Forum Replies Created
-
Replies
-
Wilson magnarar [url:15rzm48q]http://www.alternativewireless.com/cellular-antennas/wilson-vehicle-wireless-repeaters/vehicle-cell-amplifier-dual-band.html[/url:15rzm48q]
Glæsilegt framtak!
Mín skoðun er sú að Páll Ásgeir hefði verið maður að meiri ef hann hefði gert eitthvað til að koma tunnunni til byggða frekar en að einskorða sig við hnútuköst.Jeppakallar 1 – Labbakútar 0
Það er eins með þetta mál og önnur að skoðanir á því eru skiptar.
Það er mín skoðun að Stefán hafi sýnt aðdáunarverða röggsemi og að öll hans aðkoma beri vott um gott verkvit og fagmannlega nálgun.
Ég lít svo á að verkstjórn sé í höndum Stefáns. Þeir sem geta og vilja aðstoða hann láti hann vita af sér.
Einnig tek ég undir tillögu um að klúbburinn hafi milligöngu um að standa straum af kostnaði. Við sem heima sitjum getum þá lagt i púkk og sýnt í verki að klúbbfélagar standa saman um að auka hróður klúbbsins og standa vörð um náttúruna.
Stefán á heiður skilinn fyrir framtakið. Ég myndi bjóðast til að koma með á öðrum bíl, en veit ekki hvort nokkrum væri greiði gerður ef ég silaðist uppeftir á Unimog. Þess í stað vil ég leggja í púkk og taka þátt í eldsneytiskostnaði.
Vil ég því biðja Stefán um að setja inn reikningsnúmer og kennitölu svo við sem heima sitjum getum lagt þessu máli lið.
Það er eitt að fjargviðrast yfir einhverju án þess að benda á einhverjar lausnir og annað að taka á sig rögg og leysa málið. Páll Ásgeir má taka þetta sem sneið til sín.
Með kærri kveðju og þakklæti fyrir snaggaraleg viðbrögð.
Mér er mikið niðri fyrir og verð því að leita á náðir ykkar kæru félagar. Svo virðist sem að umhverfisslys sé í uppsiglingu á Fimmvörðuhálsi verði ekkert að gert. Hinn mikli útivistarmaður og göngugarpur Páll Ásgeir Ásgeirsson fór að skoða vegsummerki í kringum gosstöðvarnar í og við Eyjafjallajökul. Með samböndum sínum fékk hann opnaða akstursleið fyrir sig og sína upp með Skógá, sem lokuð er okkur hinum með læstri keðju, svo hann þyrfti ekki að ganga upp á Fimmvörðuháls frá Skógum. Þetta mun vera sama aðgangsmódelið og planlagt er við Vonarskarð og fleiri staði innan Vatnajökulsþjóðgarðs. Í ferð sinni uppgötvaði Páll Ásgeir opna hálf fulla olíutunnu sem einhver hafði þurft að skilja eftir og ekki komist til að sækja. Vil ég fara þess á leit við þá sem til þess geta komist að skjótast eftir þessari tunnu, en hún er eina vegsummerkið um hina miklu umferð fólks á allskonar farartækjum til að skoða gosið.
Frekari uppýsingar má nálgast í pistli á vef Páls Ásgeirs titlaðri Skýrsla af Fimmvörðuhálsi:
http://blog.eyjan.is/pallasgeir/2010/06/30/skyrsla-af-fimmvorduhalsi/.
Má til með að setja þennan pistil Jónasar Kristjánssonar inn. Sjá http://www.jonas.is.
[b:3lskkvot]Farið á kostum í umhverfisvernd[/b:3lskkvot]
Haft er eftir Svandísi Svavarsdóttur umhverfisráðherra, að mikilvægt sé, "að nýja hraunið verði ekki nánast ónýtt áður en það kólnar." Svo virðist sem talið sé í ráðuneyti hennar, að rennandi hraun geti skemmzt af átroðningi. Væri ekki kjörið fyrir hana að setja reglugerð um, að ekki megi spora út sjávarsand á fjöru. Margir fara á kostum í náttúruvernd. Í gærkvöldi sýndi bloggari mynd af þúsund ára gömlum götum á Kili og spurði: Viljum við svona meðferð á landinu. Ég svara honum hér: Já, ég vil svona minjar um samgöngur Íslands í þúsund ár. Vildi, að til væru fleiri svona götur frá fornum tíma.
