Forum Replies Created
-
Replies
-
Sælir kæru félagar
Ég verð að vera sammála þeim félögum Skúla og Óskari, það er mun skynsamlegra að hafa tekið þátt í þessari vinnu eins og gert var heldur en að fá á sig niðurstöðuna eins og úr launsátri. Þetta eru hins vegar ekki góðar fréttir en samt í þeim anda eins og við var að búast miðað við ýmis skilaboð úr ráðuneytinu og úr pólitíkinni. En það kannski þýðir að klúbburinn sé að einhverju leyti undir það búinn að halda áfram baráttunni?
Hafið þið eitthvað kannað nánar með þetta umhverfisþing, hvort það sé möguleiki að F4x4 komist þar að með einum eða öðrum hætti öðruvísi en áheyrandi?
Vil um leið þakka ykkur sem hafið sinnt þessu starfi á mjög svo óeigingjarnan hátt undanfarin ár!
Með kveðju,
Soffía
Er ekki hægt að láta stjórn koma með einhver svör um hvernig afsláttur þeir hafi verið að semja um.
Er að fylgjast með ykkur úr stúkusæti hérna úr vinnunni og í heilt kortér er röðin búin að liðast hérna eftir Sæbrautinni og það sér ekki fyrir endann á henni…
:o)
Svona á að gera þetta.
Baráttukveðja,
Soffía
Ég var víst búin að lofa því að setja þetta hérna inn…
Lífið er fjallaferð
(lag "Um Siglufjarðar-Geira", texti Flugsveitin)
Um frægðarmenn og kappa við fáum oft að heyra
en af Kóngi og Drottningu við heyra viljum meira.
Af kynnum þeirra fyrstu margar sögur ganga
frægust er þó af þeim drifskaftssagan langa….– viðlag:
…já, lífið er fjallaferð
já, það er fjallaferð,
já, það er fjallaferð
– maður lendir ýmsu í!Eyþór hitti konu sem hann vildi kynnast
bauð henni í bíltúr sem hún mun alltaf minnast
Þau brunuðu upp á Heiði með miklum hamagangi
þar smá óhapp henti í einu snjóskaflsfangi..Já lífið er… (viðlag)
En ekki vildi betur til en driftskaft þurfti undan
Eyþór skutlaði því afturí og öllu um það gleymdi’hann
En í næstu sköflum það á sig aftur minnti
rotaði hana Halldóru sem enginn svo sinnti..…Já, lífið er.. (viðlag)
Einhver neisti kviknaði hjá Halldóru við rotið
búskap þau hófu og innréttuðu kotið
á Nesinu það trónir og jólaljósin blika
og árin líða hratt, já og áramótin líka!!..Já lífið er
Í laugarnar þau fóru með fríðu föruneyti
og grilla skyldi læri í miklu Svampateiti
Viskýflösku stútaði og lærinu Eyþór týndi
hirðin hann samt elskaði og kórónu hann krýndi!Jáháá, lífið er… (viðlag)
Þar kom loksins að því að skynsemin hún réði
í hraðblárri Tacomu þau fjárfestu af gleði
Nú bruna þau um fjöllin og félagana spæla
því drottningin í skála vill og er ekkert að pæla..
– ..nema að hafa gaman og tilverunnar njóta
því það er lúxuslíf að vera á Toyota……Jaaaahááá, lífið er fjallaferð
já það er fjallaferð,
já, það er fjallaferð
– og skálum fyrir því!Með ferðakveðju
Soffía
….það er bara svo rosalega erfitt að horfast í augu við það að undanfarið ár og rúmlega það hefur maður vermt sófana heima hjá sér og sinnt prjónaskapnum eins og Ofsi vill meina. Þá falla öll afrek fljótt í gleymskunnar dá…..
Kveðja
Soffía "flugfreyja"…. ;o/
Þetta er mér of þungbært að sjá. Flokkuð "utan gengja". Ég trúi þessu ekki….
*grátur*
Soffía og Beggi + 2 ungar mæta í Vík.
Nú er ég alveg miður mín. Líklega höfum við hjónin orsakað margoft að kattaofnæmisviðbrögð hafi vaknað hjá gestum hálendisskálanna. Það er nebblega fjandanum erfiðara að ná kattahárunum úr flíspeysunum. Lagaðist aðeins með fjárfestingunni í þurrkaranum en ó mæ god – það sem við höfum líklega á samviskunni í gegnum tíðina… öll þessi hár í öllum þessum kojum á öllum þessum stöðum. Jæks. Og nú bætast hundahárin við. Æææææ…
Þetta var Steinn Ármann, enda finnst mér hann alltaf ólíkt skemmtilegri en Davíð Þór. Sá síðarnefndi er alltaf svo rosalega mikið að reyna að vera einhver svakalegur bóhem. Hinn aftur á móti er meira náttúrutalent. Hins vegar voru þeir algjörir snillingar sem Radíusbræður.
