Forum Replies Created
-
Replies
-
Var að heyra í Drekamönnu og voru allir sammála um að tími væri kominn til að endurskoða forystu klúbbsins. Formaður klúbbsins var kominn í koju fyrstur manna… meira að segja á undan Loga Ragnars, það er ekki mörgum sem tekst það og sofnaður fyrir kl. 22:00. Bæði Benni fyrrverandi formaður F4x4 sem og Gummi gjaldkeri Formaður Steranna voru miður sín yfir úthaldsleysi Sveinbjörns. Þetta er náttúrlega hneisa fyrir Formannastéttina sem slíka og verður tekið upp á fundi hjá stéttarfélaginu. Gummi sagði að það mætti að vísu virða honum það til vorkunar að þar sem Fúlagengið vildi ekki hafa hann með sér og hann hafi þvi setið upp með hann þá hafi hann fengið að vinna fyrir farinu. Sveinbjörn var mjög duglegur að fylgjast með förum og stikum á leiðinni. Reyndar leit Gummi aðeins af honum augunum augnablik og það var nóg til þess að hann villtist yfir í röng för og inn í Dreka í stað Sigurðarskála. Sveinbjörn sá alfarið um uppvaksið í kvöld sem og í gærkveldi en einnig hefur hann það hlutverk að þjóna og klæða Formann Steranna s.s. í skó og þ.h..
Gummi verandi Formaður Steranna hefur ekið fremstur fyrir sínu gengi þannig að ef menn fylgjast með SPOTtanum hans Gústa Gatvissa þá er Gummi svona hundrað metrum á undan Gústa Formann ferðafrelsisnefndar enda er Gústi bara með þetta tæki til að Gummi getið fundið Gústa aftur ef hann villist .. enn einu sinni. Vá mikið af villtum formönnum í þessum hóp enda er dulnefni hópsins Týnda Formannagengið en goggunarröðin er samt alveg á hreinu. Formaður Steranna er æðstur.
Sterarnir og stjórnin sofa í litla skálanum Hetti og kom það í hlutverk Gumma að standa vaktina þessa nóttina en Sterarnir eru með vaktmann til að gæta hópsins á næturnar enda stutt í Benna 49”, Túttugengið, Allt í skralli gengið, Ægirs sem og Björn Þorra eina uppistandandi Sóðans þessa stundina. Það er engum treystandi á fjöllum þar sem öll gengi vilja vera fyrst og fremst.
Reyndar tekur Gummi næturvaktarhlutverk sitt svo alvarlega að hann ætlar að gista í bílnum í nótt… EINN en hann neitaði Sveinbirni um gistingu… af gefnu tilefni.
JEEP gengið gafst upp á bilaða JEEP fjórhjólinu skellti því inn í skottið á GRAND WAGONEERNUM hans Loga Ragnars og var gengið komið í Dreka skömmu á eftir hinum gengjunum. Það þurfti reyndar 4 menn til að lyfta því inn í bílinn en það hafðist með því að leggja hlerann niður. Var fjórhjólinu svo parkerað út á plani, grafin gryfja undir það og snjóhús yfir, sjálfskiptingin og millikassinn rifinn úr á innan við klukkustund enda vanir menn úr torfærunni að gera svona í pitstoppi á milli brauta. Einu varahlutina sem skortir eru whiskey olía og fleiri kjötbollur fyrir viðgerðaliðið, greinilegt að það er allt annar standard í JEEP genginu heldur en hjá breska heimsveldinu, Guttum og Guinnessgengjunum. Skiptingin var hins vegar sett í þurrk og var verið að líma hana saman og koma henni í aftur rétt fyrir miðnætti en skiptingin hafði ofhitnað og skotið út pakkdós í millikassanum. Benni 49” sagði að þeir væru að reyna að koma FORD skiptingu í willys og að sjálfsögðu hafnaði FORDskiptingin willysnum með öllu… enda hafði hún ælt út úr sér pakkdósinni´í höfnunarskyni.
JEEP gengið ætlar að gista auðvitað í 2ja manna tjöldum í nótt enda stór hætta á víðáttufælni ef þeir myndu gista inn í skála eftir að hafa verið svona langdvölum í kortersbílunum.
Það er geggjað veður þessa stundina logn og blíða og það má sjá frostrósir á framrúðunum á bílunum.
