Forum Replies Created
-
Replies
-
Þennan lýst mér mjög vel á..
[b:2gsi9zs1]Þorsteinn V Sigurðsson frambjóðandi # 2798[/b:2gsi9zs1]
Ágætu ferðamenn
Ég hef verið fylgjandi því frá unga aldri að landsmenn geti óhindrað ferðast um landið sitt, hvort sem það er gangandi, ríðandi eða akandi svo fremi sem það er gert af virðingu fyrir náttúrunni sem ég efast ekki um að þið félagar í 4×4 gerið.
1. Finnst þér rétt að binda í stjórnarskrá ákvæði um almannarétt almennings til ferðalaga og nýtingar? Já alveg tvímælalaust.
2. Munt þú beita þér fyrir því að ákvæði um almannarétt almennings til ferðalaga og nýtingar verði sett í stjórnarskrá? Já, ég mun gera það.
Með þökk fyrir fyrirspurnina.
[b:2gsi9zs1]
Þorsteinn V Sigurðsson
frambjóðandi # 2798[/b:2gsi9zs1]
Ágætu ferðamenn
Ég hef verið fylgjandi því frá unga aldri að landsmenn geti óhindrað ferðast um landið sitt, hvort sem það er gangandi, ríðandi eða akandi svo fremi sem það er gert af virðingu fyrir náttúrunni sem ég efast ekki um að þið félagar í 4×4 gerið.
1. Finnst þér rétt að binda í stjórnarskrá ákvæði um almannarétt almennings til ferðalaga og nýtingar? Já alveg tvímælalaust.
2. Munt þú beita þér fyrir því að ákvæði um almannarétt almennings til ferðalaga og nýtingar verði sett í stjórnarskrá? Já, ég mun gera það.
Með þökk fyrir fyrirspurnina.Þorsteinn V Sigurðsson
frambjóðandi # 2798
Sjá hér er félagsmaður í klúbbnum sem ætti klárlega heima í A hóp
[b:1xnss0wy]Guðmar Ragnar Stefánsson (#2985)[/b:1xnss0wy] heiti ég og er meðlimur í Austurlandsdeild 4×4 með númerið U-194. Ég er búinn að vera meðlimur í fjöldamörg ár og líkar félagsskapurinn vel. Ég tel að afar mikilvægt er að sett verði í stjórnaskránna ákvæði um almannarétt almennings til ferðalaga og nýtingar. Ég sé t.d. fyrir mér grein sem gæti hljóðað á þennan veg (í norsku og sænsku stjórnaskránni er ákvæði um þetta, í þeirri þýsku má eingöngu hamla ferðafrelsi manna þegar um t.d. hættu á útbreiðslu faraldar er að ræða): frjálst skal vera hverjum manni að ferðast um landið á merktum slóðum og jörðum/löndum sem ekki eru í einkaeign. Einnig skal hverjum manni vera frjálst að ferðast á sama svæði og er lýst hér framar að vetrarlagi á frosnu landi og/eða hjardni og tryggt sé að engin landsspjöll verði. Ferðamátinn innifelur öll hugsanleg ökutæki.
Og einn annar álitlegur
[b:1xnss0wy]Kjartan Þór Ragnarsson frambjóðandi til stjórnlagaþings. Nr. 6802[/b:1xnss0wy]
Réttarvernd almannaréttar er á stefnuskrá minni sbr. 27. lið og er það mér og öðrum þeim sem vilja tryggja frjálsa för um landið og nýtingu landsgæða mikið hagsmunamál. Hef bent á það að almannaréttur er afgangsstærð í réttarkerfinu og stjórnvöld geta skv. núverandi skipan laga þrengt þann rétt og einfaldlega afnumið með öllu án þess að lagasetning komi til. Tók því sérstaklega á þessu atriði og er brýn þörf á að koma þessu málefni á framfæri til sem flestra. Því er svarið hiklaust já við að tryggja réttarvernd almannaréttar að því marki að þessum rétti yrði aðeins breytt með lögum. Í ljósi annarra tillagna minna um beint lýðræði rétt þar sem m.a. er lagt til að þjóðin geti beitt neitunarvaldi gagnvart öllum nýjum lögum frá Alþingi og þar með hindrað að þessi réttur yrði þrengdur með lögum án fullnægjandi raka og hagsmuna þjóðarinnar allrar. Sjá hér 27.lið stefnuskrár minnar:Réttarvernd almannaréttar
27. Almannarétti verði veitt réttarvernd að íslenskum lögum. Réttarvernd almannaréttar fæli það í sér að almenningi yrði veitt aðild að dómsmálum og öllum stjórnvaldsákvörðunum er varða almannarétt og hvers kyns takmarkanir á honum. Til hagræðingar yrði aðild almennings bundin við frjáls félagasamtök sem hafa hagsmuni af þessum málum, s.s. útivistarfélög og skotveiðifélög.
Til skýringar að þá felur almannaréttur í sér tiltekin takmörkuð réttindi almennings til nýtingar landsgæða og athafna utan eignarlanda t.d. veiðar á villtum dýrum, söfnun jurta og frjálsra ferða um landið. Nú er unnt að takmarka þennan rétt með einhliða stjórnvaldsákvörðunum. Almenningur getur ekki haldið uppi neinum vörnum fyrir dómstólum í þeim málum sökum aðildaskorts. Almannaréttur yrði þó eftir sem áður háður takmörkunum löggjafans og unnt að auka hann eða takmarka með lögum.
