Forum Replies Created
-
Replies
-
Fréttir af Vatnajökulsförum.
Dagur Braga var að heyra í Snorra Ingimars úr Fúlagenginu í HF stöðinni. Hann sagði að allir bílar sem komu yfir jökul austan að væru komnir í hús upp á Grímsfjalli í góðu yfirlæti en veður fer nú versnandi þar.Ég hef engar fréttir af þeim sem eru að fara á jökulinn frá Reykjavík… hef ekki einu sinni hugmynd um hverjir það eru. Kannski að Kalli pósti einhverjum fréttum af gengi þeirra.
Guttar og Guinness eru nú dreifðir um allt norðurlandið en Dagur sem hafði stoppað á Akureyri var að koma niður í Skagafjörðinn en Skúli og félagar voru sennilega komnir í nærgrennd við Blönduós jafnvel lengra…. ég bara man ekki hvað Dagur sagði. Ég var með svo miklar áhyggjur af því að einhver keyri ofan á fjandans loftnetsvírinn og bjórdósina sem hann dregur á eftir sér fyrir HF stöðina. Svona dós kostar nú vel yfir 300 kr úr ÁTVR… þetta er ekki gefins. Það voru svo miklar eldglæringar að almannavarnarnefnd norðurlands voru settar á viðbúnaðarstig af ótta við að það væri komið gos á Öxnadalsheiði.
Náði loksins sambandi við JEEP gengið.
Þeir segjast hafa farið yfir Brúarjökulinn í gær til Egilsstaðar en það voru engin vitni að því.
Til að vera öruggir um að einhverjir myndu skila sér í bæinn þá dreifðu þeir hópnum um landið. Einhverjir fóru suðurleiðina í bæinn, aðrir fóru í Aðaldalinn og ætla að gista þar. En Óskar Erlings ákvað að fylgja Loga Ragnars og WAGONEER elliheimilinu norðurleiðina í bæinn. Voru þeir orðir hreinir sveinar enn einu sinni enda nýkomnir úr sundi á Akureyri og gott ef þeir voru ekki búnir að fá sér að borða líka. Ég heyrði ekki betur en að þeir brostu allan hringinn af ánægju út af ferðinni þannig að það var eins og Logi væri kominn með hártopp svo hátt fór pungmottan. Logi sagðist hafa séð til Formannabílsins og Stjórnarinnar þarna á Akureyri þar sem þeir voru að spyrja til vegar en þeir Óskar E vildu alls ekki láta bendla sig við þá og héldu sér því í hæfilegri fjarlægð frá þeim. Ætla þeir Óskar E að renna svo beint frá Akureyri í skítaveðrið í Reykjavík.
Dagur heyrði í Snorra Ingimars (sing) og áttu þeir um 8 km eftir upp á Grímsfjall. Náðist ekki að fá fréttir af veðri hjá þeim. Guttar og Guinness eru komnir í Eyjafjörðinn.
Hverjir eru það sem fóru úr bænum til móts við þá?
Benni og Túttugengið er að detta inn á jökul og verða í Grímsvötnum í nótt. Fúlagengið var töluvert langt á undan þeim í fínu færi upp á Jökli og að sjálfsögði er einn patrol búinn að bila hjá þeim eða hann heldur ekki vatni. Allt í skralli hópurinn ætlaði sömuleið eða yfir jökulinn. Einhverjir bílar eru að koma úr Reykjavík sér til skemmtunar upp á jökul.
Ekki hefur náðst í JEEP gengið en fréttir herma að þeir hafi leigt einn lítinn vörubíl til að flytja kortersbílanna í bæinn enda mikið ódýrara að borga eldsneyti á einn bíl heldur en marga. Iceman og Stjórnin á Sterum eru að nálgast Blönduós skv. staðsetningarbúnaði en Skúli og Breska Heimsveldið mun vera enn þá inn á verkstæði á Egilsstöðum skv. þeirra SPOTta.
Heyrst hefur að einhverjar pælingar séu í gangi hjá einhverjum að gista jafnvel á Mývatni eða annars staðar og fara sprengisand á morgun í bæinn.
Gleymdi samantektinni.
Bilerí:
Patrol 3
Toyota 1
Breska heimsveldið 1
AMERÍSKT 4 (JEEP 1, Vörubílar 3)
Mitshubitshi 1AMERÍSKT er ennþá í forystunni yfir þá sem hafa bilað oftast í ferðinni skv. mínum upplýsingum.