Ofsi á heiður skilinn fyrir að standa vaktina og miðla upplýsingum.
Það er mikið notað þetta hugtak, friðlýsing, án þess að það sé frekar skilgreint. Samkvæmt náttúruverndarlögum þarf að skilgreina friðlýsingu í hvert sinn sem eitthvað er friðlýst. Það þarf því ekki að hafa áhrif á aðgengi félagsmanna þótt eitthvert svæði sé skilgreint sem friðland, svo fremi sem að hefðbundið aðgengi sé leyft í friðlýsingunni.
Ég hef ekkert á móti því að Þjórsárver og nærsvæði séu friðlýst til að forða þeim frá virkjunum, með það fyrir augum að fólk fái að njóta náttúrunnar áfram.
Hættan er fólgin í því að friðlýsingin sé skilgreind og afgreidd án aðkomu 4X4 með það að markmiði að útiloka hefðbundna notkun félagsmanna.
Ég hvet fólk til að skoða tölulið 4. í reglum um friðland í Þjórsárverum [url:301t6htv]http://www.ust.is/LogOgReglur/Fridlysingar/Fridlond/nr/251[/url:301t6htv].
4. Umferð ökutækja er óheimil utan merktra ökuslóða og skal merking háð samþykki ráðgjafanefndar samkvæmt 1. tölulið. Þó skal heimilt að nota snjóbíla og vélsleða á jökli og einnig á snjó og hjarni þegar gróðri stafar ekki hætta af.
Hvers vegna er akstur á snjó skilyrtur við snjóbíla og vélsleða?
Það eru svona gloppur sem þarf að passa uppá.
Það er ljóst á lestri ýmissa innleggja í þeim langhundi sem þessi þráður er orðinn að sumir rekast illa í hópi.
Ég er búinn að skoða gosið, bæði flogið yfir og ekið að því. Þeir björgunarsveitarmeðlimir sem ég átti einhver orðaskipti við voru hinir almennilegustu. Þeir voru að vara fólk við að ganga þar sem gufu lagði yfir það, en ég veit um fólk sem fékk heiftarlegan höfuðverk eftir dag á jöklinum. Ennfremur voru þeir að passa uppá að fólk færi ekki of nærri þar sem hraun rann yfir snjó. Það er ekki vanþörf á því þar sem heitt vatn rennur undir fönnina og getur þannig skapað hættu fyrir bæði gangandi og akandi ferðalanga.
Vera björgunarsveita þarna bjargaði fólki sem ekki kunni að búa sig fyrir gönguferð á hálsinn, eða gerði sér enga grein fyrir aðstæðum. Það er þakkarvert.
Björgunarsveitirnar vinna með og þá undir skipulagi Almannavarna við uppákomur sem þessar. Ástæða þess að svona mikill viðbúnaður er við þetta gos, sem ekki hefur verið við önnur er samspil aðgengis og möguleika á hlaupi. Þegar gaus í Grímsvötnum 2004 þá var aðgengi almennings ekki til að dreifa. Þeir sem á annað borð komust til að skoða gosið voru sjálfbjarga fjallagarpar. Þeir sem fóru að skoða hlaupið urðu að sæta vettvangsstjórn Almannavarna vegna hættu á vegaskemmdum. Þegar Hekla gaus árið 2000 var aðgengi betra en að Grímsvötnum, en engin hætta á hlaupi. Landinn var samur við sig og rauk af stað að skoða gosið þrátt fyrir afleita veðurspá. Hundruð bíla festust á Sandskeiði, Hellisheiði og í Þrengslum. Björgunarsveitir ferjuðu um 1.500 manns í bæinn þessa nótt, sumir búnir að sitja fastir í 10 tíma. Bílarnir voru sóttir síðar.
