Forum Replies Created
-
Replies
-
1.
Hringur norður fyrir Kerlingarföll er eitt dæmi. það er t.d. upp Hreppana, inn í Klakk, austur fyrir fjöllin í Setur, þar noður fyrir í Kerlingarjöll (þar verður opið um pákana). Þarf gott færi og skyggni. Getur orðið langt.2.
Venjulega leið noður Kjalveg í Kerlingarfjöll og til baka. Það er hæfileg dagleið og alltaf gaman að koma í gamla Skíðaskólann, fá sér kaffi og skoða vinalegan dalinn. Jafnvel skella sér í jarðbað. Svo er hægt í góðu veðri að skoða Skipholtskrók, þar sem Ítalarnir voru að leita að "kaleiknum" í fyrra.
Þegar komið er inn í Kerlingarfjöll er hægt að taka ákvörðun um hvort haldið er áfram hringinn inn í Setur og um Klakk eða bara stystu leið til baka.Fleiri möguleikar eru líka til.
Bendi fólki á að vera með svefnpokana með og smá dósamat, enginn hveit hvenær dagsferð breytist í 2 daga ferð af ýmsum ástæðum.
Það sem ég var að fiska eftir hefur komið fram.
Ef önnur stöðin er á skan og talað er í hina t.d. á rás 45, þá stoppar scan stöðin á 45 um leið og í henni heyrist allt.
Lausn á þessu er að hafa það fullkomna VHF stöð fyrir scannið að hægt sé að taka þá rás sem "unnið" er á hverju sinni út úr scan grúppunni.
Ef menn vilja ekki hafa tvær stöðvar en vilja fylgjast með umhverfinu, þá er hægt að prófa að hafa stöðina á scan og nota hana um leið sem vinnustöð.
Þetta er misönugt eftir tegundum.
Prófið endilega á ykkar stöð.Heimaverkefni:
Stillið stöðina á rás 45.
Stillið á scan.
Fáið félaga til að kalla í ykkur á rás 47
Þegar stöðin ykkar stoppar á 47, svarið.Hvort svöruðuð þið á rás 45 eða 47 ????
Þetta er misjafnt eftir því hvernig stöðvarnar eru forritaðar.
Það er flott að hafa tvær VHF stöðvar.
Eins og fram kemur á öðrum þræði er ekki hægt að samnýta loftnetin fyrir tvær stöðvar, það þarf tvö loftnet.
Helstu notin fyrir tvær stöðvar er að hafa aðra á skan og hina til að tala á milli bíla, Þá missa menn ekki af neinu.
Reyndar er hægt að nota eina stöð í þetta, misjafnt er þó eftir stöðvum hversu lipurt er að tala mikið í stöð á milli bíla sem stillt er á skan.
Hér kemur spurningin:
Tvær VHF stöðvar eru í sama bíl, önnur er stillt á skan og hin notuð í spjall á milli bíla. Hvaða ráðstafanir þarf að gera á stöðinni sem skannar til að þetta gangi upp ?
Warn hefur verið leiðandi þegar spáð er í gæðin.
Miklu máli skiptir að spil endist vel og séu í lagi þegar grípa á til þeirra, líka þegar þau hafa ekki verið notuð lengi.
Það getur verið þess virði að eyða aðeins meira í byrjun og fá spil sem endist lengur og bregst ekki þegar á reynir.
Fór inn á heimasíðu Málmtækni.
Þar er síða sem kallast Athyglisvert og er með ýmsum tenglum.
Þar sem F4x4 er mjög athyglisverð síða, þá væri etv sniðugt fyrir Málmtækni að setja þarna link á athyglisverðu síðuna okkar.
Ég hef alltaf fengið góðar móttökur og góða þjónustu hjá Málmtækni.
Telst þó ekki til stórkaupenda á málmum en kaupi stundum smábúta sem þarf að saga niður.
Málmtækni er einmitt eitt af þeim fyrirtækjum sem veita sérhæfða þjónustu sem hentar okkur jeppasmönnum mjög vel.