Það sást til Benna 49" á bak við hús í gær þar sem hann var að skipta um vél í FORDinum en hann var með varavél á pallinum.
Af hverju er hann kallaður Benni 49" ???
Heyrði í Gústa og vildi hann koma því á framfæri að til stóð upphaflega að Sterarnir og Stjórn færu Vatnajökul heim en Formannabíllinn hefði tekið þá ákvörðun í samráði við neyðarlínuna að það væri skynsamlegast að þeir héldu sig við þjóðveginn. Sveinbjörn þarf að mæta í vinnu á mánudaginn og hann treystir því ekki einhverra hluta vegna að hann myndi enda í Reykjavík fyrir þann tíma. Varð fyrir valinu að fara norðurleiðina í bæinn. Gústi sagði að þetta leiðarval væri alfarið á þeirra ábyrgð hann hefði ekki komið nálægt þeirri ákvörðun, væri ekki tilbúinn til að taka það á sig for the record. Þetta er að vísu falleg leið það eru tré og tún með búfénaði þarna og svo einhver fjörður… líklegast kallast hann Eyjafjörður og voru þeir að renna í hlað á einhverri skálaþyrpingu sem er staðsett við Eyjafjörðinn. Þar er hægt að kaupa sér mat. Síðan ætluðu þeir að skoða einhverjar heiðar á leiðinni og kannski fengi hann jafnvel að setja jeppann í fjórhjóladrifið … það er aldrei að vita.
Það var rosalega finn matur og góð stemming á hótelinu í gærkveldi og er hann mjög ánægður með þessa ferð. Hann þarf að visu að fara hana aftur 2020 og klára þessa leið sem til stóð að fara í upphafi þessara ferðar… því verkefni er ekki enn lokið þökk sé Formannsbílnum s.s. að fara í Sigurðarskála og yfir Vatnajökul í bakaleiðinni. Þetta er í rauninni ferðin endalausa.
Það var haldin bílasýning í morgun fyrir utan bónus og á verkstæði bæjarins enda haugur af bílum þar.
Benni og Túttugengið ætla að fara í Grímsvötn og gista þar í nótt á leið í bæinn og er Fúlagengið í humátt á eftir þeim hugsanlega í svipuðum pælingum.
Sveinbjörn sagði að menn sem voru í hópnum með Degi Braga hefðu kvartað mikið undan eyðslunni á bílunum sínum. Þeir sem voru fyrir framan hann soguðust til baka út af öllu rafsegulsviðinu og eyddu þar af leiðandi meira en efni stóðu til en þeir sem voru fyrir aftan hann voru aðeins ánægðari því þeir drógust bara á eftir honum og eyddu litlu sem engu.
Lögreglan leitaði Formanninn uppi í nótt og vildi fá að vita hvort hann hefði haft skotleyfi fyrir gosinu í Eyjafjallajökli. Einnig sinnti lögreglan hreinsunarstörfum milli 4 og 5 í bænum. Tók upp sunnlenskt rusl sem var á víð og dreif og bar fyrir sig átta villum.
Aðspurður um eyðslu á Formannabílnum sagði Sveinbjörn að hún hefði verið líter á hundraðið enda þurft lítið. Gummi Sæti einkabílstjóri Formannsins var ánægður með að störfum hans færi senn að ljúka.
Mér finnst nú Formaður Klúbbsins full athyglissjúkur því þegar síðasti bíll úr ferðinni Einar Sól renndi í hlað á Egilsstöðum ásamt L-200 bílnum sem var með ónýtan kúpplingsdisk þá lét Sveinbjörn skjóta upp eldi og brennisteini úr Eyjafjallajökli til að slútta ferðinni. Það eina sem klikkaði er að fjölmiðlar hafa meiri áhuga á að tala um belju í fljótshlíð sem er að því komin að bera heldur en endalok Krapa 2010.
Dagur Braga gaf lítið fyrir austurlenskan tónlistarsmekk en er bara mjög ánægður með alla ferðina. Þeir Guttar og Guinness ákváðu að fara sólarleiðina í bæinn og fóru þjóðveginn norður fyrir og voru staddir í Jökuldalnum á leið í kaffi á Mývatni.
Það fóru 4 bílar á verkstæði í gær sem hann vissi um.
Skúli skipti um legur og fékk nýjan öxul í Breska Heimsveldið.
