Forum Replies Created
-
Replies
-
Ég er eiginlega orðin jafnleið á því að mín "almenna lítt úthugsaða andstaða" skuli vera afgreidd sem einhver tilfinningaórói og vitsmunaskortur bara af því að ég hef ekki sest yfir öll hugsanleg og óhugsanleg gögn um hverja virkjanaframkvæmd fyrir sig. Og við fyrstu sýn líst mér illa á allar virkjanaframkvæmdir í Kerlingarfjöllum – þó að ég hafi ekki kynnt mér þetta til hlítar. Því ég geri mér alveg fulla grein fyrir þeim hagsmunum sem þarna takast á og ég hef kosið að taka afstöðu gegn virkjun þarna. Ég er almennt ekki fylgjandi því að það sé rokið út í hverja framkvæmd á fætur annarri án þess að það sé aðeins staldrað við og spáð í hvernig hugsað sé að nýta viðkomandi svæði til framtíðar. Og ég er eiginlega jafnhissa á því hversu það þykir eftirsóknarvert að byggja álver og annan þungaiðnað á landinu en síður að hlúa að skynsamri ferðaþjónustu og landvernd. Manni finnst eiginlega nóg komið.
Þótt að jeppamenn séu kannsi á móti því að Kerlingarfjallasvæðið og Kjalvegur sé lagt undir mannvirki af ýmsum toga – þ.m.t. vegaframkvæmdir, er heldur ekki þar með sagt að þeir vilji eingöngu fá svæðið undir sitt "sport" – að þeysa þarna yfir á díseljeppunum spúandi reykmekki yfir hjarnir og fannir. Ég verð eiginlega að segja þeim sem slá þessu fram að þarna gerast þeir jafn"sekir" um tilfinningar af verri toganum – þ.e. fordómafullar skoðanir þar sem allir jeppamenn – og konur eru sett undir einn hatt.
Kveðja
Soffía
Ég ætla rétt að vona að Tacomu-breytingar gangi vel, annars verðum við þrjár í fýlu helgina 3. til 5. mars. Ekki gaman.
Ég er alveg í rusli. Þýðir þetta að við Flugsveitarfrýr getum ekki tekið með okkur snyrtibudduna, satínnáttfötin, demantsskreyttu ennisböndin og sérinnfluttu 5 lítra Grandflöskurnar því þá eyði Tacomurnar of miklu?
Beggi, ég er hætt við!
Ég er allavega búin að vista athugasemdirnar þínar hjá mér. Ég bað einmitt um daginn um komment og tillögur að efnisbreytingum á síðunni. En þetta gerist því miður ekki með ljóshraða, enda allir uppteknir með eindæmum.
Hins vegar er ein ábending til þeirra sem fara fyrir nefndum klúbbsins – fyrir þeirra sérsíður þarf að útbúa umfjöllun og efni. Það er langeðlilegast að sá texti komi frá nefndunum sjálfum. Hvað varðar deildir þá datt mér í hug að nýta textana sem sendir voru inn í febrúar-Setur og vinna út frá því. Þannig að það er bara að bretta upp ermarnar og vekja skáldið og setja texta á blað og senda vefnefnd.
Takk,
Soffía
…tilgangurinn að birta nafnið, enda ekkert ljóst hver sat undir stýri. Númerið setti ég þarna inn svo viðkomandi tæki þetta til sín ef hann er félagsmaður. Þið sem flettið upp nafninu haldið því fyrir ykkur sjálf.
Ef þessi þráður þróast út í einhverja vitleysu eyði ég póstinum mínum.
Kv.
Soffía
Patrolinn sem ber númerið VY-639 sýndi af sér „glæsilegan“ akstur núna síðdegis í dag á aðreininni inn á Reykjanesbrautina af Ártúnsbrekkunni þegar hann missti þolinmæðina eftir fimm sekúndur af því að fremsti bíll komst ekki nógu fljótt inn á milli þungaflutningabílanna sem komu æðandi suður Sæbrautina og undir brúna. Allt í einu sá maður þenna vínrauða Patrol koma æðandi eftir grasbalanum hægra megin og svínast inn á brautina með látum. Eftir sat örugglega fullorðinn maður í sjokki, aðrir vegfarendur stórhneykslaðir á þessum helvítis jeppamönnum og við blöstu ljót för í blautu grasinu. Svona fíflaskapur eins og bílstjórinn varð uppvís að er ekki málstað jeppafólks til framdráttar og ég vona innilega að hann sé ekki í klúbbnum. En ef svo er þá hef ég þrennt að segja við þig:
Í fyrsta lagi græddirðu ekkert á framúrakstrinum því ég náði þér á ljósunum við Sprengisand.
Í öðru lagi var þetta ekkert annað en slæmt fordæmi og ber vott um heimsku og hálfvitaskap
Og í þriðja lagi er það meðal annars vegna hálfvita eins og þín sem klúbburinn á í vök að verjast á flestum vígstöðvum vegna fordóma í garð jeppamanna.Og þín vegna og okkar vegna vona ég að þingmaður úr fjárlaganefnd Alþingis hafi ekki setið í bíl þarna í biðröðinni.
Með kveðju
Soffía
Hvort ætli blár, svartur, hvítur eða gylltur fari hraðar? Mér segir reyndar svo hugur að þessi hænusvarti fari langhraðast með alla villihestana í húddinu.
En hinir koma líklega skammt á eftir. …Óskar, ég hef engar áhyggjur af þessum rottum, ekki síst eftir að þeir féllu hver af öðrum fyrir vélarvana Patrolum…
Sjáumst hress í kvöld!
