Forum Replies Created
-
Replies
-
Þetta er athyglisvert:
http://mbl.is/frettir/innlent/2012/08/03/heilagur_kaleikur_a_islandi/Myndin með fréttinni er reyndar af lauginni við Ásgarðsána í Kerlingarfjöllum en ég held þeir telji að handritið sé falið í Skipholtskrók sem eru vestan við Kerlingarfjöllin.
Jörgen er að panta þetta fyrir mig:
S&B Intake for Ford Powerstroke 6.4 2008 2009 2010
[url:3sxfgb48]http://www.hsperformance.com/store/browse-by-item/intakes/sandb-intake-for-ford-powerstroke-6-4l-2008-2009-2010.html[/url:3sxfgb48]
Ég hef nú flestar mínar upplýsingar um vandamál í 6.4 vélinni frá mönnum sem eiga 6 lítra vélina, flest hefur komið þar í óspurðum fréttum. Eða eins og sagði í sögunni: "Þau eru súr" sagði refurinn þegar hann náði ekki upp í berin í trénu.
Helstu vandamálin sem virðast hrjá 6.4 vélina eru þau að EGR dótið setur sót í smurolíuna. Ef ekki er skipt um smurolíu eftir því sem Ford segir til um, þá eiga undirlyfturnar til að festast útaf sóti og þá fer allt í steik.
Lausn á þessu er að skitpa um smurolíu á réttum tíma ! Þetta vandamál hverfur með EGR delete kitti.Svo á vatnskassinn til að fara að leka. Virðist vera einhver veikleiki. Ef menn fylgjast ekki vel með vatnshitanum, þá enda þetta í yfirhita og þá fer allt í steik.
Þannig að lausnin er að fylgjast með vatnshitanum eða vatnshæðinni í forðabúrinu.
Þetta þýðir að 6.4 vélin hentar ekki fólki sem trassar að skipta um smurolíu eða keyrir eins og blindir kettlingar án þess að fylgjast með kælivatnsborði á forðakút eða vatnshita þangað til allt er komið í steik.
Hentar vel fyrir hina.
Eitt í viðbót hefur líka bilað. Hráolíudælan er staðsett inni í vélarblokkinni til að minnka hávaða. Þessi dæla smyr sig úr olíunni. Þegar menn keyrðu á steinolíu, þá átti að setja 1% smurolíu með til að tryggja smureiginleika olíunnar. Ef það var ekki gert, þá átti þessi dæla til að hrynja með miklum kostnaði fyrir eigandann. Lausn á þessu er að kaupa ekki svona bíl nema eigandinn ábyrgist að hafa ekki keyrt eins og asni á steinolíu án þess að setja 1% smurolíu með.
Ég er með MiniMax og stilli á Mild (næstneðsta power).
Hef prófað Wild (hæsta) og það rykkir vel í. Spólar bara á malbikinu ef botnað er á lítilli ferð (þori ekki að trampa í kyrrstöðu). Hann gaf alltaf meldingu um stíflaðan lofthreinsara þegar ég gaf aðeins í Wild stillingu, er kominn með opnari síu og þá hætti það.
Á enn eftir að downloada 330 hp modulnum frá þeim og prófa. Bíð með það þangað til ég verð kominn með stærra loftinntak, það er á leiðinni.
Hef ekki borið saman eyðslu milli power levela.
Er þetta ekki bara photoshoppað, ég trúi því ekki að nokkur geri svona.
Ég er með 2008 Ford F350 með 6.4 vélinni.
Er á 37 tommum, bíllinn er óþarflega hár fyrir þau og því með óþarflega mikla loftmótstöðu.Kominn með EGR delete kit, opnara púst og lofthreinsara, líka kominn með tjúnngræjuna frá Jörgen sem gefur mér allt að 270 hesta í viðbót eða alls um 600 hestöfl. Þessi græja setur lockupið á í 4 gír sem er mikill kostur fyrir eyðslu og leiðréttir hraðamælinn. Aflið er bara fáránlega mikið.
Fór með hjólhýsið frá Rvk til Akureyrar og eyddi 20 l á hundraðið ( var á ca 84 km hraða í cruise control ).
Hélt svo áfram í rigningu í gær til Eskifjarðar án hjólhýsis og eyddi 15 l á hundraðið ( var á ca 95 km hraða í cruice control ).
Þetta er Vikrafellsleiðin sem Vatnajökulsþjóðgarður lokaði.
