Forum Replies Created
-
Replies
-
Jonas Tryggvason
til ferdafrelsiHeiðraða Ferðafrelsi,
Kærar þakkir fyrir spurningarnar, og sjá hér að neðan svör mín í rauðum texta:
1. Finnst þér rétt að binda í stjórnarskrá ákvæði um almannarétt almennings til ferðalaga og nýtingar?
[b:36ru2ctg]
Ég er fylgismaður þess að almenningur hafi rétt til að ferðast um landið, njóta náttúru þess með ábyrgum hætti. Náttúra Íslands og umhverfi eru viðkvæm, því eru fræðsla og upplýsingar til almennings og ferðamanna mjög mikilvægt mál. Ykkar góðu samtök eiga þakkir skilið fyrir það mikla og góða starf í því að stuðla að auknum ferðum um landið og ábyrgri umgengni.[/b:36ru2ctg]2. Munt þú beita þér fyrir því að ákvæði um almannarétt almennings til ferðalaga og nýtingar verði sett í stjórnarskrá
[b:36ru2ctg]Ég mun styðja það að ákvæði um almannarétt þar með ferðafrelsi og náttúrunýtingu verði sett inní stjórnarskrána. Um leið þarf að geta um ábyrgðina sem fellst í umgengni við náttúru landsins.
[/b:36ru2ctg]Kærar kveðjur,
Jonas Tryggvason
frambjóðandi til stjórnlagaþings
Kosninganúmer 4129
ga@islaw.is
til ferdafrelsiKæri viðtakandi.
Vísa til fyrirspurnar þinnar.
Svar mitt við fyrirspurninni er að ég vil að svofellt ákvæði verði sett í stjónarskrána:
"Vernda skal náttúru landsins og auðlindir þess svo ekki spillist líf eða land að nauðsynjalausu.
Landsmönnum öllum skal tryggður réttur til eðlilegrar nýtingar landsins til útivistar.
Nánar skal fjalla um rétt þennan í lögum.Svar mitt er því:
Já,
Já.Með kveðju,
Guðmundur Ágústsson hrl.
sa1070@simnet.is
til ferdafrelsiSælir:
1. Finnst þér rétt að binda í stjórnarskrá ákvæði um almannarétt almennings til ferðalaga og nýtingar? JÁ
2. Munt þú beita þér fyrir því að ákvæði um almannarétt almennings til ferðalaga og nýtingar verði sett í stjórnarskrá? JÁ
Virðingarfyllst:
Sigurður Aðalsteinsson 5582
Sveinbjörn Fjölnir Pétursson
til ferdafrelsiÁgæti viðtakandi
1. Finnst þér rétt að binda í stjórnarskrá ákvæði um almannarétt almennings til ferðalaga og
nýtingar? Já það finnst mér.2. Munt þú beita þér fyrir því að ákvæði um almannarétt almennings til ferðalaga og nýtingar
verði sett í stjórnarskrá? Já það mun ég gera.Kær kveðja.
Sveinbjörn Fjölnir Pétursson
# 4723-frambjóðandi til Stjórnlagaþings
Þá eru svör allra sem hafa svarað kominn inn.
Það má segja að þessar spurningar hafa höðfðað til einhverra af frambjóðendunum.
Ég vill fá að þakka Hjalta Magnússyni fyrir þessa frábæru hugmynd.
Kveðja
Sveinbjörn
Gísli Már Gíslason
til ferdafrelsiÁgæti viðtakandi.
Ég fékk fyrirspurn frá Jón G. Snæland um hvort ákvæði um ferðafrelsi ætti að vera í stjórnaskránni og þegar ég hafði svarað henni setti hann á fésbókarsíðu sína yfirlýsingu: Viðvörun http://www.kosning.is/stjornlagathing/f … ur/nr/4327 Gísli Már Gíslason sérlegur óvinur ferðafrelsis og meintur formaður í ráðgjafanefnd um Þjórsárver bíður sig fram til stjórnalagaþings.
Spurning Jóns G. Snælands var eftirfarandi: Hver er afstaða því til jafnræðis til ferðamennsku á íslandi og lýðræðislegra ákvarðana um málefni hálendisins. 3500 manns bíða spennt eftir svörum þínum [orðrétt frá Jóni, stafsetningarvillur eru hans).
