Forum Replies Created
-
Replies
-
Hef það eftir áreiðanlegum heimildum að allir hóparnir hafi skilað sér heim … þó með trega. Það virðist vera sem að tveir hlutir standi upp úr helginni og það er að það var ÓGEÐSLEGA GAMAN og þær eru HRIKALEGA ÞREYTTAR. Reyndar svo þreyttar að þær urðu að fresta myndasýningunni sem átti að vera á félagsfundinum í kvöld …um mánuð
Þær eru líka lítið fyrir að nudda salt í sárin en þeim fannst öllum ástæða til að segja mér að ég hefði misst af hrikalega skemmtilegri ferð. Takk fyrir það.En það er ekki á öðru að heyra en að þessi ferð hafi bara verið mjög vel heppnuð. Það væri samt gaman að heyra einhverjar sögur úr ferðinni þó lognar séu
[color=#FF0080:384b805j]Kellingarnar eru að rokka feitt í kvennaferðinni[/color:384b805j]. Heyrði í þeim rétt fyrir miðnætti. Þá var dúndurstemming, búnar að borða og greinilegt að raddbandaolían var komin í fulla nýtingu. Gat ekki betur heyrt en að þær væru að syngja "[i:384b805j]elsku bíllinn minn blái, þó brotnar legur þig hrjái[/i:384b805j]" og voru þá að rifja upp bíltúrinn frá því fyrr um daginn.
Þær höfðu farið upp Hamragarðaheiðina, lent þar í þæfingsfærð og skyggnilýsingum þ.e. útsýni samkvæmt lýsingu eða gps. Þar var farið í alls konar keppnir svo sem festur og spólerí, hver gæti keyrt lengst með minnsta loftið í dekkjunum. Einnig voru þær eitthvað að hræra í þessum stöngum sem standa upp úr gólfinu á bílunum og fannst þær sumar handónýtar enda fóru bílarnir stundum svo rosalega hægt að þær þurftu að fara út og ýta á hann eða láta draga hann til að komast eitthvað áfram. Eitthvað fannst þeim hált á svellinu og flýttu sér því hægt í bakaleiðinn inn í mörk en þá var líka meira um vatnasull heldur en í gær. Átti svo eftir að krýna kafbát dagsins á kvöldvökunni. það kæmi mér reyndar ekki á óvart að þær hefðu kannski ratað yfir markafljótið óafvitandi.
Miðað við hljóðið í þeim þá eru þær ekkert að flýta sér heim. Það væri hins vegar gott ef að heimalingarnir gætu sett í eins og eina þvottavél og skúrað áður en þær koma heim…
Náði sambandi við appelsínugula hópinn (eru í fjórum hópum) sem var að lenda í Básum fyrir nokkrum mínútum. Það er ekki tilviljun að þær eru appelsínugular en þær eru í nefndinni og sáu að sjálfsögðu um að allar skiluðu sér á leiðarenda… voru siðastar…kannski verða þær fyrstar af stað á morgun i staðinn. En liturinn gerir Það að verkum að það var auðvelt að fylgjast með þeim úr fjarska. Ferðin inn eftir gekk að óskum og einungis fylgt löglegum slóðum og öllum gangandi vegfarendum sýnd tilhlýðileg tillitsemi. Mamma Reykur var ekki alveg viss hvort hún væri að koma eða fara þannig að hún hékk bara á einum bakkanum þar til einhver sagði henni að koma sér áfram enda ekki eftir neinu að bíða… ekki er hún á er-takoma getur það verið? Þrátt fyrir þetta bakkelse þá er lítið í ánum, snjór yfir öllu, geggjað veður og tunglskinsbjart.
Af fenginni reynslu frá ferðinni í fyrra þar sem þær settu af stað skjálftavirkni á Jökulheimasvæðinu þá þótti öruggara að vera með eftirlit með skjálftavirkni í EyjafjallaMýrdalsjökli um helgina en búist er við að hún aukist fljótlega upp úr miðnætti. Ekki eru þær konur einsamlar á svæðinu því hann ÍSAK var þarna líka ekki bara einn heldur í tvíriti.
Það er reyndar alveg klikkað fjör hjá þeim og stóðu eldtungurnar upp úr grillinu en til stóð að flambera einhverja villta bráð fyrir nóttina og skemmta sér gekt mikið. En þær eru nú þegar komnar í „seventh heaven“ af spenningi yfir ferðinni og þegar þær eru komnar í lágadrifið þá stoppar þær ekkert.