Frábær þáttur hjá þeim félögum fyrir norðan.
Þeir koma sjónamiðum okkar vel á framfæri.
Ég setti eftirfarandi pistil á ferðafrelsi á Facebook.
Hann á líka heima hér.Það sem mér finnst slæmt í greinni í Mogganum er hvernig vandamál vegna landspjalla af völdum umferðar utanvega norðan Vatnajökuls er notað til að réttlæta lokun Vatnajökulsþjóðgarðs á vélknúinni umferð um Vikrafelslleið og Vonarskarð. Ég sé ekki betur en það sé gert með beinum hætti í greininni. Þetta finnst mér einkenna umfjöllun um landspjöll af völdum umferðar. Upphróp sem virðast jafnvel vera gerð í þeim tilgangi að réttlæta vægast sagt umdeildar lokanir fekar en að tilgangurinn með umræðunni sé að laga eitthvað. Í mörgum tilvikum er hægt að koma í veg fyrir landspjöll með smávægilegum og staðbundnum aðgerðum sem ættu ekki að kosta svo mikið. Jafnvel bara stikun. F4x4 hefur boðist til að gera meira af því heldur en þeim hefur verið leyft. Ég er vildi helst eyða kröftum mínum í að koma í veg fyrir landspjöll af völdum umferðar utanvega. Því miður fara þeir kraftar sem ég aflögu í að berjast gegn því að fólk sem vill helst loka öllu hálendinu fyrir nær allri vélknúinni numferð nýti þessi landspjöll til að réttlæta þann draum sinn.
Allir fjarskiptanefndarmenn gefa kost á sér áfram.
Snorri
[attachment=0:q9p2luts]MG_2588_50-1.jpg[/attachment:q9p2luts]
Þessi mynd var send með greininni en ég veit ekki hvort hún var birt í FÍB blaðinu.
Hér er textinn sem var sendur til FÍB og ég held að hann hafi verið birtur óbreyttur:
Í FÍB blaðinu, sem kom út í október 2011, var viðtal við Snorra Konráðsson bifvélavirkjameistara um bílabreytingar. Þar komu fram ýmsar rangfærslur sem Tækninefnd Ferðaklúbbsins 4×4 vill leiðrétta.
Íslenskar jeppabreytingar eru byggðar á viðamiklum rannsóknum, áratuga langri reynslu og gríðarlegri þekkingu. Þetta er tækninýjung sem ekki hefur þurft opinbera styrki en er að skapa miklar gjaldeyristekjur. Íslensk jeppabreytingafyrirtæki hafa undanfarin ár selt sífellt fleiri breytta bíla úr landi, til dæmis til Noregs, Svíþjóðar, Rússlands, Úkraínu, Sameinuðu arabísku furstadæmanna, Suður-Afríku o.fl. Einnig má nefna að nú eru notaðir í rannsóknarverkefnum á Suðurskautslandinu á annan tug jeppa sem breytt hefur verið af Íslendingum og eru þar notaðir við gríðarlega krefjandi aðstæður. Þessir bílar væru ekki þarna ef þeir stæðust ekki kröfur um áreiðanleika og rekstraröryggi og þeir eru margfalt ódýrari í rekstri en önnur farartæki sem hingað til hafa verið notuð á þessum slóðum. Þetta eru skýr dæmi um það hvernig frelsi almennings til að spreyta sig á krefjandi viðfangsefnum leiðir af sér stórkostlegar framfarir. Auðvelt hefði verið að kæfa þessar framfarir með óþarfa forsjárhyggju.Í upphafi jeppabreytinga á Íslandi fóru fram viðamiklir útreikningar á álagsbreytingum, t.d. vegna stærri hjóla, og áhrifum breytinga á aksturseiginleika og stöðugleika. Í stuttu máli eru niðurstöðurnar þær að aukin þyngd veldur meiri álagsaukningu en stækkun hjólbarða. Í bílabreytingum þekkjum við mörg dæmi um verulega þyngdaraukningu, t.d. við brynvörn bíla og þegar stórir snjóplógar eru settir framan á bíla, með mun meiri álagsaukningu heldur en ef viðkomandi bílar eru settir á stærri hjól.
