Forum Replies Created
-
Replies
-
Ég var á Langjökli í dag í afbragðs færi og himnesku veðri. Vorum á 10 bílum, sá minnsti var Suzuki Vitara algjörlega óbreyttur. Fórum á Geitlandsjökul, í íshellana í Flosaskarði og síðan upp að Þursaborg og á Péturshorn. Þaðan var ekið í Skálpanes og allt gekk þetta vandræðalaust.
Frábær dagur á jökli.Kveðja, Sigurbjörn.
Vonandi eru góðir viðgerðarmenn í genginu til að sinna þeim bílum, sem ekki eru af Toyota gerð.
Sigurbjörn.
Það er kannski að bera í bakkafullan lækinn að fara að skrifa um blessaðan vefinn en þó get ég ekki stillt mig um að minnast á eitt atriði.
Vinstra megin á forsíðunni er rammi þar sem sýndar eru „áhugaverðar“ myndir. Þarna birtast ýmsar myndir greinilega með mjög handahófskenndu sjálfvali.
Ég viðurkenni að sumar myndirnar eru áhugaverðar en hins vegar er allt of mikið af myndum, sem eiga ekkert erindi í þennan ramma. Þá á ég við myndir t.d. af fólksbílum, dekkjum inni í skúr eða jafnvel mynd af ómerkilegri talstöðvarfestingu eins og ég sá nú rétt áðan.Kveðja,
Sigurbjörn, R2196
Brettakantarnir á bílnum eru fullvaxnir þannig að þeir myndu duga fyrir 38". (Sjá myndir í albúmi SHM). Ég er aðallega að velta fyrir mér hvort ég geti beygt vandræðalaust á 36 tommum og eins hvort ég þurfi að klippa úr afturbrettunum svo dekkin verði ekki sífellt að narta í þau í ójöfnum. Já svo er hann svolítið siginn að aftan þannig að trúlega þyrfti að fá stærri upphækkunarhringi fyrir gormana eða hreinlega að fá nýja gorma.
Ég þakka ábendingarnar, sem hafa borist.Kveðja,
Sigurbjörn.
Fyrir tveimur árum lét ég hækka 4runnerinn minn um 6 cm á boddýi til að koma undir hann 35 tommu dekkjum. Nú langar mig til að ganga lengra og máta undir hann 36 tommur á 12 tommu breiðum felgum.
Þess vegna langar mig að spyrja hvort einhverjir hafi reynslu af því að setja 36″ undir svona bíl með þessari hækkun. Það þýðir ekki að benda mér á að fara alla leið í 38″, það er búið að reyna það og plássið er of lítið fyrir slík dekk nema ég ætli eingöngu að keyra beint áfram. Hins vegar eru brettakantarnir alveg nógu breiðir.
Hvað segið þið, reynsluboltar þarna úti? Er þetta vonlaust mál?Kveðja,
Sigurbjörn, R2196
Þetta hafðist, takk fyrir leiðbeiningarnar.
Kveðja,
Sigurbjörn.
Mér sýnist nú að ég fer í þann valmöguleika að breyta albúmi, sé einungis boðið upp á að breyta nafni albúmsins eða öðrum texta en ekki bæta við myndum.
Kannski er ég svona tregur en ég er allavega ekki enn búinn að ná áttum eftir að þessari nýju síðu var hleypt af stokkunum og mér sýnist reyndar að svo sé komið fyrir mörgum öðrum miðað við viðbrögðin, sem ég hef lesið hér á spjallsvæðinu.Kveðja,
Sigurbjörn
getur einhver frætt mig um hvort hægt sé að bæta við myndum í albúm, sem þegar eru til? Mig langaði til að bæta einni til tveimur myndum í albúm, sem ég bjó til fyir löngu en ég finn enga leið til þess.
Mér sýnist að ég geti ekki sett inn mynd öðruvísi en að búa til nýtt albúm.Kveðja,
Sigurbjörn
Það eru ca. tvö og hálft ár síðan ég lét sandblása. Þetta voru notaðar álfelgur, sem ég keypti og það voru nokkrir ljótir tæringarblettir á framhliðinni á þeim. Ég lét því bara blása framhliðina án þess að taka dekkin (35") af og mig minnir að verðið hafi verið 2000 kall á stykkið.
Síðan úðaði ég felgubronsi yfir þær ásamt nokkrum umferðum af glæru lakki og þær hafa haldist góðar síðan.Kv., Sigurbjörn
HK sandblástur, Helluhrauni 6, Hafnarfirði. Ég lét sandblása felgur þar með góðum árangri.
Sigurbjörn.