Hvað varðar um leiðarval morgundagsins þá á það eftir að koma í ljós.
Ekki náðist i stigbrettið í Sigurðarskála til að fá fréttir af frekari líðan þess.
Skúli var að hringja úr Sigurðarskála og sagði að
[size=150:3q0ie43c][b:3q0ie43c]það er mikið hlegið að því í Kverkfjöllum að Sveinbjörn skildi hafa villst yfir í Dreka[/b:3q0ie43c][/size:3q0ie43c].
Þetta kom nú reyndar engum á óvart.Hann vildi líka koma á framfæri smá leiðréttingu. Guttar & Guinneshópurinn var ekki úr og í spotta, hann vísar því yfir á “pappakassar” og “vinalausir”.
Þeir hópar stefna á að gista líka í Sigurðarskála í nótt en voru ekki komnir niður að flæðunum þegar síðast fréttist. Reyndar voru þeir búnir að sameinast og ganga nú undir nafninu Pappalausir og eru þeir í töluverðri spottavinnu. Það er mikið púður á Urðarhálsinum og smá hjakk þar en það kom samt ekki í veg fyrir að Breska Heimsveldið færi þetta á þríhjólinu. Guinnesstími var kl. 17:23 að staðartíma og er nú stefnt á að eta hangikjöt og draga upp gítarinn og eiga góða kvöldstund.
Af hverju er Tnt sem á flottustu vinrauðu Toyotu LC ´80 á 44" sem var í ferðinni, með framljósin að aftan, ekki í Sigurðarskála ásamt Krílinu???
Heyrði í Benna hmm 49” úr Túttugenginu og Gumma gjaldkera. Báðir fullyrða að Sveinbjörn hafi villst inn í Dreka. Mun Stjórn og Sterar láta fyrirberast í Dreka í nótt ásamt Túttugenginu en þangað var líka komið Sóðagengið. Eins gott að Gummi tók Sveinbjörn með til að vaska upp eftir þá enda annálaðir sóðar og þekktir fyrir að fara úr skálum frá óhreinu leirtaui. Fúlagengið ákvað hins vegar að fara beint í Snæfell í staðin fyrir að gista í Dreka.
Drekamenn sögðu að það hefði verið mikið basl á Guttum og Guinness félögum þeir væru meira og minna allir úr og í spotta.
Benni tók það fram að ekkert amerískt hefði bilað þrátt fyrir að allir amerísku vörubílarnir hefðu verið drekkhlaðnir af varahlutum. Maður spyr sig hver nennir að fara á vörubílum á fjöll þegar hægt er að kaupa jeppa.
Gjaldkerinn leiðrétti tölfræðina hjá vörubílstjóranum og benti á að það væri nú einn bilaður Rubicon sem er AMERÍSKT í JEEP hópnum. Eitthvað í sambandi við sjálskiptingu og sjálfskiptivökva. Vildi Benni meina að þessir willysar (wrangler) bílar væru nú bara yfirbyggð fjórhjól en ekki jeppar.
Ég veit ekki nákvæmlega hvar JEEP hópurinn var staddur en ef menn kíkja á gervitunglamyndir hjá NASA þá er væri helsta kennileitið 36 ára gamall GRAND WAGONEER.Það sem hóparnir í Dreka ætluðu að gera til að hjálpa JEEP félögum sínum var að opna viðgerðarbauk, grilla og vorkenna þeim og vonast til að þeir kæmu frekar seint því ekki veitti þeim af plássinu í Dreka.
En mér skilst að velflestir hópar séu komnir eða við það að komast í hús fyrir utan JEEP gengið.
[b:3ftsz15l]Bilerí:[/b:3ftsz15l]
Patrol 2
Toyota 1
Breska Heimsveldið 1
JEEP 1
Takk fyrir myndirnar Bio gaman að geta séð þetta svona myndrænt.
Það er ekki laust við að maður velti fyrir sér hvað stjórnin er að bullumstampast. Þeir stefna hratt og óhikað yfir flæðurnar beint í Dreka við Öskju á meðan Breska Heimsveldið G&G þræða jökulröndina eins og Sigurður B. og Iceman í átt að Sigurðarskála í Kverkfjöllum þar sem allir þessir hópar ætla að gista.