Enn eitt svar…..
Kjartan Ragnarsson
til ferdafrelsiSendi á vitlaust netfang, svona er það bara stundum.
Kveðja, Kjartan– – – – – – – – – Áframsent skeyti – – – – – – – – – –
Frá: Kjartan Ragnarsson <kjartan.thor.ragnarsson@gmail.com>
Dagsetning: 21. nóvember 2010 23:46
Titill: Svar við fyrirspurn til frambjóðenda
Til: ferdafrelsi@4×4.isRéttarvernd almannaréttar er á stefnuskrá minni sbr. 27. lið og er það mér og öðrum þeim sem vilja tryggja frjálsa för um landið og nýtingu landsgæða mikið hagsmunamál. Hef bent á það að almannaréttur er afgangsstærð í réttarkerfinu og stjórnvöld geta skv. núverandi skipan laga þrengt þann rétt og einfaldlega afnumið með öllu án þess að lagasetning komi til. Tók því sérstaklega á þessu atriði og er brýn þörf á að koma þessu málefni á framfæri til sem flestra. Því er svarið hiklaust já við að tryggja réttarvernd almannaréttar að því marki að þessum rétti yrði aðeins breytt með lögum. Í ljósi annarra tillagna minna um beint lýðræði rétt þar sem m.a. er lagt til að þjóðin geti beitt neitunarvaldi gagnvart öllum nýjum lögum frá Alþingi og þar með hindrað að þessi réttur yrði þrengdur með lögum án fullnægjandi raka og hagsmuna þjóðarinnar allrar. Sjá hér 27.lið stefnuskrár minnar:
Réttarvernd almannaréttar
27. Almannarétti verði veitt réttarvernd að íslenskum lögum. Réttarvernd almannaréttar fæli það í sér að almenningi yrði veitt aðild að dómsmálum og öllum stjórnvaldsákvörðunum er varða almannarétt og hvers kyns takmarkanir á honum. Til hagræðingar yrði aðild almennings bundin við frjáls félagasamtök sem hafa hagsmuni af þessum málum, s.s. útivistarfélög og skotveiðifélög.
Til skýringar að þá felur almannaréttur í sér tiltekin takmörkuð réttindi almennings til nýtingar landsgæða og athafna utan eignarlanda t.d. veiðar á villtum dýrum, söfnun jurta og frjálsra ferða um landið. Nú er unnt að takmarka þennan rétt með einhliða stjórnvaldsákvörðunum. Almenningur getur ekki haldið uppi neinum vörnum fyrir dómstólum í þeim málum sökum aðildaskorts. Almannaréttur yrði þó eftir sem áður háður takmörkunum löggjafans og unnt að auka hann eða takmarka með lögum.Kær kveðja,
Kjartan Þór Ragnarsson frambjóðandi til stjórnlagaþings. Nr. 6802
Sæl
Nú er búið að lesa úr innsendum póstum frá frambjóðendum og greina svörin eins og hægt er .
Þetta er niðurstaða rýnihópsins og er hún birt hér að neðan.Endilega ef þið hafið einhverjar athugasemdir eða einhverjar nánari upplýsingar látið þá vita.
Ef þið hafið ekki skrifaðgang að vefnum þá má líka senda póst á ferdafrelsi@f4x4.is eða stjorn@f4x4.is.
Kveðja
SveinbjörnA – mjög góðir kostir
Guðmundur R Lúðvíksson 5229 Góður rökstuðningur og vill umferðarrétt um allt land utan ræktarlanda. Hinsvegar fjallar hann ekki beint um vélknúna umferð.
Jón Gunnar Benjamínsson 7385 Stutt hnitmiðað svar er fatlaður og treystir á fjórhjól til að geta stundað veiðar og ferðalög. Mun ótvírætt leggja þessu málefni lið nái hann kjöri.
Lambi – Jón Einar Haraldsson 2182 Er landeigandi og eigandi að stórum hluta hálendisins, vill að þeir slóðar sem fyrir eru séu opnir almenningi, gagnrýnir landeigendur sem loka jörðum sínum með „Einkavegur“
Þórður Már Jónsson 7594 Góður rökstuðningur og vill tryggja almannarétt. Talar um lokanir landeigenda, er veiðimaður, útivistarmaður og jeppamaður.
Þorsteinn V Sigurðsson frambjóðandi 2798
Guðmar Ragnar Stefánsson 2985
Kjartan Þór Ragnarsson frambjóðandi 6802B – mjög frambærilegir
Alfa Eymars (er ekki skráð undir þessu nafni, nr. Óþekkt) Þokkalega rökstutt, telur aðgang um eignarland og ekki megi hindra aðgang almennings nema nauðsyn beri til og það rökstutt.
Ásgeir G Bjarnason 5504 Svarar játandi er áhugamaður um veiðar og ferðalög ljúft og skylt að vinna að því að ákvæðið komi í stjórnarskrá.
Gísli Tryggvason 3249 Vel rökstutt svar. Telur að sumir landeigendur hafi ekki virt núverandi lagaákvæði er varða almannarétt. Fyrirvarar hans og fyrri skrif um náttúruvernd valda því að hann er B en ekki A
Guðlaugur Orri Gíslason 7803 Stutt hnitmiðað svar er hlynntur umhverfisvernd en vill ekki loka fyrir umferð almennings um hálendið og landið allt.
