Forum Replies Created
-
Replies
-
Lella
Er þá ekki bara málið að við finnum tíma til að fara í þetta mál, að loka villuslóðum enda herma fréttir að þú sért ákaflega "hrífandi". Þú ert meira en velkominn á kantinn hjá mér en ég fer nú ekki að spreða einhverjum öryggisólum á þig eins og ég sá að menn gerðu, en hugsanlega mætti græja glasabakka fyrir aðal verðmætin ;->En svo að ég víki nú aftur af þessum fréttum þá er ég mjög spennt fyrir því að fá að sjá almennilega nýju vefsíðu klúbbsins t.d. á næsta félagsfundi og heyra hvaða möguleika hún kemur til með að bjóða. Það kom einmitt til tals á fundinum að það yrði alveg ný tegund af spjalli þar…. þar sem menn spjalla saman.
kv. Stefanía
Lella
Ég get nú alveg verið sammála þér í því að umhverfi Setursins hefur ekki verið til fyrirmyndar. Hvað segirðu um að við förum bara í ferð þangað upp eftir í þeim tilgangi að loka villuslóðum. Ég er viss um að umhverfisnefndin tæki vel í það. En málið er svo lítið þannig að það er sama hvar för sjást þá er jeppamönnum mjög oft kennt um í fjölmiðlum.
Kv. Stefanía.
Emill
Hvað varðar byggingu sökklana í Setrinu þá náði ég ekki alveg því sem sagt var um þá enda voru þeir inn í upptalningunni á því sem að þyrfti að gera í vinnuferðinni. Kannski er best að Skálanefndin segi frá því.Lella
Er ekkert annað sem kom fram í þessum fréttum sem þú vilt ræða. T.d. hvað varðar vettvangsferð Umhvefisnefndar á Landmannalaugasvæðið. Enda ertu að stimpla þig inn á öðrum þráðum sem áhugamanneskja um landspjöll af völdum umferðar og þá bliknar þessi aðalfundargerð í þeim samanburði.kv. Stefanía
Heiðar
Ég gat ekki heyrt á máli formanns að það stæði eitthvað til að breyta skýrslu stjórnar heldur lýsti hann yfir miklum áhuga á að koma fundargerð aðalfundar á netið sem fyrst eins og fyrr segir. Hins vegar sé ekki hægt að birta skýrslu stjórnar á netinu þar sem hún er ávísun á málsókn á hendur Ferðaklúbbsins.Eins og fram kemur í fyrirsögn þessa þráðar þá eru þetta fréttir af nefndarfundinum en ekki fundargerð. Reikna ég með að ritari fundarins muni setja fundargerðina við hlið fundargerðar fyrri stjórnar af nefndarfundum.
Hvað varðar virkni núverandi stjórnarmanna á spjallinu get ég ekki svarað fyrir en hélt að þeir væru bara að viðhalda stjórnunarstíl fyrrverandi stjórnar sem að kom með þær yfirlýsingar á félagsfundi að hún myndi ekki svara neinum fyrirspurnum á netinu bara í tölvupósti. Hins vegar er magn ekki sama og gæði en vissulega væri gott að vita hvort þeir væru með lífsmarki það er rétt.
Hvað varðar starfslok starfsmannsins þá skildist mér á nefndarfundinum að hann hefði sagt upp störfum.
Kv. Stefanía
Lella og Heiðar
Það kom m.a. fram í máli formanns að skýrsla stjórnar væri til og fundargerðin væri í vinnslu hjá fundarritara aðalfundar. Virðist sem að boltinn liggi þar að því að mér skildist.
kv. Stefanía
Ég mætti á síðasta nefndarfund og hér koma fréttir af honum í von um aukið upplýsingaflæði til félagsmanna.
kv. Stefanía (ritnefnd)1. Formaðurinn setur fundinn 20:19.
2. Formaðurinn segir frá því að starfsmaðurinn hafi látið af störfum en stjórn var sem slík ekkert ósátt með störf hans. Gerð verður grein fyrir þessu máli á næsta félagsfundi í september. Formaðurinn gerði grein fyrir afstöðu stjórnar í að svara ekki deilumálum á vefsíðunni sem viðleitni í að reyna að stöðva deilumál á netinu. Verið sé að vinna í að skrifa aðalfundargerð upp úr skýrslu stjórnar og verði hún birt um leið og hún sé tilbúin. Stjórnin vill ekki beita lokunum og segir að spjallið eigi að vera frjálst og nota í uppbyggilegt spjall og þeir hafi þess vegna farið þá leið að bjóða mönnum að senda spurningar beint á stjórnina. Hringt hafi verið í ákveðna aðila út af þessu máli og þeir látnir vita.
