Forum Replies Created
-
Replies
-
Hvernig er það lumið þið á einhverjum meiri upplýsingum um ferðina sem hægt væri að setja á forsíðuna/spjallið eða er þetta "óvissuferð"? Hvað voru margar sem mættu á kynningarkvöldið? Mér skilst að Guðmunda gjaldkeri hafi verið sein fyrir á fundinn… reyndar hefur hann verið sá eini sem þorir að hleypa sinni innri konu út af þeim sem eru í stjórn.
Óskar E
Nú spyr ég bara af forvitni. Hefði verið flókið mál að bjóða þeim sem er gengisfelldir þ.e. utan hóps að skrá sig á lista þar sem þeim er safnað saman á einn stað og síðan birta hann þegar nær dregur á spjallinu. Menn gætu þá parað sig sjálfir saman í framhaldi. Gæti auðveldað svo margt fyrir þá sem langar að fara en eru einir á báti… er ekki annars reiknað með krapa? Spurning hvort fólk eigi að fá sér vöðlur eða skella sér beint í þurrbúninginn. Mér skilst að það sé afsláttur á utanborðsmótorum í Erlingsen.
Atli E er Sammi enn þá týndur. Þurfum við að fara leita að honum. Síðast þegar ég frétti af honum þá var hann ofan í húddi á toyota sem er skrítið þar sem þær bila aldrei, sjálfsagt verið að bóna vélasalinn. Varstu búinn að reyna Hjálparnetið undir flipanum HJÁLPARSVEIT -F4x4 https://old.f4x4.is/index.php?option=com_con … Itemid=128 þeir eru með útkallssíma þar. Kannski það geti eitthvað hjálpað þér en ég skal hafa augun hjá mér.
Gísli ég lendi bara í þessu þegar ég ætla að skrifa oyota þá vill hann endilega hafa fyrir framan EÐAL TOYOTA. Annars hef ég alveg sloppið við eitthvað stafadropout.
Lella ég er sammála því að það sé lámarkskrafa að farið sé eftir þeim lögum sem "barin eru í gegn" eins og þú orðar það. Og bendi þér á 17. greinina í lögunum þar sem fram kemur að "[b:2ehl2nog]gjaldagi félagsgjalda sé 1. nóvember og eindagi skal vera eigi síðar en 31. desember ár hvert[/b:2ehl2nog]."
Þeir sem vilja kynna sér lög Ferðaklúbbsins 4×4 sem eru nú í gildi og voru samþykkt á aukaaðalfundi sem haldinn var [b:2ehl2nog]laugardaginn[/b:2ehl2nog] 7. nóvember 2009 til þess að sem flestir nær og fjær gætu átt heimagengt er bent á að kíkja á meðfylgjandi link. Það má geta þess að það mættu um [b:2ehl2nog]20 manns [/b:2ehl2nog]á þennan mikilvæga fund.
Vá hvað þetta hljómar spennandi. Fullt af jeppum út um allt, snjókoma og slæmt skyggni. Vonandi kemur staðalbúnaðurinn skófla og spotti í góða þarfir annars er ekkert gaman að þessu. Muna bara að telja svo ofan af jöklinum… alla vega patrolana þeir eiga það til að vera til dragast aftur úr.
Logi Már…
Mér finnst nú þú sem fréttaritari gleyma að fjalla um eitt af því sem skiptir mestu máli í svona ferðum og það er… HVERNIG ER VEÐRIÐ. Ég held nú reyndar alltaf að 101 rvk sé nafli alheimsins og ef það rignir á réttláta eins og mig þá hljóti að rigna líka á rangláta. Þurfa þeir kút og kork? Það eru nú kannski einhverjir með snorkel. Kannski sleppur þetta til enda smá vatnshalli á jöklinum. Kannski er svo mikill snjór á jöklinum að þeir sökkva svo djúpt að þeir þurfi að koma upp öðru hverju til að anda og þá skiptir veðrið engu máli…
Er bara að spöglera…
[b:axjxmae4]Hvað segja þeir sem fóru á þennan fund hjá Ásahreppi, var ekkert að frétta?[/b:axjxmae4]
Kem ég til með að geta keyrt Vonarskarðið áfram eða verð ég að fara þessa leið ríðandi? Reyndar á ég ekki hross og get illa gengið enda frekar slæm til gangs.
Var þetta kannski enn einn fundurinn þar sem ýmislegt var rætt en engin niðurstaða fengin í málið?
Verða þrátt fyrir allt stórfelldar lokanir á Jökulheimasvæðinu?