Ólafur Árni Halldórsson 5273 Góður rökstuðningur, er ósáttur við lög um Vatnajökulsþjóðgarð en setur fyrirvara við nýtingarhlutann, gæti hafa misskilið spurninguna.
Pétur Kristjánsson 6714 Vísar í sænsku grunnlögin og telur að sambærilegt ákvæði eigi heima í íslensku stj.skr.C – Gætu þarfnast frekari skoðunar
Birgir Loftsson 3557 Svarar jákvætt, en vill skýrar reglur um umgengni, erum með landið að láni.
Birna G Konráðsdóttir 4195 Landeigandi og bóndi – telur upp litla prósentið sem ætti að halda sig heima en ekki vera úti í náttúrunni.
Elíast Pétursson 7726 Er mjög fylgjandi ferðafrelsinu, jeppamaður og vélsleðamaður en vill ekki fá þetta ákvæði inn í stjórnarskrá sérstaklega.
Eva Sigurbjörnsdóttir 2754 Kosningalegt froðusnakk um málefnið – í raun skoðanalaus nema að náttúran sé falleg og allir eigi að fá að njóta hennar.
Eyþór Jóvinsson 3029 Setur fyrirvara við að setja þurfi skýrar reglur um hvar skuli ferðast um landið
Gunnar Grímsson 5878 Telur að við eigum að geta ferðast um landið án annarra takmarkana er sem lúta að náttúruvernd eða nýtingarrétti eigenda.
Hans Gústafsson 6835 Svarar báðum sp. Játandi en ekki djúpur rökstuðningur.
Haraldur Árnason 9662 Setur fyrirvara varðandi skynsamlega náttúruvernd
Hjalti Hugason 7132 Vill útvíkkun á ferðafrelsinu en er ekki viss um að hann muni beita sér fyrir því að ákvæði komi inn í stj.skr. Er Jeppamaður og útivistarmaður.
Jóhanna Heiðdal. 3425 Svarar báðum sp. Játandi. Er í skotveiði en vill betri skilgreiningar á hvað er eignarland og hvað er almenningur.
Jónas Tryggvason 4129 Tekur spurningunum jákvætt hefur náttúruverndarsjónarmið hátt uppi og ábyrgð í umgengni.
Karl Hjaltested 2523 Vill ekki loka af landsvæðum fyrir þröngan hóp og að verndun eigi að vera með aðgengi. Telur þetta eiga heima í stj.skr.
Katrín Fjelsted 7715 Engin skýr afstaða – telur að almenningur muni aldrei sætta sig við annað en að mega ferðast um landið.
Kjartan Jónsson 9387 Setur fyrirvara við nýtingu.
Kjartan T. Hjörvar 4272 Svarar báðum sp. Játandi í ljósi þróunar undanfarinna ára.
Kolbrún Baldursdóttir 4712 Svarar báðum sp. Játandi og telur það falla undir mannréttindi. (hef samt smá efasemdir en læt hana í C flokk)
Kristín Elfa Guðnadóttir 6934 Svarar jákvætt og er mikil ferðakona, vill hafa kafla í stj.skr er fjallar um náttúruna og samband okkar við hana. Þ.m.t. Almannaréttur.
Maríanna Bergsteinsdóttir 3953 Svarar ekki efnislega spurningunum en setur fyrirvara um að það eigi að vera ferðafrelsi ef umhverfið hlýtur ekki skaða af.
Ragnhildur Sigurðardóttir 9893 Svara báðum sp. Játandi. Er ökuleiðsögumaður og jeppaeigandi, áhugamanneskja um hálendið en setur fyrirvara um náttúruspjöll vegna almennrar umferðar.
Sigurvin Jónsson 9805 Svarar báðum sp. Játandi en ekki djúpur rökstuðningur.
Steinar Immanúel Sörensson 7561 Hafði ekki velt þessu fyrir sér áður en telur það jafnræðismál að allir geti ferðast um landið.
Svanur Sigurbjörnssson 4096 Svarar játandi en er með fyrirvara varðandi nýtingu. Telur málið mikilvægt og vill skynsamleg ákvæði um málefnið í stj.skr.
Tryggvi M þ’orðarson 7121 Telur að hlúa eigi að náttúrunni en það sama eigi að gilda um alla er ferðast um landið, óháð ferðamáta og lokun landsvæða sé úr takti við sjálfbæra notkun,.
Vignir Bjarnason 6505 Svarar báðum sp. Játandi en ekki djúpur rökstuðningur. Er jeppamaður.
Þorsteinn 5746 Svarar ekki efnislega spurningunum en er veiðimaður og vill rétt til að ferðast um landið hvort sem er fótgangandi eða í bíl.
Þórir Jökull Þorsteinsson 5218 Setur fyrirvara vegna náttúruverndar, eignarréttar ofl.D – einföld já og miklir fyrirvarar
Anna Kolbrún Árnadóttir 3073 Tvö einföld Já án rökstuðnings.
Auður Sigr. Kristinsdóttir 4965 Tvö einföld Já án rökstuðnings.
Ágústa Sigrún Ágústsdóttir 3623 Svarar játandi en vill gjaldtöku við ferðamannastaði.