Í mörgum tilvikum sýndu íslenskir verkfræðingar fram á að álag á stýrisbúnað var minna með stærri hjólum. Þeir sem draga þær niðurstöður í efa geta sannreynt þær með því að aka barnavögnum með misstórum hjólum upp á kantstein, eða eftir ójöfnu undirlagi. Til dæmis var athugað sérstaklega fyrirbæri sem algengt er á þjóðvegum með malarslitlagi, krappar og slæmar holur við brýr. Ferðaklúbburinn 4×4 keypti u.þ.b. árið 1990 sérhannaðan mælibúnað til að mæla álag á stýrisbúnað. Með þessum búnaði var sýnt fram á að stærstu kraftarnir sem stýrisbúnaður verður fyrir er þegar beygt er í kyrrstöðu eða á mjög lítilli ferð og var það meðal annars skýrt með því að aukinn hverfiþungi stærri hjóla gleypir krafta þegar ekið er yfir ójöfnur.
Varðandi fullyrðingar um lakari hemlunargetu breyttra bíla er rétt að benda á að hemlunargeta þeirra er mæld árlega eins og í öðrum bílum og þurfa þeir að uppfylla nákvæmlega sömu kröfur og standast allar sömu prófanir viðurkenndra skoðunarstöðva. Statískir útreikningar sýna að þrýstikraftur á hemlaklossa eykst í réttu hlutfalli við þvermál hjóls, hins vegar minnkar sú vegalengd sem klossinn rennur eftir disknum að sama skapi, þannig að það segir ekki alla söguna. Raunveruleg álagsaukning, og þar með hitamyndum, fer eftir þyngdaraukningu og þar með hreyfiorkuaukningu bílsins, sem í þessu samhengi er óveruleg í jeppabreytingum. Þrýstingur í hemlarörum eykst reyndar í réttu hlutfalli við þvermál hjóls, en allur þessi búnaður er hannaður til að þola margfalt það álag sem hann getur orðið fyrir vegna t.d. nauðhemlunar. Hámarksþrýstingur í hemlarörum verður heldur aldrei meiri en ökumanni tekst að framkalla við nauðhemlum og er alveg óháður stærð hjóla.
Í greininni lýsir Snorri áhyggjum sínum yfir því að ummál hemladiska sé minnkað. Þessi breyting var fyrst gerð á breytingaverkstæði Toyota, síðar Arctic Trucks, og héldu þeir bílar fullri ábyrgð með samþykki verksmiðjuframleiðanda. Hemladiskar voru heldur ekki gerðir minni en þeir sem minnstir komu frá framleiðenda miðað við sömu þyngdir af bílum. Líklegt er að stærð hemladiska hafi gjarnan miðast við stærð á felgum, frekar en útreikningum á minnstu mögulegu stærð hemladiska, enda eru slíkir útreikningar augljóslega óframkvæmanlegir eins og allir betri verkfræðingar vita.
Grindarbreytingar eru byggðar á áratugalangri reynslu manna hérlendis á lengingu vörubíla og stórra fólksflutningabíla, sem hófust fljótlega eftir að byrjað var að flytja bíla til íslands. Þekkingin hefur í áranna rás þróast mann frá manni og nýst vel. Sem dæmi um öryggi burðarhluta gagnvart álagsaukningu frá stærri hjólum má nefna að allir jeppar eru með yfirstærð af framhjólalegum vegna þess að koma þarf öxlinum fyrir framdrifið út í gegnum leguna. Við hvetjum alla til að kynna sér mun á framhjólalegum á t.d. amerískum pallbílum sem koma með eða án framdrifs en eru eins að öðru leyti. Niðurstöður útreikninga sýndu að slík yfirstærð vegur mun meira en stækkun hjóla.
Fullyrðingar um að breytingar á stýrisgangi séu ekki athugaðar eru rangar. Bannað er að sjóða saman stýrisgang án þess að suður séu skoðaðar og röntgenmyndaðar af viðurkenndum rannsóknaraðila með sérfræðiþekkingu. Auk þess gilda reglur um það hvar í stýrisgang megi sjóða. Frá því að jeppabreytingar voru lögleiddar á Íslandi, árið 1986, hafa allar breytingar á stýrisgangi verið háðar slíkum skoðunum.
