Forum Replies Created
-
Replies
-
Það er reyndar tekið skýrt fram í póstinum að sá sem setur fram þessa fullyrðingu veit ekki fyrir víst hvort þjappan er lækkuð í túrbó bílnum, bara það að hann sér ekki ástæðu til að lækka hana. Hinsvegar kemur fram að TD42T vélin er með stærri og sterkari innviðum á vissum stöðum sem eru einnig rök fyrir því að maður vilji ef til vill ekki eins stóra forþjöppu og er á original túrbó mótor.
Sælir,
Langaði bara til að deila með ykkur einni síðu hjá Áströlsku fyrirtæki sem heitir Turbo Glide. Þeir eru annálaðir sérfræðingar í túrbínusettum fyrir diesel vélar.
Langar líka til að nefna, varðandi túrbínustærðir, að vélar sem eru ekki hannaðar fyrir túrbínur, t.d. TD42, eru gjarnan með hærra þjöppuhlutfalli en sambærileg vél sem er gerð fyrir túrbínu. Því er ef til vill ekki æskilegt að setja sömu og/eða sömu stærð af túrbínu í NA vélina og er á túrbó útgáfunni án þess að lækka þjöppuni því það er ekki víst að húnþoli það.
Þess ber að geta að 4.2 L túrbó vélin frá Nissan heitir TD42T.
Kv,
Sigurbjartur
Er ljósið daufara þegar svissað er af eða er það með sama styrk og eftir að þú svissar á?
Ég var að renna yfir rafmagnsteikninguna af Y60 og ég sé ekki hvernig þetta ljós getur logað stakt þó komi til utanaðkomandi fæðispenna. Hvort sem hún kemur frá alternator eða annarsstaðar þar sem það er svo mikið af aðvörunarljósum og öðrum búnaði í bílnum sem deilir tengipunkti með þessarri peru.Kv,
Sigurbjartur
Sjálfur er ég frekar á að spennubreytir sé málið. Í fyrsta lagi er ekki einfaldasta aðgerðin að bæta við 12V rafal. Fyrir utan að þá þarftu spes viftureim sem fæst kannski ekki hvar sem er. En vissulega eru þetta ekki óyfirstíganlegar hindranir. En hvað ef vélin stoppar hjá þér einhvernstaðar uppi á fjöllum? Ertu þá kannski án allra samskiptatækja? Nema þú sért svo heppinn að vera í GSM sambandi. Eða hefurðu kannski pláss fyrir 12V rafgeymi líka?
Þessir spennubreytar eru tiltölulega einföld tæki og ef þú kaupir eitthvað almennilegt eru þeir vafalaust mun áreiðanlegri en rafalar.Kv,
Sigurbjartur
Þetta er sannarlega einkennileg bilun. Ég hef ekki heyrt af slíku fyrr en það virðist sem peran fái straum þrátt fyrir að svissað sé af bílnum en síðan tekur hún jörð í gegnum alternator.
Mér koma bara tveir möguleikar til hugar. Í fyrsta lagi gæti svissinn verið að leka straumi þrátt fyrir að svissað sé af honum, en þá byggist maður við að hin ljósin loguðu líka. Hinn möguleikinn er að það leki inn á hana einhvernstaðar á leiðinni frá sviss og út að peru.
Kv,
Sigurbjartur
Sæll,
Eins of einhver benti á er hugsanlegt að um útleiðslu sé að ræða en einnig er hugsanlegt að þeir hafi sett of aflfrekar perur í mælaborðið. Hjálpar nokkuð að skrúfa niður í birtunni í mælaborðinu?
Kveðja,
Sigurbjartur
Sæll,
Það er eitt sem þú mátt [u:1ffelw7l][b:1ffelw7l]aldrei[/b:1ffelw7l][/u:1ffelw7l] gera og það er að setja stærra öryggi. Öryggið er af þeirri stærð sem þarf til að verja raflögnina sem það er á. Það getur orðið dýrt spaug ef þú þarft að skipta um hluta lúms eða öryggjabox vegna of mikils álags.
Það ætti að segja sig sjálft að öryggin springa ekki því þau séu skyndilega of lítil heldur vegna vandamáls í raflögninni og með því að setja stærra öryggi er ráðist að einkennum vandans en ekki vandann sjálfan.