Benedikt Garðar Stefánsson 6098 Tvö einföld Já án rökstuðnings.
Birna Kristbjörg Björnsdóttir 4184 Svarar nokkuð einfalt já, en er „landeigendasinnuð“
Björn Ingi Jónsson 8705 Tekur ekki hreina afstöðu en telur að almannaréttur sé eðlilegur.
Björn Vernharðsson 8793 Setur marga fyrirvara varðandi eftirlit, kostnað og skilgreiningar á nýtingu. Svarar ekki afdráttarlaust,
Dögg Harðardóttir 7572 Vill ferðafrelsi en ekki binda það í stjórnarskrá.
Elías Gíslason 5383 Tvö einföld Já án rökstuðnings.
Eygló Svla Arnarsdóttir 3854 Svara játandi en hafði ekki hugsað neitt út í þessi mál. Vill að náttúran haldist að mestu óspillt og það hafi forgang.
Friðrik Hansen Guðmundsson 9156 Tvö einföld Já án rökstuðnings.
Friðrik Þór Guðmundsson 7814 Telur ákvæði um ferðafrelsi eiga heima með náttúruvernd og ekki verði ferðast nema náttúrunni að skaðlausu.
Guðjón Sigurbjartsson 7473 Mun fjalla um málið en hefur ekki skýra afstöðu, ætlar að setja sig inn í málið.
Guðmundur Ágústsson 9629 Einfalt já með tillögu að ákvæði er fjallar mestmegnis um verndun náttúrunnar en almenningur hafi eðlilegan rétt sem fjallað verði nánar um í almennum lögum.
Guðmundur Vignir Óskarsson 7913 Tvö einföld Já án rökstuðnings.
Halldór N. Lárusson 7539 Tvö einföld Já án rökstuðnings.
Hjörtur Hjartarson 3304 Tvö einföld Já án rökstuðnings.
Jökull Guðmundsson 2578 Telur að almennt ákvæði í stjórnarskrá er tryggi þjóðareign á auðlindum til lands og sjávar með sjálfbæra nýtingu að leiðarljósi sé nóg til að verja ferðafrelsið.
Kolbrún 4756 Er ekki ákveðin hvort hún vilji ákvæði inn í stj.skr. Er hlynnt almannarétti en vill ekki malbika allt né að allir geti farið hvert sem er.
Lárus Elíasson 3447 Tekur ekki hreina afstöðu en telur að það sem við erum að biðja um eigi ekki heima í stj.skr. en segist vera félagi í 4×4
Lýður Árnason 3876 Tvö einföld Já án rökstuðnings.
Ólafur Jakobsson 4558 Er ekki líklegur til að vilja þetta ákvæði inn í stjskr. Setur fyrirvara t.d. Varðandi eignarrétt.
Ólafur Már Vilhjálmsson 4745 Svarar játandi en tekur í raun ekki afstöðu til ferðamennsku heldur einungis náttúru Íslands og auðlinir séu nýttar í almannaþágu.
Sigrún Kapitóla Guðrúnardóttir 2688 Tvö einföld Já án rökstuðnings.
Sigurður Aðalsteinsson 5582 Tvö einföld Já án rökstuðnings.
Sigurjón Árnason 8056 Tvö einföld Já án rökstuðnings.
Sigurjón Jónasson 4437 Telur ákvæði ekki eiga heima í stj.skr. En mun taka umræðuna, vill ekki að allir hafi rétt til að ferðast á hvaða farartæki sem er vegna utanvegaaksturs.
Sigurlaug Þ. Ragnarsdóttir 6054 Tvö einföld Já án rökstuðnings.
Soffía Sigurðardóttir 9178 Svarar játandi en hefur mjög marga fyrirvara um umferðarstýringu og óþarfa eða skaðlegan átroðning á náttúruna.
Sturla Már Jónsson 9398 Tvö einföld Já án rökstuðnings.
Sveinbjörn Fjölnir Pétursson 4723 Tvö einföld Já án rökstuðnings.
Sæunn Þorsteinsdóttir 4690 Svarar játandi en hefur greinilega ekki þekkingu né skilning á málefninu.
Þórunn MJH Óafsdóttir 8694 Tvö einföld Já án rökstuðnings.
Örn Bárður Jónsson 8353 Setur fyrirvara og að ekkert frelsi geti verið ótakmarkað. Telur að útfærslur eigi að vera í almennum lögum.E – Fallistar fallistanna
Axel Kolbeinsson 2336 Telur að ákvæði um ferðafrelsi eigi ekki að vera í stj.skr heldur almennum lögum. Mun ekki beita sér fyrir því að ákvæðið komi í stj.skr.
Ásgeir Baldursson 5064 Er ólíklegur til að vinna að hagsmunum okkar, fjallar um utanvegaakstur og landspjöll.
Gísli Már Gíslason 4327 Mun ekki vinna að því að koma ákvæðum í stj.skr. Skrifaði skítapóst vegna samskipta sinna við Jón Snæland. Ekki hliðhollur jeppamönnum í það minnsta miðað við fyrri skrif hans.
Guðjón Ingvi Stefánsson 8386 Telur að ákvæði um ferðafrelsi eigi ekki að vera í stj.skr heldur almennum lögum. Mun ekki beita sér fyrir því að ákvæðið komi í stj.skr.