Árni Baukur…
það var nú alveg óþarfi að ákalla stjórnarmennina í þessi skemmtilegheit, höfum nú alveg fengið að vera í friði fyrir þeim hingað til. Hefur þú t.d. séð hvað þeir geta borðað mikið, Formaðurinn er nú engin smásmíði. En þeir ættu nú að geta komið með einhverjar gamlar myndir úr fyrstu ferðunum sínum t.d. þegar þeir fóru ungir að árum á Thomsenbílnum þegar hann var nýkominn til landsins og skelltu sér í frækna Þórsmerkurferð. Asnarnir þurftu reyndar að ýta honum upp kambana á bakaleiðinni vegna skorts á hestöflum. Það fyrsta sem þeir gerðu svo þegar þeir komu í bæinn var að taka trédekkin undan og skella á hann gúmmíi og smíða lokað hús yfir hann. Þeim varð svo kalt á fótunum þegar þeir þveruðu Steinholtsánna og hún flæddi yfir rasskinnarnar á þeim. Og mun þetta hafa verið upphafið af þeim jeppabreytingum sem eru í gangi í dag… eða ekki.[b:38d6nbdj]Minni bara á að opið hús í kvöld fim. 7. jan. kl. 20:00 er fyrir alla ekki bara félagsmenn.[/b:38d6nbdj]
Nú er um að gera að slútta jólunum og fagna því að það eru tæpir 12 mánuðir áður en þau koma aftur.
MHN ætlar að mæta með rjúkandi glænýjar pönnukökur og ekki slá menn hendinni á móti öðrum velgjörðum ef einhver þarf að losna við jólaleifarnar af smákökusafninu sínu. Menn eru líka mjög spenntir að mæta með gömlu myndaalbúmin sín frá þeim tíma þegar þeir höfðu hár og Don Cano var aðal tískumerkið. Arnar mætir með vhs collectionið sitt sem er fullt af óvæntum uppákomum. Síðast sáum við laugarstemmingu frá Hveravöllum og geishulega skemmtilega japanska baðstofumenningu.
Ég ætla alla vega að reyna að finna tíma til að mæta…
Ég kom við þó seint væri og náði í leifarnar af þessum fínu lálendispönnukökum með sykri og virtust þær bera aldurinn nokkuð vel.
Það voru þó nokkrir sem að létu sjá sig og voru sagðar alls konar sögur. Skemmti Diddan okkur m.a. með frásögnum af því þegar hún parkeraði gamla broncoinum sínum inn í strætó. Og keyrði Dúllunni á bíl gamallrar konu og flýði af vettvangi… sem betur fer var gamal konan ekki í bílnum á meðan.
Svo voru skoðuð gömul myndaalbúm með myndum úr… pappa. Þar mátti sjá ALVÖRU jeppa ekki eitthvað nútíma plastdrasl. Og það sem var reyndar ennþá óvenjulegra var að þar mátti sjá myndir af jeppum á SNJÓ… sbr. myndin af broncoinum sem var lagt upp á gámnum fyrir utan Setrið en það var svo mikill snjór þarna að það sást varla í þakið á gámnum. Svo æstust leikar þegar sýndar voru kynlegar hreyfimyndir af gamalli VHS spólu … og þá fyrst vaknaði maður.
Bíð spennt eftir næsta myndakvöldi…
Takk húskarlar fyrir öll opnu húsin á árinu og veittar velgjörðir og vonandi eiga svona uppákomur eins og í gær eftir að endurtaka sig á komandi ári… þetta var bara þræl skemmtilegt.
mbk. Stef.
Var að hlera það núna að það er ekki nóg með að húskarlarnir verði með opið hús í kvöld miðvikudagskvöldið 30. des. kl 20 upp á Eirhöfða heldur verða líka boðið upp á lálendispönnukökur og súkkulaðihjúpaðar rúsinur. Eins gott að þetta verði ekki búið þegar ég renni við síðla kvölds … með jólaölið mitt.
Mér finnst eins og það sé komin smá útrásarvírus í þessa húskarla … bara opið hús þegar þeim dettur í hug… I like.
Hvað segir þú MHN hvar ætlar þú að vera með opið hús? Verður eitthvað ætilegt þarna og hægt að skola því niður með … jólaöli. Verður kannski "alvöru" flugeldasýning út á bílastæði.
En þið megið eiga það húskarlarnir að þið hafið staðið ykkur vel í að halda þessu húsi opnu sl. ár. Takk fyrir það.
Þetta er náttúrulega engin frammistaða Magnús Hallur Norðdahl að vera með síðasta opna hús ársins… LOKAÐ HÚS… Loksins þegar fyrsti snjórinn er fallinn og menn hafa um eitthvað annað að tala en ICESAVE eins og t.d. að hafa þurft að moka innkeyrsluna til að komast út í 10-11 í 500m fjarlægð. Nú Seinagengið fór á jökul og til baka án utanaðkomadi aðstoðar… það eru nú aldeilis fréttir… Og hvað á Baukurinn nú að gera af sér… þetta er fastur liður eins og venjulega fyrir hann að koma og hann sem var búinn að undirstinga fólk með bakstur og alles fyrir opna húsið… ég las það á facebook og ekki lýgur hún.