Ég vil því biðla til þeirra sem þykjast búa við þann lúxus að geta sett út á meðlimi björgunarsveita vegna þess að viðkomandi hefur ekki þurft á þeirra aðstoð að halda hingað til, að þeir hugsi um allt það góða starf sem sveitirnar hafa unnið og þá aðstoð sem þær hafa veitt öðrum. Vonandi þurfið þið aldrei á þeirra aðstoð að halda, en þar sem það er ekki í hendi þá er gott að sýna gagnkvæma virðingu og liðka til, hver fyrir öðrum, til vonar og vara.
Þetta vandamál með hlutfall milli lengdar og breiddar er rætt á fleiri stöðum.
[url:2pahbap0]http://forums.groundspeak.com/GC/lofiversion/index.php?t212175.html[/url:2pahbap0]
Það kemur í ljós að hlutfallið er rétt ef fólk er á sömu breiddargráðu og höfuðstöðvar Garmin, en afmyndast ef farið er norður eða suður fyrir það.
Rikki, ef þú lest þetta, þá láta ganga.
Taflan er seld
Til sölu rafmagnstafla. Kjörin í vinnuskúr, viðgerðaskúr og svipað. Nánar sjá mynd. Tenglabretti fylgir en er ekki í mynd. Tilboð óskast. Hafa samband, Sigurður Ingi GSM 820 9000 eða sij@isl.is
[attachment=0:enfip3dq]Tafla.jpg[/attachment:enfip3dq]
Viðhengi:
Hér á fólk að mæta fyrir hönd klúbbsins.
[url:19j8rijy]http://www.umhverfisraduneyti.is/frettir/nr/1483[/url:19j8rijy]
Legg til að kjörnir fulltrúar i klúbbnum setji sig í samband við heimamenn í Ásahreppi og heyrum þeirra hlið á málinu.
[url:2rz3r3eq]http://www.asahreppur.is/Template1.asp?Sid_NR=614&E_NR=582&VS=1VS1.asp&VT=611&VT2=614[/url:2rz3r3eq].
Hér eru partanúmerin:
Suzuki genuine Ring & Pinion gear set
Front: #27300-81830
Rear: #27300-81840Þetta gróf ég upp þegar ég setti 35" undir Jimny sem ég átti. Þetta eru hlutföll úr Jimny sem var bara til í Japan með 660cc turbo mótor.
Ég fann meðlim í Jimy klúbbi í Japan sem jafnframt var með breytingaþjónustu. Hef ekki haft samband við hann í nokkur ár, en hér er það sem ég hafði:
Yoshihiro NAKANO, póstur: apioinc@cameo.plala.or.jp
Jimny á 35" er ótrúlega skemmtilegt apparat. Með 5.38 hlutföllin þá er sýnir hraðamælirinn aðeins og hátt, en innan skoðunarmarka.
Gangi ykkur vel.
Ég keyrði vandræðalaust eina 15-20þús km á steinolíu með slurk af QMI eða tvígengisolíu. Mér fannst ég finna aðeins mun á afli og eyðslan fór úr 6,4 í 6,7 á hundraðið að meðaltali. Bíllinn var keyrður nálægt 200þús þegar hann fór frá mér. Ef steinolían væri hættuleg common rail vélum þá hefði þessi átt að gefa upp öndina.
Ég er búinn að keyra BMW 320d yfir 10.000km á steinolíu. Blandaði fyrst QMI útí, en skipti svo yfir í hálfsynthetíska tvígengisolíu (hún er rauðleit, hin er græn). Eyðsla jókst um 0,3l/100km kraftur er hugsanlega eitthvað minni en það munar ekki það miklu að það finnist í venjulegum akstri.
Það borgar sig engan veginn að nota litaða olíu það er svo hrikalega dýrt ef maður er nappaður.
Hefur einhver upplýsingar um Landmannaleið og Dómadal?
Mig langar að kíkja inn að Heklu en ekki búinn að ákveða hvoru meginn ég ætla að kíkja á hana.
Það á að fara á Unimog. (",)
Og já, ég er með heyrnahlífar…
Ég er að gæla við að efna loforð um að heilsa upp á vini á Egilsstöðum og taka síðan næstu helgi í að koma suður Gæsavatnaleið. Mig vantar því ástandslýsingu á leiðinni. kk SIJ