Guðmundur Gíslason 7792 Svara neitandi en vill að allir sem vilja og geta eigi að fá að nýta sér þjóðgarða en verði að ganga vel um.
Guðrún Helgadóttir 2721 Hlynnt almannarétti en ferðafrelsi geti aldrei verið án skilyrða um náttúruvernd og rétt fólks til einkalífs. Svarar ekki spurningunum.Anna
Hjörvar Pétursson 3502 Svarar báðum spurningum neitandi og rétturinn verði alltaf náttúrunnar.
Hrefna B Jónsdóttir 4074 Finnst málið athyglisvert en telur eignarréttinn sterkann og hún mun sem landsbyggðakona verja eignarréttinn. Mun líklega ekki vinna að okkar hagsmunum.
Indro Indriði Candi 3964 Svarar já og kannski. Vill taka umræðuna fyrst og fá rök með og á móti. Ekki líklegur til stórræða.
Jón Steindór 2314 Telur ekki líklegt að hann muni beita sér fyrir þessu.
Kristófer Már 2941 Telur útilokað að setja inn í stjórnarskrá leikreglur og telur að við eigum nú þegar umgengnisrétt um landið með eðlilegum takmörkunum.
Reynir Antonsson 4657 Setja verður í lög ákvæði sem takmarka það að menn leiki sér blindfullir inni á öræfum á milljóna jeppunum sínum.
Svavar Kjarrval 5086 Telur að ferðafrelsið sé nú þegar tryggt í 66. gr. stjórnarskrá með orðunum „Allir, sem dveljast löglega í landinu, skulu ráða búsetu sinni og vera frjálsir ferða sinna með þeim takmörkunum sem eru settar með lögum.“ Ekki líklegur til stórræða.
Sæmurndur Sigurðsson 2996 Svarar neitandi vegna eignarréttar landeigenda, friðlýstra svæða og þjóðgarða.
Viktor Orri Valgarðsson 2831 Er alveg úti á túni. Áttar sig ekki á því í hverju þetta felst og veltir upp hvort þá sé komin skylda á ríkið að ferja menn um landið.
Þórgnýr Thoroddsen 7836 Telur að ákvæði um ferðafrelsi eigi ekki að vera í stj.skr heldur almennum lögum. Mun ekki beita sér fyrir því að ákvæðið komi í stj.skr.
Raggi Brúsi
Sælt veri fólkið
Guðmar Ragnar Stefánsson (#2985) heiti ég og er meðlimur í Austurlandsdeild 4×4 með númerið U-194. Ég er búinn að vera meðlimur í fjöldamörg ár og líkar félagsskapurinn vel. Ég tel að afar mikilvægt er að sett verði í stjórnaskránna ákvæði um almannarétt almennings til ferðalaga og nýtingar. Ég sé t.d. fyrir mér grein sem gæti hljóðað á þennan veg (í norsku og sænsku stjórnaskránni er ákvæði um þetta, í þeirri þýsku má eingöngu hamla ferðafrelsi manna þegar um t.d. hættu á útbreiðslu faraldar er að ræða): frjálst skal vera hverjum manni að ferðast um landið á merktum slóðum og jörðum/löndum sem ekki eru í einkaeign. Einnig skal hverjum manni vera frjálst að ferðast á sama svæði og er lýst hér framar að vetrarlagi á frosnu landi og/eða hjardni og tryggt sé að engin landsspjöll verði. Ferðamátinn innifelur öll hugsanleg ökutæki.Þetta er eitt af fjórum málum sem ég mun beita mér fyrir af fullum þunga.
PS: Sveinbjörn: varðandi símtalið okkar þar sem ég sagði þér frá fundinum okkar, þá tók ég hann allan upp á videó og var það greinilegt að sá sem mestan metnað hafði fyrir þessu var undirritaður þó að ég segi sjálfur frá.
kv. Raggi á Brú
Kæru 4×4, það gleður mig að þið hafið sýnt stjórnlagaþinginu þennan áhuga. Sem gamall stuðningsmaður 4×4 sendi ég glaður svör mín, en biðst um leið afsökunar á að þau hafi borist of seint. Vinsamlega staðfestið móttöku póstsins.
1. Finnst þér rétt að binda í stjórnarskrá ákvæði um almannarétt almennings til ferðalaga og nýtingar?
Almannaréttur byggir á fornu
Ákvæði af þessum toga hafa verið í mörgum stjórnarskrám annarra ríkja um langt skeið, s.s. þeirri finnsku og sænsku. Í stjórnarskrá USA er að finna ákvæði um almannarétt að vatni og veiðisvæðum. Það sem menn hafa óttast eru þessi mörk milli almannaréttar og eignaréttar einstaklinga, en eignaréttur er sennilega betur varinn hér á landi en í flestum öðrum vestrænum ríkjum. Ákvæði um almannarétt var að finna í Jónsbók, en með nýjum lagasöfnum í gegnum tíðina virðsist vera eins og réttur almennings hafi farið forgörðum að þessu leyti. Umferðarákvæði og ákvæði um almannarétt tel ég nauðsynlegt að sé í nýrri stjórnarskrá, og tel að það sé skylda stjórnlagaþings að nálgast setningu ákvæðisins með þeim hætti að þessi sjónarmið almannaréttar og eignaréttar séu sett ásættanleg mörk þannig að réttur manna til ferðar sé tryggður.