[b:3kocdvpp]Þá koma upp nokkrar spurningar:[/b:3kocdvpp]
1. Er Stjórnin villt? þeir eru nú ekki endilega skörpustu skeiðarnar í skúffunni … eða hvað?
2. Þarf hún kannski bað og syndaaflausn í Víti?
3. Ætla þeir beint niður á Möðrudalsöræfin og inn á F910 til Egilsstaða?
4. Eða eru þeir kannski að ryðja fyrir kortersbílana sem ætla að gista í Dreka skv. plani?Svörin gætu verið á þessa leið:
1. Já kemur sterklega til greina. Neibb.
2. Já og ójá.
3. Kemur mjög sterkt inn.
4. Neibb ef eitthvað væri þá myndu þeir ýta í skafla.[b:3kocdvpp]SPOTtinn hjá Gústa Gatvissa, Stjórn og Sterar[/b:3kocdvpp].
http://share.findmespot.com/shared/face … d1Jtl8KHDP[b:3kocdvpp]Sigurður Bjartmars, Iceman.[/b:3kocdvpp]
http://depill.is/f4x4 þetta er annar sem er með staðsetningu á bílnum, virkar ekki síður en[b:3kocdvpp]SPOTtinn hjá Skúla H. Skúlasyni á breska heimsveldinu, Guinness og Guttar.[/b:3kocdvpp]
http://share.findmespot.com/shared/face … EuGD0XryXs og hérna er spotið hjá Skúlap.s. ég lagaði linkinn hjá Skúla hann var ekki að virka.
Hér eru smá tölfræði sem Benni 49" gaf upp á síðasta félagsfundi.. hefur kannski lítilega raskast en menn sjá hugarfarið
[b:26qykzse]150 manns taka þátt[/b:26qykzse]
50 [b:26qykzse]jeppar [/b:26qykzse]og 25 [b:26qykzse]Toyotur[/b:26qykzse] – [b:26qykzse]75 farartæki[/b:26qykzse]
24 amerískir – [b:26qykzse]Restin grjón[/b:26qykzse]
32 á 38”
5 á 41”
24 á 44”
14 á stærri hjólum
Einn hópur telur 1755 hesta og hann er 9450 kg… Eða jafn þungur og tveir 49” FordarVar að bera saman leiðirnar úr SPOTtanum hjá Gústa við Depilinn hjá Sigurði Bjartmars (sjá á síðu 8) en báðir hóparnir stefna í Kverkfjöll.
Stjórnarhópurinn fer norðar eða út á flæðurnar á meðan Iceman hópurinn hans Sigurðar B fylgir alveg jökulröndinni.
Væri gaman að sjá samanburðarmyndir hér á þræðinum ef einhver kann að setja þær inni.
Hraðinn í Depill er svona allt að 30 km hraði en skv. Sveinbirni þá hafði yfirferðin á stjórnarhópnum dottið niður í c.a 10 km hraða vegna snjóblindu.
Gleymdi því mikilvægasta… Tölfræðinni.
[b:2dhlebos]Bilerí[/b:2dhlebos]:
Patrol 2
Toyota 1
Breska Heimsveldið 1Ef einhverjir hafa meiri upplýsingar um tölfræði endilega að pósta…
Það er bara rífandi gangur í þessu hjá þeim hópum sem ég var að heyra í.
Stjórnarhópurinn (Sterarnir) fór af stað síðla morguns eða um kl. 8:46 skv. SPOTinu hjá Gústa. Voru þeir komnir inn á Urðarhálsinn í snjóblindu og skafrenningi á köflum þegar símasambandið bæði nmt og gsm slitnaði við Sveinbjörn. Hljóðið var bara gott í honum og höfðu þeir keyrt uppi G&G hópinn, sem var að kvarta undan hraðahindrunum á Kvíslaveituveginum í gær. Það var ekki af því þeir fóru svo geyst heldur vegna þess að breska heimsveldið var búið að brjóta vinstri fram öxul með einhverju sexý, náði ekki samhenginu hjá Skúla. Þetta minnir óneitanlega á söguna að þeir fyrstu verða síðastir og síðastir fyrstir. Millitíminn á pitstoppi hjá breska heimsveldinu er um klukkustund með grillveislu en öxulinn var tekinn úr.
Einar Sól sagðist vera með 3 jeppa í togi eða einn L-200 og tvær Tacomur og var hann staddur hjá breska heimsveldinu og rauk úr símanum til að fara í pulsuveisluna. Voru þeir um 6 km frá Kistufelli.
