Forum Replies Created
-
Replies
-
Fyrir þá sem hafa Tetra, þá eru þær búnar að vera í beinni í allt kvöld.
Ég var heima í skúr að tengja Tetra vöggu, handfrjálsan búnað og útiloftnet í Patrolinn fyrir morgundaginn, Þorgeir og Lella voru með Tetra í sófanum, Benedikt Magnússon í Árbúðum, stelpurnar í Setrinu, allir að tala saman í beinu sambandi á talhóp 4×4-1.
Snorri.
Benedikt Sigurgeirsson fjallar um þessa setningu:
"Höfum líka í huga að til þess að ná langdrægninni upp í GSM kerfunum, þá er tekið frá meiri bandvidd fyrir hverja talrás og þær eru því færri í hverjum sendi."
Hér er átt við að það er meiri bandvídd notuð í hverja talrás í langdrægum GSM sendum heldur en hefðbundnum og því verða færri talrásir til staðar. Nú þekki ég ekki vel alla innviði GSM kerfanna en geri ráð fyrir að þetta þýði takmörkun á framboði talrásafjölda. Etv geta Vodafonmenn upplýst okkur um hvað þetta hafi mikið takmarkandi áhrif í þeirra kerfi í samanburði við hefðbundna GSM senda í byggð, t.d. ef margir safnast á sama stað.
Snorri.
EIK, já ég er á því að Tetra náist víðar en NMT i dag. Það byggi ég á því að NMT kerfið hefur dalað (hef eigin reynslu) og því ekki rátt að skoða útbreiðslumynd frá þeim tíma sem kerfið var best.
Ef einhver veit betur fyrir víst, þá er best að hafa það sem rétt er.
900 / 370 = 2,43 ok það er tveirkommafjórfaldur munur en ekki þrefaldur (ef ég man tíðnitölu Tetra rétt). Breytir kannski ekki öllu, tvöfaldur munur er líka mikill í þessu tilliti.
Veit ekki hvort GSM sé með svo mikið háþróaðri merkjavinnslu að það vinni upp þennan bylgjulegdarmun sem gefur Tetra forskot, þetta er athyglisverð pæling. Við ættum þó að finna þetta fljótlega í raun, t.d. með því að bera saman GSM og Tetra á svæðinu norðan Bláfellsins.
Annars vegar væri einfalt að bera saman Tetra handstöð og venjulegan GSM handsíma.
Svo mætti bera saman Tetra bílstöð með góðu loftneti og GSM bílasima, t.d. [url=http://www.expansys.com/d.aspx?i=149136:2ezbwu4k][b:2ezbwu4k]Motorola M530[/b:2ezbwu4k][/url:2ezbwu4k] með 6 db útiloftneti.
Snorri
AgnarBen, ég er á því að VHF stöðvarnar verði áfram fyrsti fjarskiptabúnaður eins og hingað til. Þær lendi ekki í -verðfalli-.
Þær eru ódýrar og mjög handhægar í samskiptum á milli bíla, þær detta ekki út þó að annað bæstist við.Framtíð VHF endurvarpana ræðst mjög af þeim fjarskiptakerfum sem verið er að setja upp. Þangað til við sjáum annað betra kerfi komið í almenna notkun munum við halda áfram rekstri VHF endurvarkerfisins af fullum krafti.
Já vonandi dugar GSM fyrir marga. Ég tel útilokað að segja fyrir um það hversu stór hluti félagsmanna f4x4 munu láta GSM kerfin duga með VHF stöðvum sínum og hversu stór hluti muni fá sér Tetra líka. Eftir næsta sumar ætti það að vera fara að skýrast.
Vafalítið munu margir þó fá sér Tetra strax enda er það komið til að vera og hefur marga skemmtilega eiginleika.