Það er, að eiga gott úrval af efnum og vera tilbúnir í að afgreiða eftir máli í litlu magni.
Gott framtak Málmtækni, hvet önnum kafna stjórnina til að drífa þetta í frétt á forsíðu vefsins.
Snorri
R16
Kristján.
Slóð liggur bæði austan og vestan við Hlöðufellið. Þannig að staðsetningin "gatnamótin Línuvegur/Hlöðufell" getur verið á tveim stöðum.Eða koma báðar slóðirnar á sama stað inn á línuveginn norðan Hlöðufells, man það ekki alveg ?
Snorri.
Takk fyrir þetta Pétur. Nú vitum við allavega hvað var að gerast þarna á jeppamannamáli.
Ég er ekki frá því að þarna myndist alltaf eitthvert vatn.
Ég setti gráa patrolinn þarna niður ca 1996 eða 1997. Það var minnir mig norðan við eða rétt austan við Hlöðufell á leið í Mosaskarð. Við vorum að keyra í góðum gír í góðu skyggni seinni hluta vetrar á að því er virtist góður og traustur snjór þegar Pattinn hlussaðist allt í einu niður og stoppaði í gufumekki. Hann fór ekki alveg niður úr þessu, snjórinn var þykkur ofaná og Pattinn hékk einhvern veginn í honum. Vatn var í holunum við öll hjól. Hjalti kippti honum uppúr þessu afturábak á Toyotunni og þá kom í ljós að djúpt var í botn í holunum. Við náðum varla niður í botn með skóflu.Ef þetta er sami staður, þá er væntanlega ástæða til að vara við vatni að vetri á þessum slóðum þó að þetta sé þurrt á sumrin.
Snorri
Frábært innlegg hjá Atla, eins og úr mínu hjarta talað.
Við eigum 4 börn á aldrinum 4 til 27 ára og öll eru þau vanir fjallaferðamenn og jöklafarar. Þau byrjuðu þó ekki alveg jafn ung og börnin hjá Hlyn.
Mikilvægt er að ferðast í góðum hóp þegar börnin eru með og ætla sér ekki of mikið.
Ég tel okkur vera í meiri hættu á þjóðveginum austur fyrir fjall heldur en uppi á fjöllum ef ferðast er af kunnáttu. Svo ég tali nú ekki um þjóðveginn norður á Akureyri þegar trukkalestin kemur á móti.
Miðað við umræðuna að ofan er ótrúlegt að nokkur maður skuli þora með fjölskylduna norður á Akureyri, svo ég tali nú ekki um stórhættulegt 5 tíma flug til sólarlanda þar sem tekur við sólbrunahætta og stórauknar líkur á krabbameini síðar. Samt eru þúsundir foreldra ungra barna sem gera þettra á hverju ári.Annars er gott máltæki sem segir: Af misjöfnu þrífast börnin best.
Mikið ofboðslega er fréttin á RÚV illa skrifuð.
Maður verður engu nær um hvað var að gerast, frekar er að spurningar vakni í gegnum allan lesturinn.
Skrifin bera þess merki að blaðamaður tyggur orðrétt upp slitrur af samtölum við fólk án þess að skilja sjálfur um hvað málið snýst eða þekkja hið minnsta til staðhátta.
"Rauðafell fyrir ofan Laugavatn "
Hvar í ósköpunum er það?"Þegar búið var að laga bíl fjölskyldunnar stóð til að fylgja henni til byggða, en ekki var hópurinn kominn langt þegar báðir björgunarsveitarbílarnir lentu í krapapytti."
Þessi krapapyttur er norðan við Hlöðufell skv. fréttinni, er það á leið til byggða frá stað "ofan við Laugarvatn" ?
Snorri.
Við ætlum að reyna hvort við heyrum Degi TF3DB, kl 11, 12, 13,15,17 og 19 í dag.
Áhugasamir geta þá farið á linkinn og fylgst með.
Snorri
TF3IK
Tilkynning frá Radíóamatörum (IRA)
Við í Í.R.A. ætlum að reyna að gera öllum áhugasömum kleift að fylgjast með fjarskiptahluta ferðarinnar á netinu!