Springur öryggi samstundis og bíllinn er settur í gang eða þegar mælaborðsljós eru kveikt? Eitthvað seinna?
Kveðja,
Sigurbjartur
Sælir félagar,
Þegar ég hafði lesið erindi Braga, í þriðja sinn, í leit að ummælum hans er varða stafsetningu annarra uppgötvaði ég að þau eru ekki til staðar (Ritháttur og réttritun er ekki það sama.) Þeim mun hafa verið bætt í þessa umræðu af öðrum sleggjudómurum. Þannig vill til að sum innlegg í þessa umræði sýna einmitt í verki, það mein sem Bragi bendir á.
Ég tek heilshugar undir þá athugasemd Braga að hér ríkir, af hendi einstakra aðila, dæmlaust umburðar- og virðingarleysi fyrir bæði skoðunum og aðstæðum annarra. Finnst mér þetta mikill dónaskapur.
Kveðja,
Sigurbjartur
Sælir félagar,
Hér kemur einn óskiljanlegur. Þetta er vegna þess að reiturinn í SQL töflunni, sem er notaður sem einkvæmur lykill er af tegundinni signed SMALLINT. Hæsta gildi í honum er 32767. Svo vill til að fyrir hverja auglýsingu sem sett er inn þarf að hækka þetta gildi um einn en þar sem það er komið í botn er reynt að nota hæsta gildið aftur. Þar sem þegar er til auglýsing með þessu gildi kemur villa um að lykilinn sé þegar í notkun
Kveðja,
Sigurbjartur
Eftir því sem ég kemst næst er þetta bara snákaolía. Vatnið gerir varla mikið annað en að minnka slagrými/hækka þjöppu vélarinnar. Þar af leiðandi dregur það úr þéttni loftsins og í versta falli, ríkir blönduna. Það er svo aftur á móti hið óbrennda eldsneyti (vegna of ríkrar blöndu) sem kælir eða hitar vélina, ekki vatnið. (Bensín kælir, diesel hitar)
Helst spurning um hvaða áhrif allt þetta vatn hefur á inniviði vélarinnar. Get ímyndað mér að aukaverkanir séu tæring og þynning olíu ásamt því að verið er að láta vélina vinna utan þeirra marka sem hún er hönnuð fyrir.
Þess má geta að þar sem vatnsinnspýting hefur verið notuð, bæði í flugvélum og kappaksturbílum hefur aldrei verið ætlunin að búnaðurinn hlífi vélinni. Heldur spurning um að fá aukna þjöppu og tork í stuttan tíma en vélarnar gjarnan svo til ónothæfar á eftir.
Núna eru til allskyns dót og efni/pillur til að spara eldsneyti með loðnun yfirlýsingum og loforðum um virkni en engar vísindalegar sannanir sem halda vatni (no pun intended :).) Það er víst alltaf til fólk sem er tilbúið til að kaupa köttinn í sekknum.
HHO ER H20. Það er ekki hægt að fá út efnafræðiformúluna 2HO. H*H*O=H2*O=H2O
Svo er annað. Ég er sannfærður um að ég eyði minna þegar ég mæli eyðslu. Veit ekki afhverju, það er bara einhvern vegin svoleiðis.
Ef til vill fer ég með rangt mál í einhverjum smáatriðum en ég tel að í stórum dráttum séi allt þetta dót bara til þess gert að hafa fé af fólki. Þó er þetta ekki það vitlausasta sem ég hef séð.
Kv,
Sigurbjartur
Þess má geta að dúnn finnst mér yfirleitt betri. Hann andar og temprar betur þannig að almenn líðan er betri. Dún pokinn er líka umtalsvert léttari [u:blp424q4]miðað við einangrun[/u:blp424q4] og hægt er að þjappa honum í mjög lítið rúmtak, t.a.m. við göngu. Aftur á móti þolir dúnninn lítinn raka/bleytu. Bleytan klessir fjaðrirnar saman og þá verður hann skítkaldur. Fíberinn er aftur á móti þyngri og plássfrekari en heldur einangrunargildinu þótt hann sé blautur og þá ekki endilega vegna þess að hann þorni svo fljótt. Er því ráð að eiga tvo poka og láta veðurspá og ætlaðar ferða- og gistiaðstæður ráða valinu. Einnig er hægt að fá dúnpoka, eins og t.d. Banshee frá Mountain Hardware, sem eru með vatnsheldri öndunarfilmu (s.b.r. Gore-Tex) sem hlífir pokanum fyrir raka sem myndast oft innan í tjöldum þegar hiti fer í kringum frostmark. Sá poki er með þægileikamörkin í -21°C (800 FD)
Kv,
Sigurbjartur
Sælir,
Í sumum VW bílum geta verið tvö kerfi sem eru ekki beinlínis hluti af hemlakerfinu en geta haft áhrif á hvernig það starfar.