Til að gera málið enn snúnara, þá þarf jafnvel að hafa fasta GSM bílstöð, t.d. Nokia 510 (kostar 69.000 í Hátækni), eða Motorola 930, með meiri sendistyrk og góðu tengi fyrir útiloftnet, ásamt 6 db útiloftneti til að ná betra sambandi inn á skuggasvæðin. Spurning hvað slík græja gerir við hliðina á handsíma.
Snorri.
Ég skil hvað þú ert að pæla (svona tæknilega en glósur um pólitískar ákvarðanir læt ég liggia eftir).
Fyrir tveim árum síðan (þegar tilkynnt var um endalok NMT) hugsaði ég svipað, hvers vegna ekki gera eitt öflugt kerfi fyrir alla en ekki nokkur hálfkák? Málið er bara ekki svona einfalt.Í fyrsta lagi dugar GSM ekki eitt og sér sem fjarskiptatæki fyrir löggæslu og björgunarðaila. Þörf er á hópatali sem tengt er aðgerðastjórnstöð til að tryggja upplýsingaflæði í aðgerðum o.s.frv (aðrir geta lýst þessum þörfum björgunaraðila betur). Höfum líka í huga að til þess að ná langdrægninni upp í GSM kerfunum, þá er tekið frá meiri bandvidd fyrir hverja talrás og þær eru því færri í hverjum sendi. Hvað gerist í fjölmennum aðgerðum? Allt mettast, menn ná ekki talrás. Það gengur illa upp að nota bara langdrægt GSM á hálendinu til allra nota.
Svo er of einfalt að gera ráð fyrir að samanlagt fjármagn sem lagt er í kerfin 3 (1 x Tetra og 2 x GSM) muni geta tryggt eitt kerfi með 100% dekkun á landinu. Allavega ekki GSM kerfi. GSM kerfin eru á hárri tíðni (900 Mhz) sem fylgja landslagi illa eða a.m.k. verr heldur en bylgjur á lægri tíðni. Þetta þýðir að þrátt fyrir að landið sé dekkað þokkalega með sendum sem draga allt að 100 km þá verður mikið af skuggasvæðum. Orðum þetta svo að hægt sé að dekka ca 70% – 80% af auðteknasta yfirborði landsins með viðráðanlegum kostnaði. Eftir verða erfið skuggasvæði þar sem land er mishæðótt og afskekkt, takið eftir að öll kerfin 3 gera ráð fyrir miklum gloppum á Fjallabakssvæðinu sem er mjög mishæðótt. Ég spái því að skuggsvæði í GSM kerfunum verði fleiri og stærri en marga grunar, tíðnin er einfaldlega það há.
Það mun væntanlega margfalda heildarkostnaðinn að tína upp öll skuggasvæði í GSM á landinu með viðbótarsendum. Athugið að annað hvort þarf rafmagn að GSM (og Tetra) eða rafstöð á staðnum. Einnig þarf að setja upp örbylgjusamband frá hverjum sendi til byggða.
Svo erum við ekki að tala um þreföldun á kostnaði við að setja upp 3 kerfi, fjarri því. Vodafone mun setja GSM senda á alla staði þar sem Tetra sendar koma upp. Rafstrengir eða rafstöðvar og annar búnaður verður samnýttur. Sendarnir sjálfir eru ekki svo dýrir, rafmagn (rafstrengir um langa leið eða rafstöð) er dýrasti þátturinn.
Í ljósi þess að Tetra er á lægri tíðni, um 370 Mhz (minnir mig), þá ætti að vera mun ódýrara að eyða skuggasvæðum í Tetra kerfinu heldur en GSM kerfnum. Væri þá ekki nærtækast að sameinast um að eyða öllu fjármagninu í Tetra kerfið ? Ef það væri gert, þá myndi fólk með venjulega GSM síma vera sambandslaust á hálendinu. Mín niðurstaða er því sú eftir þessar pælingar að þetta sé bara í mjög góðum og farsælum farvegi eins og það er nú.
