Forum Replies Created
-
Replies
-
Til sölu Asus Eee PC 2G Surf tölva. GNU Linux stýrikerfi, 7 tommu skjár, 512 Mb minni, 2 Gb Solid State diskur, 3 usb tengi, slott fyrir SD kort, þráðlaust netkort, VGA tengi, Intel Celeron örgjörvi og innbyggðir hátalarar. Aðeins 0.92 kg. Sjá nánar á http://eeepc.asus.com/global/product700-spec.html Verð 25 þúsund ágætar íslenskar krónur. Upplýsingar í síma 892 3886.
Reynsla mín af Tetra er ekkert slæm. Útbreiðslan er nokkuð góð, en auðvitað ekki fullkomin. Gjöldin eru hins vegar dauðadómur á þetta kerfi fyrir venjulegan sófariddara. Handstöðin mín – næstum ónotuð – er sölu fyrir slikk.
Siggi Gríms.
Gsm 892 3886.
Inná http://www.norisknofun.is er stutt video af Fjólunni og Ægi í stuði. Þetta er fyrir þá sem muna þá gömlu góðu….
Siggi Gríms.
Er þetta ekki orðið alveg ágætt? Til upplýsingar er rétt að fram komi að þarna voru menn að koma 38" dekki (nýju) á 18" breiða felgu. Og einnig að sá sem í hlut á er maður með reynslu, líkalega meiri en þeir samanlagt sem hér hafa tjáð sig. En Benedikt á reyndar réttu orðin yfir þetta á öðrum þræði, í sínum níuhundruðfertugastaogfyrsta pósti – "Það eina sem virkar er reynslan…". Hún var einmitt notuð í þetta sinnið.
Siggi G.
R-318.
Hann eyðir eiginlega engu í innanbæjarakstri. Er nefnilega aldrei notaður sem snattari. En grínlaust þá virðist skipta litlu máli hvort um er að ræða innanbæjarakstur eða langkeyrslu, hvað eyðsluna varðar. Hann er að hanga í 18 til 22 lítrum á hundraðið og það fer mest eftir því hversu hratt er ekið. Það er nefnilega þannig með Ford að eftir því sem fastar er stigið á olíugjöfina, þeim mun hraðar fer hann
Og þessar tölur eru miðaðar við að annað hvort tveggja sleða kerra eða 1500 kílóa fellihýsi sé aftan í. Og bara til að það sé á hreinu þá viktar bíllinn 3900 kíló með 300 lítra af hráolíu og tilbúinn á fjöll. Með fellihýsið, fólk og farangur, þá eru 5500 kíló á ferðinni. Jú, reynslan sýnir að auðvitað drífur hann meira á 46 eða 49 tommu. Ég er búinn að máta 49" undir og það þarf að færa framhásinguna.
Ástæðan fyrir því að þú hefur ekki séð svona græjur á fjöllum er sú að þetta er fullvaxinn bíll og má fara einn á fjöll. Ég hef sömuleiðis oft spurt ferðafélagana (sem aka á "gömlum" amerískum fulltafhestöflumogstórumdekkjum) hvar eru förin eftir allar ofurdollurnar sem auðvitað hljóta að hafa stungið okkur af? Svarið sem ég fæ er það að þetta séu svo léttir bílar að það sjáist bara engin spor eftir þá. Auðvitað.
Þessi rígur milli eiganda Patrol og Toyotu og annarra jeppaeiganda um hver drífur mest er auðvitað bara til skemmtunar. Þeir sem halda því fram að svona Econoline fjallahótel drífi ekki neitt, hafa lítið kynnt sér málið. En er ekki aðalatriðið, að sama hver bíltegundin er, þá er hægt að hafa fullt af gamni á fjöllum, hvort sem bíllinn kostar 100 þús eða 10 millj. Og er það ekki málið?
Kveðja,
Siggi Gríms.
Hvurn fj… gerði ég nú???
Hef bara verið kærður einu sinni fyrir að fara dálítið harkalega framúr Patrol (sko, ég var ofaní á en hann á vegi en Fordinn hafði ‘ann samt!!) en ég hélt að það væri fyrnt fyrir löngu.Kveðja,
Sigurður Grímsson
siggig@centrum.is
gsm 892 3886
Mínútupakkar hafa ekki verið boðnir hingað til. Ég greiði bara fyrir notkun og mínútan er um það bil 90 kr. núna.
Globalstar er bara eins hvert annað símafyrirtæki þegar kemur að rukkun á þjónustu. Síminn er með "roaming" saming við Globalstar og notkunin kemur bara á gamla góða símreikninginn frá Símanum sem "Símtöl utanlands". Getur ekki verið einfaldara.
Ég nota símann eingöngu með innbyggða loftnetinu.
Kk,
Siggi.
Þessi umræða kom upp fyrir nokkru á öðrum þræði hér á spjallinu. En það er sjálfsagt að segja frá reynslunni af Globalstar.
Ég hef verið Globalstar notandi síðan seint á árinu 1999. Keypti mér þá Ericsson R290 símann sem kostaði um 80 þús.
