Forum Replies Created
-
Replies
-
Fyrir því að kíkja augnablik á þetta um talaða Hófsvað…. og svo eitthvað.
Er ekki stemming fyrir því að fara eitthvað annað. Ég hef heyrt að það sé oft gott að vera í "grennd" hvar sem það er. Er ekki svo góð spáin fyrir helgina, undir frostmark á Hveravöllum t.d. eða er það breytt.
Þetta er nú einn skemmtilegasti þráður sem maður hefur lesið í langan tíma hér á spjallinu. Kallinn á bláa bílnum er snillingur.
Kv. stef.
Árni varst þú ekki að spá í að fara í ferð þegar hausta tæki að skoða vöð yfir ár eða er það misminni hjá mér. Getur þú ekki slegið saman ferð og fróðleik í vaðmennsku gegn vægari gjaldi.
Kv. stef.
Ég vona að menn tapi nú ekki svefn yfir þessari umræðu en það gleður mig að sjá það að klakinn nennir að eyða tíma í mig kl. 4 að nóttu þegar hann gæti haft 7 aðra hluti að gera.
Þetta er einkaferðin sem vísað er í, tekið af spjalli f4x4.is.
"Ferðir. júní 2006 – 08:06 Klakinn, 720 póstar. Svo má bæta við þetta að eitthverjir okkar úr Litlunefnd erum að hugsa um að fara Gæsavatnaleið um verslunarmannahelgi og taka 3-4 daga í flakkið,ef eitthverjir hafa áhuga á að slást í för með sendið email á laugi@simnet.is,ég reikna með að við verðum í tjöldum,í Nýjadal,Herðubreiðarlindum,og Laugarfelli ef skálapláss liggja ekki á lausu. Kv KlakinnGæsavatnaleið. ágúst 2006 – 05:07 Klakinn, 720 póstar. Já við ættlum Gæsavatanaleið um Verslunarmannahelgina og ættlum að vera í Versölum á föstudagskvöldið og Dreka laugardagskv og Laugafelli sunnud,og Skagfirðingaleið á mánud og malbikið heim. Það verða um 7-8 bílar í ferðinni og ef eitthverjir vilja slást í för með okkur er það bara velkomið,því fleirri því betra,við förum úr bænum cirka 17-18 svo allir geti verið í samfloti. Ef eithverir vilja koma með sendið mér þá línu á email laugi@simnet.is. Kv Klakinn Þetta verður örugglega Ofsafengin og Slóðrík helgi með Klakasprengdum innskotum og flæðandi upplýsingum"
Fyrir tveimur árum var ég að tala fyrir því að klúbburinn myndi standa fyrir fræðslu og tiltók sérstaklega GPS og skyndihjálp. Ég benti á að fimmtudagskvöld gæti verið góður vettvangur fyrir það. Þetta mál mitt fékk ekkert sérstaklega góðar undirtektir á stjórnarfundi en hvað um það.
Varðandi GPS málin þá var ég að kommentera á það að það eru til frábærir leiðbeinendur hjá Landsbjörgu sem geta kennt bæði rötun og á GPS og hafa jafnframt gríðalega reynslu í að ferðast bæði á jeppum og gangandi um landið þvert og endilangt. Þeir eiga til tilbúið námsefni í þeim tilgangi og þeir geta jafnframt miðlað af reynslu sinni. Mér hefði fundist eðlilegra að leita til þeirra sem fyrsta kost en ekki til slysavarnaskóla sjómanna en það mátti ekki heyra á þetta minnst.
Ferðamáti. Þetta spjall hér hófst á umræðunni um nýliðaferðir og mælti ég hiklaust með þeim og hafði gaman af minni ferð og þakkaði jafnframt fyrir hana en vakti jafnframt máls á því hvaða væntingar menn gera til slíkra ferðar. Minnti á stofnun fræðslunefndar og væri þar kominn vísir að breyttu hugarfari innan klúbbsins.
Hvað varðar hraða í ferðum þá hældi ég mönnum sérstaklega fyrir þægilegan ferðahraða úr bænum og upp í Versali um Verslunarmannahelgina. Ég minni jafnframt á að ég var aldrei fremsti bíll í þessari ferð og stjórnaði því ekki ferðahraðanum en ég kaus að sleppa lágadrifinu þar sem við átti og fylgja þá fremsta bíl eftir. Ég hafði mjög gaman af þessari ferð og kynntist skemmtilegu fólki þrátt fyrir að hafa ekki séð Öskju, Herðubreiðalindir eða Gjallanda þá er það bara eitthvað sem ég á eftir.
Enn ein ferðin til að þakka fyrir .
Takk Stef.
Mér finnst þetta alveg frábær könnun. Ég saknaði þess að geta ekki hakað við 2-3 möguleika en hvað um það. Ég veit að hin námskeiðin sem MR. T talar um hefðu tekið strax við sér en það eru kannski margir sem hafa einhvern smá grunn í skyndihjálp. Ef þetta er tekið saman þá eru um 31% sem velja GPS fræðslu og ef skyndihjálpin er tekin saman þá er það um 20%.
Kv. Stef.