Það sem helst veldur mér áhyggjum í augnablikinu er að upp er komið kapphaup á milli Vodafone og símans um að koma 2 langdrægum GSM kerfum upp. Og ef þeir samnýta ekki staði fyrir senda, þá verður það mikill aukakostnaður. Auk þess verða þeir þá á mismunandi stöðum með mismunandi skuggasvæðum. Væntanlega án reikisamninga á milli. Þá þurfum við GSM síma frá báðum (Vodafone og Símanum) í bílunum eða tvö Simkort og vera alltaf að skipta.
Snorri
R16
P.S. meðan ég var að skrifa skutust Eik og Agnarben með snarpa punkta á milli, svara síðar.
Einar spyr
– Ætli sé ekki hægt að nota GPS/ferlunarfítusana í Tetra til þess að safna gögnum til að gera raunverulegt útbreiðslukort? –Jú, þetta er hárrétt og þeir sem eru með Tetra og ferðast mikið ættu sem fyrst að koma sér í ferilvöktun. Það mun safna mikilvægum upplýsingum um raunverulega útbreiðslu kerfisins, bæði fyrir okkur í F4x4 og tæknimenn Tetra.
Tæknimenn Tetra eru sjálfir með slíkt verkefni í gangi og nota hvert tækifæri til að sannreyna útbreiðsluna. Þeir munu vafalaust fagna því að fleiri taki þátt í því og auki þar með -öryggi okkar allra-.
Snorri
R16
Tetrakerfið eykur öryggi okkar allra vegna þess að betri fjarskipti björgunarsveita auka öryggi
ferðamanna á halendinu, m.a. félaga í F4x4.Minni aftur á eftirfarandi:
– Tetra kerfið kostar F4x4 ekki neitt.
– Enginn F4x4 félagi er neyddur til að nota Tetra
– Ég tel stórkostlegt að F4x4 félagar fái tækifæri til að nota Tetra ef þeir vilja.
– Tetra er nú mest dekkandi fjarskiptakerfi landsins sem hefur örugga hlustun.Ég bara skil ef ekki þessa þrálátu neikvæðni í garð Tetrakerfisins. Fögnum því frekar að loksins sé hafin kröftug uppbygging á fjarskiptakerfi sem getur leyst NMT af hólmi og gott betur.
Fögnum líka fyrirhugaðri uppbyggingu á GSM kerfunum, höldum okkur þó á jörðinni með væntingar um raunútbreiðslu þeirra. Tíðni GSM kerfanna er þrefalt hærri en Tetra kerfisins sem þýðir að þau eru mun sjónlínuháðari. Á mannamáli þýðir það að GSM mun nást á hæðatoppum en detta út í lægðum og giljum. Tetra er með þrefalt lengri bylgjur sem beygja talsvert betur ofan í lægðir. Skuggasvæðin verða mörg í GSM kerfunum, hversu mikið vandamál það verður eða hver verður raunverulegur munur á þessum tveim kerfum mun tíminn leiða í ljós en hann verður alltaf einhver.
Tíðindi um GSM á hálendinu, þó að það verði bara nothæft fyrir venjulega GSM handsíma uppi á hæðum, eru góð fyrir venjulega ferðamenn og útlendinga sem hafa ekki önnur tæki en GSM.
Þetta mun því, ásamt Tetra, auka öryggi okkar allra.Snorri
R16
Ég hafði samband við Jóhann Kristján vegna pistilsins hér á undan af forvitni um það hvað honum mislíkaði við Tetra því að það kom ekki fram í textanum hjá honum. Þá kom í ljós að hann hafði þessa neikvæðu reynslu af gamla Tetra kerfinu sem búið er að leggja niður. Óánægja hans sneri aðallega að takmarkaðri útbreiðslu þess kerfis, ekki öðrum eiginleikum þess. Jóhann hefur ekki prófað nýja Tetrakerfið sjálfur. Þessi pistill er birtur til upplýsingar í samráði við Jóhann.
