Forum Replies Created
-
Replies
-
[quote="sij":6qr40iei]Wilson magnarar [url:6qr40iei]http://www.alternativewireless.com/cellular-antennas/wilson-vehicle-wireless-repeaters/vehicle-cell-amplifier-dual-band.html[/url:6qr40iei][/quote:6qr40iei]
Þetta getur hjálpað en höfum í huga hvernig GSM útbreiðslan er í raunveruleikanum.
GSM er á mjög hárri tíðni miðað við önnur fjarskipti sem við höfum notað. Það þýðir að bylgjan er háðari sjónlínu og beygir minna niður í lægðir heldur en t.d. gamla NMT kerfið eða VHF samband við endurvarpa.
Jafnaframt eru skarpari skil á milli þess hvort gott merki sé til staðar eða ekkert merki. Við getum ímyndað okkur útbreiðslukort sem er litað svart þar sem gott samband er og hvítt þar sem ekkert samband er. Á mörkum þessara svæða, þar sem samband er lélegt gæti verið grár litur.
Á gráa svæðinu myndu svona græja eða útiloftnet hjálpa. Ekki annars staðar. Í GSM kerfinu er þessi gráu svæði "mjó". Sem segir okkur að útiloftnet eða svona "endurvarpi" hjálpar okkur ekki allsstaðar.
Helstu not fyrir útiloftnet eða svona tæki er þegar talað er í símann á ferð og leiðin liggur um öldótt landslag þar sem GSM merkið er veikara í lægðum. Þá myndi síminn ekki alltaf vera að detta út í lægðum.
Snorri
Eigandi laptoptölvunnar er fundinn og búinn að sækja allt dótið sitt.
Þau voru búin að auglýsa eftir tölvunni á barnalandi og þar beinti einhver þeim á spjallþráðinn hér.
Tilkynningin hér á F4x4 vefunum varð semsagt til þess að þetta komst til skila.
Á ferð okkar frá norður frá Laugafelli í gær fundum við Laptop tölvu liggjandi á veginum ásamt fleira dóti.
Eigandi tölvunnar getur vitjað hennar hjá okkur, síminn er 893-6500.
Frábært að tunnan er komin í bæinn.
Þarna gekk F4x4 fram fyrir skjöldu og afstýrði umhverfisslysi. Sýndu í verki hverjir eru raunverulegir náttúrverndarsinnar. Páll Ásgeir á líka heiður skilinn fyrir að vekja athygli á þessu máli, svo öllu sé haldið rétt til haga.
Það að F4x4 félagar skyldu einir sýna af sér vilja í verki er hins vegar athyglisvert í ljósi þess að fjölmargir aðilar hafa verið fattir af rembingi út í jeppaferðamenn vegna (að eign mati) eigin heilagleika í umhverfismálum.
Einnig þykir mér athyglisvert að ekki hefur verið upplýst hver skildi tunnuna þarna eftir. Hvorki Vinstri græni umhverfisráðherrann, Umhverfissstofnun né "dugmiklir" sýslumenn hafa sýnt neinn sýnilegan áhuga á að finna út hver sökudólgurinn er, enda ólíklegt að þar hafi uppáhaldsblórabögglar þeirra, jeppaferðamenn, verið að verki.
Það sem kemur fram hjá Sigurði Inga Jónssyni hér að ofan er mikið umhugsunarefni. Hvern vegna fær Páll Ásgeir Ásgeirsson "leyfi" til að aka veg sem almennnngi er bannað að aka og það tryggt með læstri keðju.
Er hér í uppsiglingu nokkurskonar elítu þjóðfélag þar sem útvaldir fá að fara um "bönnuð" svæði að vild ?
Ég get nú ekki séð í hvaða tilgangi "göngugarpur" ætti að fá að aka þennan veg til að ganga fram og aftur um toppinn á hálsinum "til að kanna aðstæður" þegar almenningur þyrfti að labba alla leið frá Skógum.