Ég var að spá í hvort það væri nokkur möguleiki að nálgast [b:2qin3vto]símanúmer [/b:2qin3vto]hjá þeim sem eru í [b:2qin3vto]Kvennaferðanefndinni[/b:2qin3vto]. T.d. hjá frænku Nönnu.
Mættuð senda mér einhver þeirra á stefgud@gmail.com.Mér finnst þið reyndar full mikið bænheyrðar að láta alla landsmenn skafa af bílunum sínum og standa í ófærð þó þið ætlið að skreppa í smá vetrarjeppaferð. Ekki laust við að maður sé kominn með "fiðringinn".
kv. Stefanía
Svona er maður alltaf of seinn… Búið að loka fyrir skráningu og allir að fara í Kerlingafjöllin.
Hlynur hvernig er rukkað fyrir ferðirnar? Kaupir maður í upphafi far fram og til baka eða bara uppeftir og gerir svo upp restina ef maður kemur með til baka aftur? Maður spyr sig.
Fyrir þá sem ekki komast á málþingið Ísland örum skorið -Landakort á villigötum, nýjar slóðir og vaxandi akstur utan vega. Fyrirlesari Andrés Arnalds þá er hægt að hlusta á það beint eða sækja það seinna.
Það hefst kl. 15:15 (15. febrúar).http://www.lbhi.is/index.aspx?GroupId=1106&TabId=1111
Þetta er mjög góð hugmynd hjá ykkur í húsnefndinni. Bíð spennt eftir að geta skoðað allar myndirnar upp á vegg og sögurna á bak við þær.
Frábært starf hjá ykkur í húsnefndinni.Kv. Stefanía
Ég vil nú biðja fastagesti um að sýna mikla aðgát í andyrinu. Það er búið að fjarlægja hluta af þessum föstu öryggisstuðningspóstum úr andyrinu sem maður hafði þegar maður datt inn úr dyrunum … eða út úr dyrunum, eftir því hvort maður var að koma eða fara.
Árni baukur fór nefnilega með solovélina í bað heima hjá sér og skilaði henni svo tandur hreinni og fínni upp í salinn, þar sem klárað var að snyrta hana með stálull og einhverjum fínum eiturefnum. Er nú hægt að berja dýrðina augum þegar maður situr í sófasettinu. Dýrðina sem er stæðsta solovél sem komið hefur í Setrið og gert lang minnsta gagnið þar sem hún virkaði aldrei.
Fyrst Árni var að þvælast þarna á annað borð um helgina þá afþýddi hann ísskápinn og upprætti pensilín ræktun húsnefndar en það stendur skírum stöfum á ísskápnum að [b:1twmgg4m]innihald sé eign F4x4[/b:1twmgg4m].
Minni á að [b:1twmgg4m]það eru allir velkomnir á opið hús e. kl. 20:30[/b:1twmgg4m]hvort sem þeir séu félagar eða ekki … og það kostar ekki krónu inn, alveg frítt.
Helgi vinur minn enn ertu mættur. ´
Ef mig brestur ekki minni þá voru komment þín á innlegg mitt á öðrum þræði í þá veru að þú nenntir ekki að lesa mín innlegg og taldi ég þig vera mann orða þinna.
Eins og ég sagði í upphafi þá eru þetta aðeins hugarrenningar mínir eftir að hafa lesið þetta spjall í heild sinni og er ég ekki að vitna í neinn einn sérstakann heldur þá umræðu sem hefur verið í gangi á þessum þræði. Jafnframt var meining mín að varpa ljósi á þá vinnu sem fjöldi manns er að leggja á sig í þágu klúbbsins og velja það að borga fyrir að fá að taka þátt í þessu.
það er valfrjálst að ganga í klúbbinn og hver og einn verður að gera það upp við sig hvað hann velur.
Mbk. Stefanía
Eftirfarandi pistill er einungis mínir hugarenningar og pælingar mínar sem mig langar að deila með ykkur eftir að hafa fylgst með þessum þræði.
Ég held að menn átti sig ekki á því hversu mikið Ferðaklúbburinn 4×4 hefur nú þegar komið til móts við þá sem greiða félagsgjaldið sbr. 14. grein í lögum Ferðaklúbbsins 4×4 frá nóvember 2009 (sjá neðst í innleggi).