JEEP gengið var á góðu róli búnir að fara suður og austur fyrir Gæsavatnaskála og héldu vel hópinn. Þurfa þeir ekki nema 5 fermetra til þess. Reyndar var Óskar E að spá í að fá að bætast bara á pallinn hjá Einari Sól …
Hvað varðar færð og veður þá er snjór yfir öllu, púður og frost en allir tala um að færið sé drulluþungt, snjóblinda og gengur á með skafrenningi en menn komast þó hægt fari. Ekki hefur borið á krapa en ferðahraðinn er svona +/- 50 km á klst.
Upp á jökli mun vera erfitt færi fyrir minni bílana.
Vá það er til margt leiðinglegra heldur en að vera í þeirra sporum núna… t.d. að vera í mínum sporum
Fékk símtal um 00:30 frá G&G hópunum í Þúfuveri og sögðust þeir vera búnir að borða rauð hreindýr og nautalundir sem þeir höfðu skotið á færi, þó ekki innan tilvonandi þjóðgarðs og voru komnir á kaf í dessertinn sem var ekki rjómakaka en þó kaka með rjóma!!! Var þessi máltíð frekar löng en vel lukkuð að sögn Skúla.
Til samanburðar þá má segja frá því að þegar ég ræddi við Versalahópin (JEEP) þá var Óskar Erlings gríðarlega ánægður með súpuna sem hann fékk þar. Má kannski rekja matarvalið til þess pláss sem er i þessum kortersbílum sem þessir jeep wrangler bílar eru. Nema ég hafi misskilið hann og hann hafi verið að tala um humlasúpu…
Gaman að heyra fréttir af fleiri hópum. Mér finnst nú samt þetta stjórnarlið vera orðið fullmiklir sófariddarar þegar þeir þurfa að senda undanfara til að kynda fyrir sig alla skála sbr. í Nýadal og Kverkfjöll.
Einar Sól var að hringja og var aldeilis hissa þegar hann kom út úr Klakahöllinni í Nýadal rétt í þessu og sá rauðan yaris úti á plani. Var dóttir Sveinbjörns mætt með sultuna. Þannig að nú er búið að redda ostaveislunni í kvöld.
Heyrði í undirbúningsnefndinni áðan.
Skúli H. var í Þúfuveri ásamt Guttum og Guinnesfélögunum. Hann sagði að þeir væru á 8 og 1/2 bíl en fyrsta bilunin átti sér stað á leiðinni frá Bílabúð Benna og að Shell. Hálf-pattinn hans Dags Braga missti stigbrettið. Ferðin upp eftir gekk að óskum fyrir utan eina hraðahindrun sem þeir lentu á en um leið og þeir voru búnir að taka fram úr Stjórnarhópnum þá fór ferðin loks að ganga. Voru þeir að gæða sér að eðal rauðu very well rear kjöti sem skolað var niður með ísvara.Óskar Erlings úr undirbúningsnefndinni var hins vegar langsíðastur úr bænum á fjöll. Var eins gott að hann þurfti ekki að fara lengra en í Versali. Þar uppgvötvaði hann að það er sumt sem maður treystir ekki konum fyrir… og fær því nú lánaða viðgerðabauka hjá ferðafélögunum. Kallmerkið á hans bíl er OÓ (Óskar og Oddgeir coari).
Sagði hann að Logi hefði logið í viðtalinu á stöð 2 þegar hann sagðist vera á elsta bílnum í ferðinni 36 ára gömlum Wagoneer. Það er einn eldri jeppi sem er með Jeep hópnum og það er 68 ára gamall grænn FordWillys blæju herjeppi (´42) sem Tóti endursmíðaði fyrir stuttulöngu. Teikningin er Willys en hann er smíðaður hjá Ford. Reyndar trúði enginn að þessi korters bíll ætlaði með í ferðina, áætlaður tími sem tekur að hlaða bílinn fullann af drasli enda ekki meira pláss.