Það eina sem er sameiginlegt með gamla Tetrakerfinu og því nýja, sem nú er langt komið í uppbyggingu, er að þessi tvö kerfi vinna samkvæmt sama staðli, Tetra staðlinum. Tækjabúnaðurinn er allur annar og annað fyrirtæki sér um reksturinn.
Einn af fortíðardraugunum sem Tetra þarf að glíma við í dag er mikil neikvæðni vegna þess að gamla kerfið stóð sig ekki eins og rekstraraðilar þess kynntu.Nú kynni einhver að segja að Tetra nútímans sé ekki heldur með þá útbreiðslu sem kynnt er. Kerfið er enn í uppbyggingu og útbreiðslumyndin er gerð með tölvulíkani og getur aldrei orðið alveg rétt. Mér fannst til dæmis ekki eins gott samband norðan við Bláfellið og vænta mátti miðað við útbreiðslumynd. Í stað þess að vera með yfirlýsingar hér á vefnum talaði ég við tæknimenn Tetra og fékk þær skýringar að á toppi Bláfells væru tveir kollar og sendirinn er á þeim syðri. Nyrðri kollurinn skyggir á sambandið til norðurs. þeir vita af þessu og ætla að setja loftnetin á hærri möstur í sumar til að laga þetta. Nefni þetta til að sýna að kerfið er enn í þróun og við þurfum að gefa þeim ráðrúm til að ljúka verkinu áður en við dæmum.
Tæknimenn Tetra óska beinlínis eftir því að við höfum samband beint við þá ef við finnum staði með slæmu sambandi þar sem vænta má betra sambands skv. útbreiðslumynd. Stundum eru á því skýringar sem þeir geta þá komið með, annars geta þeir nýtt þessar upplýsingar til að bæta kerfið.
Hvort sem markmið þeirra um útbreiðslu nást að fullu eða ekki, þá er þegar ljóst að þeir hjá Tetra hafa náð mun betri árangri heldur en marga óraði fyrir í byrjun.
Við skulum því vera jákvæð út í framtak Neyðarlínunnar með Tetra, þetta kerfi eykur öryggi okkar allra.
Snorri
R16
Aðgangur f4x4 félaga að Tetra kerfinu er hið besta mál og sorglegt að menn skuli ítrekað reyna að gera þetta tortryggilegt.
Aðgangur F4x4 félaga að Tetra kostar félagið ekki neitt og enginn er neyddur til að nota Tetra. Hvað er þá hægt að finna að þessu gagnvart stjórn F4x4? Að mínu mati ekki neitt og stjórnin á heiður skilið fyrir að hafa sóst eftir þessum samingi og komið honum á. Og Þórhallur Ólafsson, forstjóri Neyðarlínunnar, á heiður skilið fyrir að veita þessu brautargengi því að það er hreint ekki sjálfsagt mál að almenningur fái aðgang að fjarskiptakerfi sem byggt er til löggæslu og björgunarfjarskipta. Hins vegar lít ég á það sem hagsmunamál fyrir félagsmenn að eiga þennan möguleika.
Rangt er að stilla upp VHF kerfi f4x4 og Tetra sem keppinautum. Mín skoðun er sú að allir jeppaferðamenn eigi að vera með VHF stöð sem fyrsta fjarstkiptakost í sínum fjallabílum, óháð því hvort Tetra komi líka eða ekki. F4x4 mun væntanlega halda áfram rekstri og uppbyggingu VHF kerfisins af fullum krafti þangað til kominn verður annar kostur. Jafnframt verða fleiri kostir skoðaðir og byggðir upp eftir föngum. Þessi stefna verður endurskoðuð hverju sinni í ljósi þess sem komið er í almenna notkun og virkar, en ekki einhvers sem væntanlegt er og enginn veit hvernig mun virka í raun.