Þar sem þröngum hópi innan klúbbsins fannst of mikið að borga 6.000 kr. fyrir sig sem félagsmann og sinn aukafélaga sem fékk í staðinn alla þá afslætti sem fullgildum F4x4 félaga stendur til boða og mátti taka þátt í félagstarfinu nema hann hafði ekki atkvæðisrétt í málefnum klúbbsins, þ.e. [b:3dg2lumh]eitt félagsnúmer var eitt atkvæði[/b:3dg2lumh].
Hefði verið eðlilegast ef aukafélaginn myndi vilja ÖLL réttindi sem fullgildur félagsmaður þ.e. að fá kosningarétt að hann borgaði bara 6.000 kr fyrir og tæki síðan þátt í starfinu sem fullgildur félagsmaður. Í staðin var farin sú leið á aukaaðalfundinum í nóvember sl. að 10 manns gegn 8 manns samþykktu lagabreytinguna sem kalla má [b:3dg2lumh]tveir fyrir einn tilboð[/b:3dg2lumh].
Þ.e. að félagsmaður getur skráð einn aukafélaga sem hefur sama lögheimili án sérstakrar greiðslu. Aukafélaginn hefur öll sömu réttindi og skyldur og aðalfélagi og jafnframt gerist það að [b:3dg2lumh]nú eru tvö atkvæði á bak við eitt félagsnúmer [/b:3dg2lumh]á félagsfundum Ferðaklúbbsins [b:3dg2lumh]hjá útvöldum hópi [/b:3dg2lumh]svo framarlega sem aukafélagi séð skráður á sama lögheimili og áttið ykkur á því að þetta er á landsvísu.
Það sem jafnframt gerðist er að aukafélagi getur orðið formaður Ferðaklúbbsins sem er vægast sagt mjög sérstakt. Reyndar er núverandi formaður í þeirri stöðu að ef móðir hans sem er með sama lögheimili skráir sig í klúbbinn og gerir son sinn að aukafélaga þá er formaðurinn [b:3dg2lumh]greiddur aukafélagi[/b:3dg2lumh]. Ef móðir hans er orðin 67 ára og hefur verið greiddur félagi sl. 5 ár þá getur formaður verið [b:3dg2lumh]fullgildur-ógreiddur-aukafélagsmaður[/b:3dg2lumh] þar sem hún þarf þá ekki lengur að borga sitt félagsgjald. Spáið í því.
Ég veit reyndar ekki af hverju hann ætti að kallast aukafélagi hann hefur jú öll réttindi á við fullgildan félagsmann bara frítt.
[b:3dg2lumh]Hvaða félag býður upp á svona kosta tilboð? þannig að í raun er gjaldið bara 3.000 kr. á manninn fyrir stóran hóp félagsmanna.[/b:3dg2lumh]
Þeir sem búa svo illa að búa ekki með "aukafélaga" borga þar af leiðandi áfram 6.000 kr og fá fyrir það [b:3dg2lumh]aðeins eitt atkvæði [/b:3dg2lumh]fyrir.
Ég borga sem sagt 6.000 kr og fullt af útlögðum kostnaði fyrir að taka þátt í þessu starfi. Ég hef ekki verið að gráta það. Ég hef lent í því að þurfa að borga félagsgjaldið seint þar sem ég þurfti að forgangsraða mínum reikningum eins og svo margir. Núna borgaði ég það mjög snemma þar sem ég vissi að ég gæti lent í því að hafa lítið á milli handanna þegar fram í sækti.
Ég tek það fram að þetta er mitt val eins og allra annarrra að borga fyrir að taka þátt í þessu starfi. Og hvað felst í því?
Ég hef eins og margir aðrir lagt fram krafta mína og bílana mína ásamt eldsneyti bæði sem nefndarmanneskja og án þess að vera í nefnd í þágu klúbbsins. Tekið á mig aukakostnað s.s. vegna skemmda á dóti mínu við þessi störf sem og t.d. við að taka á leigu talstöð hjá klúbbnum sjálfum til að geta veitt aðstoð í ferðum einmitt á vegum klúbbsins. Ég er ekki ein um þetta.
