Forum Replies Created
-
Replies
-
Bensínbílar sem fara í gang og lenda í gangtruflunum! Við þær aðstæður þá tel ég eðlilegast að leita að bilun í bensínkerfinu sem gæti ollið bensínstíflu einhverstaðar t.d. í bensínsíu eða í rörum og svo lika að athuga með öndun (ef þetta er það gamall bíll og taka þá bensínlokið af) eða þá bakrenslið í tankinn og svo líka óhreinindum í bensíntankinum.
Góðar stundir!
SHM
P.s. Skv. viðgerðarhandbókinni má útiloka rafmagnsvandræði ef bensínvél fer í gang og lýsir sér á þennan hátt, ef ég man hana rétt. Þið leiðréttið mig þá bara.
Sammála því sem hefur komið fram að lýsingin gæti passað við lélegt jarðsamband einhversstaðar.
Bendi líka á miðað við síðustu lýsingu að bremsurofinn (sem stýrir bremsuljósunum) gæti verið farinn eða þar sé lélegt jarðasamband og við það getur margt farið til fjandans. Systir mín lenti í því á Skoda að bremsurofinn fór en verkstæðið (erlendis) skipti um bremsurofann en ástandið lagaðist ekki (sífell kveikt á bremsljósunum) og þá kom í ljós að bilun kringum bremsurofann getur skapað alls konar rafmagnsvandamál (fann þessar upplýsingar á netinu) og bara við að setja ranga gerð t.d. of sterka peru í bremsuljósin geta valdið rafmagnsvandamálum.
Í tilfelli systur minnar þá var það samt bremsurofinn sem var vandamálið en bremsurofi nr. 2 var hreinlega bilaður og en við að setja bremsurofa nr. 3 í þá fór allt í lag og með því staðfestist mín bilanagreining.
Það ætti allavega ekki að saka að skoða líka bremsuljósarofann við bremsupedalann.
Kv. SHM
Þetta er eitt af því versta sem maður getur lent í og það segja líka bifreiðasmiðir sem ég hef leitað til. Ég hef rifið bíl í tætlur út af leka inn í bíl og ekki fundið út lekastaðinn sem var að hrjá mig á sínum tíma. Oft eru það í gegnum rúður og svo hurðir sem oftast er hægt að beygja til. Einnig eru samskeyti og loftnet líkleg. Í mínu tilfelli þá boraði ég bara göt þar sem vatn safnaðist saman (hefði betur gert það fyrr) og var þá laus það vandamál að vatn safnaðist inn í bílnum. Mín niðurstaða er því sú að annaðhvort finnur maður út úr þessu fljótt eða bara leiðir vatninu á réttan stað þ.e. út úr bílnum með einum eða öðrum hætt.
Þetta hjálpar kannski lítið!
Kv. SHM
Er svo ekki lykilatriði að vera með góða samsláttarpúða. Ég átti einu sinni jeppa sem var oft að brjóta gorma (þekkt vandamál á þeirri tegund) og held því fram (sjálfur) að örsökin hafi verið vegna þess að samsláttarpúðarnir voru eiginglega bara upp á punt.
Kv. SHM
Ég fékk bréf frá N1 sem félagsmaður í 4X4 og þar voru upplýsingar hvaða möguleika maður hafði t.d. val um viðskiptakort eða greiðslulykil og þar var tilgreint ákveðið hópanúmer (sem er algert hernaðarleyndarmál enda þessi slóð opin) sem átti að skrá og málið búið.
Svo er bara að fara á http://www.N1.is og þá á þetta að vera allt klárt. Var reyndar að velta fyrir mér hvort betra væri að vera með greiðslulykil sem er eins og lyklakippa með skrauti eða fá frekar enn eitt annað plastkortið. Það kemur í ljós!
Kv. SHM
Fjöldi gata skiptir máli en svo virðist sem flestir Nissan jeppar séu með 6 gata deilingu. Einnig má sjá á netinu eftirfarandi:
Navara 6/114,3 6/4,5
Pathfinder 6/114,3 6/4,6
Patrol 6/139,7 6/5,5Góðar stundir SHM
Þótt ég hafi átt að læra efnafræði hjá Tobba fyrir mjög löngu þá skil ég ekki alveg nógu vel skýringar SSJO þannig að það er spurning hvort að ekki sé hægt að fá hann til að segja þetta betur á einfaldan hátt. Svo væri hægt að nálgast þessar "einföldu" leiðbeiningar sem hver og einn getur gert á sína eigin ábyrgð.
Er öll umræða um að Kók sé nothæft sem ryðleysir ekki raunhæft lengur? Það er kannski sama hvað vökvar maður notar, þeir virka allir?
Kv. SHM
PIN númerið kemur fram í bréfinu sem fylgdi með kortinu og er neðarlega fyrir aftan uppgefið kortanúmer. Því er ekkert hægt að breyta nema í gegnum Skeljung. Skrítið að sumir fái þennan afslátt en aðrir ekki en ég hef ekki notað kortið oft og eins og ég sagði fyrr þá fékk ég eins og ekkert væri 5 kr. afslátt við að taka Bensín í Orkunni.
Kv. SHM
P.s. Var að fá lykilinn frá N1 og á eftir að prófa hann en á maður virkilega að geta keypt vörur t.d. bílavörur (í gamla Bílanaust) og borgað með lyklinum sem virkar meira eins og lyklakippa. Þó að maður sé með of mikið af kortum hefði maður kannski frekar átt að fá sér viðskiptakort. Það kemur bara í ljós.
Ég tók bensín um daginn hjá Orkunni og þar kom 5 kr. afsláttur fram eins og búið var að tilgreina án nokkurrra vandkvæða. Fékk líka frábæra þjónustu hjá Skeljungi þegar ég vildi breyta pin númerinu.