það er sorgleg staðreynd að einingis Iridium gerfihnattasímar sem kosta k.r 150.000 í innkaupum, kr. 2.800 í fastagjald á mánuði og næstum kr. 100 mínútan í tali séu einu fjarskiptatækin sem eru í raun 100% landsdekkandi. Staða neyðarfjarskipta á hálendinu er því langt því að vera ásættanleg eins og staðan er í dag.
Tökum öllu sem getur breytt þessari sorglegu stöðu fagnandi, Tetra er einfaldlega eitt af þeim kerfum sem gera ferðalög okkar öruggari.
Tíminn einn mun leiða í ljós hversu almenn notkun f4x4 verður á Tetra, verður það almennt eða verða það aðeins hinir allra hörðustu sem nota það ?
Hins vegar lít ég á það sem mikinn sigur að við skulum yfirhöfuð fá að nota Tetra.Snorri Ingimarsson
R16 og starfar í fjarskiptanefnd f4x4
Fyrst Hlynur er farinn að láta ljós sitt skína, þá er rétt að botna frásögnina og segja frá eins og þetta gekk fyrir sig.
Skíðaskólinn Kerlingarfjöllum eru þannig staðsettur að fjarskipti við umheiminn eru erfið. Skíðaskólinn er í skjólsælum og fallegum dal norðanmegin í Kerlingarfjöllunum, [url=http://www.kerlingarfjoll.is:11tex7he][b:11tex7he]sjá hér.[/b:11tex7he][/url:11tex7he]
Fjarskipti sem krefjast sjónlínusambanda eru því erfið á þessum stað, Tetra næst ekki (e.t.v. getur Þórhallur Ólafsson upplýst okkur um hvort fyrirhugaðir Tetra sendar muni ná á í þennan vinsæla og fjölsótta ferðamannastað), NMT virkar illa eða ekki, VHF næst ekki við aðra endurvarpa en Þránd (sem er í nánast beinni sjónlínu til norðurs), VHF samband næst við bíla á Kili við Innri Skúta og norðar.
HF samband hefur í gegnum tíðina verið eina sambandið til byggða. Þegar skíðaskólinn var starfræktur, var strengt loftnet þvert fyrir dalinn á sumrin og notað með góðum árangri til að ná sambandi við Gufunes og bíla á ferð.
Eftir að NMT kerfið var sett upp tókst að ná NMT sambandi með góðu loftneti ofan á Skíðaskólanum. Nú eru þar 2 NMT símar og HF fjarskipti voru lögð niður þegar vakt hætti í Gufunesi.
Eftir að NMT kerfið fór að dala, þá er NMT samband mikið til hætt að virka í Kerlingarfjöllum. Fyrir 3 vikum (í þingmannferð f4x4) mældist samband á NMT símunum en ekki tókst að hringja nema einstaka sinnum, það var eins og ekki fengist lína. Í þorrablótsferðinni fyrir viku mældist nær ekkert samband á NMT símunum og ekki tókst að hringja úr þeim alla helgina og aðeins eitt símtal náði inn.Fyrir þrem vikum, þegar þingmannaferðin var, dugði því enginn sími annar en Iridium og ég náði líka sambandi á HF (amatörtíðninni 3,633 Mhz) í Borgarfjörð. Þegar við biðum eftir 4×4 hópnum á laugardeginum voru HF fjarskipti þau einu sem við höfðum við hópinn (Dagur í umhverfisnefndinni , TF3DB, var með HF stöð í bílnum hjá sér) þangað til við náðum með VHF þegar hópurinn var komin langleiðina inneftir. Daginn eftir, þegar f4x4 hópurinn var kominn að Ingólfsskála heyrði ég dauft í Degi en þá bar radíóamatör í Borgarfirði skilaboð á milli.
Etv hefði verið hægt að hringja úr Iridium símanum og ná sambandi við Tetra stöðvar eða NMT síma í hópnum á köflum, það hefði hinsvegar þurft að grafa þessi númer upp með símtölum með Iridium símtölum og ærnum kostnaði. Þrátt fyrir litla notkun á Iridium þessa helgi, þökk sé HF, þá er Iridium reikningurinn um 5.000 kr. eftir þessa einu helgi.