Hvað varðar bilanir þá vildi Óskar ekki kannast við neitt slíkt í sínum hóp en sagðist þó hafa keyrt fram á flottasta vínrauða bílinn í ferðinn, Toyota ´80 á 44” dekkjum sem Tnt á. Var hann að velta fyrir sér hvort hann væri með framljósin að aftan en komst svo að því að hann var á bakaleið til að fara í hefðbundið Toyota pitstop í Hrauneyjum. Var hann víst á einhverjum lánsdekkjum með mexikönskum gervifelgum sem brutu alla felgubolta og var þá ekkert annað að gera en keyra á móti bull dekkjunum sínum og koma þeim undir.
Bilanir:
Patrol 2
Toyota 1
Stjórnarhópurinn er lentur í Nýadal. Þeim tókst að rata þetta svona c.a. nokkurn vegin en Gústi hljóp þó útundan sér en það uppgvötvaðist fljótt þar sem hann var með SPOT græjuna og var hann beðinn um að snúa frá villu sinni og stefna á reykinn frá Klakahöllinni.
Það er þó ákveðið afrek að komast fyrsta legginn sama daginn án þess að verða klofblautur eins og Gummi lenti í þegar hann fór KRAPA 2000.Ég sá viðtalið við Sveinbjörn og Loga Ragnars á stöð2 frá upphafi ferðar. Ætlaði varla að þekkja þá með þessar pungmottur.
http://vefmidlar.visir.is/VefTV/?channe … bf8e299192
Sjá á 14 mín+
Var rétt mátulega búin að hrauna yfir Wagoneerinn þegar hann birtist í öllu sínu veldi í sjónvarpinu og ekki laust við að maður fylltist lotningu.. þetta er sko enginn patroll… heldur GRAND WAGONEER. Hef ekki heyrt neinn jeppamann eins ánægðan með að þurfa að kaupa bensín á 8 cyl. jeppa eins og Logi Ragnars var… reyndar var ekki laust við að maður sæi tár á hvarmi hjá honum sem og fleirum í aðdraganda ferðarinnar þegar verið var að reikna út eldsneytiskostnaðinn fyrir ferðina… en svona fer ferðavíman með mann.
Var að heyra Sveinbirni Formmanni nr. 1. Hann fékk far hjá Gumma Stera og gjaldkera en Gumma vantaði einhvern til að sjá um eldamennsku og uppvask í ferðinni. Reyndar klikkaði Formaðurinn á grunndvallarbúnaði fyrir ferðina en hann gleymdi rifsberjasultunni með ostunum fyrir kvöldið. Var hann búinn að hafa samband við Ernu dóttur sína sem ætlar að skjótast með hana eftir vinnu á yarisinum góða sem er RISAsmár inn í Nýadal. Bendir allt til þess að hún nái að keyra þá uppi miðað við færð en þeirra hópur er nú kominn inn að lóni inn á Sprengisandi á leið í Nýadal. Til að staðfesta það kíkti ég á spot messenger græjuna sem Ágúst meðstjórnandi og Formaður nr. 2 er með í Patrolinum hjá sér.. (hann gat ekki fengið lánaðann neinn jeppa). Sagðist Gústi hafa gefið konunni sinni græjuna í jólagjöf en hún virðist heita Thorsteinn sem er frekar sérkennilegt kvennmannsnafn.
Sveinbjörn sagðist sjá snjó en vildi ekki viðurkenna að þetta væri flasa á augnhárunum en smá fjúk er og voru uppi hugmyndir um að setja upp snjógirðingar til að koma í veg fyrir að hann fjúki til RVk. 0 stiga hiti eða frost er fer eftir bjarstýninni.
Hóparnir eru allir á góðri siglingu bara komið upp ein bilun… ég sagði það ekki heldur hann og það var auðvitað PATROOOOOL.
Skúli, Benni 49" og fleiri góðir félagar eru fyrir framan Sterana, Einar Sól er kominn í Nýadal og byrjaður að kinda Klakahöllina. Hugsanlega þarf að kveikja í höllinni til að ná upp almennilegum hita fyrir kvöldið. Logi Ragnarsson Ritari fær ekki að ferðast með öðrum stjórnarmönnum í hóp þannig að Óskar Erlings gamall skólafélagi hans sá aumur á honum og leyfði honum að koma með JEEP hópnum. Það sem bjargaði Loga voru þrír litlir stafir sem standa fyrir framan Wagoneer nafnið á bílnum eða JEEP og að hann getur sofið í bílnum. Þeirra hópur er fyrir aftan Sterana.Er ekki annað að heyra á öllu en að menn séu gríðarlega ánægðir með að vera loksins komnir af stað í þessa langþráðu ferð og verður spennandi að fylgjast með framhaldinu.