Nú er Páll í stjórn Ferðafélags Íslands. Ef til vill hefur hann verið í erindum þessara aðila en ekki sem "göngugarpur" eins og skilja mátti af rækilegri umfjöllun fjölmiðla um gönguafrekið sem leiddi til uppgötvunar á olíutunnu.
Hver sem ástæðan er, þá sýnir þetta okkur hvaða hættulega þróun er í gangi. Verið er að loka slóðum hér og þar, að því er virðist til þess að eins að ferðaþjónustan geti haft þau útaf fyrir sig. Páll Ásgeir, stjórnarmaður í Ferðafélagi Íslands, hefur sýnt sig að vera ötull talsmaður aukinna lokana á slóðum og Dagur Bragason hefur sýnt fram á að það viðhorf er algjör kúvending hjá honum síðasta ári eða svo. Einmitt eftir hann komst í þá stöðu að hafa sérhagsmuni af því að loka náttúrunni fyrir almenningi en leyfa ferðaþjónustufyrirtækjum og félögum að einoka þessi svæði.
Þetta snýst ekki um notkun á ökutækjum eða ekki. Þetta snýst um réttindi almenings til að fara um landið sitt, þetta snýst um ferðafrelsið í heild sinni. Öflin sem vilja ræna okkur ferðafrelsinu til að einoka landið fyrir sig, nýta hins vegar eðlilegan vilja fólks til að vernda náttúruna og virkja þann útbreidda misskilning að náttúrvernd byggist á því að hatast út í allt sem drifið er af mótor.
Við verðum að berjast gegn þessari þróun með öllum tiltækum ráðum.
Fyrst hjálpa hægri öflin fjármálageiranum að ræna sjóðum þjóðarinnar í nafni viðskiptafrelsis svo rækilega að við erum í raun búin að missa fjárræðið og tapa stórum hluta af lífeyrissjóðunum okkar.
Nú vaða vinstri öflin uppi og eru að hjálpa sérhagsmunaöflum að ræna landinu frá okkur í nafni náttúruverndar.Hvað verður eftir ef þetta heldur svona áfram ?
Snorri Ingimarsson
R16
Þetta sendi ég inn:
Ég vil hér með koma á framfæri mótmælum við ýmis ákvæði verndaráætlunar Vatnajökulþjóðgarðs.
2. Grein laga um Vatnajökulsþjóðgarð:
Markmið verndunar.
Markmiðið með stofnun Vatnajökulsþjóðgarðs er að vernda landslag, lífríki, jarðmyndanir og menningarminjar svæðisins og gefa almenningi kost á að kynnast og njóta náttúru þess og sögu. Auðvelda skal almenningi aðgengi að þjóðgarðinum eftir því sem unnt er án þess að náttúra hans spillist og veita fræðslu um náttúru, sögu og mannlíf svæðisins.
Verndarstig einstakra svæða eða landslagsheilda innan Vatnajökulsþjóðgarðs skal taka mið af verndarmarkmiðumÝmislegt í Verndaráætluninni stangast á við 2. grein laga um Vatnajökulsþjóðgarð :
Sem dæmi má nefna:
Víðtækar lokanir á leiðum norðan Veiðivatna og Þórisvatns. Þessar lokanir eru ákveðnar án rökstuðnings. Þetta eru því geðþóttaákvarðanir sem eru andstæðar 2. grein laganna.
Lokun á akstursleið um Heinabergsdal nema göngufólki og þeim sem hafa hagsmuni af atvinnustarfsemi.
Lokun á akstursleið um Vonarskarð nema göngufólki og þeim sem hafa hagsmuni af atvinnustarfsemi.
Lokun á Vikrafellsleið nema fyrir göngufólk.
Loka á fyrir vetrarakstur í Kverkfjöllum.
Loka á fyrir jökulakstur við EsjufjöllÞessar lokanir miða að því að einungis göngufólk fái notið þessara leiða en þó eru þarna fyrir ökuleiðir sem margar hafa verið eknar í áratugi.