3. Formaðurinn greindi frá því að bílavalsnefndin hafi sagt af sér störfum og að það þurfi að manna hana. Sýningi verður 10.-12. október. Kristján Kolbeinsson hefur þó áhuga á að starfa í henni áfram. Formaðurinn segir að það séu nú þegar komin 3 fyrirtæki sem eru búin að panta hátt í 400 fermetra á sýningunni, og telur slæmt að bakka frá henni. Gísli Þór Þorkelsson bauð sig fram fram í bílavalsnefndina.
4. Formaður segir frá bílasýningunni og að fulltrúi skálanefndar mun verða í Setrinu um afmælishelgi skálans en ætlunin er að gera eitthvað flott á sýninguna í tengslum við Setrið. Formaðurinn segir að það séu tveir kostir í sambandi við sýnininguna ef fáir verði á henni þá er að keyra hana eins ódýra og hægt er kosti í kringum 6 millj. Og ef aðgangseyrir 1000 kr. þarf 6000 manns eða hafa hana stóra og þá þurfi góða þátttöku félagsmanna og fyrirtækja í hana. Talað um að um 15000 manns hafi mætt á kvartmílu eða mótor og sport sýninguna og á öðrum staðnum hafi verið seldur t.d. helgarpassi 1500 kr inn. Talað var um að reyna að byggja upp umræðu um jeppa og sýninguna vikum fyrir sýninguna. Reyna að komast í fjölmiðla og eins að fá litlu nefndina til að standa fyrir ferð og fá umfjöllun um hana og hafa sýninguna svo sem lokahnykkinn á umræðunni.
5. Umræða um jeppa í fjölmiðlum, árekstrar og utanvega akstur. Alltaf hallar á jeppa í umfjöllunum sbr. Jeppi lenti í árekstri við fólksbíl en hið rétta var að fólksbíll ók aftan á jeppann sem kastaðist í veg fyrir rútu. Formaðurinn talar um hvað það sé erfitt að koma jákvæðri umfjöllun í fjólmiðla hann hafi t.d. talaði oftar en 3 sinnum í einu tilfelli við nokkra fjölmiðla og hafi mbl meðal annars boðið honum að kaupa pláss undir það sem hann kallaði fréttatilkynningu.
6. Stjórnin segist ætla að reka skrifstofuna sjálfir til að byrja með eða alla vega fram að landsfundi sem á að halda 19.-20. september, helgina eftir stikuferðina, í Kerlingafjöllum. Búið að tala við deildirnar og tóku þeir vel í þessa staðsetningu. Sími skrifstofunar er stilltur á gjaldkerann og síðan á formanninn og síðan símsvara þannig að þeim sem hringja í skrifstofuna verður svarað. Félagatalið er komið í hendur Birgirs Más stjórnarmanns til úrvinnslu. Gjaldkerinn er með bókhaldið og er verið að setja upp fjárhagsáætlun til að marka einhverja stefnu. Laga á t.d. tímabilin á félagsgjöldum því þeir sem greiddu fyrir áramót eru í uppgjörinu í fyrra og sjást ekki á þessu reikningsári. Þar sem bókhaldið er frá áramótum þá verða gíróseðlar fyrir félagsgjöldum ekki sendir út fyrr en eftir áramót til að fá samræmi í yfirlitið og hægt sé að átta sig á því hve margir félagsmenn raunverulega eru í klúbbnum. Erfitt að fullyrða nokkuð um það eins og málum er háttað í dag. Sami maður getur verið talinn tvisvar sinnum. Borgar í janúar og svo aftur í nóvember en kemur ekki fram á árinu á eftir þannig að það virðst sem að X milljónir í félagsgjöld séu 2 föld að hluta til í síðasta reikningsuppgjöri, þarf alla vega að skoða. Gjaldkerinn telur nauðsynlegt að gera milliuppgjör fyrir stjórnarskipti til að koma í veg fyrir að fyrri stjórn geti stofnað reikninga sem að næsta stjórn borgi. Fyrri stjórn sýnir þá hagnað en seinni byrjar með tapi. Vefnefnd beðin um að athuga með lausnir til að hægt verði að greiða félagsgjöld með greiðslukorti á netinu.
7. Formaður gerði talningu á hvað margir voru mættir úr hverri nefnd. Þegar spurt var um hvað margir hafi fengið fundarboðið sem hann sendi á stjórn og nefndir þá kom í ljós að nokkrir sem voru mættir höfðu ekki fengið það og sumir annað hvort séð það á vefsíðu klúbbsins eða á pósti sem sendur var samdægurs og þá á stjorn.nefndir.deildir. Vefnefnd er beðin um að athuga málið og fara yfir netfangalista klúbbsins.