Svar mitt var: Ferðamál og aðgengi að miðhálendi Íslands er ekki stjórnarskrármál og því óþarfi að setja það i tengil við Stjórnlagaþingið. Jafnrétti til ferðamennsku eru bundin í almannarétti náttúruverndarlaganna og í örðum lögum og ég vei ekki til þess að umferðaréttur sé takmarkaður hjá gangandi vegfarendum og í mjög litlum mæli hjá ríðandi fólki. Akstur utan vega er bannaður og vona ég að svo verði áfram og í friðlöndum ræðst það af aðstæðum hvort akstur eigi að leyfa það sama á við um flug yfir slíkum stöðum, t.d. í Þjórsárverum er óheimilt að fljúga undir 1000 fetum á varp og álegutíma heiðargæsar.
Hvernig hann kemst að þeirri niðurstöðu að ég sé sérlegur óvinur ferðafrelsis skil ég ekki og hef ég skrifað honum þess vegna og hann hefur ekki sýnt þá kurteisi að svara því. Ég benti honum á að ég ER formaður Þjórsárveranefndar, en ekki „meintur formaður“, hvað svo sem það þýðir.Akstur utan vega er bannaður og vonandi verður svo áfram og á friðlöndum ræðst það af aðstæðum hvort akstur eigi að leyfa og það sama á við um flug yfir slíkum stöðum, t.d. í Þjórsárverum er óheimilt að fljúga undir 1000 fetum á varp- og álegutíma heiðargæsar.
Spurning ykkar er markvissari:
Því viljum við spyrja þig, ágæti frambjóðandi, um afstöðu þína til þessa.
1. Finnst þér rétt að binda í stjórnarskrá ákvæði um almannarétt almennings til ferðalaga og nýtingar?
2. Munt þú beita þér fyrir því að ákvæði um almannarétt almennings til ferðalaga og nýtingar verði sett í stjórnarskrá?
Svar:
1) Eins og kemur fram í stefnu minni sem birt er á vef Stjórnlagaþingsins á að vera tryggt í stjórnarskrá að náttúruauðlindir eigi að vera í almanna eign og nýttar á sjálfbæran hátt með náttúruvernd að leiðarljósi. Þá á því einnig við um ferðir um landið. Aftur á móti á að vera í lögum (t.d. náttúruverndarlögum) og auglýsingum friðlanda hvernig ferðamáta á að vera háttað.
2) Eins og kemur fram að ofan stefni ég að því að ákvæði um eignarhald náttúruauðlinda og nýtingu þeirra eigi að vera í stjórnarskrá samanber svar að ofan.
Kv. Gísli Már Gíslason
frambjóðandi 4327
Þórgnýr Thoroddsen
til ferdafrelsisýna nánari upplýsingar 22:51 (Fyrir 34 mínútum síðan)
1. Finnst þér rétt að binda í stjórnarskrá ákvæði um almannarétt almennings til ferðalaga og
nýtingar?Nei. Það er eðlilegra að það sé tilgreint í almennum lagasetningum sem geta jafnvel verið sértækar eins og raun ber vitni.
Ferðafrelsi hefur í raun ekki verið skert hérlendis heldur einungis sá máti sem þetta ferðafrelsi á sér stað með.2. Munt þú beita þér fyrir því að ákvæði um almannarétt almennings til ferðalaga og nýtingar
verði sett í stjórnarskrá?Nei. Stjórnarskráin kveður á um frelsi einstaklingsins. Stjórnarskrár eru almennt eins lítið sértækar og hægt er. Þesslags klausa er sértæk og myndi kalla á ósköpin öll af öðrum sértækum greinum. Sjá fyrra svarið. Í raun myndi ég bókstaflega beita mér gegn því.
b.kv.
Þórgnýr Thoroddsen
Axel Kolbeinsson
til ferdafrelsiSælir félagsmenn í 4×4.
Hér eru svör mín við spurningum ykkar:
1. Finnst þér rétt að binda í stjórnarskrá ákvæði um almannarétt almennings til ferðalaga og nýtingar? Ég mun ekki beita mér sérstaklega gegn ákvæðum um frjálsa för fólks, en tel þau ákvæði betur eiga heima í lögum líkt og í dag.
2. Munt þú beita þér fyrir því að ákvæði um almannarétt almennings til ferðalaga og nýtingar verði sett í stjórnarskrá? Nei, ekki sérstaklega.