Soffía
Sælir félagar
Vefnefnd er meða langan og góðan verkefnalista og þar á meðal eru verkefni eins og að endurskoða ýmsa uppbyggingu á síðunni efnislega. Efni undir liðnum "klúbburinn" ber þar hæst ásamt liðnum "fróðleikur". Það sem hefur verið rætt um er að koma á betra skipulagi og aðgengi að heimasíðum deilda og nefnda. Ýmsar ábendingar hafa komið fram undanfarna mánuði þótt þær hafi margar drukknað í gagnrýni á notkun vefsins. Við munum veiða upp þær ábendingar eftir bestu getu en það má líka alveg senda okkur góðar ábendingar á vefnefnd@f4x4.is, þá á ég við ábendingar um efnislega uppbyggingu vefsins.
Með kveðju
Soffía
Til fróðleiks má geta þess að Flugsveitin er heltekin af amerískum draumum, og er þar m.a. Tacoma efst á blaði hjá helmingi sveitarmanna og -kvenna. :o)
Að mínu viti er það hin albesta hugmynd að kaupa bíl frá Ameríku, ekki síst ef maður "neyðist" til þess að fara út sjálfur að kaupa gripinn….og kannski aðeins kíkja við í öðrum búðum.. *hóst*
Þannig endilega, ef þið lumið á Tacoma vitneskju látið flakka…ólíkt skemmtilegra að lesa það heldur en þetta dekkjabull á spjallþræðinum…
Fjallakveðja
Soffía
Ég þurfti alveg að horfa oftar en einu sinni á dagsetningarnar í þessum þræði. Á þetta ekki að vera október-nóvember?
Ég ætla rétt að vona að veturinn sé ekki farinn að koma í september og svo bara búið!!
Hlakka til að lesa ferðasögur og sjá myndir!
kveðja
Soffía
….að allir hagi sér vel þarna uppfrá. Skálanefndin gleymdi nefnilega að segja frá því að það er komið sjálfvirkt eftirlitskerfi með sérlegum hlandskynjurum þarna uppfrá. Fari hlandbunan út fyrir Setuna, í bókstaflegum skilningi þess orðs, fer kerfið í gang með miklum látum. Gæti orðið miðaldra jeppamönnum með of háa blóðfitu ansi skeinuhætt..
:o)
…og í millitíðinni er Ofsi á leið í framboð með Siv sér á hægri hönd, meintar sameiningarviðræður hafnar með Flugsveitinni og Rottunum enda þarf Halldór á allri góðri hjálp að halda til að koma okkur inn í öryggisráðið, Trúðar gerðir útlægir að hluta til á komandi árshátíð og tvær ræfilsrottur reyna að bera því við að þær séu í raun handbendi hinna bláu.
Jahérna. Haldið endilega áfram þessu bulli en á meðan vil ég endilega biðja Ellu um að taka tvo miða frá fyrir mig.
Mange tak,
Soffía
Það er auðvitað að fá sér konu sem "borgar en keyrir ekki"…
Þú gætir samt lent í því að fá konu sem "borgar OG keyrir"….
:o)
Það er spurning hvort Súkkan hefði staðið sig betur heldur en skítadreifarinn? (afsakaðu Skúli…).
Elsku Ofsi, kitlar þetta rallstúss ekkert lengur? Ekki einu sinni smáááá fiðringur?
Kv.
S.
Hmmm…..eitthvað þarf ég að láta athuga styrkinn í augnlinsunum. Ekki tók ég eftir því í gönguferðinni með Útivist að þar væru með gamlar konur.
Tja, ekki nema að þú eigir við mig helvískur!
S.
Það hlýtur að vera kostur að vinna við áhugamálið sitt! Ég segi bara til hamingju með nyja starfið. Ég býst frekar við að þessi tengsl verði 4×4 til góða – og ekki síst Útivist!
Kv.
Soffía
Ég legg til að þráðurinn verði sendur markaðsstjóra Útilífs til ábendingar og fróðleiks. Mér er til efs að þetta sé með ráðum gert og vonandi vilja þeir laga þetta.
Kveðja
Soffía
Sælir félagar
ég var í Útilíf áðan að versla og ætlaði auðvitað að veifa afsláttarkortinu þar sem ég var ekki að kaupa útsöluvöru. Fékk þau svör að afslátturinn okkar væri eingöngu af útivistarvörum, sundfatnaður félli ekki þar undir. Ég nennti ekki að standa í þrætum við frekar ákveðna afgreiðslustúlku sem nennti greinilega ekki að vera þarna, hélt að mig misminnti þá bara og ætlaði að fletta þessu upp. Sé á heimasíðunni okkar stendur „af allri vöru“. Hvort ætli sé rétt??
Kv.
Soffía
Já, sama hér. Ég rétt fletti í gegn og búið. Ég held að það hefði verið skynsamlegra að bíða þá frekar með útgáfuna og koma með eitt gott feitt Setur í lok ágúst/byrjun september fyrir fyrsta haustfundinn. Svo fannst mér það bara vera fjandi góð hugmynd að gefa blaðið ekki út fyrr en að safnast hefðu auglýsingar upp í kostnaðinn að mestu.
Hins vegar er alveg rétt að oft vantar að fá efni, og kannski þarf maður að líta í eigin barm og vera duglegri að skrifa.
Kveðja
Soffía
Æ, elsku kallinn. Er Troopervélin að stríða þér? Velkominn í hópinn! Við höfum svo sem fengið að vera í friði fyrir vélarvandamálum í góðan tíma, sem betur fer, en samt sem áður ljóstra ég því upp hér að ég sá draumabílinn í gær. Hjá Toyota. Og það er fólksbíll. En dísel þó enda er ég svo umhverfisvæn. Það var engan annan alvörubíl að sjá, ekki eru þeir að selja jeppa. Þetta LC lítur út eins og sendibíll.