Vegna þessa nær algjöra samskiptaleysis í Kerlingarfjöllum við umheiminn höfum við prófað okkur áfram með HF fjarskipti á staðnum, m.a. með nokkrum gerðum loftneta. Yfirleitt hefur náðst sambandi við einhvern þegar við höfðum prófað á 3,633 Mhz (sem er um 80 metra bylgjulengd). Ég hef bæði notað venjuleg bílaloftnet og einnig gert prófanir með vír sem er um 100 m að lengd, eða ca ein bylgjulengd. Með bílaloftnetinu náði ég sambandi við radíóamtöra í Reykjavík og undir Eyjafjöllum. Helgina sem f4x4 kom með þingmennina í Kerlingarfjöll voru skilyrðin erfiðari, þá lagði ég 100 metra vír frá bílnum upp skaflinn ofan við Skíðaskólann og talaði með góðum árangri til Reykjavíkur og víðar.
Í þorrablótsferðinni prófaði ég HF stöð sem ég setti upp inni í Skíðaskólanum með sama vír upp fjallið en það virkaði ekki vel, líklega vegna þess að ekki náðist jarðtenging til mótvægis. Það er tilraunin sem Hlynur vitnar til með góðlátlegu gríni.Vissulega náðist að lykla endurvarpa 4×4 á Þrándi en enginn svaraði þegar kallað var. Okkur dugar illa að lykla endurvarpa í neyð ef enginn er til að svara kallinu. Neyðarhlustun á endurvarpa F4x4 er því mikilvægt verkefni sem getur aukið mjög öryggi f4x4 félaga á fjöllum.
Vitað er að HF fjarskipti eru ekki eins lipur og þægileg og símsamband en á stöðum eins og í Kerlingarfjöllum er það ein af alltof fáum samskiptaleiðum eins og staðan er nú.
Nú eru ekki nema 3 mánuðir í að opnað verði í Kerlingarfjöllum og byrjað að taka á móti sumargestum. Það stefnir í að staðurinn verði algerlega án neyðarfjarskipta í sumar nema komið verði Tetra samband eða sjónlína verði á einhvern langdrægan Vodafone-GSM sendi fyir norðan. Við munum fylgjast með í vor en þrautalendingin getur orðið rándýr Iridium sími því örugg neyðarfjarskipti þurfum við á staðnum.
Snorri
R16 og TF3IK
Nesradíó á t.d. 6 db loftnet fyrir GSM, góðan fót og tvær útfærslur af stöng.
Fleiri aðilar í þessum bransa eiga þetta vafalaust líka.
Svo er bara að finna góðan GSM síma með tengi fyrir external loftnet og vöggu. Ericsson K750 er til dæmis þannig. Flestir nýrri símar virðast vera án tengis fyrir útiloftnet. Svo virðist líka að símarnir séu misgóðir hvað þetta varðar.
Gott væri að frétta af nýjum og góðum símum með svona tengi.
Ég vara menn hinsvegar við of mikilli bjartsýni á þetta kerfi sem landsdekkandi. Tíðnin er svo há að það er mjög háð sjónlínu. Drægnin getur kannski orðið aðllt að 100 km í góðri sjónlínu en skuggasvæðin verða mörg. Hins vegar kostar svo lítið að koma sér upp útiloftneti og færa áskriftin yfir til Vodafone að það er engin spurning að græja þetta.
Eins og staðan er i dag í neyðarfjarskiptum á hálendinu þá dugar ekkert nema Iridium allsstaðar. Til að lækka talkostnað og vera í sambandi við alla hina þegar samband næst borgar sig svo að vera með öll hin kerfin líka: VHF, Tetra, NMT, HF og nú Vodafone-GSM.