Ég hef tekið mér ítrekað launalaust frí frá vinnu eins og allir núverandi og fyrrverandi stjórnarmenn F4x4 sem og aðrir nefndarmenn hafa einhvern tíman þurft að gera til að geta mætt á fundi á vegum klúbbsins. En í ljósi stöðunnar í þjóðfélaginu í dag þá hef ég því miður orðið að fórna hluta af félagsstarfinu fyrir þá vinnu sem bíðst enda bætir klúbburinn ekki upp vinnutap.
Stjórnarmenn og aðrir nefndarmenn greiða fyrir þátttöku sína á árshátíð klúbbsins. Reyndar sáu stjórnarmenn líka um skemmtiatriði sem þeir eyddu frítíma sínum í að æfa upp fyrir utan önnur stjórnarstörf, og ekki veitti þeim af æfingartímanum.
Vefnefndarmenn hafa unnið launalaust við að koma nýrri vefsíðu klúbbsins í loftið og hafa menn orðið varir við það þar sem það hefur tekið tíma að smíða hana. Hún hefur sætt harðri gagnrýni fyrir en það ræðst af þeim frítíma sem menn geta fórnað í þetta hversu hratt hlutirnir gerast. Vefsíðan nýtist svo aftur sem spjallvefur fyrir félagsmenn sem og við að koma upplýsingum á framfæri til félagsmanna og í leið annarra sem lesa síðuna.
Hvað varðar upplýsingaflæði til félagsmanna í stjórnartíð sitjandi stjórnar þá hefur það verið langtum meira en nokkrum sinni fyrr. Stjórnin hefur látið birta ítarlegar fréttir á netinu af félagsfundum hjá móðurfélaginu sem og öðrum fundum s.s. nefndarfundum, gagngert fyrir þá sem ekki komast á þá s.s. landsbyggðadeildirnar. Þetta hefur verið unnið í sjálfboðavinnu og með tölvubúnaði í einkaeign með hugsjón að leiðarljósi og tilheyrandi “töff lökk” aukakostnaði fyrir viðkomandi. Og er markmið stjórnar að gera enn betur í þessum málaflokki.
Ef menn skoða fréttir frá félagsfundinum 1. febrúar á forsíðu þá má sjá langan lista af mikilvægum málefnum sem stjórn og nefndir hafa verið að sinna launalaust. Þarna er upptalning á broti af þeim hagsmunamálum sem klúbburinn hefur aðkomu að. En hann er fyrst og fremst hagsmunafélag.
VHF endurvarpakerfið er stór öryggisþáttur í ferðafrelsi félagsmanna. Enda hafa þó nokkrir séð sér hag og leikið þann leik að skrá sig í Ferðaklúbbinn til þess eins að fá rásir klúbbsins í talstöðvarnar og það hefur jafnramt verið síðasta félagsgjaldið sem þessir aðilar hafa greitt. En rásirnar nota þeir um ókomna tíð á kostnað félagsmanna sem sinna viðhaldi endurvarpakerfisins bæði í formi félagsgjalda sem og í sjálfboðavinnu.
Sem gagnrýni við lokun á skrifaðgang á vefspjallinu hafa menn meðal annars notað sem rök að það muni færri skrifa á vefinn og bakka upp þessi hagsmunamál á vefsíðu klúbbsins. Ykkur að segja þá hef ég nú ekki séð mikið fara fyrir þessu baklandi á vefnum. Það eru ófáir þræðirnir sem Jón Snæland hefur startað um gríðarlega mikilvæg mál er varðar hagsmunamál jeppamanna og ferðafrelsi allra landsmanna. Þeir hafa jafnharðan horfið af radarnum með hans eina innleggi svo mikil voru þau orð og stuðningur. Horfið af því menn búa til nýja þræði um t.d. nýja bílinn sinn og vandamál eða ekki vandamál tengdum honum sem eðlilegt er. Oft eru það ekki einu sinni félagsmenn sem eru að stofna þessa þræði og ýta þar með hagsmunamálunum í burtu. Sem betur fer eru nefndirnar að berjast í þessum hagsmunamálum þó það hafi ekki farið hátt hingað til en nú er orðin breyting á því.