Bilanir
PATROL 1.
Mig vantar svona bréfalán. Ég get séð um að gefa út bréfin sjálf með eða án línustrikun, þau eru hvort sem er einskis virði þegar upp er staðið og verða strikuð út með einu pennastriki. Ég get sent þau í tölvupósti eða með frímerki það er valkvæmt en lánið skal veitt út á tryggingu með veði í bréfunum sjálfum. Hef ekki hugsað mér að ganga í persónulega ábyrgð fyrir láninu, það er svo síðustu aldar hugsunarháttur.
Hafði huXað mér að kaupa eitt stykki meintann VatnajökulsÞJÓÐgarð auðvitað með náttúruvernd í huga. Þ.e. garð sem er EKKI fyrir alla þjóðina en ég ætla að vera með stýrt flæði inn í garðinn mikið álag á ákveðna staði. Ég vil að sjálfsögðu vernda náttúruna þannig að náttúran fái að njóta sín þess vegna verða ekki nema slatti af mannvirkjum reist í garðinum s.s. skálar, ferðaþjónustuupplýsingamiðstöð, bensínstöðvar sem selja allt nema bílavörur og haugur af útsýnispöllum með malbikuðum bílastæðum við og göngustígum ýmist úr timbri eða malarbornir sem eiga þá að harmonera við náttúrulegt umhverfi enda er ofuráhersla lögð á “víðernishugsun”. (flettið henni upp sem ekki þekkja)
Ég stefni á að fá sem flesta, helst milljónir manna í skjóli náttúruverndar á fyrirfram ákveðin svæði s.s. Vonarskarð svo þau verði jafn óviðfelldin viðkomu og Landmannalaugar að sumartíma… sem er svona drive through eða ekið non stopp í gegn staður í mínum huga að sumarlagi svo að flestir geti notið staðararins. Enda getur Ísland bezt í heimi eitt boðið upp á þá sérstöðu að bjóða fólki upp á fallegustu niðurníddu staðina í heimi… ef frá eru talin flest öll önnur lönd í heimi.
Síðan ætla ég að draga ferðahópa í dilka upp á Vatnajökli og mun beita fyrir mér sóttvarnarlögum. Sé fyrir mér nauðsyn þess að setja upp girðingar með grindarhliðum og eftirlitsvörðum til að koma í veg fyrir blöndun ferðahópa enda getur það verið stórhættulegt að blanda saman mismunandi útivistarhópum s.s. jeppahópum, vélsleðahópum og gönguhópum.
Allir þeir gönguhópar sem eru að þvælast um jökulinn að vetrarlagi og þurfa oftar en ekki að kalla eftir aðstoð björgunarsveita á vélknúnum ökutækjum og annara nærstaddra verður nú í framtíðinn hlíft við þeim viðbjóði að láta vélknúna björgunarsveit koma og bjarga sér. Í staðin verðu þeim boðið upp á sérhæfða björgunarsveit á gönguskíðum. Gönguskíðasveitin gefur sér lámark 3-4 daga til að ná að síðasta þekkta stað nauðstaddra. Þetta er gert í skjóli NÁTTÚRUVERNDAR eða til að hlífa viðkvæmum göngumönnum fyrir þeirri sjónmengun sem vélknúin ökutæki eru.
Þeir sem hafa huXað sér að stunda einhverjar sportveiðar í ÞJÓÐgarðinum verður bönnuð aðkoma inn í ÞJÓÐgarðinn enda er stórhætta á að þessi ákveðni útivistarhópur skemmi vegi og vegslóða og ekki viljum við að þeir fari að skjóta hreindýr eða rjúpur upp á Vatnajökli eða í nágrenni hans. Þannig uppfylli ég enn og aftur skilyrði um náttúruvernd. Reyndar verður mörgum leiðum uppi á jökli lokað þar sem hætta er á að það myndu sjást för í snjónum eftir vélknúnin ökutæki og það er hrein og klár náttúruhryðjuverk að skilja eftir sig för í snjónum. Held að best sé að hafa 2 ríkisleiðir í garðinum þ.e. hringakstur annan hvorn mánuð verður ekið réttsælis og hina mánuðina rangsælis. Hef svo hug á því að setja keðju yfir vegin og loka honum. Síðan verður rukkað fyrir að fara inn í hann.