2. Munt þú beita þér fyrir því að ákvæði um almannarétt almennings til ferðalaga og nýtingar verði sett í stjórnarskrá?
Já ég mun gera það, það er öruggt.
Kveðja/Regards,
Gísli Kr. Björnsson
lögfræðingur
Ægir Björgvinson
til ferdafrelsiÁgætu 4×4 félagar, eins og kemur fram í RÚV kynningu minni vil ég þjóðnýta "ónýtt land" og það inniheldur að við þjóðin geti nýtt það okkur til framdráttar, en það getur ekki orðið öðruvísi en til útivistar, til skemmtunar eða/og náttúruskoðunar, að því leytinu myndi ég festa þetta í stjórnarskrá. Bestu kveðjur og eigið bjarta framtíð. Ægir Björgvinsson
Sælt veri fólkið
Mér er nokkuð kunnugt um ákvæði Grágásar og Jónsbókar um almannarétt.
Þessi kunnugleiki minn er tilkominn vegna þess að sem sveitamaður hefur
maður staðið agndofa gagnvart þeirri áráttu borgarbúa sem kaupa sér land og
jarðir að tylla upp skilti sem stendur á EINKAVEGUR við alla slóða og vegi
sem að þeirra svæðum liggja. Jafnframt má oft sjá á girðingum tilkinningar
um að öll umferð um svæðið sé bönnuð. Ég hef sem einn af eigendum töluverðs
hluta hálendis Íslands verið þeirrar skoðunar að öllum sé frjáls aðgangur
að öllum svæðum svo fremi að menn gæti meðalhófs en það er að menn nauðgi
ekki náttúru landsins umfram það að aka þá slóða sem fyrir eru. Ég hef auk
þess tiltrú á aðsamtök eins og þau sem talin eru upp í fyrirspurninni
starfi að heilindum við að upplýsa meðlimi sína og aðra um umgegnisreglur
við náttúruna og mun í framhaldi af því halda mjög á lofti þeirra
sjónarmiðumJón Einar Haraldsson frambjóðandi nr. 2182
elin@hosilo.is
til ferdafrelsiKomið sæl,
takk fyrir að sýna stjórnlagaþinginu áhuga. Eftirfarandi eru svör mín við
spurningum ykkar:1. Finnst þér rétt að binda í stjórnarskrá ákvæði um almannarétt
almennings til ferðalaga og nýtingar?
a. Hér vil ég aðgreina almannarétt almennings til ferðalaga annars vegar
og nýtingar hins vegar. Ég ekki viss um að stjórnarskrá sé vettvangur til
að binda ákvæði um almannarétt almennings til ferðalaga, þó ég sé tilbúin
að skoða það. Nýting getur verið teygjanlegt hugtak, en ef við erum að
tala um 24.gr og 25. gr. fyrrnefndra laga, þá tel ég nægjanlegt að það
standi í lögum.2. Munt þú beita þér fyrir því að ákvæði um almannarétt almennings til
ferðalaga og nýtingar verði sett í stjórnarskrá?
a. Ég held að ég muni ekki beita mér sérstaklega fyrir því, en ef ég verð
kosin á stjórnlagaþing hefði ég áhuga á að kynna mér þetta betur.
Sæll Gunnar
Stjórn klúbbsins hefur ekki sett sig inn í þessi mál, eins og er fer mesta orka stjórnarinnar og annarra félagsmanna í vinnu vegna Vatnajökulsþjóðgarðs og Þjórsárveranna (þarna er það Ferðafrelsi sem verið er að vernda).
Því miður er stækkun Vatnajökuls og Þjórsárverana mjög mikið mál fyrir allt útivistarfólk, vonandi fer einhvað að lagast þar en ég vill endilega óska eftir því ef þú hefur áhuga á að ræða við mig því okkur bráðvantar mann til að aðstoða okkur í þessu bifreiðar- vörugjalds og útblástursrugli.
Ef þú ert til er pláss fyrir þig til að aðstoða okkur í þessu máli.
Kveðja
Sveinbjörn
Sæl
Hér koma svörin:
Því viljum við spyrja þig, ágæti frambjóðandi, um afstöðu þína til þessa.
1. Finnst þér rétt að binda í stjórnarskrá ákvæði um almannarétt almennings til ferðalaga og nýtingar?
Já, Þetta kemur vel til grein2. Munt þú beita þér fyrir því að ákvæði um almannarétt almennings til ferðalaga og nýtingar verði sett í stjórnarskrá?
Já. Við eigum öll Ísland. Það er ekki hægt að mynda ættjarðarást eða ætlast til að einstaklingar fórni sér fyrir
landið, ef aðeins má djást af landinu af myndum.
Elías Gíslason. 5383
Þórður Már Jónsson
til ferdafrelsiGóða kvöldið!
Ég þakka ykkur kærlega fyrir spurningarnar, þetta er brýnt mál sem taka þarf á sem fyrst og mun ég beita mér fyrir því að það verði tekið upp á stjórnlagaþingi, nái ég kjöri.
Fyrri spurningin hljóðaði svo: Finnst þér rétt að binda í stjórnarskrá ákvæði um almannarétt almennings til ferðalaga og nýtingar?
Svar mitt er já.