Gummi Braga var fastur í læsingum og með ónýtar hosur en hann er á Toyota lc 90. Hjörtur og Jakinn kíktu líka á verkstæði og var hann líklegast að skipta um jakkaföt og bindi.
Svo var einn hvítur patrol frá vinalausum sem fór á verkstæði en honum hafði verið breytt að mestu leyti kvöldið fyrir ferðina og héldu svo áfram að breyta honum á leiðinni. Svo sem hentu úr honum gormum og boltum… sem gleymst hafði að herða.Eldsneytiseyðslutölur hjá Guttum og Guinness voru á þessa leið:
Gummi Braga eyddi um 133 lítrum.
Skúli eyddi um 113 lítrum en hann sneri að vísu bara þremur hjólum á Breska Heimsveldinu.
Sigurjón eyddi um 160 lítrum en hann var líka með tvo kokka með sér.
Dagur Braga eyddi um 150 lítrum á hálfpattanum en fór það að mestu í rafmagsframleiðslu fyrir HF talstöðina og einnig dróg hann á eftir sér mjög langann vír sem félagar hans bundu á endann bjórdós og varð það til þess að hann náði sambandi alla leið til Reykjavíkur í gegnum bjórdósina.
Ástæðan fyrir að verið er að rýma bæi bæði í Fljótshlíð og víðar er óttinn við vatnsflóð. Vandamálið er að þeir vita ekki hvar það muni koma niður. Hvort það verði Eyjafjalla megin eða niður markafljótið og krossánna.
Virðist vera fyrir vestan gönguleiðina yfir fimmvörðuháls eða þar nærri þó ekki í aðalgígnum. Sigríður í Múlakoti sagði að þetta virtist ekki vera mikið en þau tóku eftir því fyrst og þá kl. 23:58.
Ég stillti nú reyndar beint yfir á rás 1 sem á að vera almannavarnarútvarpsrás það eru jú rökin fyrir að verið er að skylda okkur til að borga útvarpsgjaldið. Þar voru engar fréttir að fá aðeins eitthvað sinfóníubreim.
Heyrði hins vegar á bylgjunni að verið væri að rýma bæi og það væri straumur fólks úr fljótshlíðinni. Menn sjá eldglæringar upp á jökli en nánari staðsetningu og umfang vantar.Bylgjan er málið.
Bíður maður nú frétta frá okkar manni í þessum málum honum Einari "EIK" Kjartanssyni en hann er á skjálftavaktinni á veðurstofunni eða einhverrar slíkrar stofnunnar.
Gummi Sæti gjaldkeri og Formaður Steranna var að hringja.
Hann vildi bara koma á framfæri þakklæti fyrir það traust sem Sterunum var sýnt við að bera ábyrgð á að koma Formanni klúbbsins á leiðarenda í þessari ferð. Það voru ekki allir sem treystu sér í það t.d. sagði Fúlagengið bara þvert nei þegar þeir voru beðnir. Þeir Sterarnir kláruðu þetta erfiða verkefni með glæsibrag. Það sem var erfiðast við ferðina var að þurfa að hafa Sveinbjörn í bílnum allan tímann. Hann hefði ekki trúað því fyrirfram hvað þrír dagar gætu verið lengi að líða. Engu að síður voru þeir fyrstir á Egilsstaðir. Síðasta verkefni kvöldsins er svo að koma Formanni klúbbsins í háttinn en reyndar er komið langt fram yfir hans háttartíma.Þegar þeir fóru austur um daginn til að kanna með gistimöguleika þá kom í ljós að eini staðurinn sem gat sinnt þörfum þeirra ef tekið er tillit til aldurs var elliheimilið á Egilsstöðum. Fengu þeir gistingu í þjónustuíbúðunum þar. Þeir fá aðstoð við að fara á salernið og er nóg að hringja bjöllum og segja ég er búinn og þá kemur sérhæfður aðstoðarmaður og hjálpar þeim. Nóg bílastæði eru líka fyrir utan þar sem margir heimilismenn eru ekki á bílum þannig að þeir gátu bara lagt jeppunum beint fyrir utan.
Síðan er ball á hótel Valaskjálf og þangað mætti kvenfélagið frá Sauðárkróki en það var þing skagfirskra kvenfélaga þarna á Egilsstöðum og þótti austlendingum tilvalið að fórna norðlendingunum fyrir sunnlendingana … eða lálendingana eins og þeir kalla sunnanmenn. Er þetta dæmi um austurlenska gestrisni.