Einnig verður bannað að tjalda nema á þartilgerðum tjaldsvæðum innan þjóðgarðsins, vegna fenginnar reynslu frá öðrum jökli, nema þú sért gangandi þá verður veitt undantekning fyrir að tjalda í snjónum þó skal varast að moka ekki upp kögglum sem skjól í kringum tjöldin enda getur það verið stórhættulegt og ónáttúrlegt að skilja eftir slík ummerki.
Sem sagt ég stefni á að fá sem flesta inn í ÞJÓÐgarðinn undir því yfirskyni að vernda náttúruna fyrir ágangi. Náttúran í ÞJÓÐgarðinum er fyrir alla nema þá sem ekki geta gengið. Öll starfsemi verður rekin á styrkjum frá ríkinu. Ég legg allt mitt traust á sjálfboðaliða til að sjá um alla stígagerð, gróðurvernd og viðhaldi á mannvirkjum eins og hingað til hefur tíðkast annars staðar í landinu.
Væri gott ef lánið væri lagt inn á reikning 313-26- Tortola.
Ef einhver telur sig rekast á mótsagnir í þessum rökstuðningi fyrir þessu bréfaláni þá bendi ég þeim á að lesa verndunaráætlanir Vatnajökulsþjóðgarðs.
Kær kveðja
Tilvonandi þjóðgarðseigandi.
Inn á síðu ferðafrelsisnefndar má finna [color=#800000:3cjraqdm]LOKADRÖGIN [/color:3cjraqdm]að tillögum um verndaráætlun Vatnajökulsþjóðgarðs AUSTUR
[url:3cjraqdm]http://www.f4x4.is/index.php?option=com_content&view=article&id=1070:lokadroeg-ae-verndaraaetlun-vatnajoekulstjoegares&catid=144:fereafrelsisnefnd&Itemid=243[/url:3cjraqdm] sjá pdf/zip skjal neðst.
Þetta skjal er um 9mb og getur tekið tíma að hlaðast niður.
Hvet alla þá 300 bíla sem eru um 600 manns sem verða á ferð á og við Vatnajökul (innan meints Þjóðgarðs) um helgina til að kynna sér þetta og segja sína skoðun.
Mér skilst hins vegar að það séu alveg uppundir 7 gönguskíðamenn á rölti á Vatnajökli um helgina svo í guðsbænum ekki koma nálægt þeim ef þið skilduð sjá í þá.
Hér má finna verndaráætlun fyrir verstari hluta Vatnajökulsþjóðgarðs
[url:3cjraqdm]http://www.f4x4.is/index.php?option=com_content&view=article&id=1036:verndaraaetlun-vatnajoekulstjoegares&catid=144:fereafrelsisnefnd&Itemid=243[/url:3cjraqdm]
Baldvin ég er nú með auga á þættinum, missti reyndar af fyrri hlutanum en OMG.. ég fæ verki af að horfa á veslings manninn…
[color=#800000:1b2k57ad]Hér má sjá LOKADRÖG að tillögum um verndaráætlun Vatnajökulsþjóðgarð Austur. Hún gengur út á það í megindráttum að raða mismunandi ferðahópum í sér hólf eftir því hvar þeir mega fara um á jöklinum og á fyrirfram skilgreindum tíma. [/color:1b2k57ad]
[b:1b2k57ad]8.3. Vetrarakstursleiðir og akstursleiðir á jökul [/b:1b2k57ad]
[i:1b2k57ad]Helstu markmið: [/i:1b2k57ad][b:1b2k57ad]a. Að afmarka belti fyrir helstu vetrarakstursleiðir utan jökla og á jökli.[/b:1b2k57ad]
Mikilvægt er að skilgreina betur helstu vetrarakstursleiðir á hálendinu og á jökli. Það minnkar líkur á árekstrum milli mismunandi útivistarhópa, eykur öryggi ferðamanna og minnkar líkur á að ferðamenn valdi spjöllum á náttúrunni. Í framhaldinu þarf að afmarka akstursbelti (og gönguskíðabelti þar sem það á við) þar sem vetrarakstur getur rúmast með góðu móti út frá öryggissjónarmiðum, náttúruverndarsjónarmiðum og án þess að trufla skíðafólk.[b:1b2k57ad]b. Að afmarka helstu akstursleiðir á Vatnajökul.[/b:1b2k57ad]
Ekki er hægt að aka á Vatnajökul hvar sem er. Vitað er að nú er ekið á Vatnajökul á nokkrum stöðum á austursvæði þjóðgarðsins, frá Geldingafellsjökli, frá Brúarjökli bæði austan og vestan megin og Kverkjökli(17. mynd). Eina leiðin að sumri til er þó við svonefndan Búðahrauk við austanverðan Brúarjökul.
