Forum Replies Created
-
Replies
-
Langbest hefði verið bara að senda inn nýja tilkynningu. Öll sjónarmið höfð í huga – sést frá sagnfræðilegu sjónarmiði hvað hefur verið í gangi og frá hagnýtu sjónarmiði að hætt hafi verið við.
Voðalega er hægt að tafsa yfir smámunum…. ;-Þ
Ég er með smávegis af lesefni eins og ég lofaði. Viltu eitthvað af kiljum líka eða bara tímarit? Nóg til og gott að losna við þetta, þá hættir Beggi að röfla… 😉
Ég bara tók ekki eftir því að það væru "kellingar" með okkur í Grímsfjallatúrnum. Þarna voru bara yngismeyjar fjórar ásamt vöskum sveinum. Þetta gekk náttúrulega allt svo "smooth" að það er lítið fréttnæmt að segja frá. Gott færi, góð gufa, góður matur, gott koníak og mikil sól að ógleymdu smá skemmtiatriði þar sem grænn Tropper var í aðalhlutverki….
En ég auglýsi eftir myndum úr þeirri ferð, hvar eru þær??Kveðja, Soffía
Ég hélt að þú ætlaðir að skrifa ritgerðina um Grímsfjallaferðina, enda með þetta allt "dokumenterað"…. 😉
Kv., Soffía
Hann Björn Þorri hefur rétt fyrir sér, þetta er sama niðurstaða og ég komst að eftir að hafa "dempt" mér ofan í reglugerðartextann og fleira þessu tengt. Við erum bara þrælheppin að afstaða þjóðgarðsvarðar er okkur í hag nú um mundir, en strangt til tekið þarf hún/þjóðgarðsvörðurinn að veita leyfi fyrir allri umferð á jöklinum. Ætli skortur á reglum um hvernig það skuli framkvæmt sé ekki aðallega skýringin á því að staðan er svona í dag.
Það voru sérstaklega ummæli umhverfisráðherra sem vöktu hjá mér miklar áhyggjur af næsta skrefi í þjóðgarðamálum. Ráðherra sagði að þetta frumkvöðlastarf, við að stofna þjóðgarð á Snæfellsjökli, yrði nýtt við stofnun þjóðgarðs á Vatnajökli. Sem sagt svipuð reglugerð með svipuðum takmörkunum?? Maður veit aldrei…
Það er spurning hvort ekki ætti að birta upplýsingar á heimasíðu 4×4 um hvernig maður ætti að bera sig að ef leiðin liggur um Snæfellsjökul, t.d. gefa upp símanúmer þjóðgarðsvarðarins svo hægt sé a.m.k. að fá munnlegt leyfi. Eða hvernig væri að fá bara "opið" leyfi fyrir alla félagsmenn 4×4?
Hvað ætli hún segði við því?
Við vorum þarna á ferð sömu helgi og þjóðgarðurinn var opnaður með viðhöfn í fyrra. Starfsmaður Snjófells hótaði okkur öllu illu og sagði að við værum í óleyfi á jöklinum og yrðum að fá leyfi. Annars gætum við verið sektuð og hvaðeina vegna þessarar "refsiverðu háttsemi" að keyra þarna á "þeirra" svæði. Þessi ungi maður sem tjáði okkur þetta með miklum valdsmannslegum sýslumannsssvip hafði stuttu áður sagt við annað jeppamann (sem við könnuðumst við og spjölluðum við síðar) að hann yrði að greiða fyrir leyfi til að keyra á jöklinum, einhverja marga þúsundkalla. Við okkur sagði hann að leyfið kostaði 50 þúsund eða svo minnir mig. Mér þótti síðar fróðlegt að vita að á þeim tíma sem verið var að hóta okkur var þessi blessaða ferðaþjónusta ekki sjálf með starfsleyfi til að vera með ferðamenn þarna á jöklinum.
Ég skal auðvitað taka tillit til annarra sem eru að ferðast þarna, hvort sem þeir eru á troðara, skíðum, sleðum eða jeppum. Það er bara sjálfsögð kurteisi. En svona framkoma er fyrir neðan allar hellur og á ekki að sjást.
Það er gott að heyra að viðkomandi sér eftir þessu, það geta nefnilega allir gert mistök. Og það er enn betra að heyra að þessi aðili er allur af vilja gerður til að bæta úr.
Ég efast ekki um að margir hafa óviljandi valdið einhverjum spjöllum á viðkvæmum hálendisgróðri. Svo lengi sem þeir gera sér grein fyrir því og vilja bæta úr á einn eða annan hátt, þá er engin ástæða til að fordæma þá.
Ég er sammála varðandi merkingarnar – þær mættu vera betri. Enn eins og kom fram í viðtölum tengdu fyrrnefndu máli, þá virðist ekki vera mikill aur til þess arna. Ekki peningur til eins eða neins. Það er synd.
Í stuttri heimsókn á Hveravelli s.l. sunnudag sýndi ég erlendum samferðamanni laugina en sá næstum því eftir því. Ruslið, matarleifar og bjórflöskur (!) lá þarna allt í kring og jafnvel ofan í lauginni. Þetta var ljót sjón. Og hvernig dettur mönnum í hug að skilja glerflöskur eftir alveg við laugina? Ímyndið ykkur bara hvað hefði getað gerst ef gaddfreðin flaska hefði fokið þarna ofaní. Stórhættulegt. Og að mönnum skuli einnig detta í hug að sjóða sér pulsur þarna ofaní líka – það var frekar ókræsilegt að fara ofan í þessa laug með tóman SS-pulsupakka fljótandi fyrir framan nefið á manni (*hrollur*). Enda tók Beggi bara til og fjarlægði ruslið. Iss, ég er ennþá hneyksluð. Svona umgengni á ekki að sjást á fjöllum.
En vissuð þið að nú má ekki fara í bað þarna milli kl. 24 og 7?? Það stendur þarna á skilti….
Nýjasta fréttablaðið er enn ein rós í hnappagat ritnefndar. Skemmtilegt útlit, góðar greinar, góðir pennar og mjög fróðlegt. Þegar maður tekur þetta fram yfir nýjasta Cosmopolitan, þá HLÝTUR blaðið að vera gott….
Takk magnum fyrir að benda á þessa áhugaverðu síðu. Frábært framtak hjá þeim fyrir austan og vonandi ber það einhvern árangur.