Svo barma menn sér í skjóli kreppu og vilja fá allt frítt eða fá að greiða þennan skitinn 6.000 kall á raðgreiðslum eða fá hann niðurgreiddann af því þeir vilja [b:3dg2lumh]bara [/b:3dg2lumh]getað lesið og skrifað á vefinn, ekkert annað… á kostnað klúbbsins og fullgreiddra félagsmanna hans. Geta fengið ráðleggingar, aflað sér upplýsingar t.d. um færð eða hvernig gera eigi við bílinn sinn nú eða kaupa/selja varahluti sér að kostnaðarlausu, frítt. Af vefsíðu sem tilkominn er vegna gríðarlegra vanmetinnar og óeigingjarnra vinnu félagsmanna.
Ferðaklúbburinn er ekki á vegum Hjálparstofnunar kirkjunnar eða annara álíka stofnanna sem eru mörgum fjölskyldum því miður mikilvægar í dag. Það er valfrjálst að borga í hann. Það er ekki sigað á þig innheimtustofnunum ef þú greiðir ekki. Þú einfaldlega greiðir ekki, starfsmanninum þætti betra ef hringt væri í hann og hann látinn vita í síma 568-4444. Síðan ferð þú samviskusamlega og lætur fjarlægja rásirnar úr talstöðinni þinni ef þú ert með þær enda hefur þú ekkert við þær að gera þar sem þú ert hvort sem er ekki á leið á fjöll sökum bágrar fjárhagsstöðu og ferð ekkert fyrr en hún lagast, verður alla vega að eiga fyrir einni tankfylli. Þegar það gerist þá rennir þú einfaldlega við á radioverkstæði á leiðinni út úr bænum og lætur henda rásunum inn, um leið og þú hefur greitt félagsgjaldið að nýju… er það ekki.
Ég hef t.d. ekkert farið í langan tíma þar sem bíllinn minn hefur verið bilaður og ég ekki haft efni á að láta gera við hann. Ég kem ekki til með að fara í stórferðina “í hjólför aldamótanna” þar sem ég hef ekki efni á að breyta bílnum mínum fyrir 38” dekk sem ég þó á en það eru lámarksskilyrði fyrir þátttöku sem og í mörgum öðrum ferðum sem ég fer ekki í. Ég endurtek ég er ekkert ein um að vera í þessum sporum en þetta er bara partur af lífinu eða eins og einhver sagði “life is a bitch”.
Það er þannig að aðalfundur tekur ákvörðun um félagsgjöldin og greiðslufyrirkomulagið á þeim. Stjórn hefur ekki heimild til að breyta þeim.
Breytingar á greiðslufyrirkomulagi félagsgjalda með þeim háttum sem nefndir hafa verið þýðir aukakostnað fyrir klúbbinn, aukna vinnu fyrir starfsmann sem og stjórn klúbbsins. Það er gríðarlega mikil vinna og óeigingjarnt starf sem liggur að baki við að reka þetta hagsmunafélag og það þarf fjármagn til að geta rekið það EN hvað um það.
Af hverju bara ekki vera grand á því og [b:3dg2lumh]BORGA fólki fyrir að ganga í klúbbinn [/b:3dg2lumh]og launa því svo fyrir sjálfboðavinnuna. Tökum síðan lán og skuldsetjum Klúbbinn og endum loksins í sömu sporum og mörg heimili í landinu standa í í dag … og þar er gott að vera eða hvað?
[b:3dg2lumh]MBK. Stefanía Guðjónsdóttir
varamaður í stjórn og fyrrverandi nefndarmaður.[/b:3dg2lumh][i:3dg2lumh]Réttindi og skyldur félagsmanna
14. Grein
Félagi getur hver sá orðið sem áhuga hefur á markmiðum félagsins. Inntökubeiðni skal vera skrifleg og send stjórn félagsins. Sæki félagi um flutning milli deilda skal það tilkynnt skriflega til stjórnar og tekur flutningurinn gildi við upphafa næsta starfsárs.
Hver félagi getur skráð einn aukafélaga sem hefur sama lögheimili og aðalfélagi án sérstakrar aukagreiðslu fyrir hann.