Fullyrðingar um að þyngdarpunktur breyttra bíla hafi ekki verið skoðaður eru einnig rangar. Gerðar voru umtalsverðar athuganir á þessu hjá Ferðaklúbbnum 4×4 og síðar á breytingaverkstæði Toyota. Niðurstöður leiddu ótvírætt í ljós aukinn stöðugleika vegna þess að við breytingar breikka bílarnir og það vegur upp á móti hækkun þyngdarpunkts og gott betur. Í þessu samhengi er rétt að benda á að breyttir jeppar á Íslandi eru gerðir til að nota við erfiðar aðstæður og hækkun því haldið í lágmarki til að fá betra og jafnara grip fyrir hjólin í ójöfnum. Í reglum um breytingar er kveðið á um hámarkshækkun og þarf því að víkka hjólaskálar frekar en hækka bílinn meira til að koma stærri hjólum undir. Þetta er ólíkt því sem tíðkast t.d. í Bandaríkjunum þar sem bílar eru yfirleitt hækkaðir mun meira en hér á landi, enda tilgangurinn annar.
Hvað undirakstursvarnir varðar gilda sömu ströngu reglur um undirakstursvarnir fyrir breytta jeppa og önnur stór farartæki sem flest vega margfalt á við breytta jeppa.
Hið sama gildir um breytta jeppa og alla aðra bíla að stýrisgangur, stýrisdemparar og hjólastilling þurfa að vera í lagi til þess að hjólbarðar endist og skjálfi ekki á vissu hraðabili.
Snorra finnst að ábyrgðir framleiðenda á bílum ættu að falla úr gildi við breytingar. Það er hins vegar eingöngu ákvörðun framleiðenda og bílaumboða hvort ábyrgðir bíla haldi eða ekki eftir breytingar, en hefur ekkert með skoðanir fólks að gera. Íslensk bílaumboð hafa sjálf sett upp og rekið eigin bílabreytingaverkstæði, t.d. Toyota. Verkfræðingar frá Toyota hafa fylgst með bílabreytingum hér á landi af áhuga og komið hingað gagngert til þess að kynna sér breytingar sem þeir hafa síðan nýtt í fjöldaframleidda bíla. Hugtökin „þrautprófað“ og „viðurkennt“ eru stórlega ofmetin í þessu samhengi. Það skyldi þó ekki vera að það sé framleiðslukostnaður sem ráði útfærslu bílaframleiðenda en ekki ending og styrkur?
Hvað skoðanir Jean Todt á breyttum bílum varðar þá er það athyglivert að hingað séu fengnir mótorsportmenn utan úr heimi til að úttala sig um sínar skoðanir á því hvað okkur Íslendingum hentar í nýjungum í samgöngutækni hér á landi. Við drögum ekki í efa færni þessa manns á sínu sviði í kappakstri en sjáum ekki samhengið við betrumbætta bíla á borð við þrautreynda breytta björgunarsveitabíla, lögreglubíla og sjúkrabíla, sem hafa auðveldað þessum aðilum verulega störf sín við íslenskar aðstæður og lækkað þannig kostnað skattgreiðenda og aukið þjónustu og búsetuöryggi.
Okkur í Tækninefnd Ferðaklúbbsins 4×4 þykir það gleðiefni að góðir bifvélavirkjar eins og Snorri Konráðsson hafi áhyggjur af gæðum vinnu við jeppabreytingar. Það er nefnilega með jeppabreytingar eins og aðra fagvinnu, að þær verður að vinna af kostgæfni. Það eru til mýmörg dæmi um slægleg vinnubrögð í viðgerðum á algerlega óbreyttum bílum. Til dæmis er til skjalfest dæmi um að felguróm hafi verið snúið öfugt á fólksbíl eftir vinnu við bremsur á virtu verkstæði. Slíku og sambærulegu fúski verður ekki útrýmt með reglugerðum eða með blaðagreinum í upphrópunarstíl, heldur frekar með vönduðu iðnnámi og aukinni sjálfsvirðingu þeirra aðila sem taka að sér viðgerðir og breytingar. Það eru til verkstæði sem bæði vinna að almennum viðgerðum og hafa áratuga reynslu af jeppabreytingum. Það sem gert er á þessum verkstæðum er oft á tíðum afreki næst og margur ungur jeppamaðurinn hefur haft aðgang að þeim mönnum sem að þessu standa og þegið góð ráð án þess að rukkað hafi verið fyrir. Þetta leiðir til framfara. Það sem Snorri Konráðsson er hins vegar að ýja að, er svipað því að banna glugga á húsum vegna þess að þeir eiga það til að leka vegna lélegra vinnubragða. Það er ekki það sem við þurfum.