Öðrum sem ekki geta gengið langar leiðir er meinuð för um þessi svæði. Á þessum svæðum er lítil sem engin hætta á gróðurskemmdum eða landskemmdum af umferð um þessar leiðir.
Þessum lokunum mótmæli ég harðlega og tel þær ekki þjóna neinum tilgangi.Ekki verður séð annað en að þarna ráði ferðinni fjárhagsleg sjónarmið ferðaþjónustuaðila. Einungis má aka með vistir inn á lokaðar leiðir til gönguhópa sem eru á vegum ferðaþjónustufyrirtækja en gangandi einstaklingar mega ekki láta aka vistum til sín. Þetta er alveg fráleitt og þarna er verið að ganga erinda einkafyrirtækja á kostnað almennra borgara. Ég mótmæli harðlega að hvers kyns aðgangur að landinu verði einkavæddur og að verðmæti eins og aðgengi að landinu okkar sé afhent einkaaðilum til einokunar og gjaldtöku.
Að mínu mati ganga þessar lokanir í berhögg við 2.gr laganna. Verndaráætlunin er því lögbrot og ætti því að vísa þessu alfarið frá og byrja þessa vinnu upp á nýtt með stuðningi allra þeirra sem hagmuna hafa að gæta. Þar á ég við hinn almenna borgara í landinu sem vill fá að ferðast um landið í sátt við landslög, og umhverfi sitt á þann hátt sem þeim hentar og hefur ekki fjárhagslegan ávinning að því að tilteknar leiðir eða svæði séu lokuð. Jafnframt þarf að hafa víðtækt samráð við frjáls samtök útivistarfólks, án tillits til hvers konar útiveru eða náttúruskoðun þeir kjósa sér.
Gangi eftir að loka akstursleiðum að náttúruperlum fyrir almennum ferðamönnum en leyfa umferð vegna atvinnustarfsemi þá virðist þetta frekar vera „Verndaráætlun um völd og peninga“ heldur en „Verndaráætlun um Vatnajökulsþjóðgarð“. Slíkt væri alvarleg aðför að ferðafrelsi almennra borgara sem hafa það eitt að leiðarljósi að njóta ferðalaga og útiveru í óbyggðum.
Boð og bönn sem ganga í berhögg við réttlætiskennd fólks eru einungis til þess fallin að skapa andúð og ósætti auk þess sem ógerlegt er fyrir fólk með heilbrigða skynsemi og réttlætiskennd að virða þau.
Það að fólki sé mismunað eftir því hvaða ferðamáta það kýs sér mótmæli ég harðlega. Þar vísa ég til þess að göngufólki sé gert hærra undir höfði en þeim sem kjósa sér annan ferðamáta. Við búum í þannig landi að einungis lítill hluti landsmanna hefur líkamlega burði til að njóta þess fótgangandi. Ég er í þeirri stöðu að hafa verið með börn á öllum aldri síðastliðin 30 ár, eða frá tvítugsaldri. Ég hef því þurft að nota vélknúin ökutæki til minna ferða að mestu, enda vill mín fjölskylda halda saman. Verndaráætlunin er því fjandsamleg fjölskyldunum og þá sérstaklega börnunum í landinu.
Samkvæmt verndaráætluninni er verið að útiloka aðra en þennan útvalda hóp fullburða göngumanna frá náttúru landsins, ég hélt í rauninni að þessi fasísku viðhorf um að fullfrískt fólk á besta aldri eigi meiri rétt en aðrir hafi verið horfin í lýðræðisríkjum.
Ég mótmæli fyrirhugaðri lokun á öllum hellum í þjóðgarðinum og tel hana með öllu þarflausa nema sérstakar ástæður liggi við í einstaka tilvikum.
Ég mótmæli fyrirhuguðu banni við skotveiðum sem aldagömul hefð er fyrir og tel bannið fráleitt.