Gústi Gatvissi hefur hins vegar þróað með sér félagsfælni eftir að hann upplifði þessa miklu höfnun annarra Formanna í ferðinni. Reyndar fannst honum sem hann væri gerður að hálfgerðum blóraböggli í þessari ferð þar sem reynt var að koma öllu sem miður fór yfir á hann. En þegar hann gerði eitthvað gott þá tók enginn eftir því. Það sagði enginn við hann þetta var flott hjá þér. [Gústi þú ert góður eins og þú ert hvað sem þeir segja]
Það voru allir hópar komnir til byggða þeir síðustu laust fyrir miðnætti.
Var að heyra í Formanninum honum Sveinbirni. Hann sagði að það væri ofboðslega gaman þarna hjá þeim Stjórn og Sterum á Akureyri. Þeir væri í Sjallanum en það vantaði enn þá töluvert af fólkinu úr ferðinni. Þetta væri lítið mál að skjótast svona yfir landið… Hann vildi koma því á framfæri að þar sem hann sem Formaður Klúbbsins hefði leitt félagsmenn svona eins síns lið yfir landið og gríðarlega mikil ábyrgð hvílt á herðum hans þá fyndist honum rétt að framvegis yrði hann ávarpaður annað hvort sem herra Formaður eða sem Mr. BIG. og ég gat engu svarað nema: já herra Formaður Mr. BIG.
Dagur Braga hirngdi fyrir margt löngu síðan og sagðist vera kominn í matinn á hótelinu. Hann sá einmitt einhverja úr JEEP genginu og Formannagenginu þar líka. Hlunkur Kafteinn var þá enn þá einhvers staðar í burtkistan en það var L-200 bíll í hópnum sem hann var í með ónýta kúplingu.
Samkvæmt öllum þessum gervihnattasendingum þá virðist sem Guttar og Guinness séu komnir eða við það að detta niður á þjóðveg.
Iceman hópurinn er við það að komast niður af jökulröndinni.
Þannig að þetta er allt að koma. Engar fréttir hafa hins vegar borist af JEEP genginu. Getur maður ekki gefið sér neitt annað en að þeir hafi bara fengið möguleika á einu símtali eftir skýrslugerðina í morgun og valið að panta sér pizzu með 3-G símanum sínum.
Fréttir af StjórnarTúttunum eru þær að við jökulröndina kom smá skallablettur sem Stjórnin og Sterarnir nýttu sér til að komast úr hjólförunum á 49" hans Benna og voru ekki lengi að brenna upp á jökul en Benni og Túttugengið munu hafa þrætt einhvern meðalveg meðfram jökulröndinni.
Stjórnin og Sterarnir eru núna komnir niður á þjóðveg búið að blása loft í alla formenn. Sveinbjörn opnaði viðgerðabauk og var það hans framlag við að pumpa í dekkinn.
Á meðan ég var að tala við Sveinbjörn þá var Túttugengið að koma til þeirra. Þannig að það er spurning hver eltir hvern en þangað er klárinn fúsastur sem hann er kvaldastur.
Er nú stefnan tekin express á Egilsstaði þar sem á að skvetta úr klaufunum í kvöld og bera saman bækur sínar. Reyndar er formaðurinn að hringja í Einar Sól til að fá fréttir af hópnum sem hann er í en þeir eru í 3 tíma fjarlægð frá Sterum og Túttum með bilaða kúplingu í hópnum.
Átti mjög langt samtal (og er þetta bara samantekt) við Gústa Gatvissa sem var ekki par ánægður með sinn ferðahóp. Honum fannst þessi formannabíll Gummi og Sveinbjörn litið sem ekkert tillit taka til sín og það sem hann hefði að segja og er þó formaður líka … yfir FFN. Sagði að Gummi og Sveinbjörn hefðu verið svo uppteknir yfir gps tækinu sínu í gær við að rata ekki. Það vildi enginn hlusta á hann og svo loksins þegar hann komst að til að segja þeim að þetta væri ekki rétt leið þá voru þeir bara komnir allt of langt til að snúa við og var þá bara farið í einhvern allt annan skála heldur en til stóð. Svo þegar komið er í skála þá rjúka þessir menn í koju og sofna bara alveg búnir á því… þegar hópurinn ætlaði að reyna að gera gott úr þessu úr því sem komið var og eiga saman skemmtilega kvöldstund.