Aukafélagar hafa öll sömu réttindi og skyldur og aðalfélagar að því undanskyldu að þeir deila póstsendingum frá klúbbnum með aðalfélaga.[/i:3dg2lumh]
Hér fyrir neðan má sjá auglýsinguna fyrir [b:1e9fnsz5]þorrablótið[/b:1e9fnsz5] sem UST starfsmenn með sín nákvæmu og vönduðu vinnubrögð kjósa að kalla [b:1e9fnsz5]árshátíð[/b:1e9fnsz5]. Ég er nú búin að lesa auglýsinguna aftur og aftur og tekst ekki með nokkru móti að finna það út að stefnan sé tekin inn á friðlandið nánar tiltekið Ólafsfell eins og vitnað er í í bréfi UST starfsmannsins.
Ég ákvað að prófa að birta hana með grænum lit með feitletruðum texta ef það myndi eitthvað hjálpað mér og okkur hinum sem ekki störfum hjá UST við að lesa út úr þessari auglýsingu ÓLAFSFELL. Best væri náttúrulega ef að starfsmenn UST gætu bara sent mér útskýringu á túlkuninni um leið og þeir eru búnir að lesa þessa fyrirspurn sem þeir ættu að gera enda er það þeirra skilda að fylgjast með og senda út forræðishyggjupósta á F4x4 ferðalanga. Svarið geta þeir sent á stefgud@gmail.com og ég skal samviskusamlega pósta því svo hérna inn á þráðinn fyrir þá.Með fyrirfram þökkum um skjót viðbrögð.
Kv. Stefanía Guðjónsdóttir
stefgud@gmail.com[color=#004000:1e9fnsz5][b:1e9fnsz5]Við Ferðahópurinn "Fastur og félagar" ætlum að sjá um Þorrablót F4x4 í Setrinu þetta árið. Ætlunin er að halda það laugardaginn 30.Janúar, eða annan laugardag í Þorra. Blótið verður með svipuðu sniði og oft áður. Matinn tökum við hjá Múlakaffi, enda hefur hann reynst vel útilátinn og bragðgóður.
Við sem stöndum að þessu gerum ráð fyrir að leggja af stað á laugardagsmorgninum. Annars er hafa menn komið þegar þeim hentar og farið þegar þeim hentar, enda ekkert skipulagt nema Þorraveisla um kl. 20.00 á laugardagskvöldið.
Um kvöldið mun svo Magnús Sigurðsson "GO4IT" sýna nokkur vel valin töfrabrögð í bland við lognar og ólognar jeppa-sögur sem menn segja af sjálfum sér og öðrum.
Þorrablótið er ekki bindindis hátíð og ber hver og einn ábyrgð á sjálfum sér og sínum gjörðum. Eins og gildir um önnur þorrablót, þá er tæplega við hæfi að vera með mikið af börnum á svona hátíðum.
Miðaverði er haldið í lágmarki og er miðaverð á blótið er því 5.000 kr. og er inn í því þorramatur á laugardag og gisting aðfaranótt sunnudags.
Hámarksfjöldi 40 manns.
Skráning sendist á fastur@himnariki.is .
Með bestu kveðjum,
Fastur og félagar[/b:1e9fnsz5].[/color:1e9fnsz5]
[b:22sdwlzn]Maður fer að velta fyrir sér áreiðanleika þessarar stofnunar UST[/b:22sdwlzn]. Á síðasta ári fóru fulltrúar F4x4 á fund yfirmanns hjá UST þar sem fulltrúar F4x4 vildu fá upplýsingar um framvindu stækkunar friðlandsins og fá að hafa aðkomu þar að sem eignaraðili á þessu svæði. Þar fengu þeir það munnlega svar að þetta myndi taka langan tíma, jafnvel einhver ár. Skömmu síðar kemur fram á alþingi að það eigi að keyra þetta mál í gegn með hraði og lokið jafnvel í byrjun þessa árs þ.e. 2010. Veit hægri höndin ekki hvað sú vinstri er að gera eða er verið að mata fulltrúa F4x4 á röngum upplýsingum og hindra þannig aðkomu Ferðaklúbbsins að stækkun friðlandsins þannig að allt í einu verður það of seint.
Ég læt Jóni Snæland eftir að fjalla um þá dónalegu framkomu sem Ferðaklúbburinn og SAMÚT hafa þurft að sæta í sambandi við ferlamálin og skipulagningu slóðanna. Þar hefur tölvupóstum hreinlega ekki verið svarað. Gögnum sem Ferðaklúbburinn hefur safnað hafa verið markvisst stöðvuð á millistigum í kerfinu þannig að sveitarfélögin eiga taka afstöðu til slóða og ferla þrátt fyrir að hafa ekki fengið öll gögnin í sínar hendur.