Benedikt Magnússon, tæknifræðingur
Atli Karl Ingimarsson, verkfræðingur
Guðni Ingimarsson, verkfræðingur
Rúnar Sigurjónsson, tölvunarfræðingur
Snorri Ingimarsson, verkfræðingur
Valur Sveinbjörnsson, verkfræðingur
Örn Ingvi Jónsson, verkfræðingur
Hvað er ábyrgur akstur ?
Hvað eru veruleg náttúrspjöll mikil náttúruspjöll ?
Hvað eru þá óveruleg náttúrspjöll mikil náttúruspjöll ?
Hvernig mælum við það ?
Hvar liggja mörkin ?Mikil refsigleði leiðir ekki til betra samfélags, þvert á móti.
Gott er að stöðva tjón af völdum umferðar utanvega og taka hart á einbeittum brotavilja, en lítum á þetta frá annari hlið:
Mynduð þið, ritarar sem mælið þessum ósköpum bót, vilja lenda í því að vera kannski sakfelldir saklausir fyrir veruleg náttúruspjöll sem þið voruð ekki valdir að ?
Veruleg að mati embættismanna sem hafa ekki viðmið til að fara eftir ?
Kannski sakaðir um veruleg náttúruspjöll að mati hinnar "óskeikulu" stjórnsýslu ?
Brot talið sannað að mati hinna "óskeikulu" dómstóla ?Komið hefur fyrir að saklaust fólk hefur verið dæmt, refsirammi þarf því að vera hæfilegur og í samræmi við refsiramma fyrir önnur afbrot.
Ég skil ekki þá sem styðja mun þyngri refsingu fyrir náttúruspjöll sem valdið er með ólöglegum akstri utanvega heldur en náttúruspjöllum sem valdið er á annan hátt.
Svo er það annað mál að löggjöf um akstur utan vega virðist vera í þvílíku öngstræti að bannað er að leita að vaði yfir á, eða hafa menn aðra túlkun á því ?
Snorri
R16
Ég fékk ekki nánari skýringar á því á fundi stjórnar VJÞ um hvers konar friðun er í gangi þarna.
Fólkið sem fer með stjórn garðsins vissi það ekki sjálft og þarf að afla sér frekari gagna!
Verð því að afla gagna hjá fróðara fólki og upplýsa ykkur síðar.
Reyndar verður að koma fram að Hjalti, sveitarstjórnamaður á Suðursvæði sem fer með málefni Esjufjalla var ekki á fundinum en hefur vafalítið vitað meira ef ég þekki hann rétt. Varamaður hans hafði sig lítið í frammi nema þegar hann, mér til sárra vonbrigða, studdi hvorki tafarlausa opnun Vikrafellsleiðar né opnun Vonarskarðs eftir 1. september á meðan rannsókn á þolmörkum stendur yfir.
Það sem kemur mér hins vegar mikið á óvart eftir þessa Esjufjallaumræðu er að atkvæðabær fulltrúi í stjórn VJÞ, sú sem skrifaði klausuna í tölvupóstinum þar sem fram kemur að bara einn bíll hafi farið í Esjufjöll, og allt það bakland sem hún vísar til veit bara hreint ekkert um mikla umferð útivistarfólks þarna undanfarna áratugi.
Það er varla boðlegt en skýrir kannski hvaða fáfræði við erum að mæta þegar þau fjalla um okkar mál.
Takk fyrir góð svör.
Líklegt er að mun fleiri hafi ekið í Esjufjöll og vonandi gefa sig fleiri fram hér.
Kveikjan að þessu öllu eru margar spurningar sem ég hef fengið um það hvort VJÞ sé að loka fyrir umferð í Esjufjöll. Ég kannaði málið og niðurstaðan er sú að einhverjar eldri friðlýsingar eru til, veit ekki alveg hvernig þær eru tilkomnar. Eftir að Vatnajökulsþjóðgarður var stofnaður hefur ekki verið bætt við lokunum þarna eða þeim breytt, VJÞ er því saklaus af þessari lokun.
Á morgun verður stjórnarfundur í VJÞ þar sem ræða á aðrar lokanir sem VJÞ hefur gert og jafnvel taka ákvörðun um hvort þeim verði aflétt í framhaldi af vinnu Samráðsnefndar sem sett var á laggirnar í framhaldi af áköfum mótmælum. Þar ber hæst Vonarskarð og Vikrafellsleið.
