Forum Replies Created
-
Replies
-
Þakka ykkur fyrir Sveinbjörn og Gunnar. Sveinbjörn, við verðum að girða okkur í brók svo að við getum allir þrír farið í ferð ;-). Það sem er að frétta hjá mér er að samsláttarpúðarnir eru komnir í. Er að stilla upp festingum fyrir demparana.
Kv Rúnar
Myndirnar hér fyrir neðan tala sínu máli.
Kv Rúnar
Efri stífunar komnar á sinn stað en smá frágangur eftir. Þegar sá frágangur er búin er næsta mál að ganga frá sætum fyrir loftpúðana. Það verður farið í það vonandi á morgun.
Kv Rúnar
Nú standa hásinga skifti yfir. Aftur hásingin er færð aftar um 9cm. Bilið á milli hjóla verður 3 metrar. Reikna með að efri stífurnar klárist á morgun.
Kv Rúnar
Jæja þá er líffæragjafinn kominn og allt notað nema hásingar,vél(Buick 350 held ég)400 skifting og Dana 20 kassi sýnist mér. Það sem ekki verðu notað er til sölu.Allt boddyið er í ótrúlega góðu standi.
kv Rúnar
Þakka þér fyrir reikniforritið Gunnar. Fór út í skúr og setti réttar tölur inn í forritið.Eftir að þær voru komnar inn kom í ljós að það þurfti að hækka efri stífuna upp við grind meðal annars vegna 5° halla á neðri stífunni. Samkvæmt reikniforritinu er gráðan á Roll Axis Angle 0° sem er mjög gott og Anti-Squat 22%. Talað er um að hafa Anti-Squat sem næst 25% svo að í erfiðu færi sest jeppinn síður á rassinn þegar er tekið af stað. Í kvartmílunni vilja menn og konur hafa Anti-Squat 100% til að fá allan kraftinn á hjólin en það er ekki gott í snjóakstri. Myndin hér fyrir neðan sýnir hvernig þetta lítur út hjá mér.
Kv Rúnar
Það sem ég er að ganga út frá í fjöðrunni að aftan er að neðri stífan halli um 5 gráður efri stífan sé lágrétt. Neðri stífan á að vera 100cm og efri stífan 70cm eða 70% af neðri stífunni. Fjarlægðin á milli stífiboltanna á hásingunni (lóðrétt)er um 26cm eða 1/4 af hæð 44″ Efri stífan verður stillanleg á grindinni. Það sem ég hef verið að velta fyrir mér er staðsetning á neðristífu festingunni á hásingunni, þá meina ég hvort boltagatið miðist við mitt rörið,rétt fyrir neðan miðju eða þannig að maður sjái í boltann undir rörinu. Endilega látið skoðanir ykkar í ljós en að ég fari eftir þeim er allt annað mál 😉
Kv Rúnar
Gunnar,það á að endurbæta fjörðuninaa að framan líka. Demparnir (bypass) sem ég nota eru 2,5″ með 30cm slagi. Ég er nú ekki hokinn of reynslu í fjöðrunarfræðum en hef lagt þessa útfærslu fyrir þá sem hafa meiri reynslu í þeim fræðum.Það er alltaf gaman að heyra álit manna á því sem maður er að gera. Var með jafnvægisstöng að aftan,er ekki rétt að nota hana aftur.
Kv Rúnar
Hér eru fleiri myndir.Finnst hálf kjánalegt að sú mynd sem er sett fyrst inn kemur síðust.
Kv Rúnar
Það er oft þannig þegar maður byrjar á verkefnum þá þróast þau í aðra átt en maður ætlar í byrjun. Það á alveg örugglega við í þessu Wagoneerbrölti mínu. Ætlaði fyrst að ryðbæta hann en endaði með því að ég sagaði hann í sundur þegar mér bauðst annað boddy sem ég er að bíða eftir að fá. Það sem er verið að vinna í núna er að endurbæta fjöðrunina og var að fá úr vatnsskurði eitt og annað. Hér fyrir neðan eru myndir sem sýna hvað ég hef verið að dunda mér við.
Kv Rúnar
Eins og fram kemur í fréttum og tilkynningum verður opið hús í Síðumúla 31 á fimmtudaginn kl 20 til 20:30. Það er um að gera að koma og kynna sér húsnæðið og hvaða möguleika það hefur. Mín skoðun er sú að staðsetning sem má segja að sé miðsvæðis í Reykjavík, góð aðkoma, næg bílastæði, skrifstofu sem er á jarðhæð sem snýr að Síðumúlanum sem gerir klúbbinn sýnilegri og ásættanlegt verð séu meðal annars þeir kostir sem við fáum með þessum kaupum. Að sjálfsögðu er töluverður kostnaður og vinna sem við félagsmenn þurfum að leggja á okkur til að standsetja húsnæðið en við höfum gert annað eins t.d öll sú vinna sem við höfum lagt á okkur upp í Setri.
Kv. Rúnar fasteignanefnd.
Að gefnu tilefni vill ég þakka fráfarandi stjórn fyrir alla þá vinnu sem þau lögðu á sig fyrir okkur í F4x4 en sú vinna sem stjórn og nefndir leggja á sig er því miður oft vanmetin.
Rúnar R2035
Skálanefnd
Nöfn þeirra sem gefa kost á sér í skálanefnd.
Jón Óskar Valdimarsson.
Baldur Harðarson.
Einar Sólonson.