Eftir því sem ég fæ best séð, hefur dofnað mikið yfir spjallinu eftir að þessi nýja síða kom til skjalanna.
Þá finnst mér líka miklu minna um að menn setji inn nýjar myndir eftir að þessi ósköp dundu yfir og að auki er erfiðara en áður að fylgjast með hvaða myndir maður er búinn að skoða og hverjar ekki.
Ég er ekki sáttur við þessa nýju síðu.Kveðja, Sigurbjörn.
Getur einhver frætt mig á því hvernig hægt er að skoða nýjustu myndir eins og gert var á gömlu síðunni? Þar var alltaf hægt að finna myndir eftir síðustu uppfærslu en ég hef ekki enn fundið þá leið á nýju síðunni.
Kveðja, Sigurbjörn.
Þakka þér gott boð Jónas, en þar sem hugmyndin var að fara jafnvel á nokkrum bílum, flestum lítt breyttum, þá kemur garðurinn þinn varla til greina en það hlýtur að vera hægt að komast í snjó einhvers staðar á suðvestur horninu.
Sigurbjörn
Takk fyrir Einar. Þetta virkaði, þannig að nú er ég búinn að breyta lykilorðinu aftur í eitthvað, sem ég man…. vonandi. Það verður svo spennandi að fylgjast með nýju síðunni.
Kv. Sigurbjörn
Mig langar að spyrjast fyrir um það hvers vegna maður sér ekki lengur að maður sé skráður inn á vefsíðuna eins og áður var.
Ég ætlaði að senda smá pistil inn fyrr í dag, skráði mig inn að ég taldi en sá engin merki þess að ég væri inni.
Það endaði með því að ég lét senda mér nýtt lykilorð vegna þess að ég hélt að ég væri að gera einhverja vitleysu.
Og svo get ég með engu móti breytt þessu nýja lykilorði, sem ég fékk og engin leið er að muna.
Er ekki hægt að kippa þessu í liðinn?Kv. Sigurbjörn
Veit einhver hvort einhvern snjó er enn að finna í nágrenni höfuðborgarsvæðisins? Þá er ég að tala um svæði eins og Hellisheiði, Hengilssvæðið, Mosfellsheiði og jafnvel Jósepsdal. Gaman væri að vita hvort einhver hefur verið á ferð á þessum stöðum nýlega.
Kveðja, Sigurbjörn,
Ég verð að segja að mér þykja þessar eyðslutölur hjá jonerl og sérstaklega grizz með ólíkindum. Sjálfur er ég á 4runner ´93, V6 (með beinni innspýtingu að sjálfsögðu). Bíllinn er beinskiptur, á 35 tommu dekkjum og með óbreyttum hlutföllum.
Bensíneyðslan er á bilinu 14 til 19 lítrar á hundraðið eftir því hvort um er að ræða langkeyrslur eða innanbæjarsnatt.
Að sjálfsögðu er svo hægt að hleypa eyðslunni upp þegar verið er að hjakka í snjó tímunum saman.Kveðja,
Sigurbjörn.
Um daginn ákvað ég að láta loks verða af því að endurnýja haugryðgaðan afturstuðarann á mínum 11 ára gamla 4runner.
Þegar stuðarahornin voru losuð af sá ég mér til hrellingar að það var ekki einungis ryð í stuðaranum, heldur voru komin ca. lófastór göt í boddýið rétt aftan við bæði afturhjólin.Mér finnst ekki forsvaranlegt að setja nýjan stuðara á bílinn öðruvísi en að loka þessum götum með því að láta sjóða í þau. Þá hefur einnig hvarflað að mér að láta klippa úr brettunum í leiðinni svo rýmra sé fyrir 35 tommu dekkin, sem eru undir bílnum.
Nú langar mig að vita hvort einhverjir geti bent mér á verkstæði á höfuðborgarsvæðinu, þar sem hægt væri að fá hvort tveggja í senn, ryðbætingar og úrklippingar fyrir sanngjarnt verð.
Kveðja,
Sigurbjörn.
Ég tek undir með Einari þegar hann talar um að vandratað sé um trúðasíðuna, jafnvel þó maður sé með GPS. Svo er ég mikið búinn að velta fyrir mér hvaðan orðalagið "Skoða ósvöruðum innleggjum" sé upprunnið. Ég hef aldrei séð þannig tekið til orða áður.
Sigurbjörn.
Ég þakka fyrir og fylgist með framvindu mála. Ég var reyndar ekki búinn að skrá mig en hef áhuga á að vera með.
Tek ákvörðun eftir helgina.Kveðja, Sigurbjörn
