Forum Replies Created
-
Replies
-
Vegag.is er nú eitthvað búin að uppfæra sig síðan áðan, og virðist eitthvað meira hafa opnast.
Uxahryggir, Laugar, Hveravellir (að norðan), Laki og að Hólaskóg er orðið fært eftir hálendiskortinu (sem gildir frá og með fimmtudeginum næsta), og sumir þessara vega líka eftir venjulegu vegakortunum…!Og mogginn lýgur nú víst stundum…
Rúnar.
Út frá kortinu á vegag.is, þá get ég nú ekki séð nema að það sé verulega vel lokað inn í Laugar enn sem komið er, það er aftur á móti opið upp að Siguöldu (enda málbikað þangað).
Þá er opið upp að Langjökli frá Húsafelli, en Uxahryggir og Kaldidalur vel lokaðir.
Búið er að opna upp að Hólaskjóli.En gleymið því ekki að það er hægt að ferðast á fleiri svæði en hálendið…:)
Kveðja
Einum sem finnst enn meira gaman á sumrin en veturna.
Gaman að sjá að umræðan hér að ná gæðastöðlum fyrir umræður á hugi.is. Fer eiginlega að vera spurning um það hvenær menn fara að hafa með sér skítagafla í staðin fyrir skóflur í ferðir…
Segjum nú svo að það sé ákveðið að búa til námsefni fyrir þetta hugsanlega jeppameirapróf (hvort og hvernig það yrði svo sem kennt).
Hvað ætti að standa í þessu námsefni? Hvað á að kenna?Einn forvitinn, sem er ekki alveg búinn að fatta rökin fyrir þessari meiraprófsumræðu.
Rúnar.
R2018.
Sem meiraprófsmaður þá verð ég nú að viðurkenna að lítið eða ekkert af því sem ég lærði í meiraprófinu nýtist manni nú við að keyra þessa mjög svo sérstöku, og breyttu jeppa.
Þrátt fyrir mikla leit undanfarið, þá hef ég ekki ennþá fundið hvað það er sem er svona miklu meira öðruvísi við að keyra breyttan jeppa en fólksbíl. En það er örugglega bara vegna þess hvað ég er vitlaus…! Verð víst bara að halda áfram að leita.
En ég verð nú samt að viðurkenna að félagi Benni kom með helv. góða punkta um breytta jeppa í umferðinni, í síðasta Setri. Skrifaði þar punkta sem maður hefur aldrei spáð neitt í.
kv
R 2018.
Ég er þér hér ósammála.
Vegna þess hvað fáir af þeim sem eru að spjalla hér eru með félagsnúmer, þá held ég að spjallið yrði hálf líflaust ef það yrði takmarkað.
Aftur á móti finnst mér að kosningarnar, og myndaalbúmið eigi að vera lokað fyrir aðra en félagsmenn.
Núverandi kosning held ég að sé gott dæmi sem sýnir hverjir eru að kjósa.Kv. R2018
Einhvernvegin hef ég nú ekki trú á sjálfstæðri fjöðrun og 44" dekkjum yfir höfuð. Meira að segja jafn massífur búnaður og á Hummernum fer allur í kleinu við almennileg dekk. Það er svo mikið af svona allskonar vogaröflum í gangi í þessu sjálfstæða fjöðrunardóti, öflum sem eru ekki til staðar í hásingabílum.
Hvað hrútshornið varðar, þá held ég að ástæðan fyrir því að þau brotnuðu sé hin sama og ástæðan fyrir brotum örmum á Patrolum. Við hækkunina breytist átaksstefnan á arminn og við það minnkar einfaldlega styrkurinn á öllu dótinu.
Á sama hátt og styrkur flatjárns er mis mikill eftir því hvernig á það er ýtt.Ég er á svona hrútshornabíl, og hornið hjá mér er óbrotið enn, eftir 170.000km á stórum dekkjum, enda bíllinn nánast óhækkaður á fjöðrum.
Þar fyrir utan drífur maður náttúrulega miklu betur á rörinu, ekki satt
Kveðja
R2018
Það er vor
ég er í sjöunda himni
Helgin fyrir stafni – búinn að fara í ríkið.
Veðrið er æði,sólin skín,
hvergi ský á himni.
Búinn að panta súpu og brauð
og búinn að borga allar mínar skuldir.
svo sem engin ósköp sem ég á af skuldunautum.
Er á leið í ofsa veislu,
ætla að láta öllum illum látum,
því þetta er lífið,
náttúran og dýrðin
að eilífu
gaman
(höf. óþekktur)
Í ofangreindu samtali við Árna kom fram að Landmælingar og einhver annar aðili væru að vinna að því að skrásetja alla slóða á landinu og síðan ætti að fara í gang vinna með sveitarstjórnum landsins að ákveða hvaða slóðar eiga að vera að vera opnir og hverjir lokaðir.
Ég er skíthræddur um hvað kann að koma út úr svoleiðis vinnu. Þá er mér líka spurn hverjar lagaheimildir þessara aðila eru til að ákveða þetta.