"ef hópurinn er nóg og stór getur hann aflað sér magnafslátta í innkaupum á nauðsinlegu jeppa og jeppamannadóti, magnafsláttur ofaná 4×4 afslátt er nokkuð góður afslattur á mörgum stöðum."…
"að halda námskeið í hvernig á að bregðast við hinum og þessum aðstæðum er að mínu mati ekki endilega á færi 4×4, heldur sjálfs einstaklingsins, 4×4 sér um að afla afsláttar fyrir hann á námskeiðið."…
Ég gekk ekki í klúbbinn út af einhverjum afsláttakjörum það er bara bónus. Að halda námskeið sé ekki á færi klúbbsins. Ég held að klúbburinn sé fullfær um það og akkúrat rétti vettvangurinn til að miðla þekkingu um hvernig bregðast eigi við og hefur gert það áður. Umræðan snýst um móttaka "nýliða" og á ég þá við fólk sem er að byrja í jeppamennsku en ekki að skipta um lögheimili. Ég gekk í hann því að ég hélt að þarna færi fram einhver fræðsla og miðlun á þekkingu og eins og áður segir að nýliðaferðir væru hugsanlega einn vettvangur fyrir það. Ef fólk vill kynnast öðru fólki þá get ég bent á fullt af öðrum ferðum sem eru líka nothæfar í það t.d. vinnuferð í setrið sem hefur hlotið vægast sagt dræmar undirtektir, stikuferðir, landgræðsluferðir og að ógleymdum bjórkvöldum sem er svo lítið mál að skipuleggja að þau eru nokkur yfir vetrartímann. Ég veit að upphaflega var þessi klúbbur hagsmunafélag og ferðafélag (ferðaklúbburinn 4×4) en spurningin er hvort hann sé ekki að þroskast upp í það að taka að sér fræðslumál til félaga og minni á að fræðslunefnd var stofnuð á síðast aðalfundi. Það eru fleiri en ég sem hafa gengið í klúbbinn af því að þeir héldu að þarna væri eitthvað skipulagt af hálfu klúbbsins. Fannst mér því brilliant að fara í nýliðaferð. Eins og ég sagði mín mistök. Þrátt fyrir það var gaman í ferðinni en ég hefði sennilega aldrei farið aftur í ferð með klúbbnum ef ég hefði verið að fara fyrsta sinn á fjöll í þessari ferð. Mitt innlegg í þetta spjall er aðalega til að fá fram skoðanir og umræðu.
kv. Stef.
Fræðsla er ekki bara fólgin í formlegu námskeiði eða fyrirlestri heldur líka með verklegri sýningu. Það er hægt að sýna hvernig tappa á dekk án þess að bíða eftir að dekk springi í ferðinni álíka og hægt er að kenna skyndihjálp án þess að bíða eftir því að einhver slasi sig (sem betur fer). Það þarf ekki að bíða eftir að bíll festi sig til að sýna hvernig best er að spila hann. Maður einfaldlega kemur honum fyrir í festu og sýnir svo. Það eru ekki allir sem hafa áhuga á einhverju hjálparsveit þó þeir vilji læra að ferðast á jeppum. Til hvers að labba ef hægt er að keyra. ….ps: síðan má ekki gleyma því að sumir geta bara ekki orðið góðir í neinu, sama hvað menn taka mörg námskeið og setja lengi í skóla….. Ekki örvænta Hlynur kannski kemur þetta hjá þér einn daginn.
Kv. Stef.
Það sem mér finnst og hef talað um það áður er að klúbburinn ætti að skilgreina betur hvað hann kallar nýliðaferðir og hvað felst í þeim þannig að maður viti bara að hverju maður gengur. Það sé smá samræmi á milli nýliðaferða en ekki bara að það sé háð duttlungum þeirra sem tekur að sér að standa að svona ferð. Þannig að ég var bara óheppin að hafa farið í þessa nýliðaferð en ekki í nýliðaferð með rottunum. Ég gerði þau mistök að halda að nýliðaferð biði upp á einhverja formlega fræðslu og leiðbeiningar fyrir nýtt fólk fannst það eiginlega liggja í orðinu af fenginni reynslu annars staðar og ákvað þar af leiðandi að ganga í klúbbinn og verða mér út um smá þekkingu. Ef ekki er meiningi að klúbburinn standi fyrir fræðslu þá annað hvort að kalla þetta einhverju öðru nafni eða þá "nýliðaferð án fræðslu" og maður veit það og þá er málið dautt.
kv. stef
.
Ég mæli hiklaust með þeim ef ég miða út frá einu nýliðaferðinni sem ég hef farið með f4x4.is. Fararstjórinn var 3 tímum á undan síðasta bíl í skála. Og eina "nýliðafræðslan" sem ég fékk var að læra af reynslunni frá manni sem drekkti bíl sínum í krapapitti um árið og varð að láta bjarga lífi sínu. Með það veganesti hef ég haldið í mínar ferðir "reynslunni" ríkari eftir nýliðaferð. N.B. ég fékk líka að heyra það að menn væru ekki að fá borgað fyrir að taka svona ferðir að sér þannig að ég ætti ekki að búast við neinu og mætti eiginlega bara þakka fyrir.
Takk fyrir
kv. stef.
Ég setti inn nokkrar myndir úr ferðinni. Ég vona að það verði ekki eftirmálar af þeim. Er ekki bara best að virkja allt og þá er málið dautt…..
kv. stef.
Mér sýnist ég og KaffiTopp ekki hafa verið í sömu ferðinni því ég fór niður Vesturdalinn niður í Varmahlíð. Það má segja að þetta hafi nú verið ágætisferð, mikið af kaffistoppum notuð. Nú þarf ég bara að fara aðra ferð til að skoða Öskjuvatn, Víti, Herðubreiðulindir, Gjallanda og fleiri svona minna merkilegri staði. kv. stef.