Ég mun afla nánari upplýsinga um friðlýsingar í Esjufjöllum á morgun og birta hér.
Mér finnst sjálfsagt að virða starf vísindamanna og gæta þess að trufla ekki rannsóknir þeirra í þeim tilvikum sem um einstök tækifæri eru til að auka þekkingu okkar. Við þurfum að þekkja þessi tilvik og kynna meðal okkar félaga.
Á sama hátt er rétt að athuga vel sinn gang varðandi lokanir þeim tilvikum sem sambærileg efnisleg rök vantar.
Lokanir og bönn sem stríða gegn velsæmisvitund ferðafólks vinna gegn góðum markmiðum um vernd náttúrunnar fyrir óþarfa tjóni af völdum umferðar.Snorri Ingimarsson
áheyrnarfulltrúi SAMÚT í stjórn VJÞ
Hér er bútur úr tölvupósti sem mér barst og er keikjan að þessari spurningu:
Örlítið meira. Ég heyrði í Kristbirni Egilssyni, líffræðingi, sem hefur unnið hjá Náttúrufræðistofnun alla sína starfsævi en er nýhættur. Hann var lengst af samstarfsmaður Eyþórs og hefur oft farið í Esjufjöll. Hann segist aldrei vita til þess að bíll hafi farið í Esjufjöll. Í eina skiptið sem hann vissi til að væri farið með vélknúið farartæki þangað, á öllum hans ferli, var 1978. Þá fór hann sjálfur með þegar Jöklarannsóknarfélagið fór með seinni skálann inn í fjöllinn. Þá var húsið byggt í Reykjavík, flutt austur á bíl og hengt á sleða aftan í snjóbíl og farið þannig með það á grunn sem búið var að gera, allt á snjó.
Leiðangursmenn frá Náttúrufræðistofnun fari alltaf gangandi með allan sinn búnað í Esjufjöll venjulega undir leiðsögn Hálfdánar á Kvískerjum.Aðeins innlegg í Esjufjöll.
Esjufjöll hafa verið friðlýst sem friðland síðan 1978. Ég man vel eftir umræðu um Esjufjöll hjá Náttúruverndarráði á sínum tíma. Eyþór Einarsson, grasafræðingur, var þá formaður ráðsins og hafði rannsakað gróðurfar í Esjufjöllum og var áhugasamur um verndun þeirra. Margir vildu setja mjög strangar skorður við umferð um Esjufjöll vegna þess hve merkileg þau eru, aðrir töldu þess ekki þurfa, fjöllin verðu sig sjálf vegna þess hve óaðgengileg þau eru. <strong>En nú er öldin greinilega önnur, menn þurfa að böðlast hvert á land sem er og pissa utan í hverja þúfu sem þeir sjá</strong>, svo að þá þarf að fara að setja formlegar reglur um alla skapaða og sjálfsagða hluti.
!!!! Esjufjöll eru jökulsker og sýna og gefa vísbendingu um gróður sem getur þrifist við aðstæður sem þessar. Þau eru líka merkileg hvað það varðar að þau hafa aldrei verið beitt eða nytjuð á annað hátt af mönnum. Vistfræðingar hafa svo lengi sem ég man fjallað um tvær meginkenningar um uppruna íslenska lífríkisins. Annars vegar að allt líf hafi þurrkast út við ísöld og hafi því allt borist hingað eftir að henni lauk og hins vegar að alltaf, eða alla vega oftast, hafi verið einhver jökulsker, núnatakkar, upp úr ísnum og þar hafi einhverjar plöntur og jafnvel dýr hjarað og svo dreift sér þaðan þegar ísar hjöðnuðu. Esjufjöll eru mikilvægt rannsóknarsvæði hvað þessar kenningar varðar. Þar lifa, að margir telja, ótrúlegustu tegundir. Náttúrufræðistofnun hefur vaktað svæðið í samstarfi við Kvískerjabræður og ég geri ráð fyrir að svo sé enn. Sú vöktun á svæðinu er gerð vegna þess að þar eru einstakar aðstæður til að meta áhrif loftslagsbreytinga á lífríki.