Ég tel að stjórnarskrárákvæði er tryggi umferðar- og almannarétt sé í raun nauðsynlegt, ekki síst í ljósi þess hvernig þau mál hafa þróast undanfarin ár þar sem fornum leiðum og slóðum hefur verið lokað af landeigendum þrátt fyrir ákvæði um almannarétt m.a. í náttúruverndarlögum og áður í fornum lögbókum s.s. Jónsbók og Grágás. Tel ég að umferð almennings eigi að vera heimil um þjóðlendur, þjóðgarða og ekki síður eignalönd svo fremi sem landið er ekki nýtti í hefðbundnum landbúnaði, þ.e. ræktarland. Tel ég að land sem nýtt er sem afréttir eigi að vera opið öllum óháð því hvernig menn velja að ferðast, gangandi, ríðandi eða á vélknúnu ökutæki.
Utanvegaakstur og landspjöll eiga engu að síður að vera refsiverð en ég tel að opið aðgengi og öflug fræðsla sé betri leið til náttúruverndar en boð og bönn. Við erum komin út á hála braut ef ferðafólk er orðið jafn ólöglegt á gömlum slóða og í hreinum utanvegaakstri, slíkt væri óheillaspor.
Hvað varðar nýtingu lands þá tel ég að mönnum eigi að vera frjálst að nýta landsins gæði, einkum og sér í lagi á heiðum og fjöllum þar sem nýting almennings á sér aldagamla hefð. Á það jafnt við um fuglaveiðar og berjatínslu.
Seinni spurningin hljóðaði svo: Munt þú beita þér fyrir því að ákvæði um almannarétt almenning til ferðalaga og nýtingar verði sett í stjórnarskrá?
Svar mitt er já.
Vísa ég til röksemda minna hér að ofan.
Með kærum kveðjum
Þórður Már Jónsson, veiðimaður, útivistarmaður og jeppaeigandi og frambjóðandi nr. 7594. Formaður Þjóðareignar, samtaka um auðlindir í almannaþágu,
Ágætu félagar í 4×4!
Ég þakka ykkur fyrirspurnina. Þegar stórt er spurt er oft erfitt um svör. Sjálf bý ég í sveit, eins og sjá má á heimilisfangi mínu og er almennt hlynnt því að almenningur fái aðgangsrétt að landinu okkar til að skoða sig um og njóta. Hins vegar, af því að ég bý í sveit, þá hef ég því miður einnig reynslu af því litla prósenti fólks sem helst ætti að halda sig heima. Nú er spurning ykkar afar vítt orðuð og ég veit ekki nákvæmlega hvað býr að baki, svo gott væri að fregna af því áður en ég tjái mig frekar um málið.
Með góðum kveðjum
Birna G. Konráðsdóttir
Einkennisnúmer 4195
Án efa eitt af þeim málum sem rædd verða á stjórnlagaþingi. Í augum flestra Íslendinga er réttur almennings til að ferðast um landið tekinn sem sjálfsagður. Ég held að almenningur á íslandi muni aldrei sætta sig við annað en að mega ferðast um land sitt eins og verið hefur f´ra alda öðli
Kveðja
Katrín Fjelsted
Kristín Elfa Guðnadóttir
til ferdafrelsiFrom: Kristín Elfa Guðnadóttir
Sent: 21. nóvember 2010 10:52
To: ferdafrelsi@4×4.is
Subject: Svar frá frambjóðanda, Kristínu Elfu GuðnadótturSæl öll,
ég styð þetta og það er mér hjartans mál enda byrjaði ég að ferðast um öræfin þegar ég var sjö ára og er mikil ferðakona. Ég vil að einn kafli í stjórnarskrá sé tileinkaður náttúrunni og sambandi okkar við hana, þar með er talinn almannaréttur.
Með góðri kveðju,
Kristín Elfa Guðnadóttir.
Valnúmer: 6934
Eiríkur Mörk Valsson
til ferdafrelsiGóðan dag
1. Finnst þér rétt að binda í stjórnarskrá ákvæði um almannarétt almennings til ferðalaga og nýtingar?
Meðal auðlinda okkar er landið og við verðum að fá að njóta þeirrar auðlindar, "almannréttur til nýtingar" á að vera útgangspunkturinn. Grunnhugsun sem ég vil fá inn í stjórnarskrána, í "auðlindakaflann", og get því svarað spurningunni játandi um leið og ég minni á að í stjórnarskránni eiga að vera grundvallarreglur og ekki ítarleg útfærsla á einstökum sviðum.
2. Munt þú beita þér fyrir því að ákvæði um almannarétt almennings til ferðalaga og nýtingar verði sett í stjórnarskrá?
Vísa til svars við fyrri spurningu. Ég mun beita mér fyrir að því að í stjórnarskránni verði fjallað um auðlindir okkar, þar með talið landið frá fjöru og upp á firnindi. Já, ég mun beita mér fyrir því að við fáum frelsi til að nýta þessa auðlind, auðvitað með tilliti til sjálfbærni og náttúruverndar og annarra "almannahagsmuna".
Kveðja,
Eiríkur Mörk Valsson – 2974
Sælir Sveinbjörn og Jón Snæland
Ég greinilega sendi svar mitt við spurningum ykkar á venjulega netfangið hjá klúbbnum.
Sá að mitt svar var ekki komið á síðuna hjá ykkur.