8. Nefndum er gefið orðið.
Umhverfisnefndin: Gerði grein fyrir vettvangsferð sem þeir fóru í kjölfar frétta sem að komu fram í fjölmiðlum um utanvegar akstur á svæðinu í nágrenni Landmannalauga. Sýndi nefndin myndir sem að teknar voru á vettvangi. Mikill áhugi er á að auka samstarf við landverði í baráttunni við landspjöll af völdum umferða utan vega og að hylja verksumerki til að koma í veg fyrir endurtekningu. Rætt var um samstarf F4x4 og MSÍ sem eru samtök mótorhjóla og snjósleðafólks í þessum málaflokki. Verið er að koma upp gps gagnabanka sem inniheldur gps staðsetningar af landsjöllum af völdum umferðar utan vega til að halda utan um hvar séu gömul verksumerki og hvað sé nýkomið og helst af hvers völdum. Umhverfisnefndin vill leggja áherslu á að breyta orðalagi í ferðakynningum til Íslands úr „off road driving“ í „mountain trail driving“ eða eitthvað sambærilegt. Fleiri hugmyndir komu fram sem á eftir að vinna úr og verða kynntar félagsmönnum á vefsíðu eða félagsfundi.
Tækninefndin: Gerði grein fyrir nýjungum í pústkerfum en ekki er komin reynsla á það. Nefndin hefur fundað með samgönguráðaneytinu og er tengiliðurinn þar Róbert Marshall. Skoða þarf stöðu jeppamála hjá Evrópusambandinu m.t.t. þarfa jeppamanna. Nefndin er að skoða hvort að mismunun eigi sér stað þegar kemur að útreikningi á burðargetu bíla eftir tegundum og breytingum. Nýir starfsmenn eru komnir á umferðarstofu og vonast tækninefndin eftir því að geta átt gott samstarf við þá í framtíðinni.
Skálanefndin: Gerði grein fyrir því að búið er að fella niður afmælisferðina í Setrið en nefndarmaður verður á staðnum með heitt á könnunni. Kynnti vinnuferð sem að þessu sinni er opin félagsmönnum en enginn hefur skráð sig til þátttöku.
Þarf m.a. að grafa fyrir sökklum og er stjórn að vinna í því að fá gröfu í það. Rætt var um talnalásinn sem á að fara í Setrið en til að komast inn þarf að hringja og fá aðgangsnúmer. Þeir sem eru með þjónustu Símans eru ekki í símasambandi í Setrinum. Skálanefndin segir þetta vera stillingaratriði hjá símanum og reiknar með að þetta komist í lag. Síðan þarf að athuga frágang á olíuleiðslum í Setrinum sér í lagi baka til.
Ritnefnd: Ritnefnd gaf út eitt vefrit á tímabilinu. Rætt um útgáfu afmælisblaðs fyrir bílasýninguna. Ætlar stjórn að boða ritnefnd á fund fljótlega og fara yfir það mál.
Litla nefnd: Ekki til staðar
Ungliðanefnd: Nefndin var búin að standa fyrir einum „hitting“ sem að tókst vel til og fjölgaði félagsmönnum um 3 eftir það. Eru þeir enn að móta starfið en stefna á að koma sér meira á framfæri t.d. í fréttablaðinu.
Fjarskiptanefnd: Talið er að bilun í endurvarpanum á Hlöðufelli stafi af völdum eldingar. Er verið að vinna að endurbótum. Endurvarpinn á Fjórðungsöldu bilaði og var farið öryggi sem að skipt var um. Farið var yfir kosti og galla gsm kerfisins og ætlar nefndin að safna göngum um hvar gsm samband er og hvar ekki.
Vefnefnd: Nefndin vinnur að nýrri síðu klúbbsins og eins er verið að smíða GPS síðu með ferlasafni sem hægt verður að sækja úr og jafnvel skoða myndrænt. Nefndin vonast til að geta komið með sýnishorn af þessum síðum fljótlega til að sýna félagsmönnum.
Hjálparsveit: Eitthvað lítið hefur verið um hjálparbeiðnir en þeim er þó sinnt þegar hjálparsveitin hefur tíma.Fundi slitið kl 22:15.