OFSI afslappaði, þetta er nú ekki í fyrsta skipti og örugglega ekki í síðasta skipti sem ég næ ykkur félögunum ekki upp en svona er það nú bara… en ég náði samt að brosa út í bæði við að lesa pistlana þína..
Mætti ætla að þá sé búið að segja fréttir af 90% þeirra sem komu sér upp fyrir hálendislínu í dag miðað við undirtektir hér á þræðinum.
Hefði samt verið gaman að heyra fréttir eða ekki fréttir af fleiri ferðalögum fyrir þau okkur sem stundum svona "fjarferðir". Muna bara að láta góða sögu ekki líða fyrir sannleikann.
Það má nú fara að aflétta áramótaviðbúnaðarstiginu Seinagengið er komið ofan af jöklinum. Þeir komu sér af sjálfsdáðum niður hjá Slunkaríki og beygðu til vinstri inn línuveginn…. já, já OFSI LÍNUVEGINN… sem þú vilt kalla Skessubásaveg og niður Mosaskarðið og inn á Haukadalsheiðina áttu eftir 7km á Geysi í stjörnubjörtu veðri. Mussoarnir sem eru með í för keyra nú á gula ljósinu og olíugufunum en það er þó til einn brúsi einhvers staðar fyrir þá. En 4runnerinn hans Ómars Wieth (og breytt) er búinn að fara alla leiðina á bensíngufum því samkvæmt honum þá á hann nánast allt eldsneyti eftir á sínum bíl. Var stefnan tekin á pulsu/pylsu á Geysir.. sennilega ætla þeir að henda pulsunum í hverinn… hvur veit. En þetta er búin að vera meiriháttar ferð i alla staði og á að lauma sér LYNGDALSHEIÐINA já, já Hlynur…djö… vandræði er með þessa staðreyndarSnælanda í þessum klúbbi… já Lyngdalsheiðin heim og er E.T.A. u.þ.b. eftir 2 tíma…
Það er langt frá því að Seingagengið vilji svekkja hvorki mig (þó þeir geri það) né neinn annann en þeir eru í 1361m hæð upp á Péturshorni með hrikalegt útsýni yfir landið og miðin… þeim sýndist þeir meira að segja sjá fastan patrol á Hofsjökli en voru ekki sammála um hvort hann væri rauður eða hvítur.
En nú á að renna aftur niður í þursaborg og taka ákvörðun um framhaldið…
Gleymdi að spyrja um hvort margir væru á ferðinni á jöklinum.
Seinagengið er að hrista af sér jólaspikið upp á Langjökli núna ásamt Eingagenginu Sléttir. Þeir fóru upp Geitlandsjökulin og voru gríðarlega ánægðir með færðina og yfirferðina og miðað við staðartíma þá eru þeir að skríða upp brekkuna að Fjallkirkju. Sögðust hafa verið um 20 mín í Þursaborgir frá Jaka í 3 pundum +/-. Mér heyrðist að það mætti jafnvel þeysast þarna um á hlaupahjóli ef menn vildu en það er 10 stiga frost og ágætis veður.
Seinagengið stefnir á að koma í bæinn í kvöld … eða eitthvað annað kvöld ef út í það er farið. Björgunarsveitir voru hinsvegar settar á SeinagengiðferáLangjökulviðbúnaðarstig en það mun vera þekkt áramótaviðbúnaðarstig. Síðan verslar Seinagengið flugelda hjá þeirri sveit sem fyrst nær til þeirra… fljótlega eftir áramót.
Ný lög Ferðaklúbbsins 4×4.
Þann 7. nóvember síðastliðinn var haldinn aukaaðalfundur í Ferðaklúbbnum 4×4 þar sem lagðar voru fram tillögur að nýjum lögum fyrir félagið. Fram komu breytingartillögur við nokkrar greinar sem afgreiddar voru á lýðræðislega hátt á fundinum og af því búnu voru samþykkt ný lög.
Stjórn F4x4.
[attachment=2:155fvkq2]Fundargerð AukaAðalfundar 7. nóvember 2009.pdf[/attachment:155fvkq2]
[attachment=1:155fvkq2]Lög_ Ferðaklúbbsins 4×4 7. nóvember 2009.pdf[/attachment:155fvkq2]
[attachment=0:155fvkq2]log_ferdaklubbsins_2007.pdf[/attachment:155fvkq2]
Ég tek hjartanlega undir það Helgi að það hefði verið sniðugt að hafa einhvern fréttaritara fyrir þessar nýliðaferð. Ég hélt reyndar að almennum félagsmönnum eins og mér væri frjálst að skrifa á vefinn og svo bara undir hverjum einum komið hvað hann nennti að lesa. Eftir að hafa lesið kjarnyrta innlegg þitt sem og mörg önnur þá sé ég að þetta er bara algjör feill hjá mér og mun að sjálfsögðu hlífa þér við meira rugli og sleppa því að skrifa meira hérna inn enda ekki neinn sérlegur "fréttaritari".