UST segir að sér hafi borist ábending um [b:22sdwlzn]árshátíð 4×4 [/b:22sdwlzn]í Setrinu þann 29.janúar -1.febrúar 2010. Án þess að kanna það frekar senda þeir tölvupóst á meinta árshátíðargesti sem inniheldur tilvitnun í úrelta reglugerð. Hið rétta er að það er verið að blóta þorranum eins og gert hefur verið undan farin ár.
Eru þetta þá sömu áreiðanlegu upplýsingarnar sem UST er að berast um aukningu á utanvegaakstri. Einhver kemur með ábendingu og án þess að það sé kannað þá eru komið fram með sleggjudóma um að það verði að takmarka umferð vélknúinna ökutækja um landið vegna gríðarlegrar aukningu á utanvegaakstri. Landið verði að vera einn stór friðlýstur þjóðgarður fyrir ofan Rauðavatn. Og einungis fyrir fuglinn fljúgandi og þá sem geta gengið um það. Bara svona til upplýsingar ef menn hafa lesið bækurnar [i:22sdwlzn]Hrakningar á heiðarvegum [/i:22sdwlzn]þá var þessi ferðamáti að ganga landshorna á milli banabiti margra Íslendinga og einungis á færi hraustra einstaklinga. Urðu meðal annars fjöldi manna úti á Mosfellsheiðinn sem er steinsnar frá Reykjavík. Mér finnst þessi stefna vera mikil afturför að ég megi ekki ferðast um landið á öruggan hátt í bílnum mínum.
Ég ferðaðist vítt og breitt um hálendið síðasta haust gagngert með það fyrir augum að veita athygli utanvegaakstri. Ég kom ekki auga á stórfellda aukningu á utanvega akstri þrátt fyrir einbeittann vilja. Mátti reyndar hafa mig alla við að finna utanvega akstur. Og ef ég sá hjólför utanvega þá voru förin í flestum tilfellum eftir bíla á litlum dekkjum. Það hefur enginn getað sýnt mér fram á það með tölfræðilegum stuðningi að utanvega akstur hafi aukist. Þetta virðist allt vera háð tilfinningalegu mati hvers og eins.
Þannig að eftir mína vettvangsferð þar sem ég kannaði málið með mínum eigin augum [b:22sdwlzn]þá er ég með áreiðanlega ábendingu til UST: Utanvega akstur hefur ekki aukist. Þið getið afturkallað þessa helför gegn okkur sem ferðast um á breyttum bílum. Höldum áfram að ferðast um landið í sátt við náttúruna.[/b:22sdwlzn] Hvort sem það er á jeppum eða gönguskóm.
Nú er Ferðaklúbburinn 4×4 búinn að eiga og reka skála þarna á þessu svæði í um 20 ár og verið umhugsað um þetta svæði. Rekið áróður fyrir að keyra ekki ákveðnar leiðir á vissum tímum þar sem hætta gæti verið á skemmdum á vegum. Birt meðal annars tilkynningar í þá veru á heimasíðu sinni. Verið með virkt forvarnarstarf gegn landspjöllum af völdum umferðar. Í haust voru stikaðir vegir/slóðar m.a. annars úr Kerlingarfjöllum inn í Setur og í nágrenni við Setrið til þess að draga úr hættu á því að menn villist út af vegunum. Þetta var allt gert í sjálfboðavinnu og m.a. kostað af Ferðaklúbbnum sjálfum. Ekki barst Ferðaklúbbnum þakkarbréf frá Umhverfisstofnun fyrir að hafa tekið á þessum málum að eigin frumkvæði og sýnt fram á hversu mikla virðingu félagsmenn F4x4 bera fyrir náttúrunni. Reyndar hafa verið stikuferðir á hverju ári og farið víða um land. Reyndar hefur Ferðaklúbburinn lent í þeirri ótrúlegri stöðu að vera BANNAÐ að stika fjölfarna leiðir.
Svæðið norðan hreppafjalla er vinsælt ferðasvæði á sumrin fyrir marga aðila ANNARRA en F4x4 og ásókn f4x4 félaga hefur að mestu leyti verið yfir vetrartímann enda engin hætta á að valda náttúrspjöllum á þeim tíma.