Aðspurður um staðsetningu var Gústi ekki alveg klár með hana en taldi sig nokkuð öruggann á því að þeir væru á … Vatnajökli. Þeir eru að fylgja leið sem austan menn sendu fyrir ferðina.
Í þessum töluðu orðum ók hópurinn hans í burtu frá honum þar sem hann stóð einn eftir með börnunum sínum við að tanka á bílinn úr brúsunum. Hann sagði líka hvernig er hægt að ferðast með svona mönnum. Reyndar vildi Gústi ekki eyða fleiri orðum í þennan formannaferðahóp. Sagði að ljósið í myrkrinu væri að það er bongóblíða þarna upp á jökli og bara rosa flott veður.
Kalli það væri nú skemmtilegt ef það væri meiri fjölbreyttni í þessu s.s. fréttir eða ekki fréttir af öðrum hópum.
Dagur Braga hringdi og er nú hreinn sveinn eftir að hafa farið í bað í Hveragili. Það voru um 40 einingar af einhverju þarna núna annað hvort bílar eða fólk. Það munu vera Guttarnir og Guinnessgengið en þeir eru komnir með Einar Sól sem viðhengi, Sóðarnir… ekki veitir þeim nú af, Vinalausir og fleiri en ekki Iceman. Fóru allir í bað í sundfötum nema Skúli H. hann átti ekki sundskýlu þar sem Útivist hefur ekki enn sponserað hann um slíkt fyrirbæri þannig að hann var með öllu skjóllaus í pottinum. Í ljósi reynslu hópsins sem var í pottinum þá verður stofnaður söfnunarreikningur fyrir skýlunni um leið og komið er til Egilsstaða. Hins vegar keyrir Skúli H. um eins og herforingi á Breska Heimsveldisþríhjólinu… en það vantar enn öxul í stað þess sem brotnaði.
Veðrið er mjög gott hjá þeim, stundum smá mugga en sólin brýst fram öðru hvoru. Meiningin hjá Guttum og Guinness er að keyra eitthvað út og suður og skjóta sér svo upp á jökulinn nákvæmlega þar.
Hjörtur (Hjörtur og Jakinn) ferðast allan timan um í jakkafötum með eldrautt bindi og er alveg klár á ballið á Egilsstöðum.
p.s. Gleymdi svo að spyrja Dag um fjandans stigbrettið.
StjórnarTúttugengið virðist vera í þann mund að narta í jökulröndina þannig að þetta er allt að koma hjá þeim. Veit ekki hverju ég á að ljúga með staðsetningu en hún er í grend… einhvers staðar út frá Brúarjöklinum hugsnalega upp Kverkárranann.
Fúlagengið fór frá Nýjadal inn Vonarskarðið yfir í Gæsavötn og gisti þar fyrstu nóttina. Fóru síðan inn með jöklunum hjá Kistufelli og þar upp á jökul. Kræktu suður fyrir Kverkfjöllin og fóru svo niður í Snæfell. Þar er heilmikill snjór og bara flott. Þeir ætla að fara núna Eyjabakkana einhverja Sandfellsleið eða skarð út að Hornbrynju og yfir á Öxi og þaðan á Egilsstaði.
Færið er nokkuð gott upp á jökli (kringum 20 km á klst.) misgott skyggni en stendur til að hann rífi af sér. Var hann bara mjög ánægður með þetta.
Fúlagengið hitti Þorgrím, Reynir og Stínu upp á jökli í gær held ég en þau voru að koma úr Grímsvötnum eru farin á Egilsstaði.
Snorri ætlaði varla að fást til að segja frá því en þar sem ég lofaði honum nafnleynd þá sagði hann að það eru búnar að koma upp tvær bilanir hjá Fúlagenginu auðvitað voru það Amerísku vörubílarnir en einn sprengdi loftpúða og annar skemmdi dekk.
Var að frétta að StjórnarTútturnar séu að keyra yfir KÁRAHNJÚKAST’ÍFLUNA. Þeir munu hafa tankað á möðrudalsöræfum í morgun á leið sinni eftir þjóðveginum. Þeir eiga pantaðann tíma í nudd kl. 14:30 á hótelinu á Egilsstöðum.
Það er einhver boginn vinkill á fréttunum frá Benna… hmm.Það er spurning hver sé að keyra með G-SPOTtið hans Gústa???
Ekki hefur náðst í stigbrettið til að flytja fréttir af því en það er spurning hvort að Guttar og Guinness séu komnir í bað í Hveragili ásamt Iceman.