Skálanefnd
Rúnar Sigurjónsson – Gefur ekki kost á sér
Logi Már Einarsson – Gefur ekki kost á sér
Jón Emil Þorsteinsson – Gefur ekki kost á sér
Guðmundur Geir Sigurðsson – Gefur kost á sér
Ómar Wieth – Gefur kost á sér
Styrmir Frostason – Gefur kost á sérNöfn þeirra sem einnig gefa kost á sér í skálanefndina koma síðar
Fyrirspurn til Skemmtinefndar! Það er auglýst opið hús næsta föstudagskvöld frá kl. 20:00 til miðnættis.Hvort verður kaffi með vínberjum og súkkulaðikexi eða verða afgreiddir drykkir úr kæliskápnum. Ef svo er, er mín tillaga að bætt verði við einni tegund þannig að það verða tvær tegundir ódrekkandi og ein drekkandi.
Kv. Rúnar Egils Gull.
Var rétt áðan að tala við Loga Ragnas,en það var á honum að heyra að menn væru þreyttir en ánægðir með ferðina.Það er skafrenningur hjá þeim og ekki búið að ákveða hvaða leið verður farin heim, yfir Kjöl eða þjóðvegin.Ég var beðin um að setja inn fréttir af ferðinni hér á vefin en vegna heilsuleisis varð lítið úr því og það þykir mér miður.
Kv Rúnar
Heyrði í Loga Ragnas snemma í morgun en jeep gengið svaf í Hrauneyjum í nótt og aldrei þessu vant var áætlað að þeir legðu síðastir af stað.Eins og Óskar E greinir frá er Gunnar Ingi Ultimate í hópnum en hann kom kl.5 í morgun.Fréttir herma að Fúlagengið hafi lagt af stað frá Hrauneyjum rúmlega átta með bros á vör.Þá voru Sterarnir að komast í gírin eftir að þeir fengu skammtin sinn úr bláu pikknik töskunni hans Guðmundar Sig.Það er hægt að fylgjast með ferðum Jóns Ólafs á Ford 350 á netinu en ég mæli með því á svona hálftíma fresti.
http://aprs.fi/#!mt=hybrid&z=11&call=a%2FTF3WJ-9
Það er svo spurning hvernig formaðurinn er skóaður en í Bingó-ferðinni var hann á strigaskóm og kvartaði ekki mikið yfir því að geta ekki sinnt kóara starfinu sem skyldi 😉kv Rúnar
Var að horfa á þáttin hans Gísla Marteins en þar á meðal gesta var fyrrverandi umhverfisráðherra. Þar í umræðu um skúrka ársins flokkaði hún þá sem börðust fyrir ferðafrelsi á hálendinu undir aðila með frekju og yfirgang. Mér þykir það ekki sæma fyrrverandi umhverfisráðherra að tala um að stór hópur landsmanna sé með frekju og yfirgang þegar þeir eru að berjast fyrir réttindum sínum að ferðast um landið.
Kv Rúnar FREKJU OG YFIRGANGAS-JEPPA-SKÚRKUR (Skálanefnd)
Við hækkun nú á skálagjöldum hefur það aldrei komið til álita þessi hækkun yrði undanfari hækkunarskriðu á skálagjöldum,en það má lesa út úr pistlum hér að ofan.
1500kr gistigjaldið hefur verið frá því sem ég kemst næst að minnsta kosti frá árinu 2009 en skálanefndarmenn þess tíma ættu að geta upplýst okkur betur um það.
Í fyrri skálareglum var gjaldfrítt fyrir börn 0-7 ára en hálft gjald 7-15 ára. Þannig að ég tel þessa breytingu til bóta fyrir fjölskyldufólk. (gjaldfrítt 0-13ára/13-16ára hálft gjald). Ein af rökunum fyrir að miða við 16 ára aldurin en ekki 18 ár voru, „ef þú getur ekið upp í Setur þá geturðu greitt fullt gjald“.
Í umræðu skálanefndar um breytingar á gistigjöldum voru ræddar nokkrar hugmyndir meðal annars að láta greiða fyrirfram fyrir gistingu en þannig er það haft í mörgum skálum. Vera með ákveðið lágmarksgjald en það þarf 8-10 félagsmenn til standa undir kostnaði á sólarhring. Þessar hugmyndir þóttu ekki ráðlegar.
Það má reikna með að kostnaður við 24 tíma vetrarkeyrslu á Setrinu sé um 15-18 þús. með öllu (olía,gas,rekstarvörur)en þá er ekki verið að tala um viðhaldskostnað.
Varðandi þrif í Setrinu hefur þessi skálanefnd lagt áherslu á að hafa þrifalegt bæði inn í Setrinu ekki síst nánasta umhverfi líka. En vegna framkvæmda sérstaklega í sumar hefði mátt gera betur inn á Zetu en við höfðum hvorki mannskap né orku eftir í það. Á ekki von á öðru en næsta skálanefnd klári það verkefni.
Að lokum er vert að þakka fyrir hrósið til skálanefndarinnar hér í pistlum hér að ofan.
Kv. Rúnar formaður skálanefndar.
Sæll Bjarki
Eitthvað hefur þú runnið til á prósentusvellinu. Skálagjöld félagsmanna hækka úr 1500kr í 2000kr. Varðandi innheimtu á skálajöldum hefur það verið þannig að hver greiðir fyrir sig sem gerir okkur erfitt fyrir en það gengur ekki að við í skálanefndinni séum í einhverjum lögguleik að finna út hverjir gistu í Setrinu en oftast þegar menn panta gistingu vita þeir ekki fyrr en komið er er upp í Setur hvað þeir eru margir og fáum við þá uppgefin endanlegan fjölda. Að sjálfsögðu á þetta við hvern hóp fyrir sig. Þegar menn koma í Setrið og eiga ekki pantað en er hópur fyrir hefur komið fyrir að við verðum af skálagjöldum sem er ófært. Þess vegna skorum við á þá sem eru fyrir að benda mönnum sem hafa ekki pantað að hafa samband við skálanefnd.Kv Rúnar skálanefnd