Bestu kveðjur, Birna Kristbjörg Björnsdóttir
Ágætu félagar í Ferðaklúbbnum 4×4.Ég vil byrja á að þakka ykkur fyrir spurningarnar. Ég las lögin og las og las 3. grein laganna til að hafa nú allt á hreinu þegar ég svarði spurningum ykkar. Orðið „almannaréttur“ kemur hvergi fram í 3. grein laganna sem þið vísið til. Það gildir annað um III kafla laganna og er allt annað mál. Bréf ykkar, sent í fjöldasendingu á marga aðila hefði eflaust sparað tíma hjá mörgum hefði það verið betur unnið og rétt vitnað í lögin, í III kafla laganna eru til dæmis 12. til 27. greinar laganna. Athugið að það er ekki fjallað um nýtingarrétt í neinni grein í III kafla laganna.
Það hefði verið æskilegra að fá nánari skilgreiningu frá ykkur á því hvað átt er við með orðinu „nýtingarrétti“. Ég vil því óska eftir því að þið sendið mér ykkar skilgreiningu á þessu og mun þá svara því.
Ég gef mér það í þessum svörum mínum að þið eigið með spurningum ykkar við, eins og fram kemur í texta bréfs ykkar „óbyggðar landsins“.
1. a.) Finnst mér rétt að binda í stjórnarskrá ákvæði um almannarétt almennings til ferðalaga ? Já. Ég vil að almenningur hafi frjálsan rétt til ferðalaga um landið.
b) Finnst mér rétt að binda í stjórnarskrá ákvæði um almannarétt almennings til nýtingar? Ég hef óskað eftir nánari skilgreiningu á hvað þið egið við, en ef átt er við með orðinu „nýtingarrétt“ að fara í berjamó þá ætti það að vera sjálfsagt í óbyggðum, en ef átt er við land í einkaeigu þá er nú jafn sjálfsagt að æskja leyfis. Ef átt er við annarskonar nýtingarétt þá endilega sendið mér dæmi og ég skal svara.
2. a) Mun ég beita mér fyrir því að binda í stjórnarskrá ákvæði um almannarétt almennings til ferðalaga verði sett í stjórnarskrá? Já, ég tel þörf á því.
b) Mun ég beita mér fyrir því að binda í stjórnarskrá ákvæði um almannarétt almennings til nýtingar verði sett í stjórnarskrá?
Endilega sendið mér nákvæmlega hvað þið eigið við.Bestu kveðjur, bíð eftir bréfi frá ykkur með skilgreiningu á orðinu nýtingarréttur.
—
Bestu kveðjur
Birna Kristbjörg Björnsdóttir 4184
http://birnakristbjorg.123.is/blog/
http://www.facebook.com/profile.php?id=100001654244372
http://www.facebook.com/pages/Birnu-Kri … 7906375756
tower
til ‘frett, ‘pressan, ‘ritstjorn, ‘reykjavik, ferdafrelsiSæl öll,
Takk fyrir áhugann sem þið sýnið með þessari fyrirspurn. Ég er fylgjandi því að í grunnlögum verði fjallað um rétt allra til þess að ferðast um landið og nýta sér það sem náttúran gefur. Hugsanleg fyrirmynd gæti verið í sænsku grunnlögunum sem tryggja þennan rétt allra hvort sem land er í þjóðareign eða einkaeign. Hér er tengill með smá fróðleik um þetta. http://www.lrf.se/Upplevelser/Ridning-o … igt-lagen/
Um seinni spurninguna get ég bara sagt að ég mun beita mér fyrir þeim málefnum sem ég tel mikilvæg og sem mér finnst eigi að vera í grunnlögum okkar. þetta er eitt þeirra.
bestu lýðræðiskveðjur,
Pétur Kristjánsson auðkenndur. 6714
Hótel Djúpavík
til ferdafrelsiÁgætu félagar í Ferðafrelsi.
Þar sem þau mál sem afgreidd voru á Þjóðfundinum 6.nóvember sl. verða notuð sem undirstaða undir vinnu stjórnlagaþings þegar það hefur störf í febrúar, geri ég fastlega ráð fyrir að þetta mál verði eitt þeirra sem rætt verða og tekin um einhver ákvörðun. Hvort það falli að því að fara inn í stjórnarskrá, eða ekki.
1. Þar sem ég bý nánast úti í náttúrunni get ég ekki annað en óskað öllum landsmönnum þess að þeir hafi góðan aðgang að náttúrunni og þurfi ekki að lifa við höft hvað það varðar. En við vitum náttúrlega öll að við landsmenn erum því miður mjög misjafnlega vakandi fyrir því hve viðkvæm íslensk náttúra er, og dæmin sanna svo ekki verður um villst að hér þarf að fara að með gát.
Hvort það verður talið rétt að setja ákvæði um ferðafrelsi inn í stjórnarskránna, mun koma í ljós þegar þingið tekur á þessu máli,….þingmenn/konur munu væntanlega komast að sameiginlegri niðurstöðu hvað þetta varðar.2. Ef það verður niðurstaða stjórnlagaþingsins að þessu máli beri að koma inn sem ákvæði í stjórnarskrá, mun ég styðja þá niðurstöðu og vinna að því með öllum tiltækum ráðum að sú stjórnarskrárgrein yrði eins góð og mögulegt verður, bæði landsmönnum og Íslandi sjálfu til heilla.
Bestu baráttukveðjur,
Eva –2754–
Eva Sigurbjörnsdóttir