Hvergi var minnst á F4x4 í þessu sambandi. Hér þurfum við að ná að pota fingrum okkar inn, og vinna með þessum aðilum. Klúbburinn var stofnaður á sínum tíma til að við fengum bílana okkar löggilta, og nú er komið að næsta álíka mikilvæga máli, að fá að ferðast um landið okkar, sem virðist alltaf vera að lokast meira og meira.
Rúnar Sigurjónsson
R2018
You asked for it….:)
40 tomman nánast hvarf eftir að 38 tommu radialinn kom. Ástæða? Veit svo sem ekki, en ég giska á eftirfarandi:
Að breyta fyrir 40 tommuna er svipað og að breyta fyrir 44 tommu.
Dekkin eru diagonal og diagonal dekk einfaldlega drífa minna í flestum aðstæðum en sambærileg radial dekk. Það kemur meira að segja fyrir (þó sumir viðurkenni það aldrei) að 38 tommarar drífa meira en 44 tommarar….Hvað stóra swamperinn varðar þá er það alvöru dekk. Hann er stór og massaður, og bælist því illa, og gróft gripmikið munstrið veldur meiri mótstöðu við akstur en fínmunstraðri dekk.
Ef þú ert á stórum, þungum, aflmiklum, og hægfæra bíl þá eru þetta dekk fyrir þig, annars er betra að vera á fínmunstraðri dekkjum. Vinsældir 44" DC dekksins eru vegna þess að það bælist vel, hefur tiltölulega litla mótstöðu úrhleypt, og grípur nægjanlega við flestar aðstæður. Það er allavega mín skoðun.
Kveðja
Einn á ónýtum 38" svömpum.
Ef þú ert með 3" (8cm) hækkun á body, þá á það alveg að duga fyrir 38". Frekari hækkun gefur ekkert meira pláss að ráði.
Heimsóttu bara einhverja af þessum breytingarverkstæðum og fáðu tilboð hjá þeim í frekari úrklippingu.
Ef fremstu bodyfestingarnar á grindinni hafa ekki verið hækkaðar á grindinni þá þarf að gera það einnig (annars narta dekkin í þær).
Það borgar sig ekki að skrúfa klafana mikið upp. Veldur leiðinlegri fjaðrahreyfingum og fer illa með öxulhostur og dót.
Þá borgar sig að styrkja framhjólabúnaðinn eitthvað (styrktarbita milli turnanna) og stýrisbúnaðinn einnig.Kveðja
Rúnar (einn með frekar svöng framdekk, ekkert vandamál).
Þú getur látið styrkja rörið, láta sjóða utaná það, aða undir, flatjárn eða prófíla, svipað þeir gera í torfærunni. Þetta er töluvert algengt á framhásingum, sérstaklega á stóru Krúsunum og Pjattrollunum.
Þá er gott að tryggja að samsláttarpúðarnir séu næjanlega mjúkir og langir (til að minnka höggin sem geta komið í hásinguna).
Þessar stangir (eða ostaskerar) sem menn voru með hér á árum áður geta einnig gert gagn ef vel er frá þeim gengið (festingarnar soðnar á rörið). Almennt held ég þó að þau hafi aðalega flokkast undir skraut og óþarfa þyngd, þar eð festingunum var ábótavant.
Kveðja
Rúnar
35 tomman er hönnuð fyrir 8-10 tommu breiðar felgur og líður best á þeim.
Á breiðari felgum ferðu að misslíta dekkjunum, eykur jafnvel einnig veghljóðið (dekkið hættir að stíga jafnt niður). Þá áttu líklega eftir að beygja felgubrúnirnar um leið og þú tríttlar inn á lítilega grýttan fjallaslóða (felgurnar rekast í mikið frekar utaní steina, ef þær eru breiðar). Þá treðst einnig miklu frekar snjór og drulla upp á milli felgu og dekks.
Það eru nánast engar líkur á að bíllinn verði neitt rásfastari, eiginlega jafn miklar líkur á að hann missi rásfestu. Ef bíllinn er órásfastur þá er skýringin einhver önnur en felgurnar. Dekkin geta verið orðin mjög léleg, of lítið loft í þeim, eða þá að breytingin á bílnum sé ábótavant.
Kveðja
R2018
Ég mæli með 5.29, styrksins vegna. Er sjálfur með 5.71, og kann reyndar mjög vel við þau, en þau endast ekkert rosalega.
Held reyndar að endingin á þeim sé mismunandi eftir framleiðendum. Var skipað af Árna Páli (hjá Bifreiðaverkstæði Árna H Árnasonar, Eldshöfða 15), að kaupa hlutföllin hjá Benna (Precision gears). Sagði maðurinn að þau hefðu komið einna best út, og verður að viðurkennast að þau líta virkilega vel út, eru plönuð saman og koma með uppsetningarfjarlægðunum skrifuðum á (virkilega gæðalegt, sérstaklega fyrir svona jólasvein eins og mig
Mæli líka með Árna til að stilla þetta saman. Er virkilega vandvirkur.Kveðja
R2018
Var á tækjamóti Björgunarsveitanna um síðustu helgi. (kringum Hveravelli og Áfangafell).