Kv. SHM
Það margborgar sig að merkja sköftin þegar áður en þau eru tekin úr. Ég lenti í því á afturskafti að því var snúið 180° og það var nóg til að fá skjálfta í bílinn (þá pössuð krossarnir). Kannski er því skynsamlegt að láta balancera skaftið ef ómögulegt er að sjá hvernig það var sett saman upphaflega.
Kv. SHM
Ég myndi hugleiða að fá nýjan startara. Það kostar sitt að láta gera upp startara. Það má bæði prófa umboðið og aðra aðila. Þegar ég lenti í þessu síðast á KIA þá borgaði sig að kaupa nýjan starta og eyða (bara) 2 tímum í að skipta um í stað þess að taka þann gamla út og láta gera við hann og eyða svo tíma í að setja hann aftur í. En það eru sumir að bjóða upp á að taka þann gamla fyrir uppgerðann og þá má skoða það. Tíminn sem maðu eyðir í viðgerðir kosta líka (allavega fyrir suma).
KV. SHM
Mér hefur oft fundist best að leita í smiðju Leó M en ég get bent þér t.d. á fara á google og leita eftir: kertagengjur leoemm:
Til að stytta og með tilvísun í leoemm.com þá kemur þetta fram:
Skemmist gengjurnar getur þú átt 3ja kosta völ (eftir því hve heppnin er mikil): Í fyrsta lagi: Gengjurnar aflagast: Sérstakur snitttappi er til fyrir kertagengjur. Í öðru lagi: Gengjurnar ónýtar: Innsetningargengjusett er til í stærri bílabúðum með snitttappa og ísetningargengjum (Helicoil). Í þriðja lagi: Meiri kemmdir: Taka þarf heddið af og fara með á vélaverkstæði.
Kv. Sigurður
P.s. Ef þú notar snitttappa þá þarf að passa það hann snúi upp þ.e. að svarfið leiti upp en ekki niður en slíkan tappa er t.d. hægt að fá hjá Isol
Undir fróðleik er Setrið frá því í júní 2008. Er ekki hægt að setja þetta fræga Setur janúar 2009 þar.
Ég skil ekki alveg viðbrögðin við því að margir séu að kvarta yfir því að fá ekki ákveðin póst (þ.e. Setrið). Það er ljóst að eitthvað er að og það þarf að finna skýringu á því. Ekki nota ríkistjórnarsjálfstæðiflokksdavíðoddsonaraðferðina um allt sé allt í lagi.
Er ekki bara betra að finna ástæðuna fyrir þessu og leysa hana á sem bestan hátt. Ég get alveg hringt í kvöld en bætir það eitthvað að upplýsa um að heimilisfangið mitt sé rétt og þá sé vandamálið einhverstaðar annarsstaðar???
Ég held að allir séu að reyna að gera sitt besta og engin ástæða til að gera þessa stöðu eitthvað erfiðari og leiðinlegri en hún þarf að vera. Samt í lagi á að fá skýringu og málið er leyst.
Kv. SHM
Einfaldast er að birta Setrið á vefnum og þeir sem vilja fá það á pappír geta þá fengið það sent.
Það ætti samt að láta Póstinn endurgreiða fyrir póst sem ekki berst. Mæli með því að gerð verði skoðunarkönnun á skilum á Setrinu (í stað þess að allir hringi í kvöld) og það er hægt að nota niðurstöðuna til að fá endurgreitt frá Póstinum eða í það minnsta benda á hvað skilin hafa verið slæm.
Það væri líka spennandi að sjá niðurstöðuna m.a. hjá þeim sem borguðu fyrir áramót og eftir.
Kv. SHM
Ég er einn af þeim sem borgaði fyrir jól og hef ekki fengið Setrið. Ég er búinn að búa á sama stað hátt í 10 svo að heimilisfangalisti hjá 4X4 er ekki skýringin því að hingað til hef ég fengið setrið. Ég held því að það ekki góð aðferð að láta alla hringja í kvöld því að í mínu tilfelli er heimilisfangið örugglega rétt en vandamálið enn til staðar þ.e. að ég hafi ekki fengið Setrið.
Það þyrfti kannski að athuga hjá póstinum hvort þessi blöð liggja þar.
Kveðja,
SHM
Ég hélt að EGR væri hluti af mengunarbúnaði og því ekki viss um hvort Maza 1991 árgerð er með slíkan búnað.
Sjá nánar hér að neðan.
Kv. SHM
exhaust gas recykle – Til að hita upp soggreina með hluta af pústinu (afgasinu).
http://www.faqs.org/qa/qa-7120.html
http://www.youtube.com/watch?v=x1MyOODy9W0
Er þá ekki eitthvað sem eyðileggur kveikjuheilann eins og t.d. of há spenna inn á hann?? Það þarf þá kannski finna örsökina fyrst áður en þú færð þér annan heila?
Kv. SHM
Það sem ég vill meina að bilun í kveikjuheilanum getur verið mjög lúmsk og því nauðsynlegt að útiloka hann áður en farið er í annað. Þeir geta verið mjög viðkvæmir fyrir utanaðkomandi áhrifum í mínu tilfelli var það raki.
Kv. SHM
Ég myndi útiloka kveikjuheilann fyrst. Lenti í svona gangtruflunum á Peugoet 1988 bíl sem fór stundum í gang og stundum ekki en ef hann var geymdur inni þá var allt í lagi og tafði það fyrir greiningunni en það var svo kveikjuheilinn sem var vandamálið.
Kv. SHM
Alveg til í að kaupa svona mæli lika.
Kv. SHM