Við erum að vinna í að nettengja viðtæki sem stillt verður á 3,633MHz og sendir hljóðið út á netið. Þeir sem vilja svo hlusta þurfa ekki annað en að fara á http://www.ira.is.Þegar þetta verður tilbúið þá mun birtast um það frétt á forsíðu vefs Í.R.A. hér. Skora því á alla áhugasama, hvort sem þeir eru amatörar eða vilja bara fylgjast með ferðalöngunum að fylgjast með vefsíðu félagsins.
Hvet alla sem hafa áhuga á gömlu SSB stöðvunum að íhuga að gerast radíóamatörar.
Þá opnast mönnum nýjar víddir í ódýrum fjarskiptum á fjöllum.Námskeið er fyrirhugað í vor, það kostar lítið og er mjög skemmtilegt.
Kíkið á [url=http://www.ira.is:as3twmo5][b:as3twmo5]www.ira.is[/b:as3twmo5][/url:as3twmo5] og [url=http://www.ira.is/pages/viewpage.action?pageId=1638573:as3twmo5][b:as3twmo5]hér[/b:as3twmo5][/url:as3twmo5]
Í F4x4 eru nú þegar nokkrir tugir amatöra og við munum koma upplýsingum um námskeið á framfæri þegar búið verður að tímasetja það.
Snorri
TF3IK
Gundur, ég tel hæfilegt að lykla endurvarpana í tíma en ekki ótíma.
Ég held að það taki ekki svo mikinn straum að lykla endurvarpann. Hann sendir í ca 0,5 sek í hvert sinn.
Það er ekki svo alvarlegt að prófa að lykla nokkuð þétt á meðan menn eru að prófa.
Til að kanna hvar samband næst dugar að prófa á ca 15-30 mín fresti á akstri.
Mun meira rafmagn eyðist við að tala um þá að óþörfu eða að feraðhópar tali sama um endurvarpa, sem má alls ekki.
Einhverjir endurvarpar eru líka komnir á veituspennu og geta því gengið ótakmarkað. Er ekki alveg með í hausnum hverjir það eru, kem með það seinna.
Farinn á fjöll.
Snorri
Þá myndi Siggi ekki heldur heyra þegar endurvarpinn svarar Joni.
Ég hafði eitt ákveðið aðriði í huga sem gæti orsakað þetta en hér hafa hugmyndaríkir menn komið með fleiri mögulegar ástæður fyrir þessu sem gætu alveg staðist.
Það er ekki sítónn á endurvarpanum þannig að röng forritun á stöðinni hjá Sigga gæti einungis verið skýringin ef hann er með ranga senditíðni.
Gefum okkur nú að Siggi sé ekki með smyglaða og illa forritaða amatörastöð heldur löglega stöð sem er rétt forrituð.
Þá situr eftir að sendingin frá Sigga nær ekki til endurvarpans af einhverjum ástæðum en Siggi nær að heyra svarið frá honum. Það hlýtur því eitthvað að vera að sendingunni hjá Sigga. Möguleg skýring er loftnetið sé kolrangt stillt þannig að bullandi standbylgja sé á sendingunni eins og Hafsteinn Þór Hafsteinsson bendir á. Eiki er líka með mjög góða skýringu sem kannski verður hægt að kryfja nánar sem sýnidæmi síðar við loftnetapælingar.
Bomsa bendir á að Siggi gæti verið með handstöð sem er með minni sendistyrk en bílstöð. Þessi skýring getur alveg staðist.
Ulfr bendir á að útgangstransistorin geti verið farinn sem getur alveg staðist líka. Þá myndi Siggi reynar ekki geta sent út á neinni rás.
Skúli bendir réttilega á að þeir séu staðsettir nálægt endurvarpanum og að sendistyrkurinn þurfi að vera mjög dapur hjá Sigga til að ná ekki til endurvarpans. Þarna afhjúpar Skúli smá veikleika eða fljótfærni í spurningunni, ég hafði í huga stað þar sem allt þarf að vera í lagi til að ná að lykla Bláfellið.
