarfirði kl. 8 í kvöld, þriðjudagskvöld. Þar verða sýndar þrjár myndir frá jöklaferðum á árunum 1930-1951. M.a. má þar sjá forvera nútíma vélsleða á fullri ferð og svo þarfasta þjóninn með sitt eina hestafl töltandi á jökulbreiðum. Ef menn skyldu ekki komast í kvöld, þá má geta þess, að þessar myndir verða sýndar aftur á laugardaginn kemur kl. 4. Þessar sýningar eru á vegum Kvikmyndasafns Íslands og miðinn kostar bara 500 kall.
Sverrir Kr.
Ef þetta er sá línuvegur sem mér skilst að þú eigir við, þá er þetta stuttur, blautur og lélegur spotti meðfram Sandafelli, sem kemur inn á Tangaleiðina (línuveginn milli Þjórsár og Hvítár) skammt sunnan við Háafoss. Vegurinn að Stöng (og reyndar einnig að skálanum við Hólaskóg og Tangaleiðinni) kemur út af malbikaða veginum á 6409,212N 1940,347V, ca. 2,5 km SV-við upphaf Gljúfurleitaleiðar/vegar að Sultartangalóni.
Kv.
Sverrir Kr.
Það er ekki fallegt af þér að láta svona út úr þér. Ef þú hefur ekki gaman af þessu, þá er hægur vandinn að vera ekkert að smella á þessa pósta og leyfa bara öðrum að hafa gaman af.
Sverrir Kr.
Er að hugsa um að skreppa á Kaldadalinn á morgun og ekki væri verra að vera kannski í samfloti. Er á hvítum Patrol á 35". Verð líklega á Esso í Mosó um 10 á laugardagsmorgni.
Kv.
Sverrir Kr.
Náðirðu þessu af GPS-skránni? Ef ekki, þá get ég sent þér ferilinn. Hvaða forrit notarðu?
Kv.
Sverrir Kr.
Ég er þess fullviss að góð og gild ástæða hefur verið fyrir frestun ferðarinnar og fagna því að þeir sem höfðu skráð sig verði upplýstir um ástæðuna.
Það kemur í veg fyrir einhverjar villandi vangaveltur og óréttmæta gagnrýni á það ágæta starf sem skipuleggjendur ferðarinnar hafa verið að vinna.Það er einnig áreiðanlega rétt og tímabært að hægt sé að ræða á vefnum innanfélagsmál, þar sem aðeins skráðir félagsmenn hafi aðgang.
Kveðja
Sverrir Kr.
Það virðast einhverjar vangaveltur komnar á kreik um hinar raunverulegu ástæður fyrir frestuninni.
Það hlýtur að vera sjálfsagt mál að formaðurinn upplýsi okkur félagsmenn um hversvegna ferðinni var frestað, en vísi ekki aðeins með óljósu orðalagi í aðstæður og "ýmis skilyrði". Hinar raunverulegu ástæður geta alveg ómögulega verið eitthvert leyndarmál sem ekki megi vitnast félagsmönnum.Semsagt: HVERSVEGNA VAR MIÐJUFERÐINNI FRESTAÐ?
Með bestu kveðju
Sverrir Kr. Bjarnason
R-155
Það er vel skipað í skálanefndina hjá okkur. Þvílíka dugnaðarforka hefur maður sjaldan séð uppi í Setri þótt nokkrum sinnum hafi verið farið með í vinnuferð, reyndar alltof langt síðan. Það var unnið til kl. 2 aðfararnótt laugardags og ég held þeir hafi verið byrjaðir kl. 7 morguninn eftir og á eitthvað svipuðum tíma á sunnudagsmorguninn. Fáeinir aðrir félagar mættu einnig og gengu vasklega til verks og undirritaður var eitthvað að dútla sér líka, vaknaði þó seint og hætti snemma. Svo var auðvitað algjör lúxus að hafa kvenfólkið með, þær báru í okkur kaffi og bökuðu ofan í okkur vöfflur og pönnukökur, fyrir utan allt annað sem þær tóku til hendinni við innanhúss.
Kerrumálin voru erfið, mikill tími fór í að leysa úr þeim og ljóst að í svona þungaflutninga duga aðeins mjög sterkbyggðar kerrur. Það var óvenjulegur flutningur sem Skari dró til byggða, kerra rígbundin ofan á kerru!Nokkrar myndir í safninu.
Bestu þakkir fyrir góðan félagsskap þessa helgi.
SverrirKr
Þakka þér fyrir uppl. Þengill, maður fer þá einhverja aðra leið, fyrst við verðum einbíla.
Leiðin norðan Kerlingarfjalla heitir Illahraunsleið.
Kv.
Sverrir Kr.
Veit einhver hvernig Leppistungnaleiðin er, frá Tungufelli og upp í Kerlingarfjöll? Ætla að skreppa á morgun (á 35″) og skilst að Klakksleiðin sé illfær og þá er hugsanlegt að norðan Leppistungna geti líka verið eitthvað bras.
Sverrir Kr.
að þú sért nýbúinn að setja aðrar felgur undir hann að framan? Er nýlega kominn á Patrol ’96 og þegar sumardekkin voru komin undir og jafnvægisstillt á nýkeyptum felgum undan öðrum bíl, þá skalf bíllinn eins og hundur af sundi.
Það sem ég ekki vissi og þeir á dekkjaverkstæðinu víst ekki heldur, er að inn við miðjuna á Patrol framfelgun er tekið úr felgunni fyrir hök á flangsinum. Felgur sem ekki eru með þessum úrtökum geta aldrei fallið rétt.
En sjálfsagt veistu þetta allt saman.
Kv.
Sverrir Kr.
Fáðu þér bókina Utan alfaraleiða eftir hann Ofsa (Jón G. Snæland). Þar eru góðar upplýsingar og fullt af punktum á þessari leið og 59 öðrum.
Kv.
Sverrir Kr.
Ég er kominn inn á smáauglýsingarnar! Í Norton Personal Firewall er val um "Ad blocking" á eða af.
Var reyndar búinn að prófa að taka eldvegginn alveg af, en láðist að smella á "Refresh" og því breyttist að sjálfsögðu ekkert. Nú prófaði ég að velja "Ad blocking" af, smella á "Refresh" og viti menn! Auglýsingaheimur 4×4 klúbbsins opnaðist eins og Gullna hliðið fyrir Jóni bónda forðum og mín félagslega lömun hvarf eins og dögg fyrir sólu.Á gömlu síðunni birtust þessar auglýsingar þótt "Ad blocking" væri á. Við gerð nýju síðunnar virðast auglýsingarnar því hafa verið skilgreindar á hliðstæðan hátt og "Pop up ads" og aðrar slíkar óvelkomnar auglýsingar sem góðir eldveggir útiloka. Vonandi geta vefnefndarmenn lagfært þetta svo ekki þurfi að gera "Ad blocking" óvirkt í hvert sinn sem farið er inn á augl. á síðu klúbbsins. Ef verið er að vafra á netinu þarf "ad blocking" að vera virkt svo maður hafi frið fyrir "Pop up ads" og öðru slíku rusli.
Með bestu baráttukveðjum til vefnefndarinnar.
Sverrir Kr.