Með bestu kveðju
Axel Þór Kolbeinsson
2336
Guðjón Stefánsson
til ferdafrelsiSæll Sveinbjörn og takk fyrir góðar spurningar
Stjórnarskráin er fyrir fólkið í landinu og gerð til þess að vernda rétt þess. Frá landnámi og í elstu lagatextum er staðfest frelsi Íslendinga til ferða um landið, eins og þekkt er í "að tjalda til einnar nætur", frjálsra ferða um fjörur og að fá að tína ber til eigin neyslu. Mér finnst sjálfsagt að við Íslendingar höldum þessum góðu góðu hefðum og vil áfram að þær verði bundndar í lög. En svörin við spurningunum eru þessi:
1) Ég vil að stjórnarskráin sé hnitmiðuð og einföld en ég tel að ákvæði um nýtingu og ferðafrelsi eigi að vera í lögum en ekki í stjórnarskrá.
2) Ég mun ekki beita mér sérstaklega fyrir því að ákvæði sem þetta verði sett í stjórnarskrá. Hins vegar er ég sammála þessari skoðun en mér finnst hins vegar ekki að eigi að binda hendur komandi kynslóða með því að setja hana í stjórnarskrá.Bestu kveðjur
Guðjón Ingvi Stefánsson nr. 8386
Hjörtur Hjartarson
til ferdafrelsiGóðan dag.
Fyrri spurningunnni svara ég játandi. Síðari spurningunni svara ég þannig að ég myndi styðja slíkt ákvæði heilshugar. Frjáls för manna um landið á að vera tryggð með lögum nú þegar, en er ekki virt.
Kveðja,
Hjörtur Hjartarson, frambjóðandi nr. 3 3 0 4http://www.dagskammtur.wordpress.com
beinarss@landspitali.is
til Ferðaklúbburinn, ferdafrelsiÞví viljum við spyrja þig, ágæti frambjóðandi, um afstöðu þína til þessa.
1. Finnst þér rétt að binda í stjórnarskrá ákvæði um almannarétt almennings til ferðalaga og nýtingar? Svar: Já.
2. Munt þú beita þér fyrir því að ákvæði um almannarétt almennings til ferðalaga og nýtingar verði sett í stjórnarskrá? Svar: Já.
Mbk. Björn Einarsson læknir og heimspekinemi. 6340
Alfa Eymars
til Ferðaklúbburinn, ferdafrelsiÁgæti ferðaklúbbur 4×4.
Hér koma svörin mín við spurningunum ykkar.
1.
Finnst þér rétt að binda í stjórnarskrá ákvæði um almannarétt almennings til ferðalaga og nýtingar?
Ferðafrelsi er hluti af einstaklingsfrelsi og á því að vera bundið í stjórnarskrá. Ferðalög og nýting lands og náttúru tengist svo auðlindum þjóðarinnar og það er eindregin skoðun mín að “almenningur”, hálendi, þjóðgarðar og annað land sem telst almenningur -eða gönguleiðir/ökuleiðir að “almenningi” (þó svo þurfi að fara í gegnum einkaland) verði skilgreint sem ein af auðlindum þjóðarinnar og því í almannaeign. Aðgangir, ferðalög og skynsamleg nýting fólks á afréttum og almenningslandi megi ekki hindra nema nauðsyn beri til -og þá af þar til bærum yfirvöldum ásamt rökstuðningi (svo sem tímabundið vegna fuglavarps, eða ónýtur vegur, flóð, eldgos, jarðhræringar o.þ.h.).
2.
Munt þú beita þér fyrir því að ákvæði um almannarétt almennings til ferðalaga og nýtingar verði sett í stjórnarskrá?
Já, þetta er grundvallaratriði í stjórnarskrá.
Friðrik Hansen Guðmundsson
til Ferðaklúbburinn, ferdafrelsiSæl þið hjá Ferðaklúbbnum 4×4
Svör mín eru eftirfarandi:
Því viljum við spyrja þig, ágæti frambjóðandi, um afstöðu þína til þessa.
1. Finnst þér rétt að binda í stjórnarskrá ákvæði um almannarétt almennings til ferðalaga og nýtingar? Já, það er full ástæða til þess.
2. Munt þú beita þér fyrir því að ákvæði um almannarétt almennings til ferðalaga og nýtingar verði sett í stjórnarskrá? Já.
Með kveðju
Friðrik Hansen Guðmundsson
Frambjóðandi á Stjórnlagaþing nr. 9156
Guðjón Sigurbjartsson
til Ferðaklúbburinn, ferdafrelsiGóðan daginn
Þakka fyrir að fá að tjá mig við ykkar góð klúbb.
Svörin við spurningum ykkar er hér á eftir.1. Finnst þér rétt að binda í stjórnarskrá ákvæði um almannarétt almennings til ferðalaga og nýtingar?