Annað heitir EBD og sér um að dreifa hemlunaraflinu á milli hjóla m.t.t. þyngdarpunkts bílsins.
Ég man ekki hvað hitt heitir en það er nokkurskonar nauðhemlunar-aðstoðar-kerfi. Virkni þess er sú að þegar stigið er snöggt/hratt á hemlapedalann þá nauðhemlar bíllinn, þó pedalinn sé ekki stiginn nægilega mikið niður til þess að klossa hann undir eðlilegum kringumstæðum þ.e. byggir einvörðungu á hraðanum sem stigið er með, en ekki sjálfri færslu padalans. Þetta kerfi losar svo bremsurnar þegar stigið er af.
Spurning um hvort bílinn er búinn öðru hvoru og þá hvort það er bilað.
Kv,
Sigurbjartur
Því má bæta við að rafmagn úr svona inverterum er 50Hz riðstraumur. Þarf því að pæla svolítið í hvernig lögn frá útgangi svona græju er háttað. Ef þetta er lagt meðfram t.a.m. hátalarasnúrum eða snúrum með einhverskonar stafrænum/tölvumerkjum er líklegt að það valdi truflunum. Hvort sem eitthvað er í sambandi eða ekki.
Sæll vertu Borgþór, vildi bara þakka þér fyrir túrinn. Og flottar myndir.
Sigurbjartur (samferðamaðurinn á silfurgráa Patrolinum)
Ég tapaði felguró á leiðinni vestur, á melunum úr Þórsmörk á laugardaginn. Ef einhver hefur rekið augun í hana og/eða tekið hana með má sá hinn sami endilega hafa samband
Kv,
Sigurbjartur
Jájá, það er minnsta málið. Þú tekur þétt um loftnetið, með hönd á hvorum enda. Svo færirðu hendurnar saman, og beygjir loftnetið á sama tíma, þar til það brotnar. Þannig veistu nokkurn veginn hvað það þolir.
En annars, að öllu gamni slepptu. Geturðu lýst betur fyrir okkur hvað það er sem þú ert að sækjast eftir?
Kveðja,
Sigurbjartur
Ég verð að taka undir orð Agnars. Hinsvegar er ég að spá í að spara mér aurinn sem færi í félagsaðild að FÍB. Ég tel að það eina sem ég hafi fengið fyrir það, hingað til, séu þýðingar á öryggis- og árekstrarprófunum úr útlenskum blöðum og límmiði í rúðuna. Fer allavega ekki mikið fyrir hagsmunabaráttu bifreiðaeigenda á þeim bænum. Hlýt að hafa misskilið tilgang þeirra þegar ég gekk í félagið.
Til að byrja með langar mig til að segja það að ég treysti olíufélögunum alveg til að stinga öllum niðurfelldum, opinberum gjöldum í vasa sína, sbr. lækkum á virðisaukaskatt á matvælum, hvort sem það gerist strax eða 6 mánuðum seinna.
Er satt að útblásturinn af gasolíunni sé meira heilsuspillandi nú þegar búið er að fjarlægja megnið af brennisteininum úr henni?
Nú á ég, frekar nýlegan, Golf sem vill helst bara fá 98 oktana bensín. Hvernig stendur á þessum mikla mun á verðinu á 95 og 98 oktana bensíni? Munurinn? Smá skvetta af oktan booster. Trúi því engan vegin að það kosti nokkrar krónur á lítrann.
Kveðja,
Sigurbjartur
Kveðja,
Var bíllinn heitur eða kaldur þegar neminn var mældur? Eftir því sem mér sýnist, er allt í lagi þegar hann er kaldur, svo spurning um hvort bíllinn var í lagi eða bilaður þegar neminn var mældur. Einnig spurning um hvernig hann var mældur. Eftir því sem ég veit best er þetta Hall Effect skynjari og þarf því væntanlega oscilloscope til að mæla hann.