Til framtíðar er mikilvægt að afmarka betur helstu akstursleiðir upp á jökulinn eða setja sérstakar viðmiðunar- og vinnureglur fyrir starfsmenn og gesti um það hvar og hvenær má aka á jökul. Þær reglur ættu að mótast af sjónarmiðum um náttúruvernd, hagsmunum mismunandi útivistarhópa og öryggi ferðamanna. Tillaga að verndaráætlun fyrir austursvæði Vatnajökulsþjóðgarðs 9217. mynd. Þekktar vetrarakstursleiðir utan jökuls og uppá jökul, á austur- og norðursvæði Vatnajökulsþjóðgarðs.
[url:1b2k57ad]http://www.f4x4.is/index.php?option=com_jfusion&Itemid=235&g2_itemId=276922[/url:1b2k57ad]
Jeppa-, mótorhjóla, fjórhjóla- og vélsleðaferðir ásamt umferð á vélknúnum bátum teljast til vélknúinnar útivistar. Upplýsingar skortir einnig um þessa tegund útivistar á austursvæði Vatnajökulsþjóðgarðs. Umferð vélknúinna ökutækja er aðeins leyfð á skilgreindum vegum og slóðum og um akstur á snjó gilda annars vegar náttúruverndarlög og hinsvegar sérreglur á mismunandi svæðum þjóðgarðsins (sjá kafla 8 og kafla 5).
Það er mikilvægt að skipuleggja þjóðgarðssvæðið þannig að komið verði í veg fyrir árekstra milli mismunandi útivistarhópa ásamt því að setja reglur sem koma í veg fyrir spjöll af völdum útivistar. Sérstaklega þarf að huga að mismunandi þörfum þeirra sem stunda hefðbundna útivist og hinna sem kjósa vélknúna útivist þannig að sem flestir eigi kost á að njóta dvalarinnar í þjóðgarðinum. Sérstakar reglur um útivist og umferð þurfa þó að gilda á svæðum sem njóta sérstakrar verndar (sjá kafla 5).[i:1b2k57ad]Helstu markmið og aðgerðir [/i:1b2k57ad]
[b:1b2k57ad]a. Að tryggja gestum aðstöðu og aðgengi til náttúruskoðunar án þess að náttúran beri skaða af.[/b:1b2k57ad]
Ég rak einmitt augun í það sama þegar ég fór þessa leið. Þetta er eins og rýtingur í augun á manni og spurning hvort ekki þurfi að vernda fimmvörðuháls fyrir ágangi göngumanna.
http://picasaweb.google.com/stefgud/200 … 0752485794
Reyndar vil ég ekki gera upp á milli ferðahópa og fljótt á litið gæti maður haldið að þetta væru för eftir mótorhjólamenn en þetta er eftir stóð af eins hestafla grasmótorum.
http://picasaweb.google.com/stefgud/200 … 4480149506
Og smá samanburður á hóffari og strigaskóm nr. 39.
http://picasaweb.google.com/stefgud/200 … 0014850290
Stjórn F4x4 fundaði með nefndum klúbbsins þann 22. febrúar sl. í húsnæði klúbbsins að Eirhöfða. Félagsmönnum gefst hér tækifæri til að kynna sér hvaða mál voru þar rædd.
Kv. Stefanía
Sýsli þú mátt alveg hringja í mig úr Setrinu og lesa fyrir mig tilkynninguna… eða bara komið með hana í bæinn svo ég geti lesið hana
Á að fara á sólinni uppeftir eða verður þú bara aftursætissófaskraut hjá einhverjum?
Það væri nú kannski ekkert verra að þurfa ekki að fara alla leið upp í Setur til að lesa tilkynninguna um fyrirkomulagið á opnuninn er bara forvitin að vita hvað stendur í henni