Svar: Ég skil og styð ósk almennings um rétt til ferðalaga um landið sitt, sem liggur að baki þessari spurningu. Ég mun beita mér fyrir því að fjallað verði um þetta mál og því fundinn staður í stjórnarskrá ef um það næst samstaða og það þykir þess eðlis að það eigi heima í góðri stjórnarskrá. Ef ekki þarf það vafalaust að vera í lögum. Um það er ég ekki alveg dómbær á þessu stigi, en ég mun setja mig vel inn í að mál.2. Munt þú beita þér fyrir því að ákvæði um almannarétt almennings til ferðalaga og nýtingar verði sett í stjórnarskrá?
Svar: Svarið við þessarri spurningu er sambærilegt og við spurningu 1. Ég styð að almenningur hafi rétt til að umgangast landið sitt og nýta það að vissu marki. Það á að búa svo um hnútanna að landeigendur geti ekki takmarkað eðlilegan umgengnisrétt, og verði að haga landnýtingu þannig að gert sé ráð fyrir eðlilegri umferð almennings um landið.Gangi ykkur allt í haginn.
Guðjón Sigurbjartsson #7473.
Tryggvi M Thordarson
til ferdafrelsi, FerðaklúbburinnSveinbjörn,
1. Finnst þér rétt að binda í stjórnarskrá ákvæði um almannarétt almennings til ferðalaga og nýtingar?
2. Munt þú beita þér fyrir því að ákvæði um almannarétt almennings til ferðalaga og nýtingar verði sett í stjórnarskrá?Ég býst við því að fyrirspurnin sé til komin vegna tillagna stjórnar Vatnajökulsþjóðgarðs um aðgengi að þjóðgarðinum og því svara ég þessu aðeins almennara en spurningarnar hljóða:
Ég tel að það eigi að vera í stjórnarskránni að auðlindir landsins séu og verði í eigu þjóðarinnar. Þá tel ég að það eigi að vera þar ákvæði sem tryggir okkur óskoruð yfirráð yfir þeim og framsal með einum eða örðum hætti óheimilt.
Það ætti að koma ákvæði þess efnis að náttúra landsins eigi skilið að við hlúum að henni og nýtum hana á sjálfbæran hátt svo komandi kynslóðir, okkar afkomendur, geti einnig notið hennar. Aðgengi að náttúrunni á að vera í samræmi við það og þá á að vera sama hvort átt er við gangandi, akandi, ríðandi, skríðandi eða hvernig sem er. Verði þeir sem fara um landið uppvísir að því að ganga á náttúru þess og eða spilla henni á að refsa þeim.
Lokun á hluta lands, lands sem farið hefur verið um í langan tíma, er úr takti við sjálfbæra notkun á landinu.
Ég vona að þetta svari fyrirspurn þinni á fullnægjandi máta.
Með bestu kveðju
Tryggvi M. Þórðarson #7121
Svavar Kjarrval
til ferdafrelsiHæ.
Svör:
1)
Ég get ekki tekið afstöðu til slíks ákvæðis án þess að vita nánar hvernig það yrði útfært. Ég mun þó ekki styðja tillögur sem ganga gegn ferðafrelsisákvæði 4. mgr. 66. gr. núverandi stjórnarskrár.2)
Komi upp vel rökstuddar tillögur um þetta málefni á stjórnlagaþingi mun ég ekki standa á móti þeim. Hvort ég muni eiga frumkvæðið að slíkri tillögu veit ég ekki.Með kveðju / With regards,
Svavar Kjarrval (svavar@kjarrval.is)
Birgir Loftsson
til Ferðaklúbburinn, ferdafrelsiSælir og takk fyrir fyrirspurn ykkar. Það er gott hjá ykkur að vekja athygli á þessu atriði. Ég velti því fyrir mér, þegar ég var í sagnfræðinámi mínu, hver átti hálendið á miðöldum. Mér sýnist að enginn hafi átt það, enda hafði enginn sérstakan áhuga á að eignast það. Ekki einu sinni konungsvaldið hafði áhuga á því, þannig að það var í raun almenningur, einskinsmanns land, öllum til gagns og ráðstöfunnar. Þannig á það vera áfram að mínu mati . Allt land sem er í ríkiseigu er almenningur. Svo að ég svari spurningum ykkar beint: Já, það má binda í stjórnarskrá ákvæði um almannarétt almennings til ferðalaga og nýtingar og ég er til í að setja þetta ákvæði inn í stjórnarskránna. Ég hef einnig talað um nýtingu náttúruauðlinda í skrifum mínum og hnígja þau rök í sömu átt og ég er að tala um hérna. Sjá hlekkinn: http://www.dv.is/stjornlagathing/birgir-loftsson/
Hins vegar verður að vernda landið og tryggja að það sé ekki eyðilagt og það á að ríkja skýrar reglur um umgengni. Við erum bara með landið að láni og berum skylda að skila því í heilu lagi til baka.