Ég mótmæli harðlega vinnubrögðum þeim sem voru notuð við undirbúningsvinnu þessarar verndaráætlunar. Í svokölluðum Árósasáttmála (ef ég man nafnið rétt) skuldbindur ríkisvaldið sig til að hafa samráð við frjáls félagasamtök varðandi notkun á landinu. Mér er kunnugt um hvernig og staðið var að svokölluðu samráði við félagasamtök og fullyrði að ákvæði sáttmálans voru þverbrotin. Svokallað samráð var miklu meira í orði en á borði og félgasamtökum beinlínis neitað um upplýsingar og samráð. Ég get lagt fram gögn sem sanna þessar stóru fullyrðingar ef þörf er á. Þess vegna fer ég framá að þessi vinna verði annað hvort unnin aftur eða hætt verði alveg við verndaráætlunina.
Þjóðgarðsverði er samkvæmt verndaráætluninni fært í hendur mikið vald og hann getur ákveðið lokanir á rökstunings. Ég tel algjörlega fráleitt að fela einum embættismanni slíkt vald. Sérstaklega í ljósi þess að í störf þjóðgarðvarða veljast oftar en ekki öfgmenn af ýmsum toga og því öruggt að slíkt vald verður misnotað.
Að lokum mótmæli ég harðlega þeim fjáraustri sem hafinn er og er fyrirhugaður áfram í þetta gæluverkefni opinberra starfsmanna og tel það algjöra tímaskekkju í ljósi þeirrar fjárhagslegu stöðu sem búið er að koma íslensku þjóðinni í.
Ég legg til að hætt verði við verkefnið og að fjármununum verði ferkar varið til mennta- og heilbrigðiskerfisins.Snorri Ingimarsson, kt. ddmmyy-xxx9
Verkfræðingur og náttúruunnandi
Þjóttuseli 3
109 Reykjavík
Ef til væri einfalt svar við þessu, þá værum við búnir að birta það.
Erum annars að skoða hver er nýjasta stefna símafyrirtækjanna í uppbyggingu langdrægu GSM kerfanna. Hún hefur breyst mikið og það hefur áhrif á búnað sem við getum ráðlagt mönnum að kaupa.
Þó eru hér nokkrir punktar:
Hafið GSM síma frá bæði Símanum og Vodafone meðferðis. Jafn fáránlegt og það hljómar, þá eru ekki reikisamningar á milli þeirra á hálendinu. Sumsstaðar nást bæði kerfin, sumsstaðar bara annað og víða hvorugt. Reyndar dugar að ná öðru kerfinu til að geta hringt í 112.
Í fjölmiðlum mæla menn með útiloftnetum fyrir GSM.Reynið að fá GSM síma sem eru með tengi fyrir útiloftnet. Slíkir símar verða sífellt sjaldgæfari og ég veit ekki um neinn slíkan sem fæst nú. Til eru fasttengdir GSM símar sem hafa gott tengi fyrir útiloftnet og hafa sterkari senda en þeir styðja ekki 900Mhz 3G sem Síminn byggir upp.
Þetta er því ekki einfalt og fátt í boði.
Ég er ennþá með NMT og reyndar HF líka.
Snorri.
R16
HF fjarskipti voru í tveim bílum í Stórferðinni. Það var hjá mér TF3IK og Degi Bragasyni TF3DB. Við höfðum oft samand okkar á milli og tölum einnig í menn í byggð, yfirleitt yfir endilangt landið.
Við vorum á 3,637 Mhz (það er ca 30% hærri tíðni en gamla góða Gufan) og notuðum bara venjulegar bílstangir, ég var með gamala Gufunesstöng frá Sigga harðar sem ég breytti og Dagur var með svokallaðan HamStick. Ég þurti aldrei að henda út vír enda skki tími til eða mikil þörf á, bílstöngin virkar svo vel.
Hrafnkell félagi okkar í IRA setti upp hlustunarstöð á HF og varpaði á netið svipað og vefútvarp. Hann er nú búinn að klippa niður helstu samtölin og hægt er að nálgast þau hér. Kunnum við honum bestu þakkir fyrir framtakið.
Þessi ferð sýnir að vel er mögulegt að halda fjarskiprum góðum um allt land ef allir væru með svona stöðvar og Amatör Rettindi itl að nota þær.