Það er því mikilvægt að lífríkið í Esjufjöllum fái að þróast „samkvæmt eigin lögmálum“, rétt eins og í Surtsey. Að þangað séu t.d. ekki borin fræ annars staðar frá eða einhver kvikindi og landi ekki raskað eða það mengað. Ég veit ekki betur en að María Ingimarsdóttir, líffræðingur sem var lengi í sveit á Kvískerjum, sé nú að vinna að doktorsverkefni um landnám og framvindu smádýrasamfélagsins þarna. Nánari upplýsingar um Esjufjöll má örugglega fá á Náttúrufræðistofnun.
Ég er að afla upplýsinga um jeppaferðir í Esjufjöll.
Senda má upplýsingar á snorri@tstod.is eða birta hér á síðunni.
Myndir væru vel þegnar.
Ég hef einu sinni farið á jeppa í Esjufjöll, það var í apríl 2003.
Við komum af Öræfajökli og fórum niður Hermannaskarð og svo áfram undir Mávabyggðum.
Gistum í Esjufjöllum (ef ég man rétt) og fórum svo niður Breiðamerkurjökul.Mér var ekki kunnugt um það þá að takmarkanir væru á umferð þarna.
Við vorum á nokkrum bílum vel útbúnum.
Snorri
[quote="gauki":2usxj2em]
Nú fer fram úttekt á Vonarskarðssvæðinu og er niðurstöðu að vænta um mitt ár. Endanleg ákvörðun verður í kjölfar hennar, hafi ég tekið rétt eftir.
[/quote:2usxj2em]Þetta er ekki alveg rétt og ætla ég að reyna að skýra þetta mál betur:
Stjórn Vatnajökulsþjóðgarðar tók á sínum tíma þá ákvörðun að loka Vonarskarðinu þvert á vilja svæðisráðs vestursvæðis Vatnajökulsþjóðgarðar sem vildi hafa það opið eftir ákveðna dagsetningu síðsumars (man ekki nákvæma dagsetningu).
Þetta varð til þess að mikil mótmæli komu fram, enda þykir mörgum allt of langt gengið í lokunum slóða að loka Vonarskarðinu. Þessi mótmæli náðu hámarki í Krossferðinni og með innsendingu mörg þúsund formlegra athugasemda. Til að gera langa sögu stutta, þá urðu mótmælin til þess að sett var á laggirnar "samráðsnefnd um samgöngur" í VJÞ til að fjalla um þau ca 30 atriði sem hæst bar í innsendum mótmælum vegna verndaráætlunar VJÞ.
Samráðsnefndin er skipuð ýmsum aðilum og komst hún að sameiginlegri niðurstöðu í öllum málum nema 2. Þessi tvö mál varða lokun á Vonarskarði og Vikrafellsleið.
Samráðsnefndin þríklofnaði varðandi Virkafellsleið. Sumir vildu loka, aðrir vildu opna, einn sat hjá.
Samráðsnefndin náði sátt um að rannsaka bæri umferðarþol í Vonarskarði gagnvart umferð, en hún þríklofnaði í afstöðu til þess hvort Vonarskarð skyldi vera alveg lokað á meðan þessi rannsókn stæði yfir eða vera opið eftir 1. september. Sumir vildu hafa lokað á meðan, aðrir vildu hafa opið, einn sat hjá.Ekki hefur verið fjallað um það í stjórn VJÞ hvorn kostinn skuli velja. Ég veit ekki til þess að þessi rannsókn eða úttekt sé komin í gang og hef ekki fengið staðfest að hún verði gerð í sumar.
Það er því alveg á valdi stjórnar Vatnajökulsþjóðgarðs hvort Vonarskarð verði opið eða lokað á meðan úttektin fer fram og hvort úttektinni verði lokið næsta sumar eða síðar. Þetta hefur ekki verið rætt í stjórninni ennþá en verður væntanlega rætt á næsta fundi sem verður í lok þessa mánaðar.
Óháð því hvað fulltrúar VJÞ sögðu við félagsmenn F4x4 á þessum fundi, þá liggur skýrt fyrir að a.m.k. einn af þessum þremur, fulltrúi Vatnajökulsþjóðgarðar í samráðsnefndinni, vill loka Vikrafellsleið og Vonarskarði fyrir umferð annara en gangandi.
Snorri Ingimarsson
áheyrnarfulltrúi samtaka útivistarfélaga (SAMÚT) í stjórn VJÞ.
Flott hjá ykkur í Stóru litlu-nefndinni
Til lukku, þó að ég þykist vita að þið fóruð þessar ferðir fyrir ánægjuna eina en ekki til að fá einhver verðlaun.
Snorri