Snorri
R16
Frábær þáttur.
Við þurfum bara að átta okkur á því að þetta trúðashow er sett upp til að krydda fyrir áhorfendur sem engan áhuga hafa annars á alvörunni í þessu. Við sem horfum á þetta með augum vanra vetraferðamanna verðum bara að líta framhjá því og hafa gaman af.
Í þessu tilliti var frábært að vera búinn að hlusta á fyrirlestur þeirra ArticTrucs manna á fundi hjá f4x4 fyrr í vetur. Þar var hin raunverulega ferðasaga sögð á þann hátt sem við höfðum áhuga á.
Það er hinsvegar eitt sem fer í taugarnar á mér og það snýr ekki að TopGear eða ArticTrucs heldur snýr að fjölmiðlunum sem eru að kynna þáttinn.
Sjá tilvitnun í kynningu á Skjarinn is:
[url=http://www.skjarinn.is/heim/nanar/store1/item13403/:2sngobvy][b:2sngobvy]linkur[/b:2sngobvy][/url:2sngobvy]
Skemmtilegasti bílaþáttur í heimi. ……………
…………. Þáttaröðin hefst á sérstökum þætti um för félaganna á Norðurpólinn með aðstoð íslenskra jeppasérfræðinga. Þetta er stærsta verkefni Top Gear manna til þessa því þeir ætla í kappakstur á pólinn. Richard keppir á hundasleða með tíu sleðahunda til að draga sig áfram á meðan Jeremy og James keppa á sérsmíðuðum jeppa. Richard hefur vana sleðakonu sér til halds og trausts en í jeppaleiðangrinum eru íslenskir jeppamenn sem eru með ráð við öllu.
—tilvitnun lokið—-Veit þetta fólk virkilega ekki muninn á segulpól og Norðurpól eða eru þetta þvílíkir lýðskrumarar að þeim er sléttsama um staðreyndir bara ef það selur?
Hvor sem skýringin er, þá finnst mér það slæmt fyrir þá og draga úr trúverðugleika þerra sem fjölmiðils.
Það er í sjálfu sér mikið afrek hjá þeim ArticTrucs mönnum að koma bíl á segulpólinn og óþarfi (og jafnvel niðurlægjandi) að skrumskæla það með svona lýðskurmi.Snorri
R16
Flottur pistill Sæmundur, alveg sammála þér.
Sem betur fer eru til til menn sem þora og gera, það skapar þróunina.
Það eru líka öflugir menn með Gunnlaugi í þessu. Meðal annara má helst nefna Bjarna Einarsson og Guðna Ingimarsson sem ásamt Gunnlaugi er báðir með áratuga reynslu af jeppabreytingum og hafa áður komið að smíði nokkurra tímamótajeppa.
Minni aftur á að þetta er allt að gerast í skúr en ekki á -viðurkenndu- breytingarverkstæði.
Snorri
R16
Miðað við það sem sást til 54 dekkjanna um helgina, þá spái ég því að Dodgeinn fljóti með allt úrhleypt í rot svipað og Hilux á 38 ofan á krapa. Sjáið myndirnar af því hvernig þessi dekk leggjast og hvað hliðarnar í þeim eru mjúkar. Hann gæti þurft að skera aðsins í stóru kubbana á hliðnum á sólanum til að mýkja þá aðeins, en þetta á bara eftir að virka í floti líka. Flot á krapa er líka ekki síður spurning um lága gírun og mjúkt átak heldur en flot.
Leyfum þessu bara að koma betur í ljós í næstu túrum við msimunandi aðstæður.
Varðandi eyðsluna, þá upplýsir Gulli að hann fór með 120 lítra á leiðinni Geysir-Kerlingarfjoll-Rvk.
Snorri.