Síðan til að hlusta er: http://he.klaki.net/hlustun/00log.html
Athugið að bíða meða spilarinn hleðst niður, svo er hægt að velja skrá úr listanum og spila.Sömu tækni væri svo hægt að nota til að hlusta á VHF endurvarpana okkar.
Snorri
R16 og TF3IK
[quote:2f56g7kv]Það sem ég hef heyrt af akstrinum á hrauninu í fjölmiðlun er að jeppa hafi verið ekið yfir nýja hraunið.[/quote:2f56g7kv]
Ég var þarna og sá aksturinn með eigin augum. Þarna var ekki ekið yfir nýja hraunið heldur voru framhjól jeppans lögð upp í hraunbrúnina til að sviðssetja akstur á hrauninu og kveikingun í dekkjunum. Nokkrir björgunarsveitarmenn voru með í för auk þáttargerðarmanna og ekki varð annað séð en að staðið væri að þessu með yfirvegun og fagmennsku. Það var nú allur glæpurinn. Svandís þarf því ekki að óttast að nýja hraunið okkar verði ónýtt af þessum völdum.
Þetta verður alveg frábær landkynning fyrir okkur og stórkostlega jeppabreytingabransann okkar. Hann skilar nú hundruðum milljóna á ári hverju í þjóðarbúið. Athugið að þetta er ein stórskostlegasta nýsköpunin sem er í gangi og þurfti enga ríkisstyrki, bara framsýni góðra embættsimanna og ráðamanna löngu áður en VG urðu til. Spratt upp úr grasrótinni og bara virkar. Vandamálið er að jeppar eru drifnir af vél og af einhverjum óskiljanlegum ástæðum er eins og núverandi ráðamenn hafi óbeit á öllum vélknúnum ferðamáta (nema á millilandaþotum sem þeir nota mikið sjálfir og menga gífurlega mikið per farþega miðað við fjallajeppana okkar).
Snorri
R16
Bendi mönnum á að með því að tönglast sífellt á orðunum "akstur utanvega" þegar menn fjalla í raun "spjöll af völdum umferðar utanvega" þá er verið að hjálpa öflunum sem hata allt sem vélknúið er. Öflum sem nú virðast vaða uppi í samfélaginu.
Síðustu tíðindi, kærur og upphrópanir ráðamanna afhjúpa hvers konar ofstæki virðist ríkja gegn frjálsri og heilbrigðri ferðamennsku um landið. Auðvitað þurfum við að ganga vel um náttúruna, það þekkja fjallaferðamenn manna best og mun betur en þeir sem ekki ferðast. Það gildir um alla ferðamenn, bæði þá sem fullfrískir eru og á besta aldri og líka um mun fjölmennari hóp sem ekki getur notið víðerna landsins nema með aðstoð dýra eða vélknúinna tækja.
Lausn á vanda vegna spjalla af völdum umferðar utanvega felst í aðgerðum sem taka á raunverulegum vanda en ekki ofstæki og hálfgerðri móðursýki gegn ímynduðum vandamálum eins og til dæmis frægri sviðsetningu í hraunjaðri eða skemmdum af völdum umferðar á rennandi hrauni.
Framganga og ummæli undanfarna daga frá umhverfisstofnun og umhverfisráðherra eru þessum aðilum til mikilla vansa og sannfæra mig um að fyrir þeim vakir ekki eðlileg náttúruvernd heldur hatur og ofstæki gegn öllu sem vélknúið er. Gegn þessum öfgaöflum þurfum við að berjast af afli ef við viljum ekki missa ferðafrelsið endanlega.
Snorri
R16
Ég var þarna í gækvöldi og sá þennan meinta "glæp". Ég er mjög stoltur af þeim hjá ArticTrucks að gera frábæra landkynningu, TopGear er með gífurlegt áhorf.
Ég gat ekki betur séð en að fagmannlega væri að verki staðið. Þetta er í rauninni sviðsett, þeir rétt settu framhjólin upp í hraunkantinn og nutu aðstoðar björgunarsveitar.