Geysir hefði líklegra verið betri staður. Mér skilst að þar sé hægt að lykla Bláfellið með bílstöð en ekki með handstöð. Nú er bara að prófa.
Hvet alla til að fara inn á síðuna hans [url=http://radioehf.is:3jbxazck][b:3jbxazck]Sigga Harðar http://www.radioehf.is[/b:3jbxazck][/url:3jbxazck], prenta út yfirlitskortið og hafa í bílnum.
Svo er bara að stytta sér stundir í ferðum við að gá hver nær fyrstur að lykla endurvarpana. Þannig fæst samanburður á milli stöðva og einhverjir gætu séð ástæðu til að láta kíkja á loftnetin hjá sér.
Ef vírarnir sem koma með stöðinni ná fram á geymi, þá er langbest að tengja þá beint á geyminn, bæði plús og mínus. Nota þá öryggin sem koma með stöðinni. Passa að tengja tryggilega við geymasamböndin, setja skó á vírendana osfr.
Muna að jarðtengja stöðina í góða jörð með sverum og stuttum vír (amk 2,5 kvaðröt, 4-6 kvaðröt eru betri). Festingin fyrir stöðina er góð, fara þá undir einn festiboltann (á stöðinni), ef ekki er sértstakt jarðtengi á stöðinni. Stundum myndar festingin sjálf þetta jarðsamband ef hún er skrúfuð beint í stálboddý en ekki plastinnréttingu.
Snorri
fjarskiptanefnd
Hér er smá æfingadæmi í VHF.
Jón og Siggi ferðast saman og eru báðir með VHF.
Þegar þeir eru hjá Gullfossi prófa þeir að lykla endurvarpann á Bláfellinu.Jón stillir á rás 44 og sendir í ca 1 sekúndu.
Hann heyrir endurvarpann svara með stuttu suði (ca 0,5 sek).Siggi stillir á rás 44 og sendir í ca 1 sekúndu.
Hann fær ekkert svar frá endurvarpanum.Hins vegar heyrir Siggi svarið frá endurvarpanum þegar Jón sendir.
Hvað er að gerast þarna ?
Það er ekkert mál að setja VHF stöð sjálfur í ef farið er eftir því sem kemur fram hér að ofan.
Sækið + beint á geymi og setjið öryggi sem næst geyminum. Ef aukarafkerfi er til staðar með öryggjaboxi er óhætt að fara inn á það (í gegnum öryggi), tryggja bara að straumurinn sé alltaf á óháð sviss. Hafa nógu svera víra, amk 2,5 kvaðröt (mm2).
Ef menn taka mínusinn líka af geymi þarf öryggi á hann líka við geyminn.
Athugið að jarðtengja stöðina vel.
Hins vegar borgar sig að láta fagmenn setja loftnetið og stilla það til ef þarf. Sérstaklega ef notuð er 1/4 bylgju eða 5/8 bylgju vippa. Þá er mikilvægt að fá góða jörð og klippa þarf loftnetið til í rétta lengd og mæla árangurinn með sérstökum mæli.
Ef menn nota hins vegar skipaloftnet þá þurfa þau ekki jörð og ekki er hægt að stilla þau. Þau er hægt að setja á bílinn án sérstakra þekkingar eða mælitækja.
Góð leið til að meta gæði VHF stöðva (gæðin ráðast af stöðinni, loftnetinu og ísetningunni), er að prófa að lykla endurvarpa sem eru langt í burtu þegar nokkrir ferðast saman. Þá kemur í ljós ef munur er á langdrægni stöðvanna.
Snorri
fjarskiptanefnd
Jú, það er oft gert ef góðir staðir á topp eru ekki í boði. En þá verður lotnetið næmara í þær áttir sem merkið fer yfir húddið, það er, það verður stefnuvirkt.
Í þessu tilviki er betra að hafa 5/8 loftnet heldru en 1/4 vegna þass að það er lengra og efri hluti þess geislar auk þess meira en sá neðri.
Snorri