Kv. Birgir Loftsson, nr. 3557
Varðandi fyrir spurn ykkar,
1. Finnst þér rétt að binda í stjórnarskrá ákvæði um almannarétt almennings til
ferðalaga og nýtingar?Ég verð að viðurkenna að ég hef ekki hingað til velt þessu fyrir mér, en þegar
að er gáð finnst mér að jafræði verði að ríkja á þessu sviði og er þvi hlynntur
þvi að þetta ákvæði fari í stjórnarskrá.2. Munt þú beita þér fyrir því að ákvæði um almannarétt almennings til
ferðalaga og nýtingar verði sett í stjórnarskrá?Nái ég kjöri er ég tilbúinn að beita mér fyrir þessu af þeirri einföldu ástæðu
að mér finnst hér um jafnræðismál að ræða, og með öllu ólíðandi að réttur
ákveðinna aðila sem hafa bæði haft atvinnu af þvi að sýna landið, og leyft sér
að njóta hálendisins hér sé tekinn af þeim vegna þess að þeir nota farartæki
til þess að komast á fjöll, sem fyrrum hjálparsveitar maður er ég á þvi að það
að fá að nota farartæki til þess að skoða landið getur einfaldlega einnig verið
mikið öryggisatriði. Að ekki sé talað um það að þeir sem ekki geta gengið yfir
urð og grjót eiga einnig rétt á því að fá að njóta fegurðar landsins.með Kveðju
Steinar Immanúel Sörensssos stjórnlagaþingsnúmer 7561
Gísli Tryggvason
til Ferðaklúbburinn, ferdafrelsiTakk fyrir það, Ferðafrelsi(snefnd), fyrir gott tækifæri.
Svör mín eru hér:
Finnst þér rétt að binda í stjórnarskrá ákvæði um almannarétt almennings til ferðalaga og nýtingar?
Svar: Já.
Röksemdir: Til viðbótar við ágæt rök Ferðafrelsisnefndar í aðdraganda spurninganna, sem ég tek undir, hallast ég að því að stjórnarskrárbinding ákvæðis um almannarétt sé nauðsynleg í ljósi þess að slíkt ákvæði í náttúruverndarlögum – og áður í okkar fornu lögbókum, Grágás og Jónsbók – hefur ekki verið virt í raun af hálfu sumra landeigenda og því hefur lagaákvæðið ekki verið nægilega virkt í framkvæmd. Það að setja slíkt ákvæði í æðri lög – stjórnarskrána – er til þess fallið að laga þetta – almenningi í hag.
Munt þú beita þér fyrir því að ákvæði um almannarétt almennings til ferðalaga og nýtingar verði sett í stjórnarskrá?
Svar: Já.
Röksemdir: Ég vil gjarnan beita mér fyrir slíku ákvæði um almannarétt og í tengslum við það tryggja að slík ferðalög og nýting spilli ekki landi og landgæðum, sbr. m.a. hugmyndir mínar um umhverfisákvæði sem þessu tengist – en um það skrifaði ég einmitt fyrsta pistilinn á Eyjuna sem ég hef skrifað um stjórnarskrá og stjórnlög síðustu 5 vikur; sjá hér. http://blog.eyjan.is/gislit/2010/10/15/ … -kr-virdi/
Kær kveðja,
Gísli Tryggvason – frambjóðandi til stjórnlagaþings nr. 3249 –
Jökull Guðmundsson
til ferdafrelsiEitt af þeim atriðum sem ég hef sett í mína upptalningu er eftirfarandi póstur::: Tryggja þarf þjóðareign á auðlyndum okkar til lands og sjávar, og tryggja með lögum sjálfbæra nýtingu þeirra svo við getum skilað landsins gæðum í sem bestu ástandi til þegna framtíðarinnar.
Þetta segir það sem segja þarf í Stjórnarskránni, Það er síðan hlutverk löggjafarþingsins að setja lög til að ná þessum markmiðum. Þau lög geta breyst í takt við áhuga, reynslu og ferðatækni hvers tíma.
Til þess að Stjórnarskráin geti orðið þegnum landsins haldreipi fram í tímann, þá þarf hún að hafa annan takt en tíðarandinn og síbreytileg pólitík. Tregari til breytinga, en alls ekki óbreytanleg.