Það er einnig dapurt/ekkert símasamband í litlu fjörðunum og víkum á Borgarfirði eystra og nágrenni s.s. Loðmundarfjörður og nágrenni. Var ég með gsm frá símanum og nmt handsíma (nokia) tengdan við útiloftnet.
kv. stef…
Maggi mér sýnist við hafa svipaða sögu að segja. Ég var að ná í bílinn af verkstæði og ók út götuna,tók vinstri beygju og þá var eins og sparkað hefði verið í bílinn. Ég fór út og horfði á bílinn, sá að dekkin voru nú enn þá undir (var það ekki nokkrum dögum áður þegar ég heyrði óhljóð og gáði) og speglarnir héngu á þannig að ég fór í bráða afneitun hækkaði í útvarpinu og fannst algjört möst að keyra upp á Úlfarsfell. Svo fóru smellir að yfirgnæfa útvarpið og ég hélt afneituninni áfram og kenndi undirlaginu um sem var þessi leiðinda oddhvassa grjót í slóðanum. Síðan tók ég eftir því að þessir smellir komu sérstaklega í vinstri beygju og var ég þá á mjúku undirlagi. þá ákvað ég að láta mér segjast. Læddist í hægri beygju aftur á verkstæðið og sagðist vera búin að brjóta bílinn. þar með fór hann í þriðja skiptið á rúmlega þrem vikum á verkstæði aldrei það sama og ég fór og keypti mér enn einu sinni strætó miða. Ég er búin að sjá það að það er mikið hagstæðara fyrir mig að kaupa bara árskort í strætó og hætta að halda að halda að ég eigi farartæki.
kv. Stef….
Gísli ég þekki þetta "vax on vax off " mjög vel enda er mr. Myagi (eða hvað hann nú hét) minn mentor í þessum fræðum ;-> þannig að þetta er lítið mál þú bara hóar í mig.
kv. Stef…..
Ég er nú alveg til í að lána eini eða tvær hendur í þetta. Ég hef þegar hafið undirbúning og fékk í kvöld kennslu um hvernig kaffið fyrir strákana á að vera lagað. Önnur slétt og hin full eða þeir fullir bíddu hvernig var þetta aftur. Þarf sennilega framhaldsnámskeið.
kv. stef…
Hjúkk Gísli mér létti stórum við að þessar fréttir, hélt augnablik að þú værir glötuð sál.
Skál í boðinu…. nema það sé í boði …………… nei ég segi nú bara svona.
kv. stef
Gísli ertu kominn á snúruna ???
Þú gerir þér grein fyrir að þetta er heil helgi?
kv. stef…
Ástæðan fyrir því að ég spyr um þetta og nú ljóstra ég kannski líka upp um fáfræði mína er sú að aðfararnótt föstudagsins var ég að keyra að austan og til Reykjavíkur og ég man ekki nákvæmlega hvar (einhver staðar Reykjavíkurmegin-vestan megin við skaftafell/kirkjubæjarklaustur, c.a. 04:30-6:00) og þá finn ég allt í einu megna stækju í bílnum og var að spá í hvað þetta gæti verið, toyotueigendum dettur fyrst í hug bilaður bíll, en fattaði þá að ég var að keyra yfir brú og tók loftið inn að utan og dró því þá ályktun að þetta gæti verið brennisteinslykt og fór að velta fyrir mér hvort að það væri eitthvað mikið vatnsrennsli með tilliti til hlaups en sá ekkert óvenjulegt og varð hugsað til Skeiðarárshlaupsins um árið. Hvar þetta var nákvæmlega man ég ekki en þetta var á því svæði að þetta var enn ein brúin sem ég var að fara yfir.
Fáfræði mín er fólgin í því að kannski var ég bara að finna staðbundna lykt sem að er alltaf þarna á þessu svæði… veit ekki en mér varð strax hugsað til þessa þegar ég heyrði um hlaupið í Skaftá.kv. stef hin fáfróða
Ég var að velta fyrir mér þegar að það kemur svona hlaup í ár getur verið að það komi brennisteinslykt af ánni/vatninu einhverjum 2 sólarhringum fyrir hlaup eða hvernig er það?
kv. stef…
Nú verð ég að segja frá snilldar tjaldstæði sem er á Bakkagerði í Borgarfirði Eystri. Þar borgaði maður 750 fyrir nóttina í tjaldi (minnir að 3 nóttin væri frí). Snilldin var fólgin í sturtunum og wc aðstöðunni. Sturtunotkun var innifalin í verðinu (eins oft og lengi og þú nenntir). Sturtuklefinn var stór og fyrir framan var góð aðstaða til að klæða sig og þar var HITALAMPI sem að þú getur kveikt á…. TÆR SNILLD. og samskonar lampar voru yfir klósettunum. Þetta var náttúrulega allt tengt í rafmagn.
