Forum Replies Created
-
Replies
-
Ég ætla að reyna að deila trakkinu upp Mýrdalsjökul og að gosinu. Hér er zip-skrá sem inniheldur fjórar gerðir skráa, gdb-skrá f. Mapsource version 1 og 2, einnig er textaskrá og mps-skrá. Vonandi að menn geti notað eitthvað af þessu. Muna að hægri smella og vista skrána fyrst, (save as). Vonandi gengur þetta vel. Ég trakkaði leiðina föstudaginn 26. mars og fór vel austur og upp fyrir sprungusvæði Sólheimajökuls. //ssjo
Sendi þér skrá. /ssjo.
Minn gamli góði græni Trooper hegðaði sér eitt sinn svona. Dauður klukkan 8:00 en datt síðan í gang klukkan 8:30 eftir að ég hafði drukkið einn kaffibolla og bölvað í hljóði. Smurþrýstings-skynjari sem var farinn (common rail press. sensor).
Sælir, þakka fyrir svörin og upplýsingarnar. Það er nauðsynlegt að fara yfir herslu á felguboltum, sérstaklega eftir að menn hafa verið á hjólbarðaverkstæði og allt hefur verið svínhert á með loftlykli. Og það er rétt hjá Frey, ég var dálítið með minn bíl í huga.
En nú er ég að spyrja fyrir konuna, hvað á hún að herða boltana á 4 bolta 14 tommu stálfelgu (vetrar) og samskonar álfelgu á Kia smábíl. Væri gaman að vita tölurnar ef hún skyldi taka upp á því að fá átaksmælinnn lánaðann og fara yfir hersluna hjá sér. Gott að vera viðbúin því óvænta
Er ekki hersla á felguboltum á 15" álfelgum (6 bolta) svona 100-110 Nm? Bara svona af því að þið voruð að ræða þetta,
Ég sá í Rekstrarvörum sjálflímandi renninga til að setja á tröppur, örugglega um 15 cm á breidd og 60 cm á lengd, sandpappírs-yfirborð, grófleiki 40-60.
Ég greiddi félagsgjald á sínum tíma, því ég hélt að þeir einir gætu skifað á spjallið sem væru búnir að borga félaggjald. Var búinn að lesa þetta allengi og reyndi ekki einu sinni að stofna aðgang. En, það má alls ekki loka fyrir það að aðrir geti lesið það sem hér er skrifað. Mér finnst það nú bara nokkuð eðlilegt að þeir einir sem eru í félaginu geti stofnað nýja spjallþræði, sett inn auglýsingar og annað í þeim dúr. Það eru ákveðin fríðindi sem fylgja því að vera félagsmaður, afsláttur hér og þar og dísill sem kostar næstum ekki neitt.
Afherju er ekki hægt að gera þetta eins og á Hilux og klippa úr og síkka klafann að framan?? Sem sagt engin hækkun á boddýi.
Svona öryggislína er ekki slæm hugmynd. Lína væri þá fest um teygjuspottann um einn til tvo metra frá hnúti/splæsi og síðan í bílinn. Ef spottinn slitnar í hnútnum þá tekur línan höggið. Hef séð svona útbúnað á 3" loftslöngum sem voru frá 150 bar loft-booster í bor-bransanum. Þá var baula eða klemma utan um slönguna rétt við tengi og síðan keðja úr henni í fastan hlut.
Það er rétt með þeir hjá IH hef’ðu getað gert þetta eins og menn og kallað alla Trooperana inn þegar ljóst var að spíssarnir voru gallaðir og láku. Þeir tóku bara þá bíla sem komu inn í ýmiskonar viðgerðir/viðhald og skiptu um spíssa svona í leiðinni. Annars eru þeir ekki einir um svona slappa þjónustu. Ég þekki til Kia smábíls, 2004 sem var kraftlaus og eyddi miklu. Það var ekki verið að hafa fyrir því að kalla alla þá bíla inn. Eigandinn frétti það hjá næsta manni á þvottaplani (á eins bíl, nýkominn úr innköllunar-viðgerð) að það væri galli í bílunum sem umboðið lagfærði . Það þurfti að ganga á eftir því að fá það gert. Vandamálið var gallaður bolti á strekkjara á tímareim.
Átti Trooper á 35" og keyrði hann 150.000 km. Glóðarkerti fóru í 25 þús. Bætt af IH. Smurþrýstingsskynjari fór í 120.000. Skipt um spíssa á kostna IH í 130-140 þúsund. Traustur, sterkur, þægilegur ferðabíll. Þetta vélavandamál má minnka eða nánast útiloka með fyrirbyggjandi og reglulegu viðhaldi. Hef annars ekki heyrt um neitt annað sem bilað hefur í þessum bílum. Hjóllegur endast von úr viti, gírkassi og drif eru sterk, undivagn traustur, góð fjöðrun. Ágætur kraftur og gott tog og eyðslan er sáralítil. Menn fá helling fyrir peningin með því að kaupa Trooper. Og svo að síðustu er rétt að nefna það fyrir áhugamenn um dökkgræna Troopera að ég fann dollu með lakki í skúrnum — ef einhver vill bletta sinn þá getur hann fengið dolluna hjá mér. Síðasta tilraun, svo verður hún að spilliefni.