Að Umhverfisstofnun skuli svo koma fram af svona mikilli vanvirðingu við félagsmenn klúbbsins er með ólíkíndu og sýnir bara hvaða álit þeir hafa á fólkinu í landinu. Forræðishyggjan er í fyrirrúmi. Og ágætu landsmenn þetta er aðeins upphafið af þeirri forræðishyggju sem koma skal. Að senda 40 manna hópi sem er að fara í helgarferð út úr bænum póst um að keyra á vegum ég bara ekki til orð.
ps. Umhverfisstofnun smá ábending: Siggi vinnufélagi minn ætlar að fara út úr bænum og vera í sumarbústað um helgina… eruð þið til í að senda honum póst um áminningu hvar megi keyra og kannski benda honum á að hámarkshraði utan þéttbýlis er 90 km nema keyrt sé á malarvegi þá er það 80 km.
Ég heyrði í Einar Sól áðan og þá var hann kominn í lólóið enda var smá brekka með hliðarhalla framundan. Ég spurði hann nánar um staðhætti og sagðist hann sjá ljós í fjarska… en var ekki alveg viss hvað það var þar sem hann var á frekar ókunnugum slóðum en þegar nær dró þá sýndist honum sem þetta væri…jú…10-11 í Árbæ en hann átti eftir að versla í matinn áður en hann lagði af stað. Ég hélt reyndar að það væri borgað xtra fyrir að fá gamlan mat í þessari ferð kannski er því ekki treystandi að hann sé nógu gamall.
Mér finnst ekkert skrítið að Sýsli skuli ekki heyra í bræðrunum reyndar gengu þær sögur fjöllum hærra að hann væri reyndar ballest í farþegasætinu hjá öðrum þeirra og toyota lætur lítið yfir sér utan frá en er heill heimur þegar inn er komið og er gríðarlega vel hljóðeinangraður þannig að allt óþarfa bull um ofurgulan jeepster með 450 desibilaða vél nær ekki eyrum bílstjórans.
Jæja [color=#004000:3qc7r6sk]EINAR SÓL [/color:3qc7r6sk]"þungaviktarmaður" þetta er geymt en ekki gleymt… Vill til að ég er einstaklega lundargóð að ég kippi mér ekki upp við svona smámuni
Hver sér um að pumpa í dekkin fyrir þig á leiðinni?
Og Logi Már á ekki að fara að koma dekkjunum mínum undir bílinn svo þú getir boðið mér í "víking".
Hver sér um að flytja matinn upp eftir? það hefur nú oft verið spurning hvort menn séu að borða matinn á leiðinni upp eftir eða á leiðinni heim. Ég myndi nú treysta 6runnernum limosine best fyrir þessu verkefni.
Ég hélt að Hlunkurinn væri að fara í Setrið. Einar varstu ekki örugglega búinn að bóna bílinn? Mér sýndist ég sjá ský á vinstri hvalbak? Varstu kominn með coara… ?
Takk fyrir það Teddi… er í skýjunum með að geta loksins uppfyllt einhver þátttökuskilyrði.
Ég er reyndar svo ánægð að ég er alveg tilbúin til að lána vatnadrengjunum og vatnaliljunum sem ætla í Setrið um helgina speedo sundbolinn minn. Hann er reyndar lítið notaður með rúmgóðum skálum ef það skyldi vanta pláss upp frá. Honum getur fylgt fyrsta flokks snorkel, sundgleraugu og klofnar sundfitjar.
Er eitthvað vitað hverjir ætla af stað á morgun? Er ekki örugglega einhver með marin tæki í ferðinni… til að dýptarmæla.
Hlakka til að blóta Setursförum á föstudaginn.
Mér leist nú gríðarlega vel á þessa hugmynd hjá Tedda þangað til ég kom að þriðju eða fjórðu setningunni og þar eftir. Mér varð fljótlega ljóst að enn einu sinni sem oftar þá uppfylli ég ekki nein skilyrði fyrir þátttöku… Ekki það að ég sé neitt bitur. En hugmyndin er góð engu að síður þrátt fyrir að því er virðist dræma þátttöku
Ef [b:vr01goju]nefndin [/b:vr01goju]vill þá getur hún sent upplýsingarnar á mig stefgud@gmail.com. Ég skal reyna að koma þeim inn á vefinn.