JEEP hópurinn er hins vegar enn i Dreka í skýrslutöku hjá Sýslumanninum eftir að UST las hér áreiðanlegar fréttir um snjómannvirkjagerð þeirra án tilskilinna leyfa við Dreka og utanvekaakstur á snjó á fjórhjólum. Verður þeim gert að rífa snjóhúsabyggingarnar og fylla upp í allar holur, eftir er að ganga frá sektargreiðslu. Logi Lævísi bar fyrir sig vanþekkingu sagðist ekkert kannast við þessa menn á þessum fjórhjólum, aldrei hitt þá, vissi ekkert hvað þeir voru að gera þarna og kom sér þannig hjá málinu. Enda er hann bara á Wagoneer elliheimili.
Bilerí:
Patrol 2
Toyota 2
Breska heimsveldið 1
AMERÍSKT 3 (JEEP 1, Vörubílar 2)Er þá ekki meira en helmingurinn af bileríinu AMERÍSKT.. BENNI
Sveinbjörn var vaknaður, búinn að klæða Gumma og gefa honum að borða. Hann vill bara koma því á framfæri að hann hafi ALDREI verið týndur eða villtur heldur hafi þeir dottið ofan í förin á 49" hjá Benna og hreinlega ekki komist upp úr þeim aftur. þar af leiðandi hafi þeir neyðst til að fara á eftir honum. Þeir vilja líka tryggja það að Benni komist alla leið á Egilsstaði enda er hann með lykilinn að hótelinu.
Ég er reyndar búin að heyra svo margar útgáfur af því af hverju Stjórnin og Sterarnir enduðu í Dreka að það mun koma út bók um jólin og verður það sjálfstætt framhald af áður útkominni Afsökunarbók hans Ofsa.
[b:1mtkhhuz]Dæmi um afsakanir:[/b:1mtkhhuz]
Duttum ofan í 49" förin og komumst ekki upp úr þeim.
Höfum aldrei komið í Dreka og langaði SVO þangað.
Það vantaði aftan á trackið/ferlana hjá okkur.
Náðum ekki beygjunni í Kverkfjöll… fórum svo hratt.
Þetta voru bara svo góð för.
Héldum að það væri Select þarna.
Þeir ætluðu alltaf í Dreka.
…..Helstu áhyggjur Sveinbjörns þessa stundina voru að ná á kamarinn á Egilsstöðum svo hann geti farið að hugsa aftur en getan til þess minnkar í öfugu hlutfalli því lengur sem hann er á fjöllum. Áhyggjur Gumma vaxa í samræmi við áhyggjur Sveinbjörns þar sem ekki er hægt að skrúfa niður rúðurnar á bílnum.
Gústi Gatvissi upplifði það í gær að heyra í hestöflum í fyrsta skipti eftir að hann keypti sér patrol en það var þegar hann sat í kaffi og JEEP gengið brunaði framhjá með alla sína 1700 hesta á útopnu… það var áður en þeir sprengdu Ford sjálfskiptinguna úr Willysnum.
Það hafði ringt frostrigningu í nótt… það er víst stigsmunur á henni og svo snjókomu en það hafði svo snjóað aðeins… eða það mikið að þeir voru næstum búnir að keyra yfir tjaldbúðir JEEP gengisins en þeir voru mokaðir út úr þeim.
Fréttir hafa borist af dræmu skyggni hjá hópunum sem fóru fyrr af stað í morgun.
Bilerí:
Patrol 2
Toyota 2
Breska Heimsveldið 1
JEEP 1
Nú voru Benni 49" og Túttugengið að yfirgefa Dreka og ákváðu þeir að taka Týndu Formennina eða stjórnina í fóstur og koma þeim niður á Egilsstaði. Held að þessi ráðstöfun sé að redda ferðinni hjá Benna.
Eftir sameingu þá heitir hópurinn að sjálfsögðu StjórnarTútturnar.
Túttugengið hefur nú aldrei verið þekkt fyrir að fara auðveldustu leiðina þannig að þeir ætla að fara niður á flæðurnar í átt að jökli og þvera allar ár þar sem og Kreppu og Kverká og upp á jökul á milli Kverkfjalla (Kverkfjallajökuls) og Kringilsárrana og reyna að krækja þannig fyrir Hálslón. (held ég hafi náð þessu c.a.u.þ.b.)