Í jólatiltektinni fann ég 0,25 l dós af „Fir-green“ Isuzu lakki, nr. 871. Fylgi örugglega með gamla Trooper sem ég átti eitt sinn. Óopnuð dós, dökk-grænt. Ef einhver getur notað þetta þá má hafa samband hér eða í 863-1863. Siggi
Ég fann svona þægilega straum hríslast um mig þegar ég las það sem Atli skrifaði hér á undan. Er búinn að eiga sjálfskiptan Toyota fisksalabíl með 3.0 l vél í tæp tvö ár en hef æfinlega verið á beinskiptum. Það sem ég veit um sjálfskiptingar er; það er rauð þunn olía á þeim, það þarf að mæla hana þegar vélin er í gangi og uuuuhhhhh. That’s it. Hef aldrei séð innyfli skjálfskiptingar. Ég lærði það reyndar nýlega að það er ekkert að því að skipta niður og láta skiptinguna halda við niður langar brekkur fremur en að steikja bremsurnar. Í þungu snjófæri er þetta bara dásamlegt og ég hef ekki orðið var við að skiptingin hafi hitnað nema maður hafi verið að jagast á bílnum í háa drifinu. Maður setur bara í D og veit ekki meir. 😀
Eg vil benda á í sambandi við Evrópusambandslöggjöfina að eitt land inn ES sker sig nokkuð úr hvað regluverkið áhrærir og það hefur ekkert með dekk eða búnað að gera. Þar aka menn á öfugum vegarhelmingi. Gáið að því hvort reglurnar eru eins samræmdar og miðstýrðar og þið haldið. Reglur um t.d. nagladekk, hámarkshraða, leyfilegt áfengismagn í blóði, lágmarskaldur til að fá bílpróf og örugglega margt annað. Ég leyfi mér að halda í þá von að hugsanleg innganga Íslands í ES muni ekki breyta neinu um það hvað verður leyft í bílabreytingum og skráningum. Það eru innlendir öfgasinnaðir stjórnmálamenn sem gætu helst lagt stein í götu okkar. Það væri lítið gagn í því að mega breyta bílum að vild og síðan mætti hvergi keyra þá.
Best að halda sig við driflæsingarar og spyrja ykkur hvernig diska-, tregðu- og no-spin læsingar virka og/eða aðrara læsingar sem virðist stjórnað með hugarorku en ekki takka inni í bíl. Geta þær ekki allt eins átt það til að fara á og læsa drifinu þegar síst skyldi og fara ekki á þegar veruleg þörf er á? Átti eitt sinn Trooper á 35" sem átti að vera með einhverskonar tregðulæsingu að aftan en fastur í drullu þá spólaði hann mynstrið af lausa dekkinu og maður gat alveg eins átt von á að sjá frelsarann sjálfan koma með drullutjakk á herðunum, áður en hitt dekkið rótaðist, sama hvað var gert. Ekki varð ég var við að það sýstem virkaði nokkurn tímann. Á bílnum sem ég er með núna er loftlæsing að framan og þegar takkinn er á "on" þá er hún á og síðan fer hún af þegar sett er á "off" og þá er alveg sama hversu heitt maður óski þess að hún fari á — hún fer ekki á sé slökkt á loftinu. Ef menn hafa tök á og bolmagn þá er læsing með fjarstýrðri virkni (loft, rafm. barki) það eina sem hægt er að reiða sig á, ef menn eru á annað borð að rífa drifin í sundur og setja driflása í þau, eða hafa menn aðra skoðun á þvi?
Þetta er gott ráð, sílikon, hvort sem það er með ediksýru eða án er bölvað drasl sem gagnast í fátt nema það sem Elmar er að lýsa. Silikon loðir ágætlega við gler, postulín og annað yfirborð sem hefur nær ekkert ísog og er slétt. Annað ekki.
Sælir jeppasérfræðingar nær og fjær. Hér er bilanalýsing. Ég sá að olía hafið lekið af framdrifinu á Hilux 2008 sem er breyttur á 38″ og með loftlás að framan. Drifið var löðrandi í olíu vinstra megin og ég taldi líklegt að öxulþétting væri ónýt og því var stefnan tekin á verkstæði Arctictrucks. Þeir sáu strax að ekkert var að öxulþéttingunni og olían hafði komið upp um öndunina. Ekkert var gert enda ekkert sem lá í augum uppi að væri bilað. Passlega mikil olía á drifinu, loftlæsingin þétt og enn stendur eftir spurningin um það hvers vegna drifið er að gubba af sér olíunni. Eftir um 120 km akstur í dag var aftur farið að sullast olía upp um öndunina. Einhverjar hugmyndir um hvað er í gangi??
Mig langar að spyrja (fyrir einn sem ég þekki á Nissan Navarra) hvort menn hér vita hverjir hafa verið að smíða palla á pick-upa í staðinn fyrir skúffuna sem er á þeim original. Maður hefur séð talsvert af svona breyttum bílum merkta byggngarvertökum, vélsmiðjum og fleirum. Pallarnir eru að því er virðist smíðaðir úr prófílrörum, gjarnan galvaníseraðir og eru án hjólskála og með hliðum sem hægt er að fella niður. Allar uppástungur vel þegnar.
Siggi
Einn í fjölskyldunni er á höttunum eftir afturhlera á 2006 Nissan Navarra king-cab. Einnig er verið að sverma fyrir nýjum afturljósum. Ef einhver lumar á þessum hlutum og vill selja eða hefur upplýsingar um hvar þetta fæst þá er ég í síma 863-1863 //Siggi
Sælir, það var einn heiðursmaður sem lánaði mér rétta tengið fyrir þar-síðustu helgi. Mér láðist að stöðva þessa eftirgrennslan. Þú (Steingrímur) hér að ofan færð bestu þakkir fyrir viðleitnina. Takk fyrir.