Fréttaflutningur af þessu einkennist af æsifréttamennsku og er viðkomandi fjölmiðlum til minnkunnar. Nær hefði verið að fjalla um frábæra landkynningu sem við munum fá i þessum feykivinsæla sjónvarpsþætti og hrósa þeim sem að stóðu.
Viðbörgð Umhverfisstofnunar benda til mjög undarlegra viðhorfa gagnvart vélknúnum tækjum. Ef Umhverfisstofnun er í raun að fara að lögum, þá eru þau lög arfavitlaus.
Gott er að fá þetta svona skýrt uppá yfirborðið í baráttunni fyrir áframhaldandi ferðafrelsi á Íslandi.Snorri
R16
Talaðu við Rafstillingu, mig minnir að hann heiti Helgi.
Ég lenti í furðuhegðun með hleðslu, ekki þó sömu og þessa og bilunin reyndist vera brotinn stýrivír við Alternatorinn, mig minnir að það hafi verið hleðlsuljóssvírinn. Þá hlóð ekkert og ekkert ljós kom.
Helgi er fjölfróður, var ekki lengi að koma mér á sporið, og átti fyrir mig annað tengi á góðu verði, frábær þjónusta.
[url:1urp8p5f]http://www.rafstilling.is/index.php?option=content&task=view&id=2&Itemid=26[/url:1urp8p5f]
Snorri
Uppfært !
Búinn að leiðrétta ;}
Athugið að vefútvarpið á HF er ekki alltaf í gangi og ekki í augnablikinu, en stefnt er í að það verði sem mest í gangi á meðan ferðin stendur yfir. Þetta er mjög fróðleg tilraun því að tæknilega er ekkert því til fyrirstöðu að taka upp samskonar vefútvarp fyrir endurvarpana okkar.
Bendi stórferðarförum á að fara inn á http://www.radioehf.is , sækja þar yfirlitsmynd yfir endurvarpa og prenta út til að taka með. Veljið flipann „vhf kort“ og þá blasir þetta við.
Fyrir þá sem vilja fylgjast með að heiman (sófariddarana):
Skúli verður með SPOT sendi á toppnum og hægt verður að fylgjast með honum hér: http://share.findmespot.com/shared/faces/viewspots.jsp?glId=05fCJf0mzmSkVbauIkqB6xBEuGD0XryXs
Radíóamatörar eru búnir að koma upp hlustun á netinu á HF tíðni þeirra á Íslandi sem er 3,637 Mhz. Þar verður hægt að hlusta á samskipti radíóamatöra í ferðinni og frá fréttir af gangi mála. Hlusta má hér: http://www.ira.is/pages/viewpage.action?pageId=1638642.
Skoða má vefradíóið og SPOT saman á einni síðu hér: http://static.ira.is/radiospot.html
Svo er alltaf fróðlegt að skoða http://www.ira.is
Snorri
Rétt er að við verðum að lifa með þeim lögum sem gilda. Ég hefði þó kosið að sjá lög sem gæfu svigrúm til löglegrar umferðar utanvega þar sem engin landspjöll geta orðið. Tek þó fram að ég styð ekki landspjöll af völdum umferðar utanvega og hef barist gegn þeim með öllum mætti allt frá stofnun F4x4.
Nú er í gangi mikil vinna við skipulag á hálendinu og mikil umræða í gangi, stundum heldur öfgakennd gegn okkur. Í þeirri umræðu nota menn almennt misleiðandi orðalag um landspjöll af völdum umferðar utanvega, eins og t.d. "akstur utanvega".
Þetta orðalag er villandi fyrir þá fjölmögu sem vilja bæta umhverfis sitt en þekkja ekki nægilega til á hálendinu. Búið er að innprenta ranglega hjá þessu annars velviljandi fólki að akstur utanvega sé undirrót alls sem aflaga fer á hálendinu.