Hann hefur dugað mér vel og verið alveg hrekklaus. Þetta er venjulegur gsm sími (ja, eins venjulegur og 400 gramma sími getur orðið :-)) og ég tek bara sim kortið (Síminn) úr dagsdaglega símanum mínum og smelli í þennan og búið mál. Ef síðan ekki er samband við gsm kerfið þá skiptir hann yfir á Globalstar sjálfvirkt og tengist jarðstöð í Frakklandi. Kosturinn við þetta er, eins og hér hefur komið fram, að ekki þarf að greiða mánaðargjöld af þessari þjónustu, það er sama númer og
venjulega og einn reikningur fyrir allt. Gjaldfærsla fyrir Globalstar samtal kemur fram sem utanlandssímtal á símreikningi.Talgæði eru eins og best verður á kosið. Ekkert bergmál og engin töf. Og ósköp þægilegt að fá sms-in þegar kveikt er og geta svarað til baka. Þessi sími virkar sem modem bæði á gsm (9600 baud) og Globalstar (7200 baud). Mínútugjaldið hefur lengst
af verið í kringum 100 kr. Og þá er sama hvar maður er staddur í heiminum. Það getur verið talsvert ódýrara að nota Globalstar í útlandinu en venjulegan gsm. Þessi sími hefur verið notaður í USA, Bretlandi og á Kanarí, Kúbu og
Norðurlöndunum. Og það er einfalt að hringja úr símanum: +354 og númerið sem þú ætlar að hringja í innanlands.Hvað varðar samband eða sambandsleysi, þá er mín reynsla sú að veður hefur engin áhrif á sambandið. Það hefur komið fyrir að ég hef ekki náð sambandi í eina til tvær mínútur þrátt fyrir að vera á "góðum" stað. Og já, síminn þarf að hafa gott "útsýni", stundum hef ég ekki náð sambandi í þröngum dölum eða í bröttum fjallahlíðum. Það er kannski ekki alveg rétt að segja að við séum á útjaðri sambandsins og of norðarlega til að vera í tryggu sambandi. Við erum á vel skilgreindu svæði en getum átt á hættu að vera bara með einn hnött í sambandi og þessvegna með veikara merki en annars. Á það ber að líta að síminn minn er orðin býsna aldraður á símamælikvarða og nýjir símar eru mun næmari á merkin.
Ég hef alltaf litið á þennan síma sem öryggistæki í ferðalögum. Í jeppaferðum hef ég svotil eingöngu notað NMT og auðvitað VHF en Globalstar er aðaltækið í vélsleðaferðum.
Get alveg sagt frá því að ég hef átt eitt óþægilegt augnablik með Globalstar. Það varð "smá"slys í vélsleðaferð og ekkert um annað að ræða en fá þyrlu á staðinn. Strax. Og jú, græjan datt strax í samband við Globalstar og ég sló inn með titrandi
puttum +354112. Þá heyrðist í einhverri indælisstúlkukind á syngjandi frönsku sem sagði á þá leið að hún gæti bara ekki hleypt þessu símtali í gegn. Það væri nefnilega ókeypis að hringja í 112 !!! Venjulega er konan mín nú bara ánægð að heyra
í mér en henni brá dulítið að heyra í bóndanum við þessar aðstæður Til að hringja í 112 úr gerfihnattasíma þarf að nota númerið: +354 809 0112. Ég man það nokkuð vel.
Já, þetta kerfi er mjög vel nothæft í jeppa- og vélsleðaferðir hér. Ef menn fá sér útiloftnet á jeppann þá ætti að vera samband víðast hvar. Ég hef svosem náð sambandi á ótrúlegustu stöðum t.d. í Skeggjabrekkudal (innaf Ólafsfirði) þar sem hann er umgirtur um 1000 metra háum fjöllum. En það kemur fyrir að ekki næst samband og þá gjarnan í nokkrar mínútur í senn.
Ég hef alltaf litið svo á að gerfihnattasími sé eingöngu öryggistæki. Hann kemur aldrei í staðinn fyrir NMT – til þess er mínútugjaldið of hátt. Þess vegna er ég sannfærður um að áframhaldandi uppbygging á VHF kerfi klúbbsins sé skynsamlegur kostur. Frekari fjölgun endurvarpa og jafnvel samtenging þeirra er eitthvað sem ætti að skoðast mjög vandlega.
Með góða VHF stöð og gerfihnattasíma með í för ættu menn að vera nokkuð öruggir að komast í samband á fjöllum.
Hvað varðar rukkun á Globalstarnotkun þá gæti málið ekki verið einfaldara. Síminn og Globalstar eru einfaldlega með reikisamning sín á milli þannig að gerfihnattanotkunin kemur einfaldlega fram sem útlandasímtal á GSM símareikningnum.
Siggi Gríms.
Ég hef notað Globalstar gerfihnattakerfið í nokkur ár hér á Íslandi. Reynsla mín af því er ágæt en eins og segir hér að ofan, þá erum við á mörkum þess að vera í góðu sambandi. Síminn verður að hafa gott "útsýni" til að ná sambandi. Stöku sinnum hef ég orðið var við að samband dettur út í nokkrar mínútur þrátt fyrir góða staðsetningu.
Þetta kerfi er stafrænt alla leið og hljóðgæði pottþétt. Ég nota Ericsson R290 síma sem hefur reynst mjög vel. Hann er líka GSM sími og það eina sem þarf raunverulega að gera er að stinga sínu veljulega SIM korti í símann (hef bara prófað SIM kort frá Símanum) og maður er kominn í samband. Það er ekki rétt að Globalstar rukki mánaðargjöld. Maður borgar bara fyrir notkun og mínútan er núna rétt um kr. 90. Og það getur verið mun ódýrara að nota þennan síma í útlandinu en venjulegan GSM síma, þar sem alltaf er rukkað sama mínútugjaldið.
Þessi sími hefur reynst mér ómetanlegt öryggistæki á fjöllum.
Siggi Gríms.