Gunnlaugur SONAX kom á 54 tommunum á árlegt þorrablót Fúlagengisins sem haldið er í frábærri aðstöðu í [url=http://kerlingarfjoll.is:3dyzrybu][b:3dyzrybu]Kerlingarfjöllum[/b:3dyzrybu][/url:3dyzrybu]. Þorrablótið var fjölmennt, vel heppnað og fjörlegt að vanda.
Í stuttu máli, þá lofar þetta mjög góðu. Ekki reyndi á flot í miklum lausasnjó en hann öslaði létt áfram í snjó sem þykir djúpur fyrir minni hjól. Hann stóð sig líka vel í brekkuklifri þegar mátað var í brekkurnar í Kerlingafjöllunum. Hann dró aldrei kúlur, ég sá framkúluna snerta einu sinni þegar hann tommaði sig áfram í báðum lággírunum upp brekku í lausasnjó.
Ekkert bólaði á hrikalegum söng í múkkahásingunum eða öðrum vandamálum sem spáð hafði verið af fortölumönnum, þetta rann allt ljúflega.
Eftir þessa fyrstu prófun virðist sem að hér sé komin álíka framför og þegar 49 tomman kom fram fyrir nokkrum árum, semsagt nýr kafli í drifgetu …..
Við skulum svo halda til haga hvar þessi þróun átti sér stað. Þessi breyting var gerð af kunnáttumönnum á einstaklingsverkstæði, en ekki á -vottuðu- breytingarverkstæði. Enda er það mín skoðun að stóru stökkin í þróuninni hafi flest komið fram á verkstæðum einstaklinganna.
Snorri
R16
Búinn að keyra á svona dekkjum sem sumardekkjum undir Patrol 2002 í nokkur ár. Þau eru breið og flott á 14" breiðum felgum og fylla vel í brettakantana sem eru gerðir fyrir 44".
Þessi dekk eru mjög góð keyrsludekk, vel kringlótt og mjög hljóðlát. Þaú eru líka mjög rásföst undir patrolnum.
Hins vegar eru þau ferlega víð (laus á felgum) og spóla bara á felgunum þegar hleypt er úr. Sem gerir þau algerlegta ónothæf sem vetrardekk nema vera með beadlock felgur eða gera aðrar ráðstafanir, límingar eða annað.
Snorri.
Nú er þessi þráður eins og svo margir aðrir kominn út fyrir efnið og í dónaskap og fúkyrðaflaum sem ekki er svara verður og mun ekki heldur skila okkur betri fjarskiptum.
Snorri.
það er hægt að hringja úr Tetrastöð inn á almenna símakerfið, úr almenna símakerfinu í Tetrastöð og á milli tveggja Tetrastöðva. Svo eru Benni og Hlynur svo brattir að segja að þettta sé ekki sími !!
Mig varðar ekkert um það hvort kerfið er hannað sem símkerfi í grunnin ef hægt er að hringja, og mig varðar ekkert um það hvort mælst er til þess að ekki sé mikið hringt úr kerfinu, það er hægt að hringja. Er það ekki sími?
Þó svo að símtöl okkar fái ekki forgang og þó svo að ekki sé ætlast til þess að legið sé í símanum og blaðrað, þá er hægt að hringja. Það er þó sími.
Og það sjálfvirkur sími og þar með mun fullkomnari en gömlu sveitasímarnir og fyrsta farsímakerfi Landsímans. Það voru þó kallaðir símar. Ekki man ég eftir Benna og Hlyn á innsoginu að mótmæla því.
Snorri.
Jú, Tetra er reyndar ekki hannað frá grunni sem símkerfi, en þar sem það dugar til að ná beinu sambandi út á almenn símakerfið, þ.e. hægt er að hringja út því og í það (og á milli Tetra stöðva), þá ber ég það frekar saman við NMT og CDMA heldur en VHF og HF.
Snorri
EIK, frábært framtak ef þú kemur upp svona server. Svona kerfi eru starfrækt erlendis, t.d. í Hollandi.
Ég er til í að vinna í þessu með þér, ef ég má…
Snorri.