Ég legg því til að menn temji sér frekar að tala um hlutina eins og þeir eru, það er "landspjöll af völdum umferðar", frekar en taka eina gerð umferðar út eins og um eina sökudólginn sé að ræða.
Ég lít svo á að lög sem banna "akstur utan vega" séu ólög og slys að þau séu til eins og þau eru.
Eins og Hlynur bendir á er útilokað að framfylgja þeim og slík lög eru ekki góð.Annað sem ég er að gagnrýna er að umræðan og lögin snúist bara um "akstur" en ekki alla umferð.
Í þeim tilvikum sem spjöll eru unnin skiptir engu hvort þau eru af völdum vinnuvéla, gönguskóa, hesthófa eða hjólbarða.
Því er rangt að klifa sífellt á einum þessara þátta (hjólbarða) og til þess eins fallið að sverta ímynd jeppaferðamanna.Tek fram að ég skrifa hér sem einstaklingur enda ekki í forsvari fyrir F4x4.
Hvernig væri nú að hætta að fjalla um "utanvegaakstur" sem eitthvað hrikalega neikvætt og slæmt ?
Stórir hlutar af landinu eru þannig að akstur utan vega skemmir ekki neitt og ætti að heyra undir sjálfsagða landnotkun.Hins vegar eru landspjöll og óþarfa ónæði af völdum umferðar, hvort sem er af völdum vélknúinna ökutækja, manna, eða dýra sem menn sitja ofaná, nokkuð sem við viljum halda í lágmarki. F4x4 hefur lagt þar gífurlega mikið af mörkun undanfarna áratugi.
Ofstækisöfl sem virðast berjast gegn því að aðrir en þeir sem eru fullfrískir og á besta aldri geti notið óyggðanna, hafa hins vegar tekið rangnefnið "utanvegaakstur" upp sem orsakavald allra landspjalla.
Fullt af velviljuðu fólki sem þó þekkir illa til, lepur þetta ólánsorð upp hvert eftir öðru í þekkingarleysi sínu, okkur jeppaferðamönnum til stórskaða.
Það sem við getum gert að er að útskýra alltaf þegar tækifæri gefst muninn á "landspjöllum vegna umferðar utanvega" og "utanvegaakstri".
Þarna er Umhverfisstofnun gersamlega að missa sig í forræðishyggju og komin langt út fyrir verksvið sitt.
Þetta er svona álíka mikil forræðishyggja og ef starfmenn Umferðarráðs sendi starfsmönnum Umhverfisstofnunar tölvupóst fyrir árhátíðina hjá þeim með áminningum að það væri bæði lögbrot og hættulegt að keyra fullur heim eftir árshátíð.
Greinilegt er að spara má eitthvað í rekstri Umhverfisstofnunar ef starfsfólk þar eyðir tíma sínum í að nasa upp ferðir valinna ferðahópa (sem í þeirra fordómafullu hugum eru þjóðfélagslega hættulegri en aðrir hópar) og senda þeim föðurleg áminningarskeyti.
Mér finnst reyndar líklegt að starfsfólk Umhverfisstofnunar sé þarna að reyna að minna okkur á vald sitt og koma umræðunni í þann farveg að þau geti talað föðurlega niður til okkar eins og kennari.
Þessi tilheiging þeirra er mjög hættuleg, sérstaklega í ljósi þess að greinilegt er að markmið Umhverfisstofnunar (og ef til vill ferðaþjónustuaðila sem hafa sérstakra hagsmuna að gæta) að taka náttúru landsins frá öllum öðrum en þeim sem eru fullfrískir og á besta aldri. Einungis þeir sem geta gengið á eigin fótum um hálendið skulu fá að njóta þess. Gott dæmi um þetta eru tilburðir sem uppi eru um að loka Vonarskarði fyrir öðrum en gangandi.
Viljum við búa í landi þar sem eingungis fullfrískt fólk á besta aldri má njóta landins gæða ?
Snorri
R16
Minni á aðstoð í boði fyrir verðandi Radíoamatöra í kvöld kl 19-21.
Snorri