Þannig að ef þið eigið leið þarna hjá þá er það þess virði að gista eina nótt þarna.Það var nú fólk inn í Setri um daginn sem að langaði í sturtu … en hún var biluð.. þrátt fyrir allar verðhækkanir…hm.
kv. Stef…
Nú talar Tryggvi erlensku fyrir mér hvað er EXIF? og hvernig virkar það í framkvæmd. þarf að taka hverja mynd fyrir sig og breyta eða alla súpuna í einu?
Eina sem ég veit er að ég hef heyrt að þessa gps myndtenging er hægt að framkvæma og þar með er ég komin götuna á enda í þekkingu.Aron takk fyrir upplýsingarnar um myndavélina var búin að velta þessu fyrir mér. Það var önnur pæling þar í gangi en það virðist vera sem að canon séu frekar þungar vélar ef þú vilt fara með þær í gönguferð. Ég sá eina núna um daginn minnir að það hafi verið NIKON man það ekki en hún var frekar létt í hendi en samt svona stór eins og þessar canon 30- 40 D dæmi.
kv. stef..
Takk fyrir svörin…
Pælingin með tenginguna við bæði forritin var sú að ég hafði ekki fengið nobeltecið til að virka með gps tækinu og var því búin að láta nRoute vera að trakka (bara svo ég vissi hvert ég hafði farið) og svo fór ég að skoða nobeltecið betur og fékk það til að virka með gps tækinu (breytti einmitt hostinu) og þá langaði mig að geta horft á nobeltec kortið þegar ég keyrði en láta nRoute klára að trakka ferðina til að hafa allt á sama stað.
það var nú ekki dýpri pæling en svo og var að spá hvort að það væri hægt með þessum com (sem ég veit ekki alveg hvað er) annað forritið noti t.d. com 1 og hitt com 2. En nobeltecið vildi bara virka með "host" NMEA en nRoute með "host" Garmin minnir mig …. og þar með varð ég að velja og hafnaði og hafnaði nobeltecinu í þessu tilfelli.kv. stebba týnda
Ég er enn í GPS pælingum og nú tengt myndatöku. Er það ekki rétt að það sé nóg að klukkan á myndavélinni þurfi að vera samstillt við klukkuna á GPS tækinu og þá sé hægt að láta eitthvað GPS staðsetningar myndaforrit tengja myndirnar við GPS staðsetningu?
Ég hef heyrt að google sé með eitthvað svona forrit en þá verði það bara hnattræn myndasýning þ.e.a.s. að allur heimurinn geti séð þær myndir. Ég geti ekki valið unlisted vs public. Nú veit ég ekki almennilega hvar ég finn þetta forrit ef einhver þekkir það.
En það var verið að segja mér að það sé svo til eitthvað annað forrit á netinu sem að hugsanlega heitir eitthvað travel….. og þar geti maður stýrt því hverjir fái að sjá myndirnar.
Alla vega langar mig að prófa svona gpsmyndatengingu jafnvel það sem að ég get aðgangsstýrt ef einhver getur sagt mér hvernig það er hægt að fara að þessu.kv. stef….
p.s. var að skoða myndirnar hans Óskars Erlings og fannst myndgæðin ógeðslega flott, var að spá í hvernig vél hann væri með… alla vega ekki canon ixus 60 druslu það er alveg ljóst. ;->
smá meiri spurningar. Er hægt að hafa bæði forritin opin í einu nRoute og nobeltec. því eins og þið segið þá verður "host" í nobeltecinu að vera þetta NME…. eitthvað. En það virðist þurfa að vera Garmin fyrir nRoute eða er ég að rugla. Spurningin er: er hægt að nota bæði forritin á sama tíma í gegnum eitt GPS tæki.
kv. stef…
Guðni ég stóð í þessari meiningu líka að ekki væri hægt að trakka í map source en mér var samt talið í trú um það að það væri hægt að sigla báti í map source á tölvuskjá hvernig sem það svo sé gert. Hvort að það sé bara stækkuð mynd af gps kortagrunninum úr gps tækinu og flutt yfir í tölvuna ég hef bara ekki hugmynd um. þannig að ég er enn að pæla.
En jú jú ég er með Frú nRoute og lét hana malla í rúma 2000 km síðustu daga. Ég skil þessa skvísu samt ekki alveg því þegar ég gerði "route to it" hvert sem það svo var og keyrði eftir þá var hún að segja mér að beygja í gríð og erg þó engar væru beygjurnar þannig að ég setti hana bara á silent.
kv. stef…