Góðir punktar hjá þér Einar Elí! Gæti ekki verið meira sammála.
Kv.
Soffía
Er ekki þá málið að sýna frumkvæði og taka forystuna í þessum málum? Láta í okkur heyra frá byrjun, ef ekki fyrr, og haga þannig málum að ekki sé hægt á neinn hátt að sniðganga ferðamenn til fjalla? Það er líklega rétt að þrýstingurinn á eitthvert skipulag mun eingöngu aukast, en til að fá skynsömustu niðurstöðuna þurfum við líklega að láta enn meira í okkur heyra. Ég er alveg sammála því sem Eik nefnir í öðrum þræði að ekki sé neitt gott að njörfa ferða"frelsið" niður á ákveðna slóða samkvæmt ákveðnu korti. En grunar sterklega að ekki verði hjá því komist, allavega miðað við þrýstinginn sem er nú þegar fyrir hendi, sbr. aðfarir ónefnds sýslumanns og ummæli hans í Blaðinu í dag.
Æ, þetta er allt eitthvað svo glatað. Og stefnir bara í einhverja vitleysu finnst manni. En ég treysti á forystuna í klúbbnum og að það verði áframhaldansi aðgerðir. Gott mál að þið fóruð á fund. En eins og svo oft áður og af fenginni reynslu af svona ráðherrafundum er sagt já og amen á fundinum sjálfum en svo er bara spurning hvað gerist næst.
Ég hef verið að velta því fyrir mér hvort klúbburinn ætti ekki að taka enn fastar á þessum málum og láta enn frekar að sér kveða í því að ferla slóða. Við höfum innan okkar vébanda engan annan en hann Slóðrík sjálfan og marga góða menn með honum sem eru í slóðanefnd klúbbsins. Það var unnin mikil vinna og fyrir liggur mjög gott slóðasafn sem því miður virðist ekki hafa skilað sér almennilega til yfirvalda. Mér skilst að margan slóðann eigi eftir að ferla og skrá upplýsingar um. Af hverju styrkir klúbburinn ekki fjárhagslega vinnu við að útbúa slóðakort og fá það samþykkt hjá yfirvöldum? Og fara í almennilegan lobbýisma – enda hefur klúbburinn staðið sig vel í að halda tengslum við þingmenn – ekki síst fyrir tilstilli umrædds Slóðríks. Mér fyndist í sjálfu sér að fjármagn í klúbbnum ætti fyrst og fremst að vera varið í að vernda þetta áhugamál frekar enn að huga að fleiri skálabyggingum/viðhaldi. Því áður en við vitum af þá verður búið að strika út slóðana upp að skálunum og við sitjum öll heima með jeppana á hlaðinu. Kannski er búið að ræða þetta í döðlur á öðrum þræði – vonandi er mér þá fyrirgefið af vera alveg úti á túni. Finnst bara einhvern veginn að við þurfum að fá betri botn í þetta slóðamál. Er skíthrædd um að túlkun dómstóla og þá í framhaldinu yfirvalda á því hvað sé löglegur slóði og hvað ekki eigi eftir að koma jeppafólki illa.
kveðja
Soffía
… þetta var virkilega skemmtileg lesning með morgunkaffinu. Og Agnes alltaf jafnflott þarna á húddinu!
Kærar þakkir fyrir mig!
Kv.
Soffía
Ég geri auðvitað ráð fyrir því að það verði formleg athöfn þegar Soffíustofa verður tekin í notkun, klippt á borða, léttar veitingar og svo fylgjast allir með lotningarfullir – eða bara fullir – þegar sturtað verður niður í fyrsta sinn?!…
😮
fjarri því Skúli minn. Skil alveg hvað þú ert að fara. Og ég held að það sé rétt hjá þér að þetta landsvæði er afréttarland. Í flestum tilvikum sem um ræðir, þ.e. þau landsvæði sem vekja áhuga okkar, eru þetta afréttarlönd. Og í langflestum tilvikum eru afréttarlöndin ekki eignarlönd, þ.e. erfitt getur verið fyrir bændur að sýna fram á fullan eignarrétt á þessum landsvæðum sbr. svo margir dómar sem hafa fallið á sviði eignarréttar sl. 20 – 30 ár. Ég held ég muni aðallega eftir einum dómi úr lögfræðinni þar sem afréttarland taldist vera fullkomið eignarland, en í málum sem eru afsprengi umsvifa Landsvirkjunar t.d. hér sunnan jökla þá var iðulega stórt spurningarmerki um hvort landið væri eignarland eða ekki. Því þótt í einhverjum tilvikum væri kveðið á um í afsali að verið væri að afsala eignarlandi – þá virtist Hæstiréttur ekki á því að seljandinn hefði haft full eignarryfirráð yfir viðkomandi landssvæði. Jafnvel þótt seljandinn hafi verið kirkjan og viðskiptin hafi átt sér stað fyrir mörg hundruð árum. Og ég veit ekki ennþa´hvort búið er að leysa öll eignarréttarmál í kjölfar Blönduvirkjunar – rámar eitthvað í dóm HR um Auðkúluheiði og veiðirétt. Jamm, fyrir okkur ættu dómar á sviði eignarréttar að vera ansi áhugaverð lesning fyrir ferða- og útivistarfólk á hálendinu.