Og það eru engar ýkjur segja það að bæði snjókornin á hálendinu fóru eiginlega á bólakaf þarna á sunnudaginn, byrjaðir reyndar strax á laugardaginn að blotna í þessu.Þá reyndi félagi Hlynur Snæland að komast inn í Laugar í gær en ákvað frá að hverfa vegna vanbúnaðar (var ekki með kút og kork, og svo passaði utanborðsmótorinn ekki)
Þannig að það má búast við blautum páskum þetta árið.
Kveðja
R2018
Vaknaði við hina undufögru rödd formanns okkar í morgun..:)
Verð að segja að þetta var verulega málefnaleg umræða, og var ég sérstaklega ánægður með hlutlausa afstöðu formanns rannskóknarnefdar umferðaslysa. Einhverja hluta vegna bjóst ég síður við því, en verð víst að éta það ofaní mig aftur.
Þar var einfaldlega sagt að vegna smægðar okkar væru tölur þeirra einfaldlega varla marktækar.
Ekki hefur farið fram nein sérstök skoðun á hlutfalli BREYTTRA jeppa í slysum.
Samkvæmt verulega ófaglegri talningu formanns nefndarinnar í nýlegum bíltúr út á land, voru ca 40% af ökutækjunum á vegunum jeppar!
Von er á skýrslu um mitt ár, á úttekt á árekstrum (væntanlega fyrir síðasta ár). Formaður rannskóknarnefdarinnar taldi hana verða mun marktækari en skýrslu um banaslys ársins.
Þá kom fram mikill vilji hjá nefndinni að skoða þessi mál í fullu samstarfi við klúbbinn, á faglegum grunni.
BÞV kom líka mjög vel og málefnalega fyrir (þó hann sé ennþá að rugla saman hliðarhallaþoli og stöðugleika…:)
Kveðja
R2018
Lennti í svipuðu á Land krús, upp á miðjum Vatnajökli fyrir 2 árum. Bíllinn í dágóðum átökum þegar ljósið kom.
Hringdi í bæinn og fékk þá skýringu að þetta væri líklega mengunarvarnarskynjari sem finndist bílinn vera að menga eitthvað óeðlilega.
Stendur hvergi í neinum bókum með bílnum þetta sé einnig hlutverk ljósins.Hvað sem öðru líður þá færðu bestu upplýsingarnar um þetta í kópavoginum.
R2018.
Ég hafði næstum því rétt fyrir mér. Sjá
http://www.mountainguide.is/myndir/kort … tna750.jpgKveðja
Rúnar
Þessi Vatnajökulsþjóðgarður er nú náttúrulega eiginlega bara fyndinn. Hvað á eiginlega að vernda þarna? Má maður kannski ekki lengur pissa í snjóinn?
Hann hefur hinsvegar skemmtileg áhrif á setningu eins og X prósent af hálendi landsins eru þjóðgarðar (restin reyndar uppistöðulón, en hverjum er ekki sama um það)…!Hvað sem öðru líður, þá minnir mig að á einhverjum kortum frá landmælingum íslands sé Skaftfellsþjóðgarður teiknaður norður fyrir Grímsvötn. Þá er einnig Öræfajökull, með Þumli og Hvannadalshnjúk innan garðsins.
Er þá staðan orðin sú að maður þarf skriflegt leyfi frá þjóðgarðsvörðinum í Skaftafelli til að fara í gufu á Grímsfjall?
Kveðja
R2018
Góð röksemdafærslan hjá þér Hlynur…:)
En hvað með það, þá er verulega ólíklegt að þetta sé hægt. Ekki er hægt að skipta út drifköglinum í heild sinni, sbr póst minn að ofan.
Að skipta hinsvegar út bara innvolsinu er einnig mjög ólíklegt, þó svo að ég þekki það ekki. Ef þessi lás er eins uppbyggður og afturlásinn í stóra Krúsernum (sem ég held að hann sé), þá er það heldur ekki hægt.
Það krefst allt annarra hliðarlega og lengri rílur á öðrum öxlinum.Þeir sem eru að stilla inn hlutföll í þessa bíla ættu að geta sagt við þig NEI með góðri samvisku og með góðum rökum.
Rúnar.
Almennt sagt Nei.
Framdrifið er af sömu stærð, en er með ofanáliggjandi pinnjón, og millibilstöngina þar fyrir neðan. Sem þýðir að millibilsstöngin þyrfti að ganga í gegnum pinnjónin á afturdrifinu (væri svo sem sennilega hægt að smíða nýja millibilsstöng með fullt af flottum beygjum)
Þá þyrfti einhverjar major breytingar á hásingarhúsinu, þar sem læsingarmembran gengur út úr því, og mundi hún þar fyrir utan líklega rekast í bæði togstöngina og hliðarstífuna.
En, það er svo sem allt hægt, bara misjafnlega erfitt (og dýrt)…:)
Kveðja
R2018