Kv.
Soffía
..að skammirnar mínar á félagsfundi hefðu haft þessar afleiðingar – að fá svona minnisvarða reistan þarna uppfrá…þá hefði ég skammast miklu fyrr! Þið eruð bara eðal að drífa í þessu. Og mikið mun ég þakka ykkur þegar manni verður mál um miðja nótt í stórhríð og þarf ekki lengur að hætta lífi sínu við að skríða út á Setuna og verða úti á leiðinni.
Ég myndi mjög gjarnan vilja vera þarna uppfrá með ykkur og leggja hönd á plóg – eða allavega gefa ykkur gott að borða, en verð að sinna mínum verðandi jeppakrílum. Treysti ykkur fullkomlega til að klára þetta verk með glæsibrag!
Kær kveðja
Soffía
Þetta er einn sá fróðlegasti og skemmtilegasti þráður sem ég hef lesið á vefsvæði 4×4. Ég legg til að klúbburinn fjárfesti í þessum ritum sem vísað er til ef möguleiki er á fyrir bókasafn klúbbsins. Það væri ómetanlegt ef safnað væri saman á einum stað fróðleik yfir þessar "frumkvöðlaferðir", það gætu margir dundað sér við það að rekja sig eftir leiðralýsingum úr gömlum ferðum.
En þangað til þá prentar maður bara út þennan þráð og setur í ferðakistilinn fyrir framtíðarferðir inn á Fjallabak. Tek undir að ég hef ekki heyrt þessa karlkynsmynd af orðinu, skynja orðið frekar sem hvorugkynsorð.Sumarkveðja
Soffía
Vá, ég bíð spennt eftir að heyra hvaða vél. Frétti þó að sumir hefðu verið að ruglast á drifi og vél í frásögn af svaðilförum viðkomandi Tacomu…
Æ, voðalega ertu eitthvað geðvondur kæri Garðar. Þú ert greinilega búinn að hanga of lengi heima í byggð og orðinn eins og belja í fjósi eftir erfiðan vetur. Gerðirðu ekkert skemmtilegt í góða veðrinu í dag?
Annars er ég ekki að agnúast út í það að það sé rætt almennilega hver réttindi aukafélaga eiga að vera. Mín skoðun er sú að þau eiga að vera hin sömu og aðalfélaga, en það er bara skoðun og þær eru ekki heilagar. Endilega ræðið þetta á næsta aðalfundi en ekki gleyma að hingað til hafa aukafélagar haft atkvæðisrétt á aðalfundum samkvæmt hefð og það er oft erfitt að hafa rétt af fólki sem búið er að hefða með þessum hætti. Það þarf að leggja þá fram einhverjar tillögur um hver réttindi aukafélaga ættu að vera. Minni í leiðinni á að reglur annarra klúbba og félaga eru ekkert endilega betri en þær reglur sem hafa skapast hjá 4×4 í áranna rás.Sumarkveðja
Soffía
..að ég og Einar værum alveg hjartanlega sammála. Það er vont að heyra að það hafi pirrað Ofsann mikið að varaformaðurinn væri "bara" aukafélagi. Vissi reyndar ekki að það væri kosinn varaformaður í þessum félagsskap, þannig að ég verð að giska við hvern hann á. Sem aukafélagi hef ég setið flesta aðalfundi síðan 1998 og kosið af hjartans lyst, sett fram lagabreytingartillögur, setið í ritnefnd, stjórn og vefnefnd og satt að segja skipt mér af ýmsu í starfi klúbbsins fram í rauðan dauðann og haft einstaka ánægju af. Í tilfelli okkar hjóna varð það bara tilviljun hvort okkar var skráð aðalfélagi eða aukafélagi. Í mínum huga er jeppasport alls ekkert einkasport strákanna heldur áhugamál fjölskyldunnar og því finnst mér ekkert að því að "fjölskyldan" greiði eitt félagsgjald, og einhver fá titilinn aðalfélagi og annar aukafélagi. Er reyndar sammála því að þetta eigi eingöngu að taka til sambýlisfólks, þ.e. ekki til barna. Það er bara gott mál ef maki sýnir þessu félagsstarfi áhuga. Ef breytingar á þessu fyrirkomulagi í klúbbnum eru komnar í einhvern forgan hjá stjórn, þá held ég að það vanti eitthvað upp á verkefnastöðuna í stjórnina fyrst þetta skiptir orðið einhverju máli. Hefurðu ekkert annað að pirra þig yfir Herra Jón?
Þetta er gilið fræga!
Eins og það er nú meinlaust á sumrin.
Kv.
Soffía
